བོད་མི་མང་སྤྱི་འཐུས་ཚོགས་གཙོ་པདྨ་འབྱུང་གནས་མཆོག་ནས་སྒྲིག་གཞི་དམ་དྲགས་པ་ལ་བརྟེན་ནས་སྐྱོན་གང་ཡང་མེད་པར་རང་བཞིན་གྱིས་འཕོ་འགྲོ་དགོས་པའི་གནས་ཚུལ་འདི་འདྲ་ཡོང་གི་ཡོད་དུས་མ་འོངས་པར་ངེས་པར་དུ་དགོངས་པ་བཞེས་དགོས་པ་ཞིག་ཆགས་ཡོད་སྐོར་གསུངས་བྱུང་།
ཟླ་འདིའི་ཕྱི་ཚེས་ ༢༣ ཉིན་བོད་མིའི་སྒྲིག་འཛུགས་དབུས་འོས་བསྡུ་ལྷན་ཁང་ནས་བཙན་བྱོལ་བོད་མིའི་བཅའ་ཁྲིམས་དོན་ཚན་ ༥༧ པའི་ནང་གསེས་ ༢ པའི་དགོངས་དོན་དང་། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞི་དོན་ཚན་ ༧༨ པའི་ནང་གསེས་དོན་ཚན་ ༣ པ་གཞིར་བཟུང་། ཡུ་རོབ་སྤྱི་འཐུས་ཐུབ་བསྟན་དབང་ཆེན་ལགས་བོད་མི་མང་སྤྱི་འཐུས་སྐབས་ ༡༦ པའི་གྲོས་ཚོགས་ཚོགས་དུས་ ༨ དང་ ༩ པ་བཅས་ཐེངས་གཉིས་བསྟུད་མར་བཅར་མ་ཐུབ་པའི་རྐྱེན་གྱིས། ཁོང་སྤྱི་འཐུས་ནས་རང་བཞིན་གྱིས་འཕོས་པར་བརྟེན། ཡུ་རོབ་སྤྱི་འཐུས་ཀྱི་སྒུག་ཐོའི་ནང་ཡོད་པའི་བཀྲིས་མཐོང་བསྟན་འཛིན་དབང་པོ་ལགས་ཡུ་རོབ་སྤྱི་འཐུས་གཞན་དེར་བསྐོས་བཞག་གནང་ཡོད་འདུག
འདི་གའི་གསར་འགོད་པས་སྤྱི་ཟུར་ཐུབ་བསྟན་དབང་ཆེན་ལགས་སུ་འབྲེལ་བ་ཞུས་ཀྱང་མཐུད་ཐུབ་མ་སོང་ཡང་། ཁོང་གིས་འཕོ་འགྱུར་སྐོར་ལ་སྒེར་གྱི་སྤྱི་ཚོགས་དྲ་ལམ་དུ་བརྙན་ཐུང་ཞིག་སྤེལ་གནང་བའི་ནང་། འདས་ལོའི་ཕྱི་ཟླ་ ༩ པའི་ནང་གྲོས་ཚོགས་ནས་དགོངས་པ་ཞུ
འདི་གའི་གསར་འགོད་པས་བོད་མི་མང་སྤྱི་འཐུས་ཚོགས་གཙོ་པདྨ་འབྱང་གནས་མཆོག་ལ་དེའི་སྐོར་བཀའ་འདྲི་ཞུས་པར་ཁོང་གིས། ཐུབ་བསྟན་དབང་ཆེན་ལགས་བོད་མི་མང་སྤྱི་འཐུས་སྐབས་བཅུ་དྲུག་པའི་གྲོས་ཚོགས་ཚོགས་དུས་ ༨ པའི་སྐབས་ལ་དགོངས་པ་ཞུས་ཏེ་སྤྱི་པའི་རྩ་དོན་བོད་དོན་ཞུ་གཏུག་གི་ལས་འགུལ་ཆེད། ཟླ་བ་གཉིས་དང་ཉིན་འགའི་རིང་ཡུ་རོབ་རྒྱལ་ཁབ་སུམ་ཅུ་ཙམ་ལ་སྐོར་སྐྱོད་གནང་བ་རེད། གྲོས་ཚོགས་ཚོགས་དུས་དགུ་པ་དེར་ཁོང་རང་ངོས་ནས་ཐོངས་མཆན་དང་གནམ་གྲུའི་འཛིན་བྱང་ཆ་ཚང་བླངས་ནས་ཐོན་ཆོག་ཆོག་ཡོད་སྐབས། ད་ལྟ་རྒྱ་ནག་ཝུ་ཧན་ནས་དར་བའི་ནད་དུག་འདིའི་རྐྱེན་པས། རྒྱ་གར་དབུས་གཞུང་གིས་སི་པན་དང་། འཇར་མན་ནི། ཧྥ་རན་སི་བཅས་ནས་མི་ཡོང་མ་ཆོག་པ་བཟོས་པ་རེད། ད་དུང་ཁོང་རང་གིས་རྒྱ་གར་གྱི་གཞུང་ཚབ་ཁང་ལ་ཐབས་ཤེས་མང་པོ་གནང་འདུག ང་ཚོའི་ངོས་ནས་རྒྱ་གར་ཕྱི་སྲིད་ལས་ཁུངས་བརྒྱུད་ནས་ཐབས་ཤེས་བྱས་པ་རེད་དེ། གང་ལྟར་ནད་དུག་འདི་ཉི་མ་ནས་ཉི་མར་ཛ་དྲག་ཏུ་ཕྱིན་པ་ཡིན་སྟབས། ང་ཚོའི་ཚོགས་དུས་དེ་ཡང་ཉི་མ་བཅུ་དེ་ཉིན་གཅིག་ནང་འཚོག་དགོས་པ་བཟོས་ཡོད་པ་རེད། དེར་བརྟེན་ཁོང་རང་ཚོགས་དུས་འདི་ལ་ཡང་བཅར་ཐུབ་ཡོད་པ་མ་རེད། ཅེས་དང་། གང་ལྟར་ཁོང་རང་ཚོགས་དུས་ ༨ པར་བཅར་མ་ཐུབ་པ་དེ་སྤྱི་པའི་རྩ་དོན་ཐོག་ལ་དུས་ཚོད་བཏང་གནང་བ་རེད། ཚོགས་དུས་ ༩ པར་ཡང་འཛམ་གླིང་སྤྱི་ཡོངས་ལ་ཝུ་ཧན་ནས་དར་བའི་ནད་ཡམས་འདིས་རྐྱེན་བྱས་ནས་བཅར་མ་ཐུབ་པ་རེད་མ་གཏོགས། མ་བཅར་བ་དེ་འདྲ་མ་རེད། འོན་ཀྱང་སྒྲིག་གཞིའི་ནང་ཚོགས་དུས་གཉིས་བསྟུད་མར་མ་བསླེབས་པ་ཡིན་ན་ཚོགས་དུས་གཉིས་པ་གྲོལ་བའི་ཉིན་མོ་ནས་རང་བཞིན་གྱིས་འཕོས་པ་ལ་ངོས་འཛིན་བྱ་རྒྱུ་ཟེར་བ་དེའི་ཐོག་ནས་འདི་འདྲ་ཆགས་པ་རེད། ཅེས་གསུངས་བྱུང་།
དེ་ཡང་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞི་དོན་ཚན་ ༧༨ ཀྱི་ནང་གསེང་དོན་ཚན་ ༣ ནང་། ཚོགས་དུས་གཉིས་བསྟུད་མར་ཚོགས་བཅར་མ་ཞུས་ཚེ། ཚོགས་དུས་གཉིས་པ་གྲོལ་ཉིན་ནས་སྤྱི་འཐུས་ནས་འཕོས་པར་ངོས་འཛིན་བྱ་རྒྱུ། ཞེས་བཀོད་ཡོད། གསར་འགོད་པས་ཚོགས་གཙོ་པདྨ་འབྱུང་གནས་མཆོག་ལ་ད་ལྟའི་གནས་སྟངས་ལ་གཞིགས་ཏེ་སྒྲིག་གཞི་འདིར་བསྐྱར་བཅོས་དགོས་པ་གཟིགས་ཀྱི་ཡོད་མེད་བཀའ་འདྲི་ཞུས་པར་ཁོང་གིས། མཐོང་གི་འདུག དེ་སྔ་ཡུ་རོབ་སྤྱི་འཐུས་ཆུང་བདག་ཀོ་རིན་ལགས་གནས་ཚུལ་དེ་བྱུང་བ་རེད། མོ་རང་སྙུང་གཞི་དྲག་པོ་བྱུང་བ་རེད། དེའི་རྗེས་ཚོགས་དུས་གཉིས་པར་བཅར་རྒྱུའི་འབད་བརྩོན་བྱེད་སྐབས། དེ་གའི་སྨན་པས་འགན་བཞེས་ཀྱི་མེད་གསུངས་པ་ཡིན་སྟབས་བཅར་མ་ཐུབ་པ་རེད། བཅར་འདོད་མེད་པ་མ་རེད་དེ་བཅར་མ་ཐུབ་སྟབས། རང་བཞིན་གྱིས་འཁྱུར་འགྲོ་བའི་གནས་སྟངས་ཆགས་པ་རེད། དངོས་གནས་བྱས་ན་དེ་དུས་སྐབས་ནས་གནས་ཚུལ་དེ་འདྲའི་རིགས་ཡོང་བ་ཡིན་ན་བསྐྱར་བཅོས་ཤིག་བྱེད་རྒྱུ་ཡོད་རེད་དེ་བྱེད་ཐུབ་ཡོད་པ་མ་རེད། ད་ལྟ་ཟློག་ཏུ་མེད་པ་ལྟ་བུ་ཆགས་ཡོད་རེད། གལ་ཏེ་དེ་སྔོན་ནས་བསྐྱར་བཅོས་གནང་ཡོད་ན། ག་རེ་ཡིན་ནའང་ཡོང་སྲིད་པ་ཞིག་རེད། འོན་ཀྱང་དེ་ལྟར་བྱུང་མེད། གང་ལྟར་མ་འོངས་པར་སྒྲིག་གཞི་ལག་བསྟར་བྱེད་ཀྱིན་བྱེད་ཀྱིན་ཉམས་མྱོང་བསགས་ཏེ། སྒྲིག་གཞི་ཁ་ཤས་ལྷོད་དུ་འགྲོ་བ་དང་། ཡང་ཁ་ཤས་དམ་དུ་འགྲོ་སྲིད་པ་རེད། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞི་འདི་ཐོག་མར་གཏན་འབེབ་གནང་དུས་ད་ལྟའི་ཆ་རྐྱེན་འདི་ཡོད་པ་མ་རེད། འོན་ཀྱང་སྤྱི་འཐུས་རེ་ཟུང་གིས་དམ་བཅའ་ཕུལ་ནས་ཚོགས་དུས་གསུམ་དེ་འདྲར་མ་ཕེབས་སྟབས། མང་ཚོགས་ནང་ལ་དགོངས་ཚུལ་ཤུགས་ཆེན་པོ་བྱུང་སྟེ། འདི་འདྲའི་བསྐྱར་བཅོས་བཟོས་དགོས་བྱུང་བ་རེད་ལ། སྒྲིག་གཞི་དམ་དུ་ཕྱིན་པ་རེད། འོན་ཀྱང་ད་ལྟ་སྒྲིག་གཞི་འདི་དམ་དྲགས་པ་ལ་བརྟེན་ནས། སྐྱོན་གང་ཡང་མེད་པ་ལ་རང་བཞིན་གྱིས་འཕོ་འགྲོ་དགོས་པའི་གནས་ཚུལ་འདི་འདྲ་ཡོང་གི་འདུག་གཱ། དེར་བརྟེན་འདི་འདྲའི་རིགས་ལ་དགོངས་པ་བཞེས་དགོས་པ་གནད་འགག་ཆེན་པོ་རེད་བསམ་གྱི་འདུག ཅེས་གསུངས་བྱུང་།
དེ་ཡང་བཅའ་ཁྲིམས་དོན་ཚན་ ༥༧ པའི་ནང་གསེས་དོན་ཚན་ ༢ པའི་ནང་། དེ་ལྟའི་འཕོ་འགྱུར་བྱུང་བ་དང༌། གཞན་ཡང་སྤྱི་འཐུས་སུ་རུང་དགོངས་ཞུས་དང༌། དུས་ཆོས་སུ་གྱུར་པ། བཀའ་བློན་དུ་འདེམས་ཐོན་བྱུང་བ་ཡིན་ན། འོས་བསྡུ་ཆེན་མོའི་སྐབས་སྤྱི་འཐུས་ཡོང་ཁུངས་སོ་སོ་ནས་འོས་ཐོབ་མང་རིམ་རྩེ་བཏོག་གིས་སྤྱི་འཐུས་གྲངས་ཚད་ལོངས་རྗེས་དེའི་འོག་དགོས་ངེས་འོས་ཤོག་ཐོབ་པའི་འོས་གཞི་ལྷག་མ་རྣམས་འོས་ཐོབ་མང་ཉུང་གོ་རིམ་ལྟར་སྒུག་ཐོ་དབུས་འོས་བསྡུ་ལས་ཁང་དུ་བདག་ཉར་ཡོད་པ་དེ་ནས་གོ་རིམ་བཞིན་ཚབ་གསར་འཕྲལ་དུ་དམ་འབུལ་ཞུ་དགོས། གལ་ཏེ་སྒུག་ཐོའི་ནང་སུའང་མེད་ཚེ་ས་སྟོང་བྱུང་བའི་ཉིན་མོ་དེ་ནས་བཟུང་ཉིན་གྲངས་ ༡༨༠ ནང་ཚུན་སྤྱི་འཐུས་གསར་པའི་འོས་བསྡུ་ཟིན་པ་དགོས་རྒྱུ། ཞེས་བཀོད་འདུག་པ་ལྟར། ཡུ་རོབ་སྤྱི་འཐུས་ཀྱི་སྒུག་ཐོའི་ནང་ཨང་རིམ་མཐོ་ཤོས་བོད་མི་མང་སྤྱི་ཟུར་བཀྲས་མཐོང་དབང་པོ་ལགས་བསྐོ་བཞག་གནང་ཟིན་ཡོད་པ་རེད།
གསར་འགོད་པ། པ་སངས་ཚེ་རིང་།
ཡུ་རོབ་བོད་མི་མང་སྤྱི་འཐུས་ཐུབ་བསྟན་དབང་ཆེན་ལགས་སྤྱི་འཐུས་ལས་འགན་ནས་རང་བཞིན་འཕོ་འགྱུར་སོང་བའི་གནས་ཚུལ་འདི་འབྲེལ་ཡོད་རྣམ་པས་སྒྲིག་གཞིའི་གནད་དོན་ལ་བརྩད་ཞིབ་ཆུང་སྐྱོན་དང་འགན་འཁུར་མ་ཞུས་བའི་སྐྱོན་མིན་ནམ་བསམ། གང་གིས་ཞུས་ན་ད་ལམ་གྱི་གནས་ཚུལ་བྱུང་རྐྱེན་འདི་གཞན་དང་མི་འདྲ་བ་ཞིག་ཡོད་པ་ནི་དོ་བདག་སྤྱི་འཐུས་ཉིད་ཕེབས་རྒྱུའི་གྲ་འགྲིགས་ཡོད་པ་མཉམ་ཐབས་ཤེས་གང་ཡོད་ཞུས་འདུག་ཀྱང་རེ་བྲལ་ཡིན་པ་ཤེས་གསལ་ཡིན། དེ་བཞིན་སྒྲིག་གཞི་རང་ལ་མིག་བཙུམ་ན་གཡུ་ཐོག་ཐུབ་སྟོབས་དབང་ཕྱུག་ལགས་ཀྱི་དགོངས་ཚུལ་ལྟར་གྲོས་ཚོགས་ཉིན་གཅིག་ལ་ཇི་ལྟར་གྲོལ་ལམ། སྒྲིག་གཞི་བརྡར་ན་ཆ་ཚང་བ་ཞིག་བརྡར་རྒྱུ་བྱུང་ན་གཡག་ཞ་རའི་རྩ་ཟ་ཚུལ་དེ་བྱུང་མེད། འགན་མེད་ཁ་བདེ་པོའི་སྐད་ཆ་འདྲ་པོ་རེད།
སྒྲིག་གཞིའི་ནང་ཚོགས་བཅར་མ་ཞུས་ཚེ་ཅེས་པའི་ཚིག་ལ་གོ་རྒྱུ་གཞན་མིན་འདུག་གམ། ངས་མ་ཞུས་ཚེ་དང། མེད་ཚེ། མ་བྱུང་ཚེ། མ་གྱུར་ཚེ། ཆད་ཚེ་སོགས་དབར་ལ་ཁྱད་པར་ཆེན་པོ་མངོན། མ་ཞུས་ཚེ་ཞེས་སྐབས་མི་དངོས་པོ་ཚོགས་བཅར་བྱུང་མེད་ཀྱང་ཞུ་སེམས་མེད་པ་མིན་པ་ཞུ་མི་ཐུབ་ལ་ལྷག་དོན་སྐབས་འདིར་ཁོང་ནས་ཐབས་ཤེས་ཀྱང་ཞུས་ཡོད། ཡང་སྒྲིག་གཞི་ནང་ཚོགས་བཅར་མ་བྱུང་ཚེའམ།་མེད་ཚེ། མ་གྱུར་ཚེ།་ཆད་ཚེ་ལྟ་བུ་གསལ་ན་ད་ལྟའི་གནང་ལམ་འདིས་འཐུས་པ་མཐོང། དེ་ན་གྲོས་ཚོགས་སྔ་ནུར་གྱི་བྱུང་རིམ་ལྟ་བུ་གནས་དོན་འདིར་ཡང་མང་ཚོགས་གོ་བསྡུར་མེད་པ་བློ་ཕམ།
གནང་ལམ་གཞན་ནི་དམངས་གཙོའི་ཀ་བ་གསུམ་པ་ཁྲིམས་ལུགས་དབང་འཛིན་ནས་ཁྲིམས་ཡིག་གནད་དོན་ལ་གསལ་བཤད་དོག་བཅོས་ཞུ་རྒྱུ་དེ་མིན་ནམ་སྙམ།
མཐར་དོན་ད་ལམ་གྱི་ལམ་འདི་ཇི་ལྟར་ཡང་བསྐྱར་ལོག་མེད་པ་མིན་སྟབས་དབང་ཆེན་ལགས་ཀྱང་སེམས་ཤུགས་འཕར་རྒྱུ་ལས་ཆཌ་རྒྱུ་ག་ནས་འོང། རང་དོན་རང་གཅེས་ལ་སོང་མུ་འཐུད་བོད་དོན་ལ་འབད་དཔུང་ཅིས་ཀྱང་གནང་ལ། འབྲེལ་ཡོད་བོད་རིགས་སྤུན་ཟླ་ཚོའང་སླར་ཁོང་ལ་སོ་སོའི་འོས་ཐོབ་འབུལ་རྒྱུར་ཁུ་བྱུག་ཆུ་འདོད་ལྟར་ངང་དགུག་གནང་རོགས།
བོད་ཀྱི་དུས་བབ་དང་། TTV, RFA ཨེ་ཤི་ཡ་རང་དབང་རླུང་འཕྲིན། བོད་མི་མང་སྤྱི་འཐུས་ཚོགས་གཙོ་བཅས། ཀྲས་མཐོང་ཚང་དང་། བློ་བཟང་སེང་གེ། ཁོང་ཚོའི་གང་བྱེད་རེད་འདུག་ག ཁོང་ཚོའི་ རྒྱུག་ཁྱི་ བོད་ཀྱི་གཞོན་ནུ། གཞོན་སྐྱེད་གསར་རྙེད་གླན་ལྐུག བོད་རང་བཙན་སློབ་ཕྲུག་ཚོ། ཡང་་་ བུ་བློ་བཟང་སེང་གེའི་ ཁ་མཆུ་ཨང་ ༢༠ ལ་ མཐོང་ཆུང་བྱེད་པ་དང་། དེང་སང་འཛམ་གླིང་སྤྱི་ཡོངས་ཀྱི་ཛ་དྲག་ ནད་ཡམས་ COVID-19 དེ་གཉིས་ཡང་ལྗིད་གཅིག་སྐྱག་ན་ ! ?
ཝཻ། ?? ཀྲས་མཐོང་ཚང་་་ སྐུ་དྲག་རྙིང་པ་རོ་ལང་མ་རྒྱག ?ཝཻ། ?? བློ་བཟང་སེང་གེ་་་ སྤང་ཀོ་སྐུ་དྲག་རོ་ལང་མ་རྒྱག?
བསོད་ནམས་རྒྱལ་མཚན་གྱི་ཆན་འདི་གོང་གི་གནས་དོན་དུ་འབྲེལ་བ་མི་མཐོང། གནས་དོན་དང་མི་ཚང་མ་འཁྲུག
བཀྲས་མཐོང་བསྟན་རྣམ་ལགས་དང་ནིའུ་ཡོག་ལས་ཁུང་མི་འགའ་ཤས་ནི་ཁ་མཆུ་་༢༠ པའི་དོ་བདག་ལ་འཚམས་བསུ་ཞུ་མཁན་ཡིན་ཚོད་། བོད་ཀྱི་གཞོན་ནུ་དང་བོད་རང་བཙན་སློབ་ཕྲུག་ནི་བོད་མིའི་བདེ་དོན་ལ་བརྩོད་མཁན་རྒྱ་དམར་གྱི་མི་བཟོད་པའི་བོད་པའི་ཚོགས་པ་དེ་གྲས་ཡིན།
དང་པའི་དཔེ་ལ་ཁྱི་ཁ་སྔོག་ན་སྐྱག་པའི་དྲི་མ་མཁའ་ཟེར་བ་བཞིན་ཁྱེད་བསམ་ཚུལ་དེ་ནང་བཞིན་མེད་དམ་བསམ་གྱི་འདུག
ཁྲིམས་དང་སྒྲིག་གཞི་ཧ་མ་གོ་མཁན་དེ་ཚོ་ཡང་ངུ་ཡོང་གི་ཡོད་པས།
བཀུར་འོས་བོད་མི་མང་ཡོ་རོབ་དང་ལྷོ་ཨ་ཕེ་རི་ཀའི་སྤྱི་འཐུས་སྐུ་ཞབས་ཐུབ་བསྟན་དབང་ཆེན་ལགས་འཕོ་འགྱུར་བཏང་བ་དེ་ཧ་ཅང་གི་བློ་ཕམས་བྱུང་བ་མ་ཟད་བོད་མིའི་རྩ་དོན་ལས་འགུལ་ལ་ཡང་ཟློག་ཏུ་མི་རུངས་པའི་གྱོང་གུན་དང་གནོད་ཚབས་ཆེན་པོ་བཟོ་ཐུབ་པ་བྱུང་བ་རེད་། རྒྱ་ནག་གི་ཏོག་དབྱིབས་ནད་ཡམས་འདིས་འཛམ་གླིང་ཁྱོན་ཡོངས་ལ་སྒྲིག་གཞི་གཞིར་བཟུང་གཏན་ལ་ཕབས་པའི་ལས་དོན་མཐའ་དག་ཕྱིར་གཤོལ་འམ་དམིགས་གསལ་མེད་པ་བཟོས་ཡོད་པ་མིག་ངར་མཐོང་བཞིན་དུ་ང་ཚོ་བོད་མིའི་བཅའ་ཁྲིམས་ལ་འགྱུར་བ་མེད་པར་ཐུགས་འཁུར་ཆེ་བཞེས་ཀྱིས་ལག་བལྟར་གནང་ཡང་དགོས་མེད་ཧོལ་རྒྱུགས་དང་དྲང་པོའི་ཐག་གཅོད་མ་ཡིན་པ་གསལ་པོ་དང་རྭ་སྤྲོད་ཐུབ་པ་འདུག་། གང་ཡིན་ཟེར་ན་ སྔོན་རྩིས་གྲོས་ཚོགས་ཚོགས་འདུ་ཉིན་གཅིག་ནང་འཇུག་བསྡུ་དགོས་པ་བཅའ་ཁྲིམས་ནང་གསལ་མེད་ངེས་་ཡིན་མོད་ཀྱང་ཛ་དྲག་ཀྱིས་དགོས་པ་རྒྱུ་མཚན་ལ་གཟིགས་སྟེ་སྤྱི་འཐུས་རྒྱུན་ལས་ནས་མང་མོས་ཐག་གཅོད་གནང་སྟེ་སྔོན་རྩིས་ཚོགས་འདུ་ཉིན་གཅིག་ནང་འཇུག་བསྡོམས་གནང་དགོས་བྱུང་བ་ཡིན་ངེས་རེད་ དེ་བཞིན་ཕྱི་རྒྱལ་ཡུལ་གྲུ་ཁག་ནང་བཞུགས་མཁན་སྤྱི་འཐུས་རྣམས་ཀྱང་རྒྱུ་མཚན་གཅིག་མཚུངས་ཀྱིས་ཚོགས་བཅར་མ་ཐུབ་པ་གནད་དོན་གཅིག་པ་ཡིན་ཡང་ཐག་གཅོད་མི་འདྲ་བ་ཞིག་གནང་བ་དེ་དྲང་པོ་རྩ་བ་ནས་མ་་རེད་ཞུ་ཡ་ཡིན་། ཚོགས་གཙོ་མཆོག་ནས་སྒྲིག་གཞི་དམ་དྲགས་ནས་བྱ་ཐབས་མ་བྱུང་བའི་བཀའ་གནང་འདུག་སྟེ་ཐུགས་ལ་མོས་ན་འགྱུར་བ་གཏོང་རྒྱུ་ཡོད་འདུག་བ་།
བཀུར་འོས་སྤྱི་འཐུས་སྐུ་ཞབས་ཐུབ་བསྟན་དབང་ཆེན་ལགས་ནི་རྒྱལ་གཅེས་ལྷག་བསམ་གྱི་ཕྱུག་ཞིང་གཟེངས་སུ་ཐོན་པ་དང་འབུར་དུ་ཐོན་པའི་རང་རེ་བོད་མིའི་རྩ་དོན་འཐབ་བརྩོད་ཆེད་ཕྱག་ལས་ཧ་ཅང་རྒྱ་ཆེ་གནང་མཁན་གི་སྤྱི་འཐུས་ཞིག་ལ་ཐེ་ཚོམས་མེད་པའི་ངོས་འཛིན་ཞུ་གི་ཡོད་། ཁོང་དང་འདྲ་མཚུངས་སྤྱི་འཐུས་མང་ཙམ་ཡོད་རོགས་བྱེད་ན་ཨང་བསམ་གི་ཡོད་། དགོས་མེད་གྱི་གཏམ་འཆལ་དང་གཞི་མེད་ཀྱི་རྐྱོན་བརྗོད་ ལྷག་པར་དུ་ཆོལ་ཁ་དང་ཆོས་ལུགས་ལུང་ཚན་སོགས་ཀྱི་དབྱེ་བ་དང་འཐེན་འཁྱེར་མེད་མཁན་གཟི་བརྗིད་ལྡན་པའི་སྤྱི་འཐུས་ཞིག་ཡིན་། སྒེར་གྱི་ཞལ་མཇལ་ཙམ་ཡང་ཐོབ་མ་མྱོང་། འོན་ཀྱང་བོད་པ་གཅིག་ཡིན་པའི་ཆ་ནས་བཀུར་འོས་བོད་མི་མང་སྤྱི་འཐུས་རྣམ་པ་སུ་དང་སུས་ཕྱག་ལས་གང་འདྲ་གནང་གི་ཡོད་མེད་དང་ཆ་ཤས་ལེན་སྟངས་སོགས་གང་ས་ནས་དོ་སྣང་གང་ཐུབ་ཞུས་དང་ཞུ་བཞིན་ཡོད་།།།
༄། །ད ཡིན ན་བློ་ཕམ་ཡོད་། ཚོགས གཙོའི་བྱེད་ལས་ལ།་ དཔེ་་ལྟར་ཕྱག་འཚལ་ཕན་ཡོན་མེད་པར། ཐལ་ལ་འཕྱུར་བའི་མཉེས་་པ་བསགས། ཞེས་པ་བཞིན་ བཙན་དབང་གུང་ཁྲན་གིས་ བོད་པ་ང་ཚོ་མི་ཡུལ་ལུང་པ་འཕུས་པ་རེད། སྤྱི་མཐུན་྄ཐུབ་བསྟན་དབང་ཆེན་ཀྱིས་བོད ་རྒྱ་འབྲེལ་ཐུད་སེམས་ཤུགས་ལས་འགུལ་དེ་ཁོང་རང་མི་གཅིག་ཙམ་པ་སྟེ་ བོད་མི་རྒྱ་་ཆེན་མང་འཚོ་སེམས་ལ་འཚལ། དེ་ལྟར་བུ་་མི་གཅིག་པུ་ཞིག་བོད་རྒྱ་ཞི་སྒྲིགས་ལས་འགུལ་དེ་འདྲ་ཚོགས་གཙོ་་ཁྱེད་རང་དང་སྤྱི་མཐུན་སུ་་གིས་སྤེལ་བ་ངེས་མཐོང་། སེམས་ཤུགས་ཅན་གང་ཟག་དེ་ ད་ཆ་ཛ་དྲག་ནད་དུག་ལ་ཁ་ཡར་ནས་ལས་སྣེ་ནས་ཕྱིར་་འཕུས་། དྲང་བདེན་མ་རེད་ཞུ་གི་ཡོད་དོ།