མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རྒྱ་ནག་གི་འཕྲུལ་ལས་ཁང་ཞིག་གིས་གསང་བའི་ཐོག་ནས་འཛམ་གླིང་གི་མི་གྲངས་ས་ཡ་ ༢ ལྷག་གི་གནས་ཚུལ་བསྡུ་ལེན་བྱས།

བོད་ཀྱི་དུས་བབ།
༢༠༢༠/༠༩/༡༤
Share on FacebookShare on TwitterShare on EmailShare on Whatsapp

རྒྱ་ནག་ཀྲིན་ཧྭ་འཕྲུལ་རིག་སྤྱི་གཉེར་ཁང་གིས་འཛམ་གླིང་རྒྱལ་ཁབ་མང་པོའི་སྲིད་འཛིན་སྲིད་བློན་སོགས་གནད་ཡོད་མི་སྣ་དང་ཚོང་ལས་བ། ཆོས་པ་སོགས་མི་གྲངས་ས་ཡ་ ༢།༣ ལྷག་གི་གནས་ཚུལ་ཞིབ་ཕྲ་ལྐོག་ནས་བསྡུ་ལེན་བྱས་ཡོད་པའི་གནས་ཚུལ་ཕྱིར་གྱར་འདུག
དེ་རིང་རྒྱ་གར་བང་ཆེན་གསར་ཁང་གིས་གནས་ཚུལ་སྤེལ་བ་ལྟར་ན། འདས་པའི་ཟླ་བ་གཉིས་ལྷག་གི་རིང་རྒྱ་གར་གྱི་བང་ཆེན་གསར་ཁང་གཙོས་པའི་རྒྱལ་སྤྱིའི་གསར་ཁང་ཆེ་གྲས་བཞི་ཡིས། རྒྱ་ནག་གི་ལྷོ་རྒྱུད་གྲོང་ཁྱེར་ཧྲན་ཁྲན་ནང་རྟེན་གཞི་བྱས་པའི་ཀྲིན་ཧྭ་འཕྲུལ་རིག་སྤྱི་གཉེར་ཁང་ (Zhenhua Data Information Technology Co.Ltd) གི་ཕྱིར་གྱར་བའི་ཡིག་ཆ་ལ་རྟོག་ཞིབ་བྱས་པ་བརྒྱུད། སྤྱི་གཉེར་ཁང་དེས་ད་བར་རྒྱ་གར་དང་། ཨོ་གླིང་། ཨ་རི། དབྱིན་ཡུལ། ཉི་ཧོང་། ཁེ་ན་ཌ། འཇར་མ་ནི། ཨ་རབ་སྤྱི་མཐུན་རྒྱལ་ཁབ་བཅས་ཀྱི་སྲིད་འཛིན་གྱིས་མཚོན་པའི་མཐོ་རིམ་མགོ་འཁྲིད་ནས། ཆོས་ལུགས་ཀྱི་མགོ་འཁྲིད། རིག་ཚན་འདྲ་མིན་གྱི་ཚབ་མཚོན་མི་སྣ་དང་། ཐ་ན་ཉེས་ཅན་པ་དག་གི་སྒེར་གྱི་གནས་ཚུལ་གསོག་འཇོག་བྱས་ཏེ། གཞི་རྒྱ་ཆེ་བའི་གོ་ལ་རང་བཞིན་གྱི་གནས་ཚུལ་བསྡུ་རུབ་ཀྱི་ལས་གཞི་ཞིག་སྤེལ་ཡོད་པ་ཤེས་རྟོགས་བྱུང་ཡོད་པ་མ་ཟད། ཞིབ་འཇུག་པ་རྣམས་ཀྱིས་སྤྱི་གཉེར་ཁང་དེས་མི་སྒེར་གྱི་གནས་ཚུལ་དེ་དག་རྒྱ་ནག་གཞུང་ལ་མཁོ་འདོན་བྱེད་ཀྱི་ཡོད་པའི་དོགས་པ་བྱེད་ཀྱི་འདུག

རྒྱ་ནག་ཏུ་ཡོད་པའི་ཕྱིའི་ས་གནས་གསར་འགོད་པ་ཞིག་ཀྲིན་ཧྭ་སྤྱི་གཉེར་ཁང་གི་ལས་ཁུངས་ལྟེ་བར་ཆེད་བཅར་གྱིས་ད་ཐེངས་ཀྱི་གནས་ཚུལ་དང་འབྲེལ་བའི་སྐོར་དྲིས་པར་འབྲེལ་ཡོད་ལས་མི་ཞིག་གིས། དེ་དག་སྤྱི་གཉེར་ཁང་གི་ཚོང་དོན་གཉེར་ཕྱོགས་ཀྱི་གསང་བའི་གནས་ཚུལ་དང་འབྲེལ་བ་ཡོད་པས། ལན་འདེབས་བྱེད་ཐབས་མེད་སྐོར་བརྗོད་འདུག་པ་མ་ཟད། ཟླ་འདིའི་ཕྱི་ཚེས་ ༩ ཉིན་སྤྱི་གཉེར་ཁང་དེའི་དྲ་རྒྱ་ཡང་སྒོ་བརྒྱབ་འདུག གཞན་ཡང་། རྒྱ་གར་བང་ཆེན་གསར་ཁང་གིས་ལྡི་ལིར་ཡོད་པའི་རྒྱ་ནག་གཞུང་ཚབ་ཁང་ལ་དེའི་སྐོར་དྲིས་པར་གཞུང་ཚབ་ཁང་གིས། རྒྱ་ནག་གཞུང་ངོས་ནས་སྒེར་གཉེར་བཟོ་གྲྭའམ་མི་སྒེར་སུ་འདྲ་ཞིག་ལའང་། ཕྱིའི་རྒྱལ་ཁབ་ཏུ་གསོག་འཇོག་བྱས་པའི་གནས་ཚུལ་རིགས་མཁོ་སྤྲོད་བྱེད་དགོས་པའི་བཀའ་གཏོང་གི་མེད་པ་མ་ཟད། རྒྱ་ནག་གཞུང་ངོས་ནས་དུས་རྟག་དུ་རྒྱ་ནག་གིས་སྤྱི་གཉེར་ཁང་ཚོས་ཕྱིའི་རྒྱལ་ཁབ་ནང་ཚོང་དོན་གཉེར་སྐབས། འབྲེལ་ཡོད་རྒྱལ་ཁབ་ཀྱི་ཁྲིམས་སྒྲིག་ཁག་ལ་བརྩི་སྲུང་དགོས་པའི་ལམ་སྟོན་བྱེད་ཀྱི་ཡོད་སྐོར་བརྗོད་ཡོད་འདུག

ཨོ་གླིང་དུ་རྟེན་གཞི་བྱས་པའི་དྲ་ལམ་བདེ་འཇགས་ཆེད་མཁས་པ་རོ་བྷར་ཊི་པོ་ཊར་ (Robert Potter) གྱིས། སྤྱིར་རྒྱལ་ཁབ་ཚང་མས་ཕྱིའི་གནས་ཚུལ་བསྡུ་ལེན་བྱེད་ཀྱི་ཡོད་པ་དངོས་བདེན་ཡིན་ཡང་། རྒྱ་ནག་གིས་རྙོང་ཟིང་ཆེ་བའི་འཕྲུལ་རིག་བཀོལ་སྤྱོད་བརྒྱུད་གནས་ཚུལ་ཕོན་ཆེན་བསྡུ་རུབ་བྱེད་བཞིན་པ་དེ་ཚད་ལས་བརྒལ་བ་ཞིག་རེད། ཅེས་དང་། རྒྱ་ནག་གིས་ད་ལན་བསྡུ་རུབ་བྱས་པའི་གནས་ཚུལ་གྱི་གཏིང་ཚད་དང་གཞི་རྒྱ་ཆེ་ཆུང་ལ་བལྟས་ན། རྒྱ་ནག་གིས་གནས་ཚུལ་བསྡུ་ལེན་གྱི་འཐབ་བྱུས་དེ་གལ་ཆེར་འཛིན་གྱི་ཡོད་པ་ཤེས་ཐུབ། ཅེས་བརྗོད་ཡོད་འདུག དབྱེ་ཞིབ་པ་མི་ཉུང་བས་ད་ལན་གྱི་གནས་ཚུལ་འདིས་དུས་རྒྱུན་རྒྱ་ནག་གིས་སྒེར་གཉེར་སྤྱི་གཉེར་ཁང་བརྒྱུད་ནས་ཕྱིའི་གནས་ཚུལ་མཁོ་སྒྲུབ་བྱེད་ཀྱིན་པའི་དོན་དངོས་དེ་ར་འཕྲོད་བྱུང་ཡོད་སྐོར་དང་། ནུབ་གླིང་རྒྱལ་ཁབ་ཚོས་དེར་གདོང་ལེན་བྱེད་གལ་ཆེ་སྐོར་བརྗོད་ཡོད་འདུགཀྲིན་ཧྭ་སྤྱི་གཉེར་ཁང་གི་ཡིག་ཆ་རྣམས་མིང་འདོན་བྱེད་འདོད་མེད་པའི་འབྲེལ་ཡོད་མི་སྣ་ཞིག་གིས། དེ་སྔ་ཧྲན་ཁྲན་དུ་སློབ་ཁྲིད་བྱས་མྱོང་ཞིང་། ད་ལྟ་ཝི་ཐི་ནམ་དུ་ཡོད་པའི་སློབ་དཔོན་ཁི་རི་ཊོ་ཕར་བྷལ་དྷིང་ (Christopher Balding) ཟེར་བ་ཞིག་བརྒྱུད། རྒྱ་གར་གྱི་བང་ཆེན་གསར་ཁང་ (The Indian Express) དང་། དབྱིན་ཡུལ་གྱི་ཉིན་རེའི་ཊེ་ལི་གྷ་རབ་གསར་ཤོག (The Daily Telegraph)། ཨོ་གླིང་གི་དཔལ་འབྱོར་བསྐྱར་ཞིབ་གསར་ཁང་ (The Australian Financial Review)། ཨི་ཊ་ལིའི་ཨིལ་ཧྥོག་ལིའོ་གསར་ཤོག (Il Foglio) བཅས་ལ་མཁོ་འདོན་བྱས་ཡོད་ཅིང་། གསར་ཁང་དེ་དག་གིས་མཉམ་འབྲེལ་སྒོས་རྙོག་ཟིང་ཆེ་བའི་ཡིག་ཆ་དེ་དག་ལ་ཞིབ་འཇུག་བྱེད་སྐབས། སྤྱི་གཉེར་ཁང་དེའི་གཞུང་འབྲེལ་དྲ་རྒྱའི་སྟེང་། གནས་ཚུལ་ཕོན་ཆེན་བསྡུ་ལེན་གྱི་དམག་འཐབ་ (Hybrid Warfare) ནང་བྱན་ཆུབ་པ་ཞིག་ཡིན་པ་དང་། རྒྱལ་ཁབ་གཅིག་སྒྲིལ་གྱི་བྱ་བར་རམ་འདེགས་བྱེད་ཀྱི་ཡོད་སྐོར་བཀོད་ཡོད་པ་མ་ཟད། ད་བར་ཕྱིའི་རྒྱལ་ཁབ་ཀྱི་མཐོ་རིམ་མགོ་འཁྲིད་དང་ཚོང་པ་ལ་སོགས་པ་ཁྱོན་མི་གྲངས་ས་ཡ་མང་པོའི་གནས་ཚུལ་བསྡུ་རུབ་བྱས་ཡོད་པ་དང་། སྤྱི་གཉེར་ཁང་དེས་མངོན་གསལ་དོད་པོའི་ཐོག་ནས་རང་གི་འཛད་སྤྱོད་པའི་ཁོངས་སུ་རྒྱ་ནག་གི་གསང་བའི་ལས་ཁུངས་དང་། བདེ་འཇགས་ལས་ཁུངས། དམག་བཅས་ཡོད་སྐོར་བཀོད་ཡོད་པ་དང་། ད་བར་སྤྱི་གཉེར་ཁང་དེས་འཛམ་གླིང་གི་མི་གྲངས་ས་ཡ་ ༢།༣ ལྷག་གི་གནས་ཚུལ་བསྡུ་རུབ་བྱས་ཡོད་པ་ཤེས་རྟོགས་བྱུང་ཡོད།

ཀྲིན་ཧྭ་སྤྱི་གཉེར་ཁང་གིས་རྙོག་ཟིང་ཆེ་བའི་འཕྲུལ་རིག་མ་ལག་བརྒྱུད་མི་སྣ་ཕོན་ཆེན་གྱི་གནས་ཚུལ་བསྡུ་ལེན་བྱས་པའི་ཁྲོད། མི་སྣའི་མིང་དང་། སྐྱེ་ཚེས། ཤེས་ཡོན་གྱི་བརྒྱུད་རིམ། ཆེད་ལས། ནག་ཉེས་ཅི་བསགས། དེ་བཞིན་མི་སྒེར་དེའི་སྤྱི་ཚོགས་དྲ་ལམ་ཁག་གི་ཁ་བྱང་དང་། དྲ་བར་ཡོད་པའི་གནས་ཚུལ་གཞན་ཁག ཐ་ན་མི་སྒེར་དེའི་དགའ་ཉེ་སྤུན་མཆེད་རྣམས་ཀྱི་གནས་ཚུལ་སོགས་ཀྱང་བསྡུ་ལེན་བྱས་ཡོད་འདུག དེ་ཡང་རྒྱ་གར་བང་ཆེན་གསར་ཁང་གི་གནས་ཚུལ་ནང་རྒྱ་ནག་གི་སྤྱི་གཉེར་ཁང་དེས་རྒྱ་གར་ནང་གི་མི་གྲངས་ཁྲི་ ༡ ལྷག་གི་གནས་ཚུལ་བསྡུ་རུབ་བྱས་ཡོད་པའི་ཁྲོད། རྒྱ་གར་གྱི་སྲིད་བློན་ལས་ཐོག་མུ་དྷི་མཆོག་དང་སྲིད་བློན་ཟུར་པ་བཞི། དེ་བཞིན་སྲིད་འཛིན་དང་མངའ་སྡེའི་སྤྱི་ཁྱབ་བློན་ཆེན་ ༢༤། དབུས་ཀྱི་གྲོས་ཚོགས་འཐུས་མི་ ༣༥༠ དང་ཁོ་ཚོའི་དགའ་ཉེ་སྤུན་རྣམས་ཀྱི་གནས་ཚུལ་ཡོད་སྐོར་དང་། དེ་བཞིན་དབྱིན་ཡུལ་གྱི་ཊེ་ལི་གྷ་རབ་གསར་ཁང་གི་གནས་ཚུལ་ནང་། དབྱིན་ཡུལ་གྱི་སྲིད་བློན་བྷོ་རི་སི་ཇོན་སོན་མཆོག་དང་། དབྱིན་ཇིའི་བཙུན་མོ་སོགས་ཁྱོན་མི་གྲངས་ཁྲི་ ༤ ལྷག་གི་གནས་ཚུལ་གསོག་ཉར་བྱས་ཡོད་འདུག

ཀྲིན་ཧྭ་སྤྱི་གཉེར་ཁང་དེ་རྒྱ་ནག་གི་འཕྲུལ་རིག་བཟོ་གྲྭའི་ལྟེ་བར་འབོད་པའི་ལྷོ་བརྒྱུད་ཀོང་ཏུང་ (Guangdong ) ཞིང་ཆེན་གྱི་ནན་ཧྲན་ (Nanshan) རྫོང་དུ་རྟེན་གཞི་བྱས་ཡོད་ཅིང་། ཕྱི་ལོ་ ༢༠༡༨ ལོར་རྒྱ་ནག་གཅིག་སྒྲིལ་ཡོང་ཐབས་ཟེར་བར་རམ་འདེགས་ཆེད་འཛམ་གླིང་གི་གནས་ཚུལ་མཁོ་བསྡུ་བྱ་རྒྱུའི་དམིགས་ཡུལ་འོག་མགོ་བཙུགས་པ་ཞིག་ཡིན་པ་དང་། ད་ལྟའི་ཆར་རྒྱལ་ཁབ་ ༢༠ ལྷག་གི་ནང་སྤྱི་གཉེར་ཁང་དེའི་ཡན་ལག་ལས་ཁུངས་ཡོད་ཅིང་། འདས་པའི་ལོ་ ༢ ནང་སྤྱི་གཉེར་ཁང་དེས་ཕྱིའི་རྒྱལ་ཁབ་ཀྱི་མི་སེར་ས་ཡ་མང་པོར་དྲ་ལམ་བརྒྱུད་སོ་མྱུལ་བྱས་ཡོད་འདུག ཡང་ཨོ་གླིང་གི་ཨེ་བྷི་སི་གསར་ཁང་གི་གནས་ཚུལ་ནང་། ཀྲིན་ཧྭ་སྤྱི་གཉེར་ཁང་དེ་རྒྱ་ནག་གི་ཀྲིན་ཧྭ་འཕྲུལ་ཆས་བཟོ་ཚོང་ཁང་ (Zhenhua Electronics) གི་ཡིན་པ་དང་། ཀྲིན་ཧྭ་འཕྲུལ་ཆས་བཟོ་ཚོང་ཁང་དེ་རྒྱ་ནག་གི་གཞུང་གཉེར་འཕྲུལ་རིག་མཉམ་འབྲེལ་བཟོ་ཚོང་ཁང་(China Electronic Information Industry Group) གི་ཡིན་སྐོར་བཀོད་ཡོད་འདུག

གསར་འགོད་པ། པ་སངས་ཚེ་རིང་།

འབྲེལ་ཡོད་གསར་འགྱུར།

Mobile App

པཎ་ཆེན་རྒྱལ་མཚན་ནོར་བུ་ཟེར་བས་བོད་ནང་དུས་འཁོར་དབང་ཆེན་གནང་རྒྱུ་ཡིན་འདུག

ཆུ་ཚོད་ ༩ སྔོན་ལ།
HUMAN RIGHTS FIRST HONORS RICHARD GERE WITH INAUGURAL VISIONARY AWARD FOR LIFETIME ACHIEVEMENTS IN HUMAN RIGHTS. Tibettimes Photo
Mobile App

བོད་དོན་རྒྱབ་སྐྱོར་བ་རེ་ཆར་ཌི་གྷེ་རེ་ལགས་སུ་འགྲོ་བ་མིའི་ཐོབ་ཐང་གི་གཟེངས་རྟགས་ཤིག་འབུལ་གཏན་ཁེལ།

ཆུ་ཚོད་ ༡༠ སྔོན་ལ།
Himachal dastak Representative Image
Mobile App

བོད་ཁྱིམ་གྱི་སློབ་མ་ཞིག་ལ་བཙན་གཡེམ་བྱས་ཡོད་མེད་ཐད་ཉེན་རྟོག་པས་ཞིབ་འཇུག་བྱེད་མུས་ཡིན་འདུག

ཆུ་ཚོད་ ༡༠ སྔོན་ལ།
Mobile App

བོད་དང་མོན་གྱི་གཞོན་སྐྱེས་བར་ཤེས་ཡོན་བརྗེ་ལེན་གྱི་ཚོགས་ཆེན་ཐོག་མ་འཚོག་གིན་འདུག

ཆུ་ཚོད་ ༡༢ སྔོན་ལ།
མེས་པོ་དམ་པ་གྷན་དྷི་མཆོག་གི་འཁྲུངས་སྐར་ཐེངས་ ༡༥༦ པ་གཞུང་འབྲེལ་སྲུང་གཙི་ཞུས། ༢༠༢༥།༡༠།༢ དུས་བབ་ཀྱི་པར།
Mobile App

མེས་པོ་དམ་པ་གྷན་དྷི་མཆོག་གི་འཁྲུངས་སྐར་ཐེངས་ ༡༥༦ པ་གཞུང་འབྲེལ་སྲུང་གཙི་གནང་།

༢༠༢༥/༡༠/༠༢
Resisting China’s Occupation: 1 October Joint Statement. Photo Credit: International Tibet Network
Mobile App

རྒྱ་ནག་གི་རྒྱལ་སྟོན་དུས་ཆེན་ཟེར་བ་ནི་མི་མང་ལ་དྲག་གནོན་བྱས་པའི་ཉིན་མོ་ཞིག་ཡིན།

༢༠༢༥/༡༠/༠༡

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese