མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཆོས་དབྱིངས་སྐྱིད་ཀྱིས་བསྐྱར་དུ་ཨང་དང་པོ་བླངས།

བོད་ཀྱི་དུས་བབ།
༢༠༡༩/༠༥/༡༣
Share on FacebookShare on TwitterShare on EmailShare on Whatsapp

བོད་རིགས་ཨོ་རྩལ་བ་ཆོས་དབྱིངས་སྐྱིད་ཀྱིས་རྒྱལ་སྤྱིའི་མཆོང་རྒྱུག་འཕེན་གསུམ་ལུས་རྩལ་འགྲན་ཚོགས་སྟེང་བུད་མེད་ཀྱི་སྤྱི་ལེ་ ༢༠ འདུར་རྒྱུག་ཁྲོད་ཨང་དང་པོ་བླངས་འདུག

དེ་རིང་མཚོ་སྔོན་ཞིང་ཆེན་ལུས་རྩལ་ཚོགས་པ་ཟེར་བའི་དྲ་རྒྱའི་སྟེང་སྤེལ་བའི་གནས་ཚུལ་ལྟར་ན། ཟླ་འདིའི་ཕྱི་ཚེས་ ༡༡ ཉིན་རྒྱལ་སྤྱིའི་མཆོང་རྒྱུག་འཕེན་གསུམ་མནའ་མཐུན་ལྷན་ཚོགས་ཀྱི་གོ་སྒྲིག་འོག ཕྱི་ལོ་ ༢༠༡༩ ལོའི་འཛམ་གླིང་གི་ལུས་རྩལ་འགྲན་བསྡུར་རྒྱ་ནག་ཅང་སུའུ་ཞིང་ཆེན་དུ་ཚོགས་པ་ཡོད་པ་དང་། བོད་རིགས་བུད་མེད་ཨོ་རྩལ་བ་ཆོས་དབྱངས་སྐྱིད་ལགས་ཀྱིས་བུད་མེད་ཀྱི་སྤྱི་ལེ་ ༢༠ འདུར་རྒྱུག་ཁྲོད། ཆུ་ཚོད་ ༡ དང་སྐར་མ ༢༨ ནང་ཨང་དང་པོ་དང་། གཞན་མཚོ་སྔོན་ཞིང་ཆེན་ལུས་རྩལ་རུ་ཆེན་དང་པོའི་ལུས་རྩལ་པ་ཀླུ་མོ་མཚོས་ཆུ་ཚོད་ ༡ དང་སྐར་མ་ ༣༠ སྐར་ཆ་ ༥༣ ནང་ཨང་ལྔ་པ་བཅས་བླངས་ཡོད་འདུག

དེ་འབྲེལ་གྱི་གསར་འགྱུར་ནང་ཐེངས་འདིའི་འགྲན་བསྡུར་ཁྲོད་ཉི་ཧོང་དང་ཨོ་སི་ཊོ་ལི་ཡ། བྷར་ཛིལ། ཡོ་རོབ་སོགས་རྒྱལ་ཁབ་དང་ས་ཁུལ་ ༡༣ ནས་ལུས་རྩལ་བ་ཁྱོན་ ༢༤༥ མཉམ་ཞུགས་བྱས་ཡོད་པ་དང་། བུད་མེད་ཀྱི་འདུར་རྒྱུག་ཁྲོད་ཕྱི་ལོ་ ༢༠༡༢ ལོའི་ལོན་ཊོན་ཨོ་རྩལ་འགྲན་ཚོགས་སྐབས་ཨང་དང་པོ་ལེན་མཁན་རྒྱ་རིགས་བུ་མོ་ཁྲིན་ཏིན་དང་། ཕྱི་ལོ་ ༢༠༡༨ ལོའི་རྒྱལ་སྤྱིའི་རྒྱང་རྒྱུག་འགྲན་བསྡུར་གྱི་སྤྱི་ལེ་ ༥༠ ཨང་དང་པོ་ལེན་མཁན་བུད་མེད་ལེན་རོའོ་སོགས་མཉམ་ཞུགས་བྱས་ཡོད་པ་ལས། བོད་རིགས་ཨོ་རྩལ་བ་ཆོས་དབྱིངས་སྐྱིད་དེ་དག་ལས་ཡོངས་སུ་རྒྱལ་ཏེ་ཨང་དང་པོ་བླངས་ཡོད་སྐོར་བརྗོད་འདུག

གཞན་ཡང་ད་ལོའི་ཕྱི་ཟླ་ ༤ ཚེས་ ༦ ཉིན་རྒྱལ་སྤྱིའི་ལུས་རྩལ་མཉམ་འབྲེལ་མཐུན་ཚོགས་(International Association of Athletics Federation) གྱི་གོ་སྒྲིག་འོག ཡུ་རོབ་ཀྱི་པོར་ཇུ་གྷལ་རྒྱལ་ཁབ་ཀྱི་རིའོ་མེ་ཝོར་གྲོང་ཁྱེར་དུ་བསྡུས་པའི་ ༢༠༡༩ ལོའི་རྒྱལ་སྤྱིའི་མཆོང་རྒྱུག་འཕེན་གསུམ་གྱི་འགྲན་སྡུར་སྐབས་ ༡༧ པའི་སྟེང་། བོད་རིགས་ཨོ་རྩལ་པ་ཆོས་དབྱིངས་སྐྱིད་ལགས་ཀྱིས་བུད་མེད་ཀྱི་སྤྱི་ལེ་ཉི་ཤུའི་འདུར་རྒྱུགས་འགྲན་སྡུར་ཁྲོད་ནས་ཨང་དང་པོའི་གསེར་གྱི་རྟགས་མ་བླངས་ཡོད་པ་དང་། སྐབས་དེར་ཁོ་མོས་འདུར་རྒྱུགས་དེ་ཆུ་ཚོད་ ༡ སྐར་མ་ ༢༩ སྐར་ཆ་ ༠༠ ཡིན་པ་མ་ཟད། ཐོག་མའི་སྤྱི་ལེ་དང་པོ་རང་ནས་རྩེར་སོན་གྱིས་རྒྱལ་ཁའི་མཐའ་ལ་མ་ཐུག་བར་དུ་འདུར་རྒྱུགས་ཀྱི་སྣེ་ཁྲིད་དེ་ཨང་དང་པོ་བླངས་ཡོད་པ་རེད།

ཆོས་དབྱིངས་སྐྱིད་ལགས་ཀྱིས་ཐོག་མར་ཕྱི་ལོ་ ༢༠༡༢ ལོར་ལོན་ཊོན་དུ་བསྡུས་པའི་རྒྱལ་སྤྱིའི་བུད་མེད་ཀྱི་འདུར་རྒྱུགས་འགྲན་བསྡུར་ཁྲོད་ཨང་གཉིས་བླངས་ཡོད་པ་དང་། དེའི་རྗེས་བསྟུད་མར་རྒྱ་ནག་ནང་ལོགས་དང་རྒྱལ་སྤྱིའི་རྩེད་འགྲན་ཁག་མང་པོའི་ནང་ཞུགས་ཏེ་རྒྱལ་ཁ་བླངས་ཡོད་པ་དང་། ཕྱི་ལོ་ ༢༠༡༦ དང་ ༢༠༡༨ ལོར་རྒྱལ་སྤྱིའི་ལུས་རྩལ་མཉམ་འབྲེལ་མཐུན་ཚོགས་ཀྱི་རྒྱལ་སྤྱིའི་བུད་མེད་ཀྱི་འདུར་རྒྱུགས་འགྲན་སྡུར་ཁྲོད་ཨང་རིམ་དང་པོ་བླངས་ཡོད་པ་དང་། འདི་ལོའི་ཕྱི་ཟླ་ ༣ ཚེས་ ༢༠ ཉིན་རྒྱ་ནག་ཤར་རྒྱུད་ཨན་ཧྭེ་ཞིང་ཆེན་གྱི་ཧང་ཧྲན་གྲོང་ཁྱེར་ (Huangshan, Anhui) དུ་བསྡུས་པའི་རྒྱ་ནག་རྒྱལ་ཡོངས་རྩེད་འགྲན་ཁྲོད་ཨང་དང་པོ་བླངས་ཡོད་པ་མ་ཟད། ཕྱི་ལོ་ ༢༠༡༩ ལོ་ནས་འཛམ་གླིང་གི་བུད་མེད་འདུར་རྒྱུགས་མྱུར་ཚད་མཐོ་ཤོས་ཀྱི་ཟིན་ཐོ་གསར་པ་བསྐྲུན་ཡོད་པ་རེད།

ཉེ་བའི་ལོ་ཤས་ནས་བོད་རིགས་ཨོ་རྩལ་བ་ཆོས་དབྱིངས་སྐྱིད་དང་སྟོབས་རྒྱལ་སོགས་གཙོར་བྱས་རྒྱལ་སྤྱི་དང་རྒྱལ་ནང་རང་བཞིན་གྱི་ལུས་རྩལ་བ་མང་པོ་ཞིག་བྱུང་ཡོད་པ་དང་། ཁོ་ཚོས་གཟེངས་སུ་ཐོན་པའི་གྲུབ་འབྲས་ཀྱིས་བོད་ཁུལ་གྱི་ན་གཞོན་མང་པོར་ལུས་རྩལ་ཐད་རྨི་ལམ་གསར་པ་ཞིག་བསྐྲུན་ཡོད་པ་ལྟར། ད་ལྟའི་ཆར་རྒྱལ་སྤྱིའི་ལུས་རྩལ་གྱི་གར་སྟེགས་ཆེ་ཤོས་ཁག་ན་མཆོང་རྒྱུག་འཕེན་གསུམ་དང་། ཁུ་ཚུར་འགྲན་བསྡུར་སོགས་ལུས་རྩལ་གྱི་རྣམ་གྲངས་མང་པོ་ཞིག་གི་ནང་བོད་རིགས་གཞོན་སྐྱེས་གང་མང་ཡོང་བཞིན་ཡོད་པ་རེད།

གསར་འགོད་པ། སངས་རྒྱས་དཀོན་མཆོག

འབྲེལ་ཡོད་གསར་འགྱུར།

སྤྱི་ཚོགས་དྲ་གནས་ཁག་ཅིག
Mobile App

བལ་ཡུལ་གཞུང་གིས་ངོ་དེབ་དང་ཡུ་ཊུབ་ཚུད་པའི་སྤྱི་ཚོགས་དྲ་གནས་ ༢༦ བཀག་སྡོམ་བྱས།

༢༠༢༥/༠༩/༠༥
གསར་འགྱུར།

རྒྱ་ནག་དམར་གཞུང་གིས་སྤྲུལ་སྐུ་དཔལ་ལྡན་དབང་རྒྱལ་ལགས་བཙོན་ཁང་དུ་སྐུ་བཀྲོངས་ཡོད་འདུག

༢༠༢༥/༠༩/༠༤
ལྡི་ལི་བསམ་ཡས་གླིང་སོགས་སུ་ཆར་ཆུའི་དཀའ་ངལ་ཆེན་པོ་འཕྲད་བཞིན་ཡོད་འདུག  ༢༠༢༥།༠༩།༤ པར་འབྲེལ་ཡོད་ཀྱིས་མཁོ་སྤྲོད་གནང་།
Mobile App

ལྡི་ལི་བསམ་ཡས་གླིང་སོགས་སུ་ཆར་ཆུའི་དཀའ་ངལ་ཆེན་པོ་འཕྲད་བཞིན་ཡོད་འདུག

༢༠༢༥/༠༩/༠༤
Front Slider

ཉིན་ལྔའི་རིང་གི་བོད་དང་ཧི་མ་ལ་ཡའི་འབྲེལ་ལམ་སྐོར་གྱི་ཚོགས་ཆེན་འཚོག་བཞིན་འདུག

༢༠༢༥/༠༩/༠༣
Mobile App

བོད་དང་ཧི་མ་ལ་ཡའི་འབྲེལ་ལམ་སྐོར་གྱི་ཚོགས་ཆེན་དབུ་འཛུགས་གནང་སོང་། 

༢༠༢༥/༠༩/༠༣
Mobile App

ཐའེ་ཝན་གྲོས་ཚོགས་འཐུས་མིའི་བོད་དོན་རྒྱབ་སྐྱོར་མཐུན་ཚོགས་གསར་འཛུགས་གནང་།

༢༠༢༥/༠༩/༠༣

མཆན། 2

  1. zhan mu shi says:
    ལོ་ 6 སྔོན།

    ཆོས་དབྱིངས་སྐྱིད་ནི་ང་ཚོའི་བོད་མི་རིགས་ཀྱི་དཔའ་མོ་ཞིག་དང་མི་རིགས་ཀྱི་གཟི་བརྗིད་ཅན་གྱི་བུད་མེད་ཤིག་ཏུ་མཐོང་།

    Reply
  2. kalsang dawa says:
    ལོ་ 6 སྔོན།

    ཆོས་དབྱིངས་སྐྱིད་ཡིན་ནམ་ཆོས་གཡང་སྐྱིད་ཡིན་གང་ལྟར་ཁྱོད་ནི་མི་རིགས་ཀྱི་དཔལ་མོ་ཡིན་པས་བྱ་བ་ལམ་འགྲོ་ཡོང་བ་དང་མི་ཚེ་བར་ཆད་མེད་པ་ཤོག

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese