མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རྒྱ་ནག་གསར་པ་མགོ་བཙུགས་ཡོད་སྐོར་བསྒྲགས།

བོད་ཀྱི་དུས་བབ།
༢༠༢༠/༠༦/༠༥
Share on FacebookShare on TwitterShare on EmailShare on Whatsapp

ཨ་རིའི་ནང་ཡོད་པའི་རྒྱ་རིགས་རྐང་སྤོལ་བ་ཟུར་པ་ཧོ་ཧེ་ཏུང་དང་ཕྱུག་བདག་གོ་ཝུན་ཀེ་སོགས་ཀྱིས་རྒྱ་ནག་རྒྱལ་ཕྲན་མཉམ་འབྲེལ་གསར་པའི་བསྒྲགས་གཏམ་ཟེར་བ་ཞིག་སྤེལ།ཨ་རིའི་ནེའུ་ཡོག་དུས་བབ་དང་ཝ་ཤིན་ཊོན་ཆ་འཕྲིན་གསར་ཁང་སོགས་ཀྱིས་སྤེལ་བའི་གནས་ཚུལ་ལྟར་ན། ཁ་སང་རྒྱ་ནག་ནང་དྲུག་བཞིའི་དོན་རྐྱེན་བྱུང་སྟེ་ལོ་ངོ་ ༣༡ འཁོར་བའི་དུས་དྲན་དང་བསྟུན། ཡུ་ཊོབ་དྲ་ལམ་བརྒྱུད་རྒྱ་ནག་གཞུང་གི་ཁ་གཏད་པ་ཕྱུག་བདག་གོ་ཝུན་ཀེ་དང་། རྐང་སྤོལ་བ་གྲགས་ཅན་ཟུར་པ་ཧོ་ཧེ་ཏུང་ (Hao Haidong)སོགས་མཉམ་འབྲེལ་གྱིས། རྒྱ་ནག་གཞུང་གིས་ཕྱི་ལོ་ ༡༩༨༩ ལོའི་དྲུག་བཞིའི་དོན་རྐྱེན་གཙོས་པའི་འཛམ་གླིང་ནང་ཏོག་དབྱིབས་གཉན་རིམས་འགོས་ཁྱབ་ཏུ་བཏང་བ་སོགས་ཚད་ལས་བརྒལ་བའི་བྱས་ཉེས་ལ་སྐྱོན་བརྗོད་དྲག་པོ་བྱས་ཏེ། ཁ་སང་དྲུག་བཞིའི་དུས་དྲན་ཉིན་མོར་རྒྱ་ནག་གསར་པ་ཞེས་པ་མགོ་བཙུགས་ཏེ་རྒྱ་ནག་རྒྱལ་ཕྲན་མཉམ་འབྲེལ་གསར་པའི་བསྒྲགས་གཏམ་ཞེས་པ་ཞིག་ཀྱང་ཡོངས་བསྒྲགས་བྱས་འདུག

གཞུང་གསར་མགོ་བཙུགས་པ་ཡིན་སྐོར་གྱི་མཛད་སྒོ་དེ་ཆུ་ཚོད་ ༡༡ ཙམ་ཐད་གཏོང་བརྒྱུད་བཏང་ཡོད་པ་དང་། སྐབས་དེར་ཨ་རིའི་ནང་སྐྱབས་བཅོལ་དུ་ཡོད་པའི་རྒྱ་རིགས་ཕྱུག་བདག་གོ་ཝུན་ཀེ་དང་། ཨ་རིའི་ཕོ་བྲང་དཀར་པོའི་འཐབ་ཇུས་མགོ་དཔོན་ཟུར་པ་སི་ཊི་ཝེ་(Steve Bannon)གཉིས་ཀྱིས། ཨ་རིའི་གྲོང་ཁྱེར་ནེའུ་ཡོག་གི་ཧོད་སོན་གཙང་པོའི(Hudson River)འགྲམ་གྱི་རང་དབང་ལྷ་མོའི་མཁའ་དབྱིངས་སུ་ཐད་འཕུར་གནམ་གྲུ་བཏང་སྟེ། ཧི་མ་ལ་ཡའི་ལྟ་སྐུལ་སྒྲིག་འཛུགས་ཞེས་པའི་འཕྲེད་དར་ཁྱབ་བསྒྲགས་བྱས་ཡོད་པ་མ་ཟད། སྐབས་དེར་གོ་ཝུན་ཀེ་ཡིས། རྒྱ་རིགས་མི་མང་ཐེར་འབུམ་ ༡།༣ གཙོ་བྱས་པའི་བོད་དང་ཧོང་ཀོང་། ཞིན་ཅང་དང་ཐའེ་ཝན་མི་མང་སོགས་ལ་འཚམས་འདྲི་དང་སྦྲགས། ད་ལྟ་ང་ཡོད་ས་འདི་ཨ་རིའི་རང་དབང་ལྷ་མོའི་མདུན་དུ་ཡིན་ལ། ང་ཚོས་དེ་རིང་འདི་ནས་རྒྱ་ནག་གཞུང་གསར་པ་ཞིག་མགོ་འཛུགས་བྱས་པ་ཡིན། ཞེས་དང་། རྒྱ་ནག་ནི་ཁྱིམ་ཚང་གཅིག་གམ་ཡང་ན་ཁྱིམ་ཚང་ཁག་ཅིག་ལ་བདག་གི་མེད་པར་མི་མང་ལ་བདག་གི་ཡོད་པས། གསར་དུ་བཙུགས་པའི་རྒྱ་ནག་གཞུང་གསར་པ་དེའི་བདག་པོ་མི་མང་ཡིན་པ་དང་། མི་མང་ལ་རང་དབང་དང་འདྲ་མཉམ་གྱི་ཐོབ་ཐང་སོགས་ཡོང་སླད། ད་སྔ་བར་མི་མང་ལ་སྡུག་སྦྱོང་དང་དྲག་གནོན་གཏོང་མཁན་རྒྱ་ནག་དམར་ཤོག་ཚོགས་པ་མཇུག་བསྡུ་དགོས་ཀྱི་ཡོད་སྐོར་སོགས་བརྗོད་འདུགརྒྱ་ནག་རྒྱལ་ཕྲན་མཉམ་འབྲེལ་གསར་པའི་བསྒྲགས་གཏམ་ཞེས་པའི་ནང་དུ། རྒྱ་ནག་དམར་ཤོག་ཚོགས་པ་ནི་འཇིགས་སྐུལ་ཚོགས་པ་དང་། ཁྲིམས་ཀྱི་དབང་སྒྱུར་ལ་རྩིས་མེད་ཀྱིས་དམངས་གཙོ་རྡོག་རྫིས་གཏོང་མཁན་ཞིག་ཡིན་པ་མ་ཟད། རྒྱ་ནག་གཞུང་གིས་ཏོག་དབྱིབས་གཉན་རིམས་བརྒྱུད་འཛམ་གླིང་ལ་སྐྱེ་དངོས་མཚོན་ཆས་དམག་འཁྲུག་མགོ་བརྩམས་ཡོད་པ་སོགས་ཀྱི་སྐྱོན་བརྗོད་བྱས་ཏེ། ད་ལྟའི་རྒྱ་ནག་གི་ཆབ་སྲིད་ལམ་ལུགས་འདི་མཇུག་བསྡུ་དགོས་པ་དང་། རྒྱ་ནག་དམར་ཤོག་ཚོགས་པར་ཚོར་ཤུགས་ཧ་ཅང་སྐྱེན་པོ་ཡིན་པའི་བོད་དང་ཧོང་ཀོང་། ཐའེ་ཝན་བཅས་རང་སྲིད་རང་སྐྱོང་སྤྲོད་དགོས་པ་སོགས་ཀྱི་དོན་ཚན་ ༡༨ ཡོད་འདུག

རྒྱ་ནག་གཞུང་གིས་ཧོང་ཀོང་གཙོས་པའི་ཨོ་མིན་སོགས་ཀྱི་ནང་དྲུག་བཞིའི་དོན་རྐྱེན་སྲུང་བརྩི་མཚམས་འཇོག་ཐབས་བྱེད་བཞིན་པ་དང་། ཧོང་ཀོང་བདེ་འཇགས་ཀྱི་ཁྲིམས་གཞི་སོགས་ཀྱི་རྐྱེན་པས་རྙོག་ཟིང་འབྱུང་བཞིན་པའི་སྐབས་དང་ཁེལ་ཡོད་ལ། ཧོ་ཧེ་ཏུང་གིས་གསལ་བསྒྲགས་དེ་བྱས་རྗེས། རྒྱ་ནག་ནང་ཁྱབ་ཆེ་བའི་ཁོའི་ཝི་པོ་དྲ་ཚིགས་དེ་མ་ཐག་ཏུ་སྒོ་བརྒྱབ་ཡོད་འདུག་ལ། རྒྱ་ནག་གི་རྩེད་རིགས་ཆེད་གཉེར་གསར་ཁང་(Titan)གིས། ཧོ་ཧེ་ཏུང་གིས་རྒྱ་ནག་གཞུང་ལ་ངོ་ལོག་བྱས་པར་སྐྱོན་བརྗོད་དང་སྦྲགས། མ་འོངས་པར་ལུས་རྩལ་བ་ཁོའི་སྐོར་གྱི་གནས་ཚུལ་གཅིག་ཀྱང་སྤེལ་རྒྱུ་མིན་སྐོར་བརྗོད་ཡོད་པ་རེད།

བོད་རྒྱའི་གནད་དོན་ཉམས་ཞིབ་པ་རྩོམ་པ་པོ་སངས་རྒྱས་སྐྱབས་ལགས་སུ་ཧི་མ་ལ་ཡའི་ལྟ་སྐུལ་སྒྲིག་འཛུགས་ཞེས་པའི་ཚོགས་པ་དེའི་མིང་དང་དགོས་དམིགས་ག་འདྲ་ཞིག་ཡིན་པ་སོགས་དྲིས་པར་ཁོང་གིས། ཚོགས་པ་དེའི་མིང་ལོ་གཅིག་གཉིས་ཞིག་གི་སྔོན་ནས་རྒྱ་ནག་གི་གསང་ཉུལ་བ་ཟུར་པ་ཚོང་པ་ཆེན་པོ་གོ་ཝིན་ཀེ་ཡིས་དྲ་རྒྱའི་ཐོག་བེད་སྤྱོད་བྱེད་བཞིན་པ་དེ་རེད།  བསྒྲགས་གཏམ་སྤེལ་མཁན་རྒྱ་ནག་གི་རྐང་སྤོལ་རྩེ་མཁན་ཟུར་པ་ཧོ་ཧེ་ཏུང་ཟེར་བ་དེ་རེད།  ཁོ་དང་གོ་ཝིན་ཀེ་ཁོ་ཚོ་གཅིག་པ་རེད་ལ། གོ་ཡིས་རྒྱ་ནག་གི་གསང་བ་ཡིན་ཟེར་ནས་བདེན་རྫུན་མང་པོ་ཞིག་བཤད་ཀྱི་ཡོད་སྐོར་དང་། མ་གཞི་འདི་གལ་ཆེན་པོ་མ་རེད། ཁོ་ཚོས་འཁྲབ་ཀྱི་ཡོད་པ་རེད། ངས་དང་པོ་ནས་ཧི་མ་ལ་ཡ་རྒྱ་དང་འབྲེལ་བ་མེད་པ་རེད་ཅེས་བསྒྲགས་གཏམ་ནང་བོད་བཅུགས་པ་དེར་མཐའ་གཅིག་ཏུ་ངོ་རྒོལ་བྱས་པ་ཡིན། དོན་དམ་པའི་དེ་འདྲའི་རྒྱལ་ཕྲན་མཉམ་འབྲེལ་འཛུགས་དགོས་ན་བོད་པར་སྐད་ཆ་འདྲི་དགོས་པ་དང་། གྲོས་མོལ་བྱེད་དགོས་པ་དེ་འདྲ་རེད། ཡིན་ཡང་ཁོ་ཚོས་རྒྱ་ནག་ཆེན་པོའི་ལྟ་བ་ཁུར་ནས་དེ་སྔོན་རྒྱ་ནག་མི་སེར་རྒྱལ་ཁབ་ཀྱི་བོད་སོག་སོགས་མི་རིགས་ལྔ་རྒྱ་ནག་ནང་བཅུག་པ་དང་གཅིག་པ་རེད། བོད་པར་འདོད་པ་ཡོད་མེད་ཙམ་གྱི་སྐད་ཆ་མེད་པར་རྒྱ་ནག་ནང་དུ་བཅུགས་པ་རེད། དེ་བས་དོན་དག་འདི་དག་ནས་མཐོང་པ་ནི་རྒྱ་ནག་དམར་ཤོག་གི་ནད་དེ་ཁྱབ་མེད་པའི་རྒྱ་རིགས་ཧ་ཅང་དཀོན་པོ་ཡིན་པ་བསྟན་པ་རེད་བསམ་གྱི་འདུག ཅེས་བརྗོད་བྱུང་།

གསར་འགོད་པ། སྐལ་བཟང་སྦྱིན་པ།

འབྲེལ་ཡོད་གསར་འགྱུར།

Ratopati གསར་ཁང་གི་པར།
Mobile App

ཨ་ནེ་ཆོས་དབྱིངས་སྒྲོལ་མས་ལུམ་བི་ནི་ཡར་རྒྱས་ཐེབས་རྩའི་ཚོགས་གཞོན་གྱི་ལས་འཁུར་མགོ་འཛུགས་བྱས།

ཆུ་ཚོད་ ༡༨ སྔོན་ལ།
Mobile App

ནང་པ་ཞིག་བྱེད་པར་དམར་ཤོག་ཚོགས་པར་བློ་དཀར་བའི་དམ་བཅའ་འཇོག་དགོས་ཡོད་འདུག

ཆུ་ཚོད་ ༡༨ སྔོན་ལ།
Front Slider

ཆིག་སྒྲིལ་མེ་ལྕེའི་སྐོར་བསྐྱོད་ལས་འགུལ་དབུ་འཛུགས་བྱས།

ཆུ་ཚོད་ ༢༤ སྔོན་ལ།
Front Slider

ཨོ་གླིང་གནས་སྡོད་ཡོན་ཏན་མཐར་ཕྱིན་ལགས་དང་ཁོང་གི་བུ་མོ་དབང་ཆེན་སྒྲོལ་མ་གཉིས་དང་ལྷན་དུ་གླེང་མོལ།

༢༠༢༦/༡༡/༡༩
Mobile App

ཡུ་རོབ་གྲོས་ཚོགས་འཐུས་མིའི་སྐུ་ཚབ་ཚོགས་ཆུང་ཞིག་གིས་༸གོང་ས་མཆོག་ལ་མཇལ་བཅར་ཞུས།

༢༠༢༦/༡༡/༡༨
Mobile App

བོད་དུ་ལོ་ངོ་བཞི་བཅུ་ལྷག་རིང་ལས་ཀ་བྱེད་མཁན་རྒྱ་དཔོན་ཞིག་འཛིན་རྒྱུའི་ཐག་བཅད།

༢༠༢༦/༡༡/༡༨

མཆན། 3

  1. ཇ་ཚེ། says:
    ལོ་ 6 སྔོན།

    རྒྱ་ནག་གསར་བ་མགོ་བཙུགས་ཡིན་ཟེར་ནས་རྒྱལ་གླུ་གསར་བ་ཞིག་ཀྱང་བཟོས་འདུག ཡིན་ཡང་ཧི་མ་ལ་ཡའི་མིང་དེའི་ནང་བཞག་དགོས་དོན་གང་ཡིན་ནམ། དེ་ལ་ངོས་ལེན་མེད་ཟེར་ཡིན། རྒྱ་ནག་དམངས་གཙོ་ཅན་བསྒྱུར་ན་དགའ་བའི་གནས་ཡིན་ལ་མྱུར་མོ་འགྲུབ་བའི་སྨོན་ལམ་ཡང་ཡོད།

    Reply
  2. སྐལ་བཟང་། says:
    ལོ་ 6 སྔོན།

    ང་ཚོས་ད་བར་དུ་འདི་ལྟ་བའི་རྒྱ་ནག་གསར་ཞིག་་ལ་བསྒུགས་བསྡད་ཡོད་པ་མ་རེད་དམ། རྒྱ་དམར་་ལ་ཞུ་ས་ཙམ་ཡང་མ་རྙེད་པ་དེ་རྒྱ་སྔོན་གྱིས་གསོལ་རས་གནང་འདུག་ག ད་ཉབ་བེ་ཉོབ་བེ་ཅི་ཞིག་བཤད་ཀྱིན་ཡོད། མི་འདི་ལྟ་བུ་ང་ཚོས་དགྲ་ཡིན་ན་རྒྱ་མི་དུང་ཕྱུར་ནང་ནས་ང་ཚོ་ལ་གྲོགས་ཞིག་རེག་གི་མ་རེད། རང་ཉིད་ལ་གང་དགོས་པ་དེ་ཁ་ནས་བཤད་ཐུབ་པའི་སྤོབས་པ་ཙམ་ཡང་མེད་པར་ཕ་རོལ་བོས་མཁྱེན་མ་སོང་གི་ལེ་བདའ་བྱས་ན་ཕན་གྱི་མ་རེད། རྒྱ་ནག་གི་སོ་བ་ཡིན་པའི་སྒྲུབ་བྱེད་ལ་ཡང་རྒྱ་དམར་དང་རྒྱ་ནག་པ་ཚོས་བཤད་ཀྱིན་འདུག་ཟེར་བ་མ་གཏོགས་གཞན་ཅི་ཡོད། མི་གཤིས་ལ་སྣང་བ་འགྲོ་རུང་མི་འགྲོ་རུང་མི་རྒོད་པོ་རེད། དུས་རབས་ཤིག་གི་དཔའ་བོ་རེད། དེ་ལས་ཀྱང་ཁེས་མི་ལེན་རང་ལེན་ཞིག་ནི་རྒྱ་དམར་གྱི་གཉེན་པོ་ཞིག་རེད།

    Reply
  3. ལྷ་སྡེ་གནམ་ལོ་ཡག says:
    ལོ་ 6 སྔོན།

    དྲང་མོར་བཤད་ན། སྐུ་ཞབས་ཀོ་ཝུན་ཀོས་རྒྱལ་བ་རིན་པོ་ཆེ་ལ་དབུ་བསྐོར་བཏང་ཡོད། ཐ་ན་རྒྱལ་བ་རིན་པོ་ཆེ་ནས་ཞིས་ཅིན་ཕེན་ལ་བྲིས་པའི་ཕྱག་འཕྲིན་ཡང་དེང་སྐབས་ཀོ་ཡིས་ཨ་རིའི་ནང་སྐྱབས་བཅོལ་ཞུ་བྱེད་ལ་བཀོལ་གྱི་ཡོད། དེ་བས། བོད་པ་ཚང་མ་ཐེངས་གཉིས་པའི་མགོ་བསྐོར་འོག་ཚུད་དོན་མེད། ད་དུང་ཀོ་ལ་རྒྱལ་བའི་ཕྱག་འཕྲིན་བདའ་འདེད་བྱེད་དགོས་པའི་དུས་སུ་བབས་ཡོད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese