མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བཙན་བྱོལ་བོད་རིགས་གཞོན་སྐྱེས་ཚོར་འཕྲད་བཞིན་པའི་དཀའ་ངལ་གླེང་བ།

བོད་ཀྱི་དུས་བབ།
༢༠༡༩/༠༧/༢༧
Share on FacebookShare on TwitterShare on EmailShare on Whatsapp

གཡག་ཕྱུག་ཕུན་ཚོགས་ཆོས་འཕེལ།

ལོན་ཊོན་ལ་ཡོད་པའི་ལྦེ་སི་མིན་སི་ཊར་གཙུག་ལག་སློབ་གྲྭ་ཆེན་མོའི་མང་གཙོ་ཉམས་ཞིབ་ཚན་པ་(University of Westminster, Centre for the Study of Democracy) དང་ནེ་རུ་བོད་དོན་གླེང་སྟེགས་(Tibet Forum,JNU) གཉིས་མཉམ་འབྲེལ་བྱས་ཏེ། ཟླ་འདིའི་ཚེས་༡༩ ནས་ ༢༠ བར་ཉིན་གཉིས་རིང་ལྡི་ལིའི་ནེ་རུ་སློབ་ཆེན་གྱི་སྤྱི་ཚོགས་ཚན་རིག་གི་ཚོགས་ཁང་ནང་དུ། “ བཙན་བྱོལ་ནང་བོད་རིགས་གཞོན་སྐྱེས་ཚོར་འཕྲད་བཞིན་པའི་དཀའ་ངལ་” ཞེས་པའི་བརྗོད་གཞི་དང་འབྲེལ་ཏེ། བཙན་བྱོལ་བོད་མིའི་སློབ་གྲྭ་ཁག་གི་དཀའ་ངལ། ཤེས་ཡོན་ཅན་དང་ལས་འགུལ་བ་གཉིས་ཀྱི་མཐུན་མཚམས་དང་བར་ཁྱད། བཙན་བྱོལ་བོད་མིའི་ཁྲིམས་ཀྱི་གནས་བབ། སྤྱི་དམངས་ཚོགས་པའི་དཀའ་ངལ་དང་རེ་བ། ད་དུང་ལས་འགུལ་སྤེལ་སྟངས་སོགས་བརྗོད་གཞི་སྣ་མང་ཞིག་གི་ཐོག་གྲོས་བསྡུར་བྱས་པ་དང་། དེ་ནས་ཚེས་ ༢༢ ཉིན་(India Habitat Centre ) ལ་བོད་དང་རྒྱ་གར། རྒྱ་ནག་གསུམ་གྱི་ཕྱོགས་ཡོངས་ཀྱི་འབྲེལ་ལམ་(Centrality of the Marginalized: Tibet, China and India ) ཞེས་པའི་བརྗོད་གཞི་དང་འབྲེལ་ནས་བོད་རིགས་དང་རྒྱ་གར་ཉམས་ཞིབ་པ་བཅུ་བཞི་ཡིས། རྒྱ་བོད་མཐའ་མཚམས་ས་ཁུལ་དང་བཙན་བྱོལ་གྱི་གནས་སྟངས། བོད་དང་རྒྱ་གར། རྒྱ་ནག་གསུམ་གྱི་འབྲེལ་བའི་ཐོག་གཏམ་བཤད་དང་གྲོས་བསྡུར་བྱས་སོང་།

ད་དུང་སློབ་ཕྲུག་སོགས་ཁྱོན་བསྡོམས་མི་བདུན་བཅུ་ལྷག་འཛོམས་པའི་ཟབ་སྦྱོང་འདི་དབུ་འབྱེད་ཀྱི་མཛད་སྒོའི་ཐོག ནེ་རུ་བོད་དོན་གླེང་སྟེགས་ཀྱི་མདོ་འཛིན་པ་འཆི་མེད་གཡུ་སྒྲོན་ལགས་ཀྱིས།“ང་ཚོས་འདི་ལྟ་བུའི་ཟབ་སྦྱོང་ཞིག་གོ་སྒྲིག་བྱེད་དགོས་པའི་དམིགས་ཡུལ་ནི། འཛམ་གླིང་གི་ས་ཕྱོགས་གང་སར་གྱར་ནས་སྡོད་ཡོད་པའི་བོད་རིགས་ཉམས་ཞིབ་པ་དང་ལས་འགུལ་བ། གཞོན་སྐྱེས་སློབ་ཕྲུག་རྣམས་མཉམ་འཛོམས་ཐོག་ད་ལྟ་བཙན་བྱོལ་ནང་བོད་རིགས་གཞོན་སྐྱེས་ཚོར་འཕྲད་བཞིན་པའི་འཚོ་བ་དང་ཁྲིམས་དོན། སོ་སོའི་ངོ་བོ། ད་དུང་སློབ་སྦྱོང་སོགས་ཀྱི་དཀའ་ངལ་རྣམས་ལ་ངོས་འཛིན་དང་། གྲོས་བསྡུར་བྱ་རྒྱུ་དེ་ཡིན། ཞེས་བརྗོད་སོང་།

དེ་ནས་ལོན་ཊོན་ལྦེ་སི་མིན་སི་ཊར་གཙུག་ལག་སློབ་གྲྭ་ཆེན་མོའི་སྤྱི་ཚོགས་ཚན་རིག་སློབ་གཉེར་ཁང་གི་འགན་འཛིན་དགེ་རྒན་ཆེན་མོ་སྡི་སྦེ་ཤི་ཨ་ནན་ (Prof. Dibyesh Anand ) མཆོག་གིས་ཟབ་སྦྱོང་གི་དམིགས་ཡུལ་དང་སྦྲགས་ནས་ཁོང་གིས། “ རྒྱ་ནག་གིས་བོད་ས་བཙན་བཟུང་དང་བཙན་བྱོལ་ནང་ངེས་གཏན་མེད་པའི་འཚོ་བའི་གནས་སྟངས་འདི། ད་ལྟའི་གཞིས་བྱེས་བོད་མི་ཚོར་འཕྲད་བཞིན་པའི་དཀའ་ངལ་ཆེ་ཤོས་གཉིས་ཡིན་པ་དང་། རྒྱ་ནག་གི་སྟོབས་ཤུགས་འཛམ་གླིང་ཁྱོན་ཡོངས་ལ་ཁྱབ་པ་དང་ལྷན་དུ། ད་ལྟ་དཀའ་ངལ་དེ་དག་ཆེ་རུ་འགྲོ་བཞིན་ཡོད་ལ། རྒྱ་གཞུང་གིས། ༧གོང་ས་མཆོག་གི་དབུ་འཁྲིད་འོག་ཤར་བསྐྱོད་བྱེད་བཞིན་པའི་བོད་པའི་འཐབ་རྩོད་འདིར་རྒྱལ་འབྲེལ་ཐབས་བྱུས་ཀྱི་འཇམ་རྩུབ་གཉིས་ཀ་བཀོལ་ནས་མེད་པ་བཟོ་ཐབས་བྱེད་བཞིན་ཡོད། ང་ཚོ་གོང་གི་གནས་སྟངས་དེ་འདྲ་ཞིག་ཀླད་པར་ཉར་ནས་བོད་རིག་པར་ཞིབ་འཇུག་བྱེད་བཞིན་པའི་ཕྱི་རྒྱལ་བ་ཚོས་(བོད་རིགས་མ་ཡིན་པ་རྣམས་ལ་གོ།) བོད་དོན་འཐབ་རྩོད་ཐོག་ཁོ་ཚོའི་ཆ་ཤས་དང་ནུས་པ་གང་འདྲ་ཞིག་སྟོན་གྱིན་ཡོད་མེད་འདྲི་རྒྱུ་དེ་གལ་ཆེན་པོ་ཆགས་ཡོད། ཞིབ་འཇུག་པ་འདི་དག་གིས། ཁོ་ཚོར་བོད་རིག་པའི་ཐོག་ཕྱོགས་ལྷུང་བྲལ་བའི་ཞིབ་འཇུག་གི་གྲུབ་འབྲས་ཤིག་འདོན་ཐབས་བྱ་རྒྱུའི་འགན་ཡོད་ཅེས་བརྗོད་དེ། གང་དེའི་ཆབ་སྲིད་ཀྱི་གནས་སྟངས་ལ་རྒྱབ་སྐྱོར་དང་མཉམ་ཞུགས་མ་བྱེད་ན་འགྲིག་གི་ཡོད་དམ། ཡང་ན་དྲང་བདེན་མ་ཡིན་པའི་ཛ་དྲག་གི་གནས་སྟངས་ཤིག་དང་ཕྱོགས་གཉིས་(འདིར་བོད་རྒྱ་གཉིས་ལ་གོ། )ཕན་ཚུན་འདྲ་མཉམ་གྱི་ནུས་སྟོབས་མེད་པའི་རྒྱུ་རྐྱེན་དེ་འདྲ་ཞིག་གི་འོག་ཏུ་གཟུར་གནས་འདུག་རྒྱུར་རྨང་གཞི་གང་ཡང་མེད་པས། ཁོ་ཚོས་གཡོ་རྫུའི་རང་བཞིན་ལྡན་པའི་དངོས་དོན་གྱི་ཤེས་བྱ་(Objective Knowledge)ཞེས་པ་དེ་སྣང་མེད་གཏང་ཐུབ་བམ།

འོན་ཀྱང་བློ་ཕམ་དགོས་པ་ཞིག་ལ། ད་ལྟ་བོད་དང་འབྲེལ་བའི་ཞིབ་འཇུག་བྱེད་མཁན་མང་ཆེ་བ་ཞིག་རྒྱ་ནག་དང་འཛམ་གླིང་གི་ས་ཕྱོགས་གང་སར་ཡོད་པའི་བོད་རིགས་མ་ཡིན་པ་དེ་དག་ཆགས་ཡོད་པ་མ་ཟད། དེའི་ཁོངས་ནས་བོད་ལ་རྒྱུས་མངའ་ཟབ་པའི་ནུབ་ཕྱོགས་པའི་ཉམས་ཞིབ་པ་མང་པོ་ཞིག་གིས། བོད་པ་རྣམས་དམའ་བར་འཛིན་ནས་ཁོ་ཚོ་ནམ་ཡང་བོད་དང་འབྲེལ་བའི་གནས་ཚུལ་མཁོ་སྤྲོད་བྱེད་མཁན་གྱི་ཞབས་ཞུ་བ་ལྟ་བུ་ཞིག་ལ་བརྩི་གིན་ཡོད། དེར་བརྟེན་དེ་རིང་ཟབ་སྦྱོང་འདི་འདྲ་ཞིག་ཚོགས་དགོས་པའི་དམིགས་ཡུལ་ཡང་གོང་གི་དཀའ་ངལ་དེ་དག་ལ་གདོན་ལེན་བྱ་རྒྱུ་དང་། བོད་རིགས་གཞོན་སྐྱེས་རྣམས་ཀྱིས་བོད་དང་འབྲེལ་བའི་གནས་ཚུལ་གང་འདྲ་ཞིག་ལའང་གོ་བབ་གཅིག་མཚུངས་ཀྱིས་ཞིབ་འཇུག་བྱེད་པའི་དབང་ཆ་དེར་ངོས་འཛིན་དང་རྒྱབ་སྐྱོར་བྱ་རྒྱུ་དེ་ཡིན་པ་རེད།” ཅེས་དང་། ཁོ་རང་ཕལ་ཆེར་ལོ་སུམ་བཅུ་ཙམ་རིང་བོད་དང་འབྲེལ་བའི་གནས་ཚུལ་ཐོག་ལས་ཀ་བྱེད་མྱོང་མཁན་བོད་རིགས་མ་ཡིན་པའི་ཞིབ་འཇུག་པ་ཞིག་ཡིན་པའི་ཆ་ནས། ད་ལན་གཏམ་བཤད་བྱེད་པའི་ཆེད་དུ་ཡོང་བ་མིན་པར་བོད་རིགས་གཞོན་སྐྱེས་ཚོའི་སྐད་ཆར་ཉན་ནས་བོད་དོན་ཐོག་མཉམ་རུབ་ཀྱིས་བགྲོ་གླེང་བྱེད་པར་ཡོང་བ་ཡིན་སྐོར་བརྗོད་སོང་།

ཡང་ཤེས་ཡོན་ཅན་དང་ལས་འགུལ་བ་གཉིས་ཀྱི་མཐུན་མཚམས་དང་བར་ཁྱད་ཞེས་པའི་ཐོག་གཏམ་བཤད་གནང་མཁན་བོད་རང་བཙན་འཐབ་རྩོད་པ་དང་རྩོམ་པ་པོ་བསྟན་འཛིན་བརྩོན་འགྲུས་ལགས་ཀྱིས། “ངས་ཐོག་མར་ད་ལྟ་འཛམ་གླིང་འདིའི་ནང་བོད་དང་བོད་མི་ལབ་དུས། རྣམ་པ་གང་འདྲ་ཞིག་ཆགས་ཡོད་མེད་ཐོག་ལབ་པ་ཡིན། དཔེར་ན་དེང་སང་རྒྱལ་སྤྱིའི་གསར་འགྱུར་བརྒྱུད་ལམ་ཁག་དང་ཡང་ན། རྒྱལ་ཁབ་ཕྱི་ནང་གི་གཙུག་ལག་སློབ་གྲྭ་ཆེན་མོ་མང་པོ་ཞིག་གི་ནང་། བོད་ལབ་དུས། བོད་རང་སྐྱོང་ལྗོངས་ཀྱི་ས་ཁྲ་ཞིག་སྟོན་སྲོལ་ཡོད་ཅིང་། དེའི་ཁུངས་ནི་སྔོན་མ་དབྱིན་གཞུང་གིས་བོད་ནང་མ་དང་ཕྱི་མ་ཞེས་པ་ཞིག་འགྲེལ་བཤད་རྒྱག་སྲོལ་ཡོད་པ་དེ་ད་ལྟ་མུ་མཐུད་གནས་ཡོད་པས། དེ་ལ་དང་པོ་ང་ཚོ་ལས་འགུལ་བ་དང་ཤེས་ཡོན་ཅན་གཉིས་ཆ་ནས། བོད་པ་རང་གི་ངོས་འཛིན་ཡོད་པའི་བོད་ཀྱི་ས་ཁྲ་ཞིག་སླེབས་ཐུབ་མེད་པའི་རྒྱུ་རྐྱེན་གང་ཡིན་མིན་སྐོར་དྲི་བ་གཏང་རྒྱུ་དེ་གལ་ཆེན་པོ་འདུག་ཅེས་ཞུས་འདོད་བྱུང་། དེ་དང་མཉམ་དུ། སྤྱིར་བཏང་ནས་ལས་འགུལ་བ་དང་ཤེས་ཡོན་ཅན་གཉིས་བར་གཞི་རྩའི་ཁྱད་པར་ཡོད་ནའང་། ཕྱོགས་གཞན་ཞིག་ནས་ཕན་ཚུན་མཉམ་ལས་བྱེད་ཐུབ་པའི་ཆ་ཡང་མང་པོ་ཡོད་རེད་བསམ་གྱིན་འདུག དཔེར་ན། ངས་ད་ཅི་གོང་དུ་ལབ་པ་ནང་བཞིན་ཤེས་ཡོན་ཅན་ཞིག་ཡིན་ན། བོད་དང་འབྲེལ་བའི་གནས་ཚུལ་གང་འདྲ་ཞིག་ཡིན་ནའང་། དེ་ལ་རྟོག་ཞིབ་བྱས། ལོ་རྒྱུས་བཙལ། རྩོམ་འབྲི་བ་སོགས་བྱེད་རྒྱུ་ཡོད་རེད་ལ། ལས་འགུལ་བ་ཞིག་ཡིན་ནའང་། ཁོས་ཁྲོམ་གཞུང་དུ་རྒྱལ་དར་དང་པར། བོད་ཀྱི་ས་ཁྲ་སོགས་ལོ་རྒྱུས་ཁུངས་ལྡན་ཡོད་པའི་གནས་ཚུལ་འགྲེམས་སྟོན་བྱེད་པ་སོགས་མདོར་ན། ཤེས་ཡོན་ཅན་དང་ལས་འགུལ་བ་གཉིས་ཆར་བོད་དང་འབྲེལ་བའི་གནས་ཚུལ་གང་འདྲ་ཞིག་ཡིན་ནའང་། ཕན་ཚུན་མཉམ་ལས་བྱེད་ཐུབ་པའི་ཆ་མང་པོ་ཡོད་རེད་དྲན་གྱིན་འདུག ”ཅེས་བརྗོད་སོང་།

ཟབ་སྦྱོང་ལ་མཉམ་ཞུགས་གནང་མཁན་གུ་ཇུ་ར་ཏ་གཙུག་ལག་སློབ་གྲྭ་ཆེན་མོའི་(Central University of Gujarat ) རྒྱལ་སྤྱིའི་འབྲེལ་ལམ་གྱི་བདེ་སྲུང་ཉམས་ཞིབ་ཚན་པའི་(Centre For Security Studies)ནང་འབུམ་རམས་པའི་སློབ་གཉེར་གནང་བཞིན་པའི་སྤེན་པ་དོན་གྲུབ་ལགས་ཀྱིས།  “ སྤྱིར་བཏང་ནས་ད་རེས་ཟབ་སྦྱོང་སྐབས། གྲོས་བསྡུར་བྱེད་པའི་བརྗོད་གཞི་མང་ཆེ་བ་ཞིག་གལ་ཆེན་པོ་མཐོང་སོང་ལ། དེའི་ནང་ནས་ “ཤེས་ཡོན་ཅན་དང་ལས་འགུལ་བར་གྱི་མཐུན་མཚམས་དང་བར་ཁྱད་” ཞེས་པ་དེ། ང་རང་ངོས་ནས་ཡག་ཤོས་མཐོང་སོང་། ” ཞེས་དང་།  “ད་རེས་ཉིན་གཉིས་ཀྱི་ཟབ་སྦྱོང་འདིའི་ནང་། ང་ཚོས་དམིགས་བསལ་བཙན་བྱོལ་ནང་བོད་རིགས་གཞོན་སྐྱེས་ཚོར་འཕྲད་བཞིན་པའི་དཀའ་ངལ་ཐོག་གྲོས་བསྡུར་བྱས་ཡོད་ཙང་། སྐབས་འགར་མཉམ་ཞུགས་པ་ཚང་མ་ཆ་བགོས་ཀྱིས། སྡེ་ཚན་སོ་སོའི་མགྲིན་ཚབ་པས་བསམ་ཚུལ་སྒྲོགས་སྦྱང་བྱེད་སྟངས་དེས་བརྗོད་གཞི་མང་པོ་ཞིག་ལ་གྲོས་བསྡུར་ཞིབ་ཕྲ་བྱ་རྒྱུ་བྱུང་མ་སོང་བ་དང་། རྗེས་སོར་ཚོགས་འདུར་མཉམ་ཞུགས་གནང་མཁན་ཚང་མ་བརྗོད་གཞི་ཡི་ངོ་བོ་གཞིར་བཟུང་སྡེ་ཚན་ཆ་བགོས་ཀྱིས། བགྲོ་གླེང་བྱ་ཐུབ་ན་ཡག་པོ་འདུག་བསམ་སོང་།” ཞེས་བརྗོད་བྱུང་ལ། ད་ལན་གྱི་ཟབ་སྦྱོང་ཐོག་བཙན་བྱོལ་ནང་བོད་རིགས་གཞོན་སྐྱེས་ཚོར་འཕྲད་བཞིན་པའི་དཀའ་ངལ་དང་འབྲེལ་བའི་བསམ་འཆར་བྱུང་བ་རྣམས་དེབ་གཟུགས་བཟོས་ཏེ། མ་འོངས་པར་དབུས་བོད་མིའི་སྒྲིག་འཛུགས་དང་འབྲེལ་ཡོད་ལས་ཁུངས་ཁག དེ་བཞིན་བཙན་བྱོལ་བོད་མིའི་སློབ་གྲྭ་ཁག་ལ་འགྲེམ་སྤེལ་བྱ་རྒྱུ་ཡིན་པ་རེད།

འབྲེལ་ཡོད་གསར་འགྱུར།

༧གོང་ས་མཆོག་ནས་སྟོང་འཁོར་མཉྫུ་ཤྲཱི་ཧུ་ཐོག་ཐུས་གཙོས་པའི་སོག་པོ་ ༡༤༨ ལ་མཇལ་ཁ་དང་བཀའ་སློབ་སྩལ། དགའ་ལྡན་ཕོ་བྲང་གི་སྐུ་པར། ༢༠༢༥།༠༦།༢༠
༸གོང་ས་མཆོག གསར་འགྱུར།

༧གོང་ས་མཆོག་ནས་བོད་སོག་གཉིས་ལ་ཐུན་མོང་མིན་པའི་འབྲེལ་བ་ཞིག་ཡོད་ཅེས་གསུངས།

༢༠༢༥/༠༦/༢༠
༧གོང་ས་རྒྱལ་བ་རིན་པོ་ཆེ་མཆོག་ནས་རྒྱ་གར་གྱི་སྲིད་འཛིན་ལྕམ་སྐུ་ཤྲི་མ་ཏི་མཆོག་དགུང་གྲངས་ ༦༧ ལ་ཕེབས་པའི་འཁྲུངས་སྐར་ལ་འཚམས་འདྲི་མཛད། པར་བོད་ཀྱི་དུས་བབ་ཀྱིས་བསྒྲིགས། ༢༠༢༥།༦།༡༩
༧གོང་ས་མཆོག གསུང་འཕྲིན།

རྒྱ་གར་གྱི་སྲིད་འཛིན་མཆོག་གི་འཁྲུངས་སྐར་ལ་འཚམས་འདྲི་མཛད།

༢༠༢༥/༠༦/༡༩
བོད་མི་མང་སྤྱི་འཐུས་ལྷན་ཚོགས་ཀྱི་པར།
Mobile App

སྤྱི་ཟུར་འབའ་པ་རླུང་ཁར་ངག་དབང་བཀྲ་ཤིས་ལགས་སྐུ་གྲོངས་པར་ཐུགས་གསོ་ཞུས།

༢༠༢༥/༠༦/༡༩
UN High Commissioner for Human Rights Volker Türk at the 59th session of the UN Human Rights Council (photo:DRM News)
Mobile App

མཉམ་འབྲེལ་རྒྱལ་ཚོགས་ནང་བོད་དོན་སྐོར་གླེང་སློང་གནང་། 

༢༠༢༥/༠༦/༡༩
Front Slider

༧སྐུའི་གོ་སྟོན་གྱི་གཞུང་འབྲེལ་དྲ་ཚིགས་དབུ་འབྱེད་གནང་།

༢༠༢༥/༠༦/༡༨
སྲིད་སྐྱོང་སྤེན་པ་ཚེ་རིང་མཆོག་དང་། བཀའ་དྲུང་ཆུ་སྐྱ་སྦྲ་གཉིས་ཚེ་རྒྱལ་ལགས། ཚོགས་གཞོན་དཔལ་འབྱོར་དྲུང་ཆེ་ཚེ་རིང་དོན་གྲུབ་ལགས། བོད་ཀྱི་དུས་བབ་ཀྱི་པར། ༢༠༢༥།༦།༡༨
Mobile App

༧སྐུའི་གོ་སྟོན་གྱི་གཞུང་འབྲེལ་དྲ་ཚིགས་དབུ་འབྱེད་གནང་།

༢༠༢༥/༠༦/༡༨

མཆན། 5

  1. kalsang dawa says:
    ལོ་ 6 སྔོན།

    ༄།སྤྱི་འཁོར་བ་ལས་མ་ཐར་པ་དུ་དཀའ་ངལ་རྫོགས་རྒྱུ་མེད།གཞོན་སྐྱེས་ཤེས་ཡོན་ཅན་ཞིག་ཡིན་ན་རང་ཉིད་ཀྱི་དཀའ་ངལ་སེལ་མ་ཐུབ་ན་སྤྱི་ཚོགས་ཀྱི་ལས་དོན་སྒྲུབ་ཐུབ་བམ།།

    Reply
  2. Sonam Gyaltsen says:
    ལོ་ 6 སྔོན།

    ད་ རྒྱ་དཀར་ནག་གཉིས་ཀྱི་ སོ་སྟན་ན་ བོད་པ་ཚོ་ དུག་མཐོང་ཡ་དང་། གདོག་ཟོན། ཞེད་སྣང་བྱེད་དགོས་ཡ་བཟོ་ཡོད། ད་ལྟ་བོད་པ་ཚང་མགོ་གུར་ནས་སྡོད་ཡ་དེ་ ༡༽ གཙོ་བོ་ནི་༧གོང་ས་མཆོག་གི་བཀའ་སློབ། ༢༽ སོ་སོ་ལུང་པ་མེད། ༣༽ རྒྱ་དཀར་ནག་གཉིས་ཀྱི་ མ་རབ་དང་དཔུང་ཤུག མ་རེད་པས་ ? ☹️

    Reply
  3. Sonam Gyaltsen says:
    ལོ་ 6 སྔོན།

    ག་དུས་ཡིན་ན་ བོད་པའི་སྐོང་ཚོགས་ནང་རྒྱ་གར་བ་འགྲོན་པོ་གནང་ཡ་འདི་་་ ང་ཚོ་བོད་པ་ནང་རྒྱ་གར་གྱི་ (ཅམ་ཅ་) ཡོད་པ་རེད། རྒྱ་དཀར་ནག་གཉིས་ཀྱི་ས་མཚམས་སྐད་ཆ་མ་གཏོག བོད་སྐད་ཆ་ཡོད་མ་རེད། གང་ལ་ཞུས་ན་་་ རྒྱ་གར་ཁོ་རང་རྐུ་མ་རེད། ཧི་མ་ལ་ཡ་རིརྒྱུད་ ནུབ་ལ་དྭགས་ནས་ ཤར་ཨ་རུ་ན་ཅཱལ་བར་ཟས་ཡོད། ད་དུང་ སྟོད་གང་རིན་པོ་ཆེ་དང་མ་ཕམ་གཡུ་མཚོ་ ཁོང་ཚོའི་ཡིན་དོག་དོག་ཧམ་པ་བཤད་ཀྱི་ཡོད།

    Reply
  4. Sonam Gyaltsen says:
    ལོ་ 6 སྔོན།

    ད་ལྟ་ང་ཚོའི་བོད་པའི་སྤྱི་ཚོགས་ནང་ཚོགས་པ་ཁྱ་ལེ་ཁྱོ་ལེ་མང་པོ་ཞིག་ཡོད། དཔེར་ན། བོད་ཀྱི་གཞོན་ནུ་ལྷན་ཚོགས། བོད་རང་བཙན་སློབ་ཕྲུག་ཚོགས་པ། བུ་མེད་ཚོགས་པ། སྤྱི་འཐུས་ལྷན་ཚོགས། ཁོང་རྣམས་པའི་གཏམ་བརྗོད་མ་ཁྲབ་པར་་་ དངོས་ནས་དྲང་ནས་ཀྱི་བོད་སྤྱི་ལ་སེམས་ཤུག་ཡོད་ན་་་ ངེད་ཅག་བོད་པ་སློབ་ཕྲུག་ཚོ་ལ་མཐོ་རིམ་སློབ་གྲྭའི་ཐོག་ལ་དཀའ་ངལ་བསལ་ཐབས་བགྱིས་དང་། བོད་རང་བཙན་ངོ་མ་དེ་འདི་རེད། སྤྱི་ཐུས་ཚོའི་ འཛམ་གླིང་མི་དམངས་ལ་དྲིལ་བསྒྲགས་བྱེད་པས་བྱས་རབས་དང་། འཇོན་པའི་འཇོན་རབས། གོ་རྒྱུ་ནི་མིན་འདུག མཐོང་ཡ་ནི་མིན་འདུག སྤྱི་འཐུས་ཚོ་ ཡུལ་བསྐོར་སྤྲོ་འཁྱམས་རང་རེད་འདུག་ག བོད་ཀྱི་དྲིལ་བསྒྲགས་བྱེད་དགོས་ཡ་ཡོད་མ་རེད། ༧གོང་ས་མཆོག་གིས་བཀའ་དྲིན་ལ་ བོད་ཀྱི་མཚན་སྙན་སྒྲགས་ ཆུ་གཞི་ནོར་བུའི་འོད་སྣང་ འཛམ་གླིང་ཡོངས་ལ་ཁྱབ་ཡོད། ད་དུང་ཡིན་ན་་་ ༧གོང་ས་མཆོག་རྒན་ཡོལ་དང་སྐུ་ངལ་སོས་བཞིན་པ་རེད་ཏེ་་་ ཐ་ན་༧ཁོང་གིས་ཡང་སྲིད་ཀྱང་འཛམ་གླིང་གིས་དོ་སྣང་བྱེད་བཞིན་ཡོད། དེ་ལས་ ཁྱེད་རང་ཚོགས་པ་རྣམས་་་ ཚོགས་པ་ཁྱ་ལེ་ཁྱོ་ལེ་མིན་པར། དངོས་ནས་དྲང་ནས་ཀྱི་མིའི་སྣམ་སྤྱོད་ཡོད་ན་་་ བོད་སྤྱི་ལ་ཕན་པའི་ཚོགས་པ་རྣམ་དག་ཞིག་བཟོ་ཐུབ་པ་གནང་རོགས། དཔེར་ན་་་ གྲོང་ཁྱེར་ནང་མཐོ་རིམ་སློབ་གྲྭ་ཡག་པ་དང་བརྟན་པ། ཁང་པ་གླ་ས་འདི་གེ་མཁས་པོ་དང་བརྟན་པོ་ འོ་དེ་འདྲ་ལ་འགོ་སྒྲིག་གནང་ཐུབ་ན་ཡག་པོ་འདུག་ག ད་དུང་ཁྱེད་རང་ཚོ་ཚོགས་པ་སུ་འཇོན་པོ་ཡོད་ན་་་ གྲོང་ཁྱེར་ནང་བོད་ཕྲུག་ཟུར་དུ་སྡོད་ས་ Canteen ཡོད་མཁན་ Hostel སྐྱོན་དང་། ? ? ? ? ? བཀྲ་ཤིས་བདེ་ལེགས།

    Reply
  5. གཞུང་པ་ཚེ་དབང་བསོད་ནམས་ says:
    ལོ་ 6 སྔོན།

    བོད་རིགས་གཞོན་སྐྱེས་ཚོར་འཕྲད་པའི་དཀའ་ངལ་སེལ་དགོས་ན་བོད་ཀྱི་བདག་
    དབང་བོད་མིར་དགོས་པ་དེ་རེད་ལ་དེ་ལས་ལྷག་པའི་བོད་རིགས་གཞོན་སྐྱེས་ཚོར་
    འཕྲད་པའི་དཀའ་ངལ་སེལ་རྒྱུར་ལས་འགུལ་སྤེལ་རྒྱུ་དང་དེབ་རྩོམ་ཐུབ་པ་ཙམ་གྱི་
    ཁོང་ཚོའི་དཀའ་ངལ་ཕར་བཞག་ནས་བོད་མི་རིགས་ཀྱི་དཀའ་ངལ་ཡང་སེལ་མི་ཐུབ་པ་དེ་
    འདས་པའི་མི་ལོ་དྲུག་བཅུའི་ཉམས་མྱོང་ནས་ང་ཚོར་བསླབ་བྱ་ནན་པོ་ཐོབ་ཡོད་པའི་
    ངོས་འཛིན་ཞུ་གི་ཡོད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese