མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སྒ་རྗེ་ཁམས་སྤྲུལ་རིན་པོ་ཆེ་སྐུ་གྲོངས།

བོད་ཀྱི་དུས་བབ།
༢༠༢༠/༠༡/༠༩
Share on FacebookShare on TwitterShare on EmailShare on Whatsapp

བོད་མིའི་སྒྲིག་འཛུགས་ཀྱི་ཆོས་དོན་དྲུང་ཆེ་ཟུར་པ་སྒ་རྗེ་ཁམས་སྤྲུལ་འཇམ་དབྱངས་དོན་གྲུབ་རིན་པོ་ཆེ་མཆོག་མཁལ་མའི་སྙུན་གཞི་ཡི་རྐྱེན་པས་དགུང་གྲངས་ ༩༡ ཐོག་དགོངས་པ་རྫོགས་ཏེ་སྐུ་ཐུགས་དམ་ལ་བཞུགས་འདུགཁ་སང་ཕྱི་ཚེས་ ༨ བཞུགས་སྒར་དྷ་རམ་སའི་ལའི་ཉེ་འགྲམ་དུ་ཡོད་པའི་ལྷུན་གྲུབ་འཆི་མེད་དགའ་ཚལ་གླིང་དགོན་པའི་ཡིག་ཚང་ནས་གསལ་བསྒྲགས་གནང་བ་ལྟར་ན། སྒ་རྗེ་ཁམས་སྤྲུལ་འཇམ་དབྱངས་དོན་གྲུབ་རིན་པོ་ཆེ་མཆོག་དགུང་གྲངས་ ༩༡ སྟེང་། མཁལ་མའི་སྙུན་གཞི་ཞིག་ལ་རྐྱེན་བྱས་ཏེ་རྒྱ་གར་རྒྱལ་ས་ལྡི་ལིའི་མེག་སི་སྨན་ཁང་དུ་དགོངས་པ་རྫོགས་ཡོད་པ་དང་། ད་ལྟ་སྐུ་ཐུགས་དམ་ལ་བཞུགས་ནས་ཉིན་གྲངས་ ༡༡ འགྲོ་བཞིན་འདུག

འཆི་མེད་དགའ་ཚལ་གླིང་དགོན་པའི་སྤྲུལ་སྐུ་ཨ་བན་ལགས་ཀྱིས་འདི་གའི་གསར་འགོད་པར། ལོ་ཤས་ནས་རིན་པོ་ཆེར་མཁའ་མ་སྙུན་བཞིན་ཡོད་པས་ལོ་རེ་བཞིན་མཁལ་མ་གཙང་སེལ་དང་བརྟག་དཔྱད་རིགས་བྱ་དགོས་བྱུང་ཡོད་པ་དང་། ཕྱི་ལོ་ ༢༠༡༩ ཟླ་ ༡༢ ཚེས་ ༣༠ དང་བོད་ཟླ་ ༡༡ ཚེས་ ༤ ཉིན་སྙུན་གཞི་དེའི་རྐྱེན་གྱིས་རིན་པོ་ཆེ་དགོངས་པ་རྫོགས་ཡོད་པ་དང་། དེ་ནས་བཟུང་སྐུ་ཐུགས་དམ་ལ་བཞུགས་ཡོད་པས་མགྱོགས་པོ་ཡར་དྷ་རམ་ས་ལའི་དགོན་པར་སྐུ་གདུང་གདན་འདྲེན་ཞུས་ཡོད་ལ། ཁ་སང་ནས་དད་ལྡན་སློབ་འབངས་ཚོས་སེམས་འཚབ་སོགས་ལ་བརྟེན་ནས་གསང་རྒྱ་གྲོལ་བ་ལས་ཐུགས་དམ་ལ་མུ་མཐུད་བཞུགས་ཡོད་པ་དང་། ཉིན་གྲངས་ ༡༡ འགོར་ཡོད་ཀྱང་སྐུ་ཤ་ཅུང་ཙམ་སྐམ་རུ་སོང་ཡོད་པ་ལས་གཞན་སྐུ་མདོག་སོགས་མ་ཤོར་བར་དེ་ག་རང་བཞུགས་ཡོད་པ་དང་། ག་དུས་ཐུགས་དམ་གྲོལ་ན་དེ་དུས་སྐུ་གདུང་མཇལ་ཁ་གནང་རྒྱུ་ཡིན་སྐོར་གསུངས་བྱུང་།

དེ་རིང་ཉིན་རྒྱབ་ཏུ་བོད་མིའི་སྒྲིག་འཛུགས་ཀྱི་ལས་ཁུངས་ཁག་སྒོ་བརྒྱབ་སྟེ་ཆོས་རིག་ལས་ཁུངས་ཀྱི་གོ་སྒྲིག་འོག ཞིང་གཤེགས་དམ་པ་སྒ་རྗེ་ཁམས་སྤྲུལ་རིན་པོ་ཆེ་མཆོག་དགོངས་པ་རྫོགས་པར་མཆོད་འབུལ་སྨོན་ལམ་དང་ཤུལ་ལུས་སློབ་འབངས་སོགས་འབྲེལ་ཡོད་ཚང་མར་གདུང་སེམས་མཉམ་སྐྱེད་གནང་སོང་།འཆི་མེད་དགའ་ཚལ་གླིང་དགོན་པའི་ཡིད་སྐྱོའི་གསལ་བསྒྲགས་ནང་། བོད་རྒྱལ་ལོ་ ༢༡༤༦ ཟླ་ ༡༡ ཚེས་ ༤ སྤྱི་ལོ་ ༢༠༡༩ ཟླ་ ༡༢ ཚེས་ ༣༠ ཉིན་ ༧སྐྱབས་རྗེ་སྒ་རྗེ་ཁམས་སྤྲུལ་འཇམ་དབྱངས་དོན་གྲུབ་རིན་པོ་ཆེ་མཆོག་གི་ཕྱི་གསལ་གྱི་བཀོད་པ་མཐའ་དག་ནང་གསལ་གདོད་མའི་དབྱིངས་སུ་ཐིམ་པའི་ཚུལ་བསྟན་ཏེ་ཐུགས་དམ་ལ་བཞུགས་པ་བཞིན་ད་བར་གསང་རྒྱ་ཞུས་ཡོད་པ་དང་། ཕྱི་ཚེས་ ༨ ཉིན་གསང་རྒྱ་ལས་གྲོལ་ཏེ་དཔལ་རྡོ་རྗེ་སེམས་དཔའི་ཆོ་གའི་སྒོ་ནས་ཚོགས་ཀྱི་མཆོད་པ་ཕུལ་བཞིན་པ་ལགས་ན་དད་ལྡན་སློབ་འབངས་ཡོངས་ནས་རང་གི་དམ་ཚིག་ཉམས་ཆག་དག་ཕྱིར་དང། ༧སྐྱབས་རྗེ་བདེ་བར་གཤེགས་པ་གང་གི་ས་ལམ་གྱི་བར་ཆད་ཞི་ནས་སླར་ཡང་སྤྲུལ་པའི་ཟླ་ཞལ་མྱུར་དུ་བཞད་དེ་རང་གཞན་རྣམས་ལ་ཟབ་རྒྱས་ཆོས་ཀྱི་འཁོར་ལོ་བསྐོར་བའི་ཐུགས་སྨོན་གནང་སྐྱོང་ཡོང་བར་ཞུ། ཞེས་བཀོད་འདུག

ཞིང་གཤེགས་དམ་པ་སྒ་རྗེ་ཁམས་སྤྲུལ་འཇམ་དབྱངས་དོན་གྲུབ་རིན་པོ་ཆེ་མཆོག་ནི་ཕྱི་ལོ་ ༡༩༢༧ ལོའི་བོད་ཟླ་ ༡༢ ཚེས་ ༡༩ ཉིན་བོད་ལི་ཐང་གི་གདོང་འགོ་ཨ་དྲུང་ཚང་གི་ཡབ་ངག་དབང་ལེགས་གྲུབ་དང་ཡུམ་བསོད་ནམས་དབྱངས་ཅན་གཉིས་ཀྱི་སྲས་སུ་སྐུ་འཁྲུངས་ཡོད་པ་དང་། ༧སྐྱབས་རྗེ་རྡོ་བཞེངས་རིན་པོ་ཆེའི་སྐུ་མདུན་དུ་དབུ་སྐྲ་གཙུག་ཕུད་འབུལ་བཞེས་སྐབས་འཇམ་དབྱངས་དོན་གྲུབ་ཞེས་པའི་མཚན་གསོལ་ཞིང་། དགུང་གྲངས་བརྒྱད་སོན་སྐབས་སྤྲུལ་སྐུ་འགྱུར་མེད་རྡོ་རྗེ་རྣམ་རྒྱལ་གྱི་ཡང་སྲིད་དུ་ངོས་འཛིན་མཛད་དེ། བྲག་དཀར་སྤྲུལ་སྐུ་ཐུབ་བསྟན་འཇམ་དབྱངས་རྣམ་རྒྱལ་སོགས་འདུས་པ་གྲངས་ཚང་བའི་དབུས་སུ་དགེ་བསྙེན་གྱི་སྡོམ་པ་མནོས་ཏེ། རྟ་མགྲིན་མགོན་པོའི་མདུན་ཆོས་སྤྱོད་ཁག་ལ་སློབ་གཉེར་དང་ཕྱིས་སུ་སྒ་རྗེ་དགོན་དུ་སྒྲུབ་འཕྲིན་ཕྱག་བཞེས་སོགས་ལ་བྱང་ཆུབ་པར་མཛད་ཡོད་འདུག

ཕྱིས་སུ་རིན་པོ་ཆེ་མཆོག་རྒྱ་གར་ལ་བཙན་བྱོལ་དུ་ཕེབས་ཏེ་ཕྱི་ལོ་ ༡༩༧༢ ཟླ་ ༡༢ ཚེས་ ༠༡ ནས་བོད་གཞུང་ཆོས་དོན་དྲུང་གཞོན་གྱི་ཕྱག་ལས་གནང་ཡོད་པ་དང་། ཕྱི་ལོ་༡༩༨༠ ཟླ་ ༠༢ ཚེས་ ༢༥ ནང་ཆོས་དོན་དྲུང་ཆེར་བསྐོ་གཞག་གནང་།  ཕྱི་ལོ་ ༡༩༨༣ ནས་ ༡༩༨༥ བགྲེས་ཡོལ་ཕར་འགྱངས་ཐོག་ཆོད་དོན་དྲུང་ཆེའི་ཕྱག་ལས་གནང་སྟེ། ཕྱི་ལོ་ ༡༩༨༦ ཟླ་ ༠༡ ཚེས་ ༠༡ ནས་བགྲེས་ཡོལ་དུ་ཕེབས་ཡོད་པ་རེད།

ཁམས་སྤྲུལ་རིན་པོ་ཆེ་མཆོག་ནས་༧གོང་ས་རྒྱལ་བ་རིན་པོ་ཆེ་མཆོག་གི་བཀའ་དགོངས་བཞིན་སྐུ་ཚེ་ཧྲིལ་པོར་ལུགས་གཉིས་གང་ཐད་ནས་མཛད་པ་རྒྱ་ཆེན་པོ་བསྐྱངས་གནང་ཡོད་པ་ལྟར།  ༧གོང་ས་རྒྱལ་བ་རིན་པོ་ཆེ་མཆོག་ནས་ངོས་དང་དམིགས་བསལ་ལས་འབྲེལ་ཡོད་པའི་སྐྱེ་སྤྲུལ་ཞིག་ཏུ་ངེས་པ་ལྟར་གངས་ལྗོངས་བསྟན་འགྲོའི་བདེ་དོན་སླད་ཆོས་ཕྱོགས་ཀྱི་གནང་སྒོ་དུས་འགྱུར་མི་ཟད་པའི་སྐབས་སུ་བཟློག་ཐབས་རིམ་གྲོ་གང་ནུས་གནང་བ་དང་། སྲིད་ཕྱོགས་ནས་མི་མང་གི་འགོ་ཁྲིད་དེ་གང་ལ་གང་འོས་ཀྱིས་གདོང་ལེན་འཐབ་རྒོལ་བགྱིས་མཐར་རྒྱ་གར་དུ་བཙན་བྱོལ་ལ་འབྱོར། དེ་ནས་བཙན་བྱོལ་གཞུང་གི་བཀོད་སྒྲིག་དང་ལེན་གྱིས་བསྟན་སྲིད་ཞབས་རིམ་སྣ་མང་ལ་ཧུར་བསྐྱེད། ངོས་ནས་སྐབས་འཕྲལ་སྔ་འགྱུར་ཆོས་སྡེའི་སྐོར་དྭོགས་གཅོད་བློ་འདྲི་དྭང་ལེན་ཐོག དེ་མིན་ལས་དོན་ཁག་ལ་གཡས་གཞོགས་གཡོན་འདེགས་ཀྱིས་ཕན་ཐོགས་ཆེན་པོ་བྱུང་ཞེས་གསུངས་ཡོད་འདུག

གསར་འགོད་པ། སངས་རྒྱས་དཀོན་མཆོག

འབྲེལ་ཡོད་གསར་འགྱུར།

མི་དམངས་དྲ་བའི་པར།
Mobile App

ཞི་ཅིན་ཕིན་གྱིས་རྒྱལ་མཚན་ནོར་བུར་དམར་པོའི་ལམ་སྟོན་བྱས།

ཆུ་ཚོད་ ༡ སྔོན་ལ།
External Affairs Minister S Jaishankar and Chinese Vice President Han Zheng
Mobile App

བོད་ཀྱི་གནད་དོན་དེ་རྒྱ་དཀར་ནག་གཉིས་བར་ཚེར་མ་ལྟ་བུ་ཞིག་ཡིན་སྐོར་བཤད།

ཆུ་ཚོད་ ༢ སྔོན་ལ།
༸གོང་ས་མཆོག གསར་འགྱུར།

ཁྲི་མཐོན་པོར་བསྡད་དེ་བླ་མ་རྩ་ཆེན་པོ་ཞིག་ཡིན་མདོག་མདོག་བྱས་ན་ནོར་འཁྲུལ་རེད་ཅེས་གསུངས།

ཆུ་ཚོད་ ༤ སྔོན་ལ།
Mobile App

གངས་ལྗོངས་ལྷ་མི་ཡོངས་ཀྱི་སྟོན་པ། (ཚན་པ་གཉིས་པ།)

ཆུ་ཚོད་ ༥ སྔོན་ལ།
སྲིད་སྐྱོང་མཆོག་གིས་ཨོ་གླིང་ནང་གཞུང་འབྲེལ་ཕྱོགས་ཕེབས་ཐེངས་པ་གནང་བཞིན་འདུག ༢༠༢༥།༠༧།༡༡ པར་འབྲེལ་ཡོད་ཀྱིས་མཁོ་སྤྲོད་གནང་།
Mobile App

སྲིད་སྐྱོང་མཆོག་གིས་རྒྱ་ནག་གཞུང་དང་མཉམ་དུ་སྒོ་རྒྱབ་ཀྱི་འབྲེལ་བ་ཡོད་ཀྱང་འབྲེལ་བ་སླར་གསོ་བྱེད་པར་ཕན་ཐོགས་གང་ཡང་བྱུང་མེད་ཅེས་གསུངས།

༢༠༢༥/༠༧/༡༡
Arunachal Pradesh CM Pema Khandu (Photo/DNA)
Mobile App

རྒྱ་གར་དང་བོད་ས་འབྲེལ་ཡིན་པ་ལས་རྒྱ་ནག་ལ་འབྲེལ་བ་མེད་ཅེས་གསུངས།

༢༠༢༥/༠༧/༡༡

མཆན། 0

  1. གཞུང་པ་ཚེ་དབང་བསོད་ནམས says:
    ལོ་ 6 སྔོན།

    སྐྱབས་རྗེ་ཁམས་སྤྲུལ་འཇམ་དབྱངས་དོན་སྒྲུབ་མཆོག་དགོང་པ་གཞན་དུ་ཕེབས་པར་བློ་ཕམ་དང་བཅས་དམ་པ་ཁོང་ལ་མྱ་ངན་གུས་བཏུད་ཞུ་གི་ཡོད་ལ་དམ་པ་ཁོང་གི་སྐུ་ཟླ་བུ་ཕྲུག་སྲས་དང་སྲས་མོ་ཉེ་འབྲེལ་གཉེན་འཁོར་དང་གྲཱ་ཚང་འདུས་པ་རྒྱ་མཚོ་དང་བཅས་པར་ཐུགས་གསོ་ཞུ་གི་ཡོད་ལ་རིན་པོ་ཆེ་དམ་པ་ཁོང་དེ་སྔོན་ཀོ་ལི་གྷལ་གཞིས་ཆགས་སུ་བཞུགས་སྐབས་ཆོས་འབྲེལ་དམ་གཙང་གི་འབྲེལ་བ་ཟབ་པ་མ་ཟད་ཕྱི་ལོ་1991ལོར་གུས་པའི་ཨ་ཁུ་དམ་པ་དེ་ཉིད་རྡ་སར་འདས་གྲོངས་སྐབས་ཤི་བོའི་རྔས་མགོ་དང་འཕོ་བ་གནང་མཁན་རིན་པོ་ཆེ་དམ་པ་དེ་ཉིད་ཡིན་པ་དད་དམ་གཡོ་བ་མེད་པ་བཅས་དམ་པ་ཁོང་གི་སྐུ་སྐྱེས་ཡང་སྲིད་བོད་མིའི་བསོད་ནམས་ཀྱི་རྒྱན་དུ་ཕེབས་པའི་མྱུར་བྱོན་གསོལ་འདེབས་མཆོག་གསུམ་རྒྱལ་བ་རྒྱ་མཚོར་གདུང་ཤུགས་དྲག་པོའི་འདེབས་པ་དེ་དེ་བཞིན་དུ་འགྲུབ་པ་ཤོག།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese