དེ་རིང་ཕྱི་ཚེས་ ༥ ཉིན་རྒྱ་གར་ལྷོ་ཕྱོགས་ས་ཡོད་པའི་བྱེས་ཀྱི་གདན་ས་བཀྲ་ཤིས་ལྷུན་པོ་དགོན་གྱིས་སྲིད་བློན་མུ་དྷི་མཆོག་དང་མངའ་སྡེའི་ངལ་སེལ་དགེ་རྩ་ཚོགས་པར་དངུལ་གྱིས་ཞལ་འདེབས་ཕུལ་བ་དང་དཀའ་ངལ་ཅན་གྱི་ཁྱིམ་ཚང་ ༣༠༠ ཙམ་ལ་སྐམ་ཟས་སོགས་སྦྱིན་གཏོང་གནང་།
བཀྲ་ཤིས་ལྷུན་པོ་དགོན་གྱི་དེ་འབྲེལ་གསལ་བསྒྲགས་ནང་དུ། དེང་འཛམ་གླིང་ས་ཕྱོགས་གང་སར་ཏོག་དབྱིབས་ནད་ཡམས་ཁྱབ་བརྡལ་ཤུགས་ཆེ་ འགྲོ་བཞིན་པའི་གནས་སྟངས་འོག་རྒྱ་གར་དབུས་དང་མངའ་སྡེ་གཞུང་། རང་གཞུང་དབུས་བོད་མིའི་ སྒྲིག་འཛུགས་བཅས་ནས་ནད་ཡམས་ཁྱབ་བརྡལ་མི་འགྲོ་བའི་སླད་ལམ་སྟོན་བཀའ་རྒྱ་རིམ་པར་ ཕེབས་པ་བཞིན། འདི་ག་བྱེས་ཀྱི་གདན་ས་བཀྲ་ཤིས་ལྷུན་པོའི་མཁན་བླ་འདུས་མང་ཡོངས་ནས་ གཞུང་འབྲེལ་ལམ་སྟོན་ཁག་ལ་བརྩི་སྲུང་ཞུ་མུས་ཡིན། གཙོ་ཆེ་༸གོང་ས་ྋསྐྱབས་མགོན་ཆེན་པོ་མཆོག་གི་དགོངས་བཞེས་འོག་ལྷག་པར་ཛ་དྲག་གི་ གནས་སྟངས་འདིའི་ཆེད་གདན་ས་བཀྲ་ཤིས་ལྷུན་པོ་ནས་རྒྱལ་ཁབ་ཀྱི་སྲིད་བློན་མུ་དྷི་མཆོག་གི་ནད་ཡམས་དགེ་རྩར་ཞལ་འདེབས་ཧིན་སྒོར་ ༡༥༠༠༠༠།༠༠ ཆིག་འབུམ་ལྔ་ཁྲི་དང་མངའ་སྡེའི་བློན་ཆེན་གྱི་ནད་ཡམས་ཐེབས་རྩར་ཧིན་སྒོར་འབུམ་གཅིག་བཅས་ཞལ་འདེབས་སུ་འབུལ་ལམ་ཞུ་རྒྱུ་དང༌། དེ་བཞིན་ས་གནས་ཡུལ་མི་ཉམ་ཐག་ཁྱིམ་ཚང་ ༡ར ༢ དང༌། སྦེལ་ཀོབ་ ལུགས་བདེ་གཞིས་ཆགས་གཉིས་ཀྱི་ཉམ་ཐག་ཁྱིམ་ཚང ༤༢ སོགས་ཉམ་ཐག་ཕོན་ཆེ་ལ། དུས་ཡུན་ཟླ་གྲངས་གཅིག་རིང་ཞལ་ལག་གི་ཆེད་སྐམ་ཟས་གྲོ་ཞིབ། འབྲས། སྣུམ། ཚྭ། བྱེ་མ་ཀ་ར། སྨན་སྣ། ཁ་རས་ལ་སོགས་རིན་མེད་འབུལ་ལམ་ཞུ་ཡི་ཡོད། དེ་བཞིན་དངོས་སུ་མང་ཚོགས་ཀྱི་བདེ་རྩའི་ཆེད་ཕྱག་ལས་གནང་མཁན་ས་གནས་སྐོར་སྲུང་བ་ སོགས་མི་གྲངས་ ༤༠ ཙམ་ལ་ཁ་རས་སྤུས་ལེགས། ལག་འཁྲུས་སྨན་ཆུ། ཟླ་གྲངས་གཅིག་གི་ སྐམ་ཟས་བཅས་འབུལ་ལམ་ཞུ་བཞིན་ཡོད། ཅེས་གསུངས་འདུག
འདི་གའི་གསར་འགོད་པས་ས་གནས་ཉེན་རྟོག་མགོ་དཔོན་སཱ་ཝེ་ལགས་སུ་ས་གནས་གཞུང་ནས་ཉམ་ཐག་དེ་ཚོར་རོགས་རམ་ག་རེ་གནང་གི་ཡོད་མེད་དྲིས་པར། དབུས་གཞུང་གིས་ཉམ་ཐག་དེ་དག་ལ་རོགས་སྐྱོར་གནང་གི་ཡོད་རེད་ལ། ད་ཐེངས་བཀྲ་ཤིས་ལྷུན་པོ་དགོན་པས་རོགས་སྐྱོར་གནང་བ་དེ་ལ་གཞུང་དང་མི་མང་གིས་ཚབ་བྱས་ནས་ཐུགས་རྗེ་ཆེ་ཞུ་ཡི་ཡོད་ཅེས་གསུངས་བྱུང་།
སྲིད་བློན་མུ་དྷི་མཆོག་ནས་ཏོག་དབྱིབས་ནད་ཡམས་ཀྱི་གནོད་འཚེ་འགོག་རྒོལ་ལ་གདུང་སེམས་མཉམ་སྐྱེད་མཚོན་སླད། དེ་རིང་དགོང་མོའི་ཆུ་ཚོད་ ༩ ཡི་ཐོག རྒྱ་གར་རྒྱལ་ཡོངས་ནང་དུས་གཅིག་ཏུ་སྐར་མ་ ༩ ཡི་རིང་གློག་ཚང་མ་གཟིམ་ཏེ། སོ་སོའི་འཁྱམ་ར་དང་སྒོ་འགྲམ་དུ་ཡང་ལཱ་དང་གློག་གཞུ་སོགས་སྤར་ནས་སྡོད་དགོས་པའི་འབོད་སྐུལ་གནང་ཡོད་པ་དང་། གློག་གཟིམ་པའི་ལས་འགུལ་འདིས་དུས་གཅིག་ལ་གློག་ནུས་ཤུགས་ཆེན་ཐོན་ཏེ་རྒྱལ་ཡོངས་ནང་དཀའ་ངལ་དང་ཉེན་ཁ་བཟོ་སྲིད་པའི་བསམ་ཚུལ་འདོན་མཁན་མང་པོ་ཡོང་གི་ཡོད་ཀྱང་། ཁ་སང་རྒྱལ་ཡོངས་གློག་ནུས་ཐོན་ཁུངས་ཀྱི་བློན་ཆེན་(R K Singh)ལགས་ནས་ཁྱིམ་ཚང་གི་གློག་གསོད་དགོས་པ་ལས་ཁྲོམ་གཞུང་གི་གློག་སོགས་གསོད་དགོས་ཀྱི་མེད་པས་ཉེན་ཁ་འབྱུང་མི་སྲིད་སྐོར་གསུངས་འདུག
རྒྱ་གར་ལྷོ་ཕྱོགས་ཀྱི་གསར་འགོད་པ་དོན་འགྲུབ་བཀྲ་ཤིས།
![Because of high altitudes in the Himalayas, difficult terrain and often poor weather, the Kailash Manasarovar pilgrimage if one of the most challenging in the world [File: Purnima Shrestha/Reuters]](https://tibettimes.net/wp-content/uploads/2026/05/Screen-Shot-2026-05-14-at-5.25.22-PM-360x180.png)
? ཡག་པོ་ཞེས་དྲག་རེད། ཐོ་ཆེ་གནང་། ? གཏམ་ཆེད་ཡིན་ན་ནི་་་ སྟོང་པའོ། རྒྱལ་ནང་གི་གནས་ཚུལ་ལ་མཐོང་རྒྱུ་ནི་མིན་འདུག ༄། །ཁྲེལ་མེད་རྣམས་ལ་ཕན་བཏགས་ཀྱང་། བྱ་བ་ཟིན་ན་བརྗེད་པར་འགྱུར། ཆུ་བོ་ཕ་རོལ་བརྒལ་བ་ན། གྲུ་གཟིངས་ལྟོད་པ་མེད་པར་འདོར།། ཨའུ་ཙི་རེད།། བོད་མི་ནང་འཁུལ་རྒྱུ་ངོམ་འདྲ་པོ་ཆགས་སྲིད།