མདང་དགོང་པེ་ཅིན་གཞུང་གི་དབང་བསྒྱུར་སྲིད་བྱུས་ཀྱི་སློབ་སྟོན་པར་ངོས་འཛིན་བྱེད་བཞིན་པའི་སྲིད་བློན་ཟུར་པ་ལི་ཕོང་ནད་གཞིའི་རྐྱེན་གྱིས་འདས་གྲོངས་སུ་ཕྱིན་ཡོད་འདུག
རང་ལོ་ ༩༠ ཡིན་པའི་ལི་ཕོང་ནི་རྒྱ་ནག་གི་མགོ་འཁྲིད་ཏུན་ཞའོ་ཕིན་སྐབས་ཀྱི་སྲིད་བློན་ཡིན་པ་དང་། ཕྱི་ལོ་ ༡༩༨༩ ལོའི་སློབ་མའི་ཡར་ལངས་སྐབས་སྡེབ་གསོད་ལ་སྐུལ་མ་གཏོང་མཁན་གཙོ་བོ་ཞིག་ཡིན་པ་མ་ཟད། དྲུག་བཞིའི་དོན་རྐྱེན་བྱུང་ནས་བདུན་ཕྲག་གཅིག་གི་རྗེས་རྒྱ་ནག་གཞུང་འབྲེལ་གྱི་གསར་ལམ་དུ། ལི་ཕོང་གིས་ཡར་ལངས་ཞི་འཇགས་སུ་གཏོང་བར་བཅིངས་གྲོལ་དམག་ལ་བཀོད་མངགས་བྱས་ཡོད་པའི་གནས་ཚུལ་ཐོན་རྗེས། ཕྱིའི་རྒྱལ་ཁབ་ཁག་ནས་ཁོང་ལ་པེ་ཅིན་གྱི་ཤན་པ་ཞེས་པའི་མིང་བཏགས་ཡོད་པ་ལྟར། དེ་རིང་རྒྱལ་སྤྱིའི་གསར་ལམ་བྷི་བྷི་སི་དང་རོའུ་ཊིར་སོགས་ཀྱི་གསར་འགྱུར་ཁ་བྱང་དུའང་པེ་ཅིན་གྱི་ཤན་པ་འདས་གྲོངས་སུ་ཕྱིན་ཞེས་བྲིས་འདུག
དམར་གསོད་བཀོད་མངགས་བྱས་པའི་གནས་ཚུལ་དེ་བསྒྲགས་སྐབས། རྒྱ་ནག་གཞུང་འབྲེལ་གསར་ལམ་ནས་དོན་རྐྱེན་དེའི་ཁྲོད་མི་གྲངས་ ༣༠༠ ཙམ་ལས་བསད་མེད་པ་དང་། དེ་དག་ལས་མང་ཆེ་བ་དམག་མི་ཡིན་པ་དང་སློབ་ཕྲུག་ ༢༣ ལས་བསད་མེད་སྐོར་བརྗོད་ཡོད་པ་དང་། ཕྱིས་སུ་རྒྱ་ནག་གཞུང་ཕྱོགས་ནས་ཏུན་ཞའོ་ཕིན་གྱི་ཤུགས་ཆེའི་རྒྱབ་སྐྱོར་འོག་ལི་ཕིང་གི་བཀོད་མངགས་ལྟར་རྒྱལ་ནང་གི་ཟིང་འཁྲུག་ཞི་འཇགས་སུ་བཏང་ཐུབ་ཡོད་པ་སོགས་ཀྱི་བསྟོད་བསྔགས་བྱས་ཡོད་འདུག
ལི་ཕོང་ནི་བོད་ཀྱི་དབང་བསྒྱུར་གནད་དོན་ཐད་མཁྲེགས་བཟུང་ཆེ་ཤོས་ཀྱི་དཔོན་རིགས་ཤིག་ཡིན་པ་དང་། ཁོས་སྲིད་དབང་འཛིན་སྐབས་བོད་ནང་གི་འགྲོ་བ་མིའི་ཐོབ་ཐང་ལ་བཙན་གནོན་རྡོག་རོལ་དང་། ཉེས་མེད་བོད་མི་མང་པོ་བཙོན་འཇུག་དང་དམར་གསོད་ཡ་ང་བ་བྱས་ཡོད་སྟབས། ཕྱི་ལོ་ ༢༠༡༣ ལོར་བོད་ཀྱི་ཆབ་སྲིད་བཙོན་ཟུར་འདས་པོ་དཔལ་ལྡན་རྒྱ་མཚོ་ལགས་དང་། སྟག་སྣ་འཇིགས་མེད་བཟང་པོ་ལགས། དགའ་ལྡན་གྲྭ་བག་བྲོ་ལགས་སོགས་བོད་མི་ཁག་ཅིག་གིས། སི་པིན་རྒྱལ་སྤྱིའི་ཁྲིམས་ཁང་ལ་རྒྱ་ནག་གི་སྲིད་འཛིན་དང་སྲིད་བློན་སོགས་མགོ་འཁྲིད་ལྔ་སྟེ། རྒྱ་ནག་གི་སྲིད་འཛིན་ཟུར་པ་ཅང་ཙེ་མིན་དང་སྲིད་བློན་ཟུར་པ་ལི་ཕོང་ (li peng)། ཆོད་ཧྲི་ (Qiao shi)། ཁྲིན་ཁའེ་ཡན་ (chen kuiyuan)། ཕིང་ཕེ་ཡུན་ (Peng peiyun)བཅས་ཀྱིས། བོད་ནང་གི་འགྲོ་བ་མིའི་ཐོབ་ཐང་ལ་རྡོག་རོལ་དང་མི་རིགས་རྩ་མེད་གཏོང་ཐབས་ཀྱི་སྲིད་བྱུས་ལག་བསྟར་བྱས་པའི་ནག་ཉེས་འོག་འཛིན་བཟུང་བྱེད་དགོས་པའི་ཁྲིམས་གཏུག་བྱས་ཡོད་པ་ལྟར་ཁྲིམས་ཀྱི་བཅད་ཁྲའང་བཏང་བའི་གནས་ཚུལ་བྱུང་ཡོད་པ་རེད།
ལི་ཕོང་ནི་ཕྱི་ལོ་ ༡༩༢༨ ལོར་རྒྱ་ནག་སི་ཁྲོན་དུ་སྐྱེ
གསར་འགོད་པ། སངས་རྒྱས་དཀོན་མཆོག
སྤྲང་ཕྲུག་ལི་ཕང་། ཁོའི་ཤི་རོ་དེ་དུམ་བུར་གཏུབ་ནས་གསང་སྤྱོད་ནང་གཡུག
སྐྱག་པའི་འདས་གྲོངས། ཞེ་ཚིག་སྦྱར་དགོས་མ་རེད།
སྡུག་ཤི་རྒྱབ་པ་རེད། ད་ལྟ་ཚ་དམྱལ་བཅོ་བརྒྱད་ནང་བསྡད་ཡོད་རེད།
བོད་མི་རིགས་ལ་སྡུག་པོ་གཏོང་མཁན་གཏེ་བོ་དེ་ཁོ་རེད། ཨ་མདོ་དང་ཁམས་པས་མི་ཤེས་ན་མ་གཏོགས་་་ལྷ་སར་བོད་རིགས་ལ་སྡུག་སྦྱོང་བཀའ་ཕབ་མཁན་གཙོ་བོའི་གྲས་རེད། སྡུག་ཤི་རྒྱབ་པ་དེ་དགའ། དགའ། འོ་དགའ་ དགའ།
རིམ་པས་སྡིག་ཅན་དཔོན་རིགས་གཞན་ཀྱང་དེ་ལྟར་འཆི་འགྲོ་ཉེ་ལེ་རེད། ཨ་ཁ་དམྱལ་བ་མཐིང་ནག་ནང་ལྷུང་རྒྱུ་ཡིན་པ་ཐག་ཆོད། ཨ་ཁ་དེ་འདྲ་བའི་སྡིག་ཅན་དག་སྔ་ས་ནས་མ་འཆི་པར་འདི་ཙམ་ཚེ་རིང་གང་བྱས་ནས་བསྡད་པ་ཡིན་ནམ།
ཨོམ་མ་ཎི་པདྨེ་ཧུང་་་་་་སྡིག་ཆེན་ལི་ཕིང་་ཨོམ་མ་ཎི་པདྨེ་ཧུང་་་་་་་་་་་་་་་ཧུང་་་་་་་་ཧྲི
ཡ་ད་སྡིག་རྒན་གཅིག་ཕྱི་མའི་སྔ་ལམ་དུ་སོང་འདུག་ཨ།