ཨཅཱརྱ་ཡེ་ཤེས་ཕུན་ཚོགས།
ང་སྲིད་སྐྱོང་འོས་མིར་ལངས་དགོས་དོན་ནི་རེ་བ་རྒྱག་མཁན་ཚོར་ཕྱོགས་ལྷུང་མེད་པ་དང་ཕྱོགས་ལྷུང་མེད་པའི་སྣེ་འཁྲིད་པ་ཞིག་དགོས་ཀྱི་ཡོད་པར་བརྟེན། ངས་མི་ལོ་ཧྲིལ་བོ་ ༣༣ རིང་ཕྱོགས་ལྷུང་མེད་པའི་ཐོག་ནས་སྤྱི་ཚོགས་ནང་ལས་ཀ་བྱས་ནས་བསྡད་པ་དང་། རྒྱུ་མཚན་འདི་དག་གི་ཐོག་ནས་ལངས་ཀྱི་ཡོད། འདས་པའི་ལོ་ ༦༠ རིང་ད་ལྟའི་བཀའ་ཤག་གཙོས་པའི་བཀའ་ཤག་རིམ་པས་ང་ཚོ་སྤྱི་ཚོགས་འདི་ལ་སྐྲུན་རྒྱུ་ཡོད་པ་དག་བསྐྲུན་ཚར་བ་རེད། ངའི་རྒྱུ་མཚན་གཙོ་བོ་འཛིན་སྐྱོང་ཚགས་ཚུད་དང་། འཐབ་རྩོད་རྒྱུན་སྐྱོང་། སྤྱི་ཚོགས་སྲ་བརྟན། དཔལ་འབྱོར་ཐབས་འཚོལ་བཅས་དོན་ཚན་བཞི་གཞི་ལ་བཞག་སྟེ་ཁྲིམས་སྒྲིག་དོན་ཚན་ ༢༧ གྱི་དགོངས་དོན་གཞིར་བཟུང་གིས་ཕྱག་ལས་གནང་དགོས་ཀྱི་ཡོད། སྤྱི་ཚོགས་སྲ་བརྟན་ལབ་དུས་ང་ཚོའི་སྤྱི་ཚོགས་ནང་ཁུལ་ལ་འཆམ་མཐུན་དང་ཆིག་སྒྲིལ་གྱི་ནུས་པ་མ་ཉམས་པ། དཔལ་འབྱོར་ཐབས་འཚོལ་ལབ་དུས། ང་ཚོའི་ཕྱི་ནང་གཉིས་ཀྱི་རོགས་ཚོགས་དབུས་པའི་མུ་མཐུད་རོགས་ཚོགས་རག་ཐབས་དང་། འཛིན་སྐྱོང་ཚགས་ཚུད་ལབ་དུས་འཛིན་སྐྱོང་ཡོངས་རྫོགས་ཚ་ཚ་འུར་འུར་བཟོ་དགོས་ཀྱི་འདུག འཐབ་རྩོད་རྒྱུན་སྐྱོང་ཁྲོད་ང་ཚོའི་བོད་རྒྱ་འབྲེལ་མོལ་ག་འདྲ་བྱས་ནས་ཡོང་དགོས་ཀྱི་འདུག་སོགས་ཡིན།
བློ་བཟང་སྙན་གྲགས།
ད་ལྟའི་བོད་ཀྱི་གཉན་འཕྲང་ཅན་གྱི་དུས་ཚོད་འདིར། ང་རང་སྲིད་སྐྱོང་གི་འོས་མིར་ལངས་བར་བསམ་བློ་མང་པོ་བཏང་བ་ཡིན་ལ། སྲིད་སྐྱོང་གི་ལས་འགན་དེ་ལས་སླ་པོ་ཞིག་མ་རེད། འོན་ཀྱང་། འདས་པའི་མི་ལོ་ ༣༠ ལྷག་ཙམ་རིང་སོ་སོས་བོད་པའི་སྤྱི་ཚོགས་ནང་བཀའ་བློན་དང་སྤྱི་འཐུས། ཨ་རིའི་སྐུ་ཚབ་དོན་གཅོད། དེ་བཞིན། གཞུང་འབྲེལ་མིན་པའི་ཚོགས་པ་གལ་ཆེན་མང་པོ་ཞིག་གི་ནང་མགོ་འཁྲིད་ཀྱི་ལས་འཁུར་ཞུས་པའི་སྐབས་སུ། རྒྱལ་སྤྱིའི་འབྲེལ་ལམ་དང་བོད་རྒྱ་ཞི་མོལ། དཔལ་འབྱོར་འདུ་འགོད། སྤྱི་ཚོགས་བདེ་དོན་ལ་སོགས་པའི་ཐོག་ཉམས་མྱོང་གང་ལ་གང་འཚམ་ཞིག་བསགས་ཡོད་སྟབས། སོ་སོའི་སེམས་ནང་སྲིད་སྐྱོང་གི་ལས་འགན་འགྲུབ་ཐུབ་ཀྱི་རེད་བསམ་པའི་གདེང་ཚོད་ཅིག་ཡོང་གི་འདུག དེ་དང་ཆབས་གཅིག་མ་འོངས་པར་སྲིད་སྐྱོང་འཐོབ་པ་ཡིན་ན། གཞི་རིམ་གྱི་ལྟ་གྲུབ་གསུམ། བདེན་པ་དང་འཆམ་མཐུན། མཉམ་སྦྲེལ་བཅས་ཀྱི་ཐོག་ནས་བོད་མིའི་རྩ་དོན་འགྲུབ་པར་སོ་སོ་རང་ཉིད་ནས་གང་ཐུབ་ཀྱིས་འབད་བརྩོན་ཞུ་རྒྱུ་ཡིན།
ར་རྒྱ་བསྟན་འཛིན།
ངའི་ ༢༠༢༡ ལོའི་སྲིད་སྐྱོང་འོས་མིའི་འབོད་ཚིག་གཙོ་བོ་གཉིས་ཡོད་པ་ནི་འཐབ་རྩོད་གཅིག་ལ་ཐབས་ལམ་གཉིས་ཀྱི་ཐོག་ནས་འགྲོ་བར་ཐབས་ཤེས་བྱེད་ཀྱི་ཡོད། འཐབ་རྩོད་གཅིག་ལ་ཐབས་ལམ་གཉིས་ནི། ང་ཚོ་བཙན་བྱོལ་ནང་ལངས་ཕྱོགས་དེ་རང་བཙན་དང་དབུ་མའི་ལམ་གཉིས་ཀྱི་ཐོག་ནས་སོང་བ་ཡིན་ན། དབུ་མའི་ལམ་ལབ་དུས་རྒྱལ་འཚོང་བ་དང་རང་བཙན་ལབ་དུས་༧གོང་ས་མཆོག་གི་བཀའ་ལ་ཉན་གྱི་མེད་པའི་ནག་ཉེས་ཟོལ་འདྲ་པོ་དེ་མེད་པ་ཆགས་ནས། ང་ཚོ་ཚང་མས་རྒྱལ་ཁབ་སླར་གསོ་ཐོག་འབད་བརྩོན་དང་ཐབས་ལམ་ཡག་པོར་འགྲོ་བའི་རེ་བ་ཡོད། གཉིས་པ་ང་ཚོས་༧གོང་ས་མཆོག་བཞུགས་མེད་པ་ནང་བཞིན་གཞིས་བྱེས་གཉིས་ཀྱི་འབྲེལ་ལམ་སྲ་མཁྲེགས་རང་བཞིན་ཅན་གྱི་ངོ་བོར་བསྒྱུར་དགོས་པ་དེ་ཧ་ཅང་གལ་ཆེན་པོ་མཐོང་གི་ཡོད། ད་ལྟའི་ང་ཚོ་གཞིས་བྱེས་གཉིས་ཀྱི་འབྲེལ་བ་དེ་༧གོང་ས་མཆོག་བཞུགས་ཡོད་སྟབས་མང་པོ་ཞིག་དད་པ་དང་དག་སྣང་གི་ཐོག་ནས་འགྲོ་བསྡད་ཡོད་པ་རེད། གལ་སྲིད་བཙན་བྱོལ་ནང་༧གོང་ས་མཆོག་མ་བཞུགས་པའི་ཉིན་ཞིག་བསླེབས་པ་ཡིན་ན། ང་ཚོ་གཞིས་བྱེས་གཉིས་ཀྱི་འབྲེལ་ལམ་དེ་ཧ་ཅང་ཉེན་ཁ་ཆེན་པོ་ཞིག་གི་སྒང་ལ་བསླེབས་ཡོད་སྟབས། ད་ལྟ་ནས་ང་ཚོས་ཆུ་མ་ཡོང་གོང་གི་རགས་བྱས་ཏེ། ང་ཚོ་གཞིས་བྱེས་གཉིས་བར་གྱི་འབྲེལ་ལམ་དེ་དད་པ་དང་དག་སྣང་གཙོ་བོ་མ་ཡིན་པའི་འབྲེལ་ལམ་ཞིག་འཛུགས་དགོས་རྒྱུ་དེ་ཧ་ཅང་གལ་ཆེན་པོ་མཐོང་གི་ཡོད།
བཀྲ་ཤིས་དབང་འདུས།
རྩ་བའི་ཆ་ནས་ང་རང་ལོ་ ༢༠ རིང་ལ་བོད་པའི་སྤྱི་ཚོགས་ནང་ལས་ཀ་བྱས་ནས་བསྡད་པ་རེད། དེ་ནས་ཕྱི་ལོ་ ༢༠༡༥ ལོར་སྲིད་སྐྱོང་ལ་ལངས་པ་རེད། ད་ལྟའི་ཆར་བོད་ཀྱི་གནས་སྟངས་ཛ་དྲག་པོ་དང་། ༧རྒྱལ་བ་རིན་པོ་ཆེ་མཆོག་དགུང་ལོ་མཐོན་པོར་ཕེབས་ཡོད་སྟབས། མི་མང་གི་འདོད་པ་ཡོད་པ་ཡིན་ན། ངས་མུ་མཐུད་ནས་ཞབས་ཕྱི་ཞུ་འདོད་ཡོད་ཅེས་ཞུ་རྒྱུ་ཡིན། དུས་ཚོད་གཉན་འཕྲང་འདིའི་སྐབས་ལ་ངས་བྱེད་ཐུབ་ས་མ་རེད་ཅེས་བརྗོད་ན་རྩ་བ་ནས་འགྲིག་གི་མ་རེད། མི་ཚང་མས་རང་བཞིན་གྱིས་འགན་འཁུར་དགོས་པ་རེད། ང་རང་ཡིན་ནའང་མུ་མཐུད་ནས་བོད་སྤྱི་པར་ཞབས་ཕྱི་ཞུ་རྒྱུའི་འདུན་པ་ཡོད།
ངའི་འབོད་སྒྲ་ནི་དེ་སྔ་ཕྱི་ལོ་ ༢༠༡༥ ལོར་བཏོན་པ་བཞིན་རྒྱུན་གནས་དང་ཤེས་ཡོན། དཔལ་འབྱོར། གྲོས་མོལ་བཅས་ཏེ། བོད་དོན་བདེན་མཐའ་གསལ་ཐབས་དང་། གཞིས་ཆགས་རྒྱུན་གནས་ཐུབ་པ། དེ་ལྟར་རྒྱུན་གནས་ཐུབ་པ་ལ་མི་མང་ལ་དཔལ་འབྱོར་དང་། གཞོན་སྐྱེས་ལ་ཤེས་ཡོན་དགོས་པ། བོད་དོན་བདེན་མཐའ་གསལ་ཐབས་ཀྱི་ཆེད་དུ་བོད་རྒྱ་འབྲེལ་མོལ་བསྐྱར་གསོ་བྱེད་དགོས་པ་རེད། སྤྱིར་ངས་ལས་འཆར་ཞིབ་ཕྲ་ཕྱི་ལོ་ ༢༠༡༥ ལོར་བཏོན་ཡོད། ལས་གཞི་ཁག་ཅིག་བཀའ་ཤག་གིས་གནང་ཡོད་པ་རེད། དེ་ནང་བཞིན་མུ་མཐུད་ནས་ལས་གཞི་གསར་པ་དེ་འདྲ་ཡོད་པས། དེ་ཚོ་རིམ་པས་ཞུ་ཆོག་པ་ཞུ།
ཀླུ་མཁར་བྱམས།
ད་ལྟའི་ཆར་ང་ལངས་མི་ལངས་ཀྱི་གནད་དོན་དེའི་ཐོག་བསམ་བློ་གཏོང་གི་ཡོད་ལ། ངའི་ངོས་ནས་དེ་སྔོན་བཤད་པ་བཞིན་ང་ལངས་བ་དེ་ཐེངས་གཅིག་ཡིན། རྗེས་མ་ལངས་ཀྱི་མེད། ཅེས་བཤད་ཡོད་པ་རེད། ད་ལྟ་སྤྱི་ཚོགས་ནང་ང་ལ་ལངས་རོགས་བཤད་མཁན་མང་པོ་འདུག ཚང་མར་ལན་དེ་རྒྱག་གི་ཡོད་ཀྱང་། མི་མང་ནང་རེ་བ་རྒྱག་མཁན་ཕྲ་ལ་ཕྲན་བུ་འདུག ཡིན་ནའང་མི་མང་ཁྱོན་ཡོངས་ཀྱིས་རེ་བ་བརྒྱབ་ཡོང་ན་ལན་ག་རེ་རྒྱག་དགོས་མིན་ད་ལྟ་ཐག་གསལ་པོ་ཞིག་ཆོད་མ་སོང་། ང་རང་གི་ངོས་ནས་ང་ལངས་ཀྱི་མིན་ཞེས་གསལ་པོ་བཤད་ཡོད་པ་རེད། ཅེས་བརྗོད་བྱུང་ལ། འདི་ལོར་རང་བཙན་གྱི་ལངས་ཕྱོགས་འཛིན་མཁན་ཚོའི་ངོས་ནས་རང་བཙན་གྱི་འོས་མི་ཞིག་ལངས་དགོས་པའི་བགྲོ་གླེང་འབྱུང་གི་ཡོད་པ་དང་། ཁོང་ཚོ་གཅིག་གྱུར་གྱི་ངོས་ནས་འོས་མི་ཞིག་བསླང་རྒྱུའི་འཆར་གཞི་ཡོད་ཀྱང་། ད་ལྟའི་ཆར་འོས་མི་དེ་སུ་ཡིན་མིན་དང་། རང་བཙན་རྩོད་མཁན་ཚོ་ཐུན་མོང་གིས་སུ་ལ་རྒྱབ་སྐྱོར་བྱེད་དགོས་ཀྱི་ཡོད་མེད་སོགས། ཟླ་འདིའི་ཕྱི་ཚེས་ ༡༥ བར་ཐག་གཅོད་ངེས་གཏན་མི་འདུག ད་ལྟ་གནད་དོན་དེའི་ཐོག་ཁོང་ཚོ་ནང་ཁུལ་དུ་མུ་མཐུད་བགྲོ་གླེང་གནང་བཞིན་པ་ཡིན་འདུག
སྲིད་སྤྱི་གཉིས་ཀྱི་འོས་བསྡུ་ཚ་ཚ་འུར་འུར་དུ་དབུ་འཛུགས་གནང་བ་དང་སྦྲགས། ད་ལྟའི་ཆར་བོད་མིའི་སྤྱི་ཚོགས་ཁྲོད་སྲིད་སྐྱོང་འོས་དམིགས་ཉུང་མཐར་ ༡༠ མཚན་འདོན་གནང་གི་ཡོད་པ་རྣམས་ནི། དཔལ་འབྱོར་བཀའ་བློན་ལས་ཐོག་ཀརྨ་ཡེ་ཤེས་དང་། རྒྱ་རིགས་འབྲེལ་མཐུད་པ་ཟུར་པ་ཀུན་དགའ་བཀྲ་ཤིས། དགུ་བཅུ་གསུམ་ལས་འགུལ་ཚོགས་པའི་ཚོགས་གཙོ་ཟུར་པ་ཀླུ་མཁར་བྱམས། སྨན་ལྷའི་སྤྱི་གཉེར་བ་བཀྲ་ཤིས་དབང་འདུས། བཀའ་ཟུར་རྒྱ་རི་སྒྲོལ་མ། དོན་ཟུར་སྤེན་པ་ཚེ་རིང་། དོན་ཟུར་དབུ་དཀར་ཚང་སྐལ་བཟང་རྡོ་རྗེ། བཀའ་ཟུར་འབྲོང་ཆུང་དངོས་གྲུབ་དང་། ཚོགས་གཞོན་ལས་ཐོག་ཨཅཱརྱ་ཡེ་ཤེས་ཕུན་ཚོགས། རྩོམ་པ་པོ་ར་རྒྱ་བསྟན་འཛིན་ནམ་རྨ་དུག་ལྕེ་བཅས་རེད་འདུག
འདི་གའི་གསར་ཁང་ནས་སྤྱི་ཚོགས་ནང་མཚན་འདོན་གནང་བཞིན་པའི་སྲིད་སྐྱོང་འོས་དམིགས་ཚང་མར་འབྲེལ་བ་ཞུས་ཏེ་ཤེས་རྟོགས་བྱུང་བ་ལྟར་ན། སྲིད་སྐྱོང་འོས་དམིགས་སུ་བཞེངས་གཏན་འཁེལ་བའི་དོན་ཟུར་སྤེན་པ་ཚེ་རིང་དང་བཀའ་ཟུར་རྒྱ་རི་སྒྲོལ་མ་རྣམ་གཉིས་ནས་གང་མགྱོགས་ཉིན་ཤས་ནང་གསར་འགོད་གསལ་བསྒྲགས་གནང་རྒྱུ་རེད་འདུག་ལ། དོན་ཟུར་དབུ་དཀར་ཚང་སྐལ་བཟང་རྡོ་རྗེ་དང་བཀའ་ཟུར་འབྲོང་ཆུང་དངོས་གྲུབ་རྣམ་གཉིས་སྲི་ཞུ་ལས་ཐོག་ཡིན་པས་ད་ལྟའི་ཆར་གསར་ལམ་དུ་དྲིལ་བསྒྲགས་ཀྱི་ཆ་ཤས་བཞེས་ཀྱི་མི་འདུག རྒྱ་རིགས་འབྲེལ་མཐུད་པ་ཟུར་པ་ཀུན་དགའ་བཀྲ་ཤིས་དང་བཀའ་བློན་ལས་ཐོག་ཀརྨ་ཡེ་ཤེས་རྣམ་གཉིས་སྲིད་སྐྱོང་གི་འོས་དམིངས་སུ་བཞེངས་ཀྱི་མི་འདུག
སྲིད་སྐྱོང་འོས་མི་ཚོས་ ངས་འདི་དང་འདི་བྱེད་ཀྱི་ཡིན་ལབ་ཡ་ལ་ མགོ་བསྐོར་འཐེབ་མི་ཉན། དཔེར་ན་ རྒྱ་གར་ནང་ འོས་མི་ཚོས་ ངས་མི་མང་ལ་ཁང་པ་སྤྲད་ཀྱི་ཡིན། ཆུ་སྤྲད་ཀྱི་ཡིན། གློག་སྤྲད་ཀྱི་ཡིན། རྐུབ་ཀྱག་རག་ཚར་དུས་ མི་མང་ལ་ ཅབ་པའལ་རེད། དེ་དེ་བཞིན་ བློ་བཟང་སེང་གེའི་་་ འོས་བསྡུ་ སྔོན་འགྲོ་གསུང་བཤད་་་ ༡༽ གསར་གཏོད། ༢༽ རང་ཁ་རང་གསོ། ༣༽ ༧གོང་ས་མཆོག་བོད་ལ་གདན་ཞུ།། སྲིད་སྐྱོང་དང་པོ་ལོ་ལྔ་དེ་ཚར། ད་ཆ་ སྲིད་ཐེངས་གཉིས་པ་ཡང་ཚར་རན། ༡༽ གསར་གཏོད།-> 5+50 ༢༽ རང་ཁ་རང་གསོ།-> རང་གི་ཁ་དང་ནང་མི་ཁ། ༣༽ ༧གོང་ས་མཆོག་བོད་ལ་གདན་ཞུ།-> སྟོང་པའོ། ཨོཾ་ཨཿཧཱུཾ། ? ? ? ? ? ? ? བོད་རྒྱ་གྲོས་མོལ་ཡང་བྱས་མེད། བོད་མི་མགོ་སྐོར་གཏོང་ཆེད་ བག་སུ་ལམ་ ཟ་ཁང་ཞིག་དུ་ཚོགས་འདུ་ཞིག་སྐོང་། དེ་ནས་རྒྱ་རི་བློ་གྲོས་དགོངས་པ་ཞུ།།
ཀླུ་གར་བྱམས་དང་རྨ་དུག་ལྕེ་ལྟ་བུའི་གད་སྙིགས་རིགས་སྲིད་སྐྱོང་གི་གར་སྟེགས་ལ་སྒུམ་ན་དེ་གད་མོ་རང་རེད།
བོད ་པ་སྤྱིད་ཚོགས་མི་གད་སྙིགས་ཁྱེད་རང་ལྟར་བུ་གཅིག་ཡོད་ན་མང་བྲག་འདུག
སུ་གང་ཡང་མི་འདུག
སྤྱི་ཚོགས་ཐོགས་འཇོན་ཐང་ཡོད་པའི་མི་དེ་ཚོར་བཤད་ཡ་མེད། གད་སྙིགས་རིགས་སྲིད་སྐྱོང་གར་སྟེགས་ལ་སྒུམ་མ་ཡོང་རོགས།
དུས་བབ་ཚང་ལ་ལས་ཀ་རྫོགས་ཡོད་ས་རེད། གད་སྙིགས་ཡང་སྲིད་སྐྱོང་ལ་སྒུམ་ཡོང་གི་འདུག
རྒྱ་རི་སྒྲོལ་མ།
བོད་མི་རིགས་དེ་དགོས་སྲིད་སྐྱོང་དེ་ཨ་ཚོགས་ཀླུ་མཁར་བྱམས་ལས་ལྷ་བ་སུ་དགོས!
གལ་སྲིད་བོད་མི་རིགས་དེ་ཆིག་སྒྲིག་ཡོང་དགོས་ཡ་དང་མུ་མཐུད་ནས་འཆམ་མཐུན་གནས་དགོས་ཡོད་ན།སྤེན་པ་ཚེ་རིང་སྲིད་སྐྱོང་ལ་སླེབས་མི་ཉན།
མི་གཅིག་འདུག་ཏེ་ དེ་ཡང་བཀག་ཚར་འདུག་ག དོན་ཟུར་དབུ་དཀར་ཚང་སྐལ་བཟང་རྡོ་རྗེ་ཟེར་མཁན་དེ་ཚང་མས་མཁྱེན་གསལ་རེད་པ། ཨ་རི་དོན་སྤྱོད་གོ་རྒྱུ་འཚོར་རྒྱུ་མེད་མཁན་ ད་དུང་སྲིད་སྐྱོང་། ཕྱི་རྒྱལ་དུ་ཡོད་པས་བོད་པའི་གཞོན་སྐྱེད་ཚོ་ལ་ Empowering The Vision ན་གཞོན་ནུས་སྤེལ་ལས་གཞི་ ཟེར་བ་ཞིག Brain Wash ཆེད་ ཚོགས་པ་བཙུག་མཁན་དེ་རེད་པ། གཞན་མས་ཚང་མ་ནི་ རྒྱ་གར། རྒྱ་དམར། ཨ་རི་ ཡིད་ཆེ་བློ་བསྐལ་བྱེད་ས་དང་གཞུང་ཨམ་བ་ནང་བདག་མཁན་འདྲ་པོ་འདུག
གུས་པར་འོས་པའི་རྒྱ་རིགས་འབྲེལ་མཐུད་པ་ཟུར་པ་ཀུན་དགའ་བཀྲ་ཤིས་མ་འོངས་བོད་མིའི་སྲིད་སྐྱོང་ལ་བཞེངས་ན་རྒྱབ་སྐྱོར་ཆ་ཚང་ཡོད་།
འདིའི་ནང་ལ་སྲིད་སྐྱོང་འོས་པ་མིན་འངུག