མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སྐྱིད་ཆུའི་འགྲམ་དུ་སྐུ་སྲོག་ཤོར་བའི་དཔའ་བོ་ཞིག

བོད་ཀྱི་དུས་བབ།
༢༠༡༩/༠༣/༢༥
Share on FacebookShare on TwitterShare on EmailShare on Whatsapp

དེ་རིང་གིས་མི་ལོ་དྲུག་ཅུ།   ལྷ་ས་སྐྱིད་ཆུའི་ཉེ་འགྲམ་དུ་བོད་རྒྱལ་ཁབ་ཆེད་དུ་སྐུ་སྲོག་ཤོར་བའི་དཔའ་བོ་ཞིག

ཚ་རོང་དཔལ་འབྱོར་གྱིས་དབྱིན་ཡིག་ཏུ་བྲིས།

བྲག་འཇུན་བུས་བོད་ཡིག་ཏུ་བསྒྱུར།

སྐེ་དཀྲིས་དང་ཕྱི་གོས་གྱོན་པའི་མི་སྣའི་འདྲ་པར་དེ་སུ་རེད་དམ། པར་དེ་བཞིན་པ་ལགས་ཁྱེད་རང་གི་ཡི་གེ་ཛར་རེ་ཛར་རེའི་ནང་དུ་རྒྱུན་རིང་པོར་ལུས་འདུག ཅེས་ངོས་ཀྱི་བུ་མོས་སྐད་ཆ་འདྲི་བཞིན་འདུགངས་ཡི་གེ་ཛར་རེ་ཛོར་རེ་ལའང་གོ་རིམ་ཞིག་ཡོད་ཅེས་པར་དེའི་ལོ་རྒྱུས་བུ་མོར་བཤད་རྒྱུ་བྱུང་།

  ཁོང་གི་མཚན་ལ་ངག་དབང་སེངྒེ་འམ་བློ་བཟང་ཡེ་ཤེས་ཀྱང་ཞུ།     སྔ་མོའི་གཞུང་ཞབས་དགུང་ལོ་གཞོན་གཞོན་ཞིག་དང་།    སྟག་བྲག་བླ་བྲང་གི་ཛ་སག་ཕྱག་མཛོད་ཆེན་མོ་དང་ཐུགས་ཉེ་པོ་ཡོད།   ཕྱི་ལོ་ ༡༩༥༢ ལོར་བློ་བཟང་ཡེ་ཤེས་ལགས་རྒྱ་ནག་མི་རིགས་སློབ་གྲྭ་ཆེན་མོར་ཕེབས།    རྒྱ་ནག་ཏུ་བཞུགས་རིང་བོད་རང་དབང་གི་ཆེད་དུ་སེམས་ཤུགས་ཆེན་པོ་ཞིག་བསྐྱེད།    བློ་བཟང་ཡེ་ཤེས་ལགས་ཕ་ལྷ་མགྲོན་གཉེར་ཆེན་མོ་ཐུབ་བསྟན་འོད་ལྡན་མཆོག་དང་དམིགས་བསལ་འབྲེལ་བ་ཡག་པོ་ཡོད་སྟབས་ནང་མའི་ལམ་སྟོན་བཞིན།    ཕྱི་ལོ་ ༡༩༥༦ ལོར་ཀ་སྦུག་ཏུ་གཅེན་མཁན་རྩིས་གསུམ་གྱི་རང་བཙན་ལས་འགུལ་ཚོགས་པ་དེའི་ནང་དུ་འཛུལ་ཞུགས་བྱ་དགོས་སྙམ་ནས་ཀ་སྦུག་ཏུ་ཕེབས།     ཡིན་ནའང་། སྐབས་དེའི་གཅེན་མཁན་རྩིས་གསུམ་གྱིས་ཁོང་རྒྱ་ནག་ཏུ་སློབ་སྦྱོང་ལ་ཕེབས་མྱོང་ཡོད་པའི་རྐྱེན་གྱིས་གནས་ཚུལ་ཇི་བཞིན་མ་རྟོགས་པར་བློ་གདེང་མི་འཁེལ་བའི་ཐུགས་དོགས་བྱུང་།    དེར་བརྟེན་བློ་བཟང་ཡེ་ཤེས་ལགས་ཀྱི་བསམ་དོན་ཇི་བཞིན་མ་འགྲུབ་པར་ལྷ་སར་ཕྱིར་ལོག་དགོས་བྱུང་། 

ཕྱི་ལོ་ ༡༩༥༧ ལོའི་ལོ་མཇུག་ཏུ་བློ་བཟང་ཡེ་ཤེས་ལགས་ལྷོ་ཁའི་ལྕགས་ཚ་གྲི་གུ་ཐང་དུ་ཡོད་པའི་བསྟན་སྲུང་དྭང་བླངས་དམག་སྒར་གྱི་འཇབ་དམག་ནང་དུ་འཛུལ་ཞུགས་གནང་། ཁོང་གིས་གྲི་གུ་ཐང་ནས་ལྷ་ས་བར་དུ་ཕ་ལྷ་མགྲོན་གཉེར་ཆེན་མོ་དང་མཉམ་དུ་གསང་བའི་ངང་ཕྱག་ལས་གནང་བཞིན་ཡོད།    ཕྱི་ལོ་ ༡༩༥༩ ཕྱི་ཟླ་ ༣ པའི་ནང་དུ་ལྷོ་ཁ་ནས་བསྐྱར་དུ་ལྷ་ས་ལ་ཕེབས་ཏེ།    བོད་གཞུང་གི་གོ་མཛོད་ནང་ནས་གོ་ལག་དུ་མ་ཞིག་བཏོན་ནས་ལྷ་སའི་སྐྱིད་ཆུ་བརྒྱུད་དེ་ཕྱི་ཟླ་ ༣ ཚེས་ ༢༠ ཉིན་ལྷ་སར་རྒྱ་མིའི་མེ་སྒྱོགས་མ་བརྒྱབ་གོང་དུ་གྲི་གུ་ཐང་གི་བསྟན་སྲུང་དྭང་བླངས་དམག་སྒར་དུ་བདེ་བླག་ངང་ཐེངས་གཅིག་དབོར་འདྲེན་ཐུབ་པ་བྱུང་ཡོད།   དེ་ནས་རྒྱ་མིའི་མེ་སྒྱོགས་བར་མཚམས་མེད་པར་འཕངས་སྟབས་བོད་པའི་ངོས་ནས་གླགས་མ་རྙེད་པ་ཧ་གོ་བ་དང་།   བློ་བཟང་ཡེ་ཤེས་ལགས་ཀྱིས་ལྷོ་ཁའི་བསྟན་སྲུང་དྭང་བླངས་དམག་སྒར་གྱི་ཆེད་དུ་གོ་ལག་ཐེངས་གཉིས་པ་བསྣམ་རྩིས་གནང་ཡང་ཇི་བཞིན་མ་ཐུབ་པར་སྐྱིད་ཆུའི་ཕར་ཁ་ར་མ་སྒང་དུ་རྒྱ་མིའི་གོ་མཚོན་འོག་ཏུ་བྱས་ཅན་གྱི་དཔའ་བོ་ཁོང་སྐུ་གཤེགས།    ཡིན་ནའང་ཁོང་གི་ཕྱག་རོགས་ཚོས་གོ་ལག་རྣམས་ལྷོ་ཁར་འཁྱེར་ཐུབ་པ་བྱུང་ཡོད།

པར་དེ་བཞིན་ངོས་ཀྱི་སྒྲོག་ཙེའི་སྒང་དུ་ཡུན་རིང་པོ་ལྷག་པའི་རྒྱུ་མཚན་ཇི་ཡིན་གཞི་ནས་ཚོར་ཐུབ་པ་བྱུང་། “བསྟན་འཛིན་དབྱངས་ཅན་ལགས། ཁྱེད་རང་གིས་པར་མཐོང་བ་དང་ང་ལ་སྐད་ཆ་དྲིས་པར་ཐུགས་རྗེ་ཆེ།” པར་དེ་ཕར་གཞི་ནས་ཡག་པོ་བྱས་ཏེ་བཅུག་ཆོག་པ་ཡོད་ཅེས་བཤད་པ་ཡིན།

གཞན་ཞིག་ཞུ་རྒྱུར།   བློ་བཟང་ཡེ་ཤེས་ལགས་ཀྱི་སྐོར་ལ་ག་དུས་ཡིན་ནའང་བསམ་བློ་གཏོང་སྐབས།    རྩེ་ཕྱག་རྒྱལ་མཚན་ལགས་དང་བསྟན་པ་ཇོ་དགའ་ལགས་ནས་རྒྱལ་སྤྱིའི་ཐོག་ཏུ་ཕྱག་ལས་རླབས་ཆེན་པོ་གནང་བ་དེ་རྒྱུན་དུ་དྲན་བཞིན་འདུག ཁོང་གཉིས་སྔ་མོའི་བོད་གཞུང་གི་གཞུང་ཞབས་དང་ཕ་ལྷ་མགྲོན་གཉེར་ཆེན་མོའི་རང་བཙན་གྱི་གསང་བའི་སྒྲིག་འཛུགས་ཀྱི་ཕྱག་ལས་ཁོངས་སུའང་ཁོང་གཉིས་བཞུགས་ཡོད།     ཕྱི་ཟླ་ ༣ ཚེས་ ༢༠ ཉིན་ལ་རྒྱ་མིའི་མེར་སྒྱོགས་བརྒྱབས་སྟེ་དྲག་གནོན་ཚད་མེད་འོག་མཐའ་མ་འཛིན་བཟུང་བྱ་རྒྱུ་ལས་ཐར་ཐབས་བྲལ།    དེའི་སྐབས་སུ་རྩེ་ཕྱག་རྒྱལ་མཚན་ལགས་དང་བསྟན་པ་ཇོ་དགའ་ལགས་ནོར་བུ་གླིང་ཁའི་མགོན་ཁང་དུ་ཕེབས་ཏེ་སྨོན་ལམ་བསྐྱོན། ཁོང་གཉིས་པོས་རྒྱ་མི་ལ་རྩིས་སྤྲོད་བྱ་རྒྱུ་མིན་པའི་མནའ་སྐྱེལ་དམ་བཅའ་དང་གཉིས་ཀས་ཁ་ནང་དུ་བྱིན་རྟེན་བླུག་ནས་མི་སོ་སོར་ཡོད་པའི་མེ་མདའ་ཐུང་མདའ་ཡར་བཏོན་ནས་གྲངས་ཀ་གཅིག་གཉིས་གསུམ་ཞེས་འབོད་དེ། གཅིག་གིས་གཅིག་ལ་མེ་མདའ་བརྒྱབས། རྒྱ་མིས་ནོར་བུ་གླིང་ཁ་ལ་མེ་སྒྱོགས་ཤུགས་ཆེན་བརྒྱབས་སྟབས་སྦྱར་ཡིག་དང་ལྷ་སའི་ཁང་པ་ཞིག་གི་ནང་དུ་ཡོད་པའི་གསང་བའི་ཡི་གེ་དེ་དག་བླངས་མ་ཐུབ་པར་ལུས།    ཡིན་ནའང་སྔ་ཕྱི་མ་གཏོགས་རྒྱ་མིས་དེ་ཧ་གོ་ངེས་ཡིན།    ཡི་གེ་དེ་མ་གཏོགས་གཞན་པ་རྒྱ་མི་ལ་གང་ཡང་ཐོབ་རྒྱུ་མེད།     མི་སྣ་གཉིས་པོས་གཅིག་གིས་གཅིག་ལ་མནའ་སྐྱེལ་དམ་བཅའ་བཞག་སྟེ་བསད་སྟབས་བོད་རང་བཙན་གྱི་གསང་བའི་སྒྲིག་འཛུགས་སྐོར་སོགས་སུ་གཅིག་གིས་ཀྱང་ཧ་མ་གོ་བར་གྱུར།   

          ལོ་རྒྱུས་ཀྱི་དཔའ་བོ་མི་གསུམ་པོ་དེ་དག་དེ་རིང་གིས་མི་ལོ་དྲུག་ཅུ་ཐམ་པ་ཏག་ཏག་ཕྱིན། ང་ཚོས་བློ་བཟང་ཡེ་ཤེས་ལགས་དང་། རྩེ་ཕྱག་རྒྱལ་མཚན་ལགས། བསྟན་པ་ཇོ་དགའ་ལགས་སུ་དྲན་གསོ་བྱས་ན་ཡག་པོ་ཡིན་ལ། ཁོང་ཚོའི་ནང་མི་ལ་ཁོང་ཚོ་གསུམ་པོ་ནི་བོད་རྒྱལ་ཁབ་ཀྱི་རླབས་ཆེན་དཔའ་བོ་ཞིག་ཏུ་བརྩི་སྲུང་ཞུ་བཞིན་ཡོད་ཅེས་ཞུ་རྒྱུ་ཡིན།

འབྲེལ་ཡོད་གསར་འགྱུར།

Mobile App

ཡུ་རོབ་གྲོས་ཚོགས་འཐུས་མིའི་སྐུ་ཚབ་ཚོགས་ཆུང་ཞིག་གིས་༸གོང་ས་མཆོག་ལ་མཇལ་བཅར་ཞུས།

ཆུ་ཚོད་ ༨ སྔོན་ལ།
Mobile App

བོད་དུ་ལོ་ངོ་བཞི་བཅུ་ལྷག་རིང་ལས་ཀ་བྱེད་མཁན་རྒྱ་དཔོན་ཞིག་འཛིན་རྒྱུའི་ཐག་བཅད།

ཆུ་ཚོད་ ༩ སྔོན་ལ།
ཆིག་སྒྲིལ་མེ་ལྕེའི་སྐོར་སྐྱོད་ལས་འགུལ་མགོ་བཙུགས་བྱས།  བོད་ཀྱི་དུས་བབ་གསར་ཁང་གི་པར། ༢༠༢༦།༡༡།༡༨
Mobile App

ཆིག་སྒྲིལ་མེ་ལྕེའི་སྐོར་བསྐྱོད་ལས་འགུལ་དབུ་འཛུགས་བྱས། 

ཆུ་ཚོད་ ༩ སྔོན་ལ།
HEARING ON THE SITUATION OF HUMAN RIGHTS IN TIBET
Mobile App

རྒྱ་ནག་གིས་བོད་སྐད་བཤད་མཁན་གྱི་བྱིས་པར་འཕྱ་དམོད་བྱེད་དགོས་པའི་ཁོར་ཡུག་བསྐྲུན་འདུག

༢༠༢༦/༡༡/༡༧
པར་བཅོས་མས་རིག་ནུས་ཀྱིས་བཟོས།
Mobile App

རྒྱ་ནག་གི་རྒྱལ་མཚམས་བརྒལ་བའི་དྲག་གནོན་གྱི་ལག་པ་ཇེ་རིང་དུ་འགྲོ་བཞིན་འདུག

༢༠༢༦/༡༡/༡༧
ཨུ་རུ་སུའི་དམག་དོན་གནམ་གྲུ་ཐེངས་དང་པོར་ཐའེ་ཝན་གྱི་མཁའ་སྲུང་ངོས་འཛིན་ས་ཁུལ་དུ་འཕུར་སྐྱོད་བྱས་འདུག
Mobile App

ཨུ་རུ་སུའི་དམག་དོན་གནམ་གྲུ་ཐེངས་དང་པོར་ཐའེ་ཝན་གྱི་མཁའ་སྲུང་ངོས་འཛིན་ས་ཁུལ་དུ་འཕུར་སྐྱོད་བྱས་འདུག

༢༠༢༦/༡༡/༡༧

མཆན། 1

  1. རྡོ་རྗེ་ཚེ་རིང་། says:
    ལོ་ 8 སྔོན།

    བྱས་པ་ཅན་གྱི་མེས་པོ་རྣམ་པ་དང་རྒན་རབས། དེ་བཞིན་བོད་རྒྱལ་ཁབ་ཀྱི་བསྟན་སྲིད་དང་མི་རིགས། རིག་གནས། གོམས་སྲོལ་སོགས་ཀྱི་ཆེད་དུ་རང་སྲོག་བློས་བཏང་བའི་དཔའ་བོ་རྣམ་པ་ཚོ། ཁྱེད་རྣམས་ང་ཚོ་མི་རབས་རྗེས་མ་ཚོའི་སེམས་ངོགས་ཀྱི་མེ་ལོང་དུ་ནམ་ཡང་གསོན་པོར་བཞེངས་ཡོད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese