མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རྒྱ་མི་ལའོ་སང་བརྒྱུད་བོད་པའི་དགེ་འདུན་པ་ཁག་ཅིག་ལ་དངུལ་འབོར་ཆེན་འབྱོར་བ་དེར་རྒྱ་གར་དབུས་གཞུང་གིས་མུ་མཐུད་འདྲི་ཞིབ་བྱེད་བཞིན་པ་རེད།

བོད་ཀྱི་དུས་བབ།
༢༠༢༠/༠༩/༢༤
Share on FacebookShare on TwitterShare on EmailShare on Whatsapp

རྒྱ་གར་དབུས་གཞུང་གིས་འབྲས་སྤུངས་བློ་གསལ་གླིང་དང་སེར་སྨད་གྲྭ་ཚང་གི་དགེ་འདུན་པ་ཁག་ཅིག་ལ་འདྲི་ཞིབ་བྱེད་བཞིན་ཡོད་པ་དང་གྲྭ་ཚང་གཉིས་ཀྱི་ཕྱག་མཛོད་རྣམ་གཉིས་ནས་འདི་གའི་གསར་འགོད་པར་དགེ་འདུན་པ་དེ་ཚོར་ནག་ཉེས་རིགས་མེད་པའི་ཐུགས་རེ་གནང་གི་ཡོད་སྐོར་གསུངས་བྱུང་།ཁ་སང་ཕྱི་ཚེས་ ༢༣ ཉིན། རྒྱ་གར་སི་ཨན་ཨན་གསར་འགྱུར་ཁང་(CNN-News18)དང་ལྷོ་ཕྱོགས་མེ་སོར་གྱི་དེ་རིང་གི་གྲོང་ཁྱེར(CityToday)སོགས་ཀྱིས།  རྒྱ་གར་ལྷོ་ཕྱོགས་སུ་ཡོད་པའི་འབྲས་སྤུངས་བློ་གསལ་གླིང་གྲྭ་ཚང་གི་དགེ་འདུན་པ་ ༢ དང་། སེར་སྨད་གྲྭ་ཚང་གི་དགེ་འདུན་པ་ ༥ ། དེ་བཞིན་པན་མིན་མིན་ཞེས་པའི་བོད་པའི་དགེ་འདུན་པ་གཅིག་བཅས་སུ། རྒྱ་ནག་གི་གསང་མྱུལ་བ་ལའོ་སང་ཟེར་བ་དེས་༧གོང་ས་མཆོག་གི་སྐོར་སོགས་ཀྱི་གནས་ཚུལ་བསྡུ་ལེན་ཆེད་ཧིན་སྒོར་འབུམ་ ༡༠ ནས་ ༣༠ ཡས་མས་བར་གྱི་ལྐོག་དངུལ་སྤྲད་ཡོད་པའི་གནས་ཚུལ་བསྐྱར་དུ་བསྒྲགས་སོང་བ་ལྟར། དེ་རིང་འདི་ག་བོད་ཀྱི་དུས་བབ་གསར་ཁང་ནས་བློ་གསལ་གླིང་དང་། སེར་སྨད་གྲྭ་ཚང་གི་ཕྱག་མཛོད་རྣམ་གཉིས་ལ་གནས་ཚུལ་དེ་བདེན་པ་ཡིན་མིན་དྲིས་པར་ཁོང་རྣམ་གཉིས་ཀྱིས། ད་ལྟའི་ཆར་རྒྱ་གར་གཞུང་གི་འབྲེལ་ཡོད་ཚན་པས་ཞིབ་འཇུག་བྱེད་བཞིན་པ་ཡིན་ལ། ནག་ཉེས་རིགས་མེད་པའི་རེ་བ་བྱེད་ཀྱི་ཡོད་ཀྱང་། གལ་སྲིད་ནག་ཉེས་ར་འཕྲོད་བྱུང་ན། ང་ཚོ་ཚང་མར་འགན་ཡོད་པ་ལྟར་མུ་མཐུད་རྩད་གཅོད་གཟབ་ནན་བྱས་ཏེ་ཐག་གཅོད་ནན་པོ་བྱེད་དགོས་སྐོར་གསུངས་བྱུང་།

དེ་ཡང་འདི་གའི་གསར་འགོད་པས་ཞལ་པར་བརྒྱུད་འབྲས་སྤུངས་བློ་གསལ་གླིང་གྲྭ་ཚང་གི་ཕྱག་མཛོད་བློ་ལྡན་ལགས་སུ་དེའི་སྐོར་བཀའ་འདྲི་ཞུས་པར་ཁོང་གིས། གནས་ཚུལ་དེ་ཕྱི་ཟླ་ ༨ ཚེས་ ༢༢ ལ་རྒྱ་གར་སི་ཨན་ཨན་གསར་ཁང་ ༡༨ པས་སྤེལ་ཡོད་པ་དང་། གནས་ཚུལ་དེ་ཐོས་པ་དང་དགོན་པའི་ངོས་ནས་དོ་བདག་སོ་སོར་ཞིབ་འཇུག་མཐར་ཕྱིན་པ་བྱས་ཏེ་ངོ་དེབ་བརྒྱུད་གསལ་བསྒྲགས་ཤིག་སྤེལ་ཡོད་ལ། ཞིབ་འཇུག་བྱེད་སྐབས་དོ་བདག་དེ་དག་ལ་བོད་ནས་ཕ་མ་སྤུན་མཆེད་ཚོས་མཆོད་འབུལ་དང་དགེ་བཤེས་གཏོང་བ་སོགས་ཀྱི་ཆེད་ཁུག་དམར་བཏང་བ་ཆགས་ཡོད་པ་ལས། གྲྭ་པ་ཚང་མ་ཆཱར་ལེ་ཕན་དང་ཐད་ཀར་འབྲེལ་བ་མེད་པ་མ་ཟད་མི་དེ་སུ་ཡིན་སོགས་ངོ་ཡང་ཤེས་ཀྱི་མེད་སྐོར་གསུངས་བྱུང་།

གསར་འགོད་པས་དངུལ་འབོར་ཆེན་འབྱོར་ཡོད་པའི་དགེ་འདུན་པ་དེ་ཚོར་ཞིབ་འཇུག་མཐར་ཕྱིན་པ་བྱེད་མཁན་གྲྭ་ཚང་ཡིན་ནམ། ཡང་ན་རྒྱ་གར་ཉེན་རྟོག་པ་ཡིན་པ་དང་། མ་འོངས་པར་བློ་གསལ་གླིང་གྲྭ་ཚང་ནང་གསང་མྱུལ་དང་འབྲེལ་བའི་ནག་ཉེས་རིགས་ར་འཕྲོད་བྱུང་བ་ཡིན་ན། གྲྭ་ཚང་གི་ངོས་ནས་ག་རེ་གནང་འཆར་ཡོད་བཀའ་འདྲི་ཞུས་པར་ཁོང་གིས། གྲྭ་ཚང་གི་ངོས་ནས་གྲྭ་བ་ཚོར་ཞིབ་འཇུག་བྱེད་སྐབས། ཁོང་ཚོས་༧གོང་ས་རྒྱལ་བ་རིན་པོ་ཆེ་མཆོག་གི་སྐུ་ཕྱྭར་གནོད་པ་དང་རྒྱབ་འགལ་མི་བྱེད་པ་དང་། ལྷག་པར་དུ་མ་འོངས་པར་ཡང་སྲིད་ཀྱི་སྐོར་ནས་༧རྒྱལ་བ་རིན་པོ་ཆེའི་ཅི་གསུང་བཀའ་བསྒྲུབས་ལས་རྒྱ་ནག་ཕྱོགས་སུ་ལངས་རྒྱུའི་རིགས་རྩ་བ་ཉིད་ནས་མིན་སྐོར་བརྗོད་བྱུང་། གང་ལྟར་གནས་ཚུལ་ག་རེ་ཡིན་པ་རྒྱ་གར་གཞུང་གི་ཚན་པ་མང་པོ་ཞིག་གིས་ཞིབ་འཇུག་བྱེད་བཞིན་ཡོད་པ་དང་། མ་འོངས་པར་ང་ཚོའི་ངོས་ནས་དེ་འདྲ་མིན་པའི་བདེན་མཐའ་གསལ་ཡོང་རྒྱུར་སྒུག་ནས་ཡོད་ལ། གལ་ཏེ་མི་སྣ་དེ་འདྲ་ཡོད་ནས་༧རྒྱལ་བ་རིན་པོ་ཆེ་མཆོག་གི་སྐུ་ཕྱྭ་ལ་གནོད་པ་དང་། བོད་མིའི་ཆིག་སྒྲིལ་ལ་གནོད་པའི་ལས་རིགས་བྱས་ཡོད་ན་མུ་མཐུད་རྩད་གཅོད་ནན་པོ་བྱས་ཏེ་ཐེར་འདོན་བྱ་དགོས་པ་མ་ཟད། དེ་རིགས་ང་ཚོ་ཚང་མར་ལས་འགན་ཡོད་པ་རེད་བསམ་གྱི་འདུག ཅེས་གསུངས་བྱུང་།

གཞན་ཡང་། འདི་གའི་གསར་འགོད་པས་ཞལ་པར་བརྒྱུད་སེར་སྨད་གྲྭ་ཚང་གི་ཕྱག་མཛོད་འཇམ་དབྱངས་བསོད་ནམས་ལགས་སུ། སེར་སྨད་གྲྭ་ཚང་གི་དགེ་འདུན་པ་ཁག་ཅིག་རྒྱ་མི་ལའོ་སང་དང་དངུལ་འབྲེལ་ཡོད་པའི་གནས་ཚུལ་དེ་དངོས་བདེན་ཡིན་མིན་དྲིས་པར་ཁོང་གིས། རྒྱ་གར་གཞུང་གིས་མིང་འདོན་གནང་བའི་གྲྭ་པ་དེ་ཚོ་གྲྭ་ཚང་འདིའི་ནང་ཡོད་པ་དང། ཁོང་ཚོར་དངུལ་བསྐུར་ཡོད་པ་དངོས་ཡོད་ཡིན་ཡང་། དངུལ་ག་ཚོད་ཅིག་འབྱོར་ཡོད་མེད་ངས་གསལ་པོ་ཤེས་མ་སོང་།  གྲྭ་པ་དེ་དག་མང་ཆེ་བ་བོད་ནས་ཡིན་སྟབས་ཕ་མ་སྤུན་མཆེད་ཚོས་དངུལ་བསྐུར་བ་རྒྱ་མི་དེ་བརྒྱུད་ནས་འབྱོར་ཡོད་པ་དང་། ད་ལྟའི་ཆར་རྒྱ་གར་གཞུང་གིས་གྲྭ་པ་དེ་དག་ལ་བོད་ནས་དངུལ་བསྐུར་བ་ཡིན་པའི་སྐོར་སྐད་ཆ་དྲིས་ནས་དཔང་རྟགས་དང་བཅས་པ་གསལ་བཤད་བྱས་ཏེ་ལྡི་ལིར་བསྐུར་ཚར་བ་རེད། རྒྱ་གར་གསར་ཁང་ཁག་ནང་རྒྱ་ནག་གི་དངུལ་ཟས་འདུག་ཅེས་ཆེན་པོ་བཤད་བཞིན་ཡོད་ཀྱང་། ད་ལྟའི་ཆར་རྒྱ་གར་གཞུང་དང་བོད་མིའི་སྒྲིག་འཛུགས་བདེ་སྲུང་ལས་ཁུངས་ནས་ཞིབ་བཤེར་རེ་རེ་འགྲོ་བཞིན་ཡོད་སྟབས། གྲྭ་ཚང་གི་ངོས་ནས་དམིགས་བསལ་རེད་དང་མ་རེད་ཅེས་མཐའ་གཅིག་ཏུ་བཤད་ཁག་པོ་ཆགས་འདུག ཅེས་གསུངས་བྱུང་།

ནག་ཉེས་རིགས་ར་འཕྲོད་བྱུང་ཚེ་གྲྭ་ཚང་གི་ངོས་ནས་ག་རེ་གནང་འཆར་ཡོད་པའི་སྐོར་ལ་ཁོང་གིས། ད་ལྟའི་ཆར་རྒྱ་གར་བྷེང་ལོར་གྲོང་ཁྱེར་གྱི་དཔོན་པོ་མཐོ་ཤོས་ཤིག་ཡོང་སྟེ་ཞིབ་འཇུག་བྱེད་བཞིན་པ་ཡིན་པ་དང་། ང་ཚོའི་ངོས་ནས་སྤྱི་ཡོངས་ནས་དེ་འདྲ་ཡོང་གི་མ་རེད་བསམ་པའི་རེ་བ་བརྒྱབ་ཡོད་ལ། ལྷག་པར་དུ་མཚན་འདོན་བྱས་ཡོད་པའི་གྲྭ་པ་དེ་དག་ནམ་རྒྱུན་ཡག་པོ་ཡོད་མཁན་དང་དགོན་པར་ལས་གཉེར་ལ་རྒྱུག་བསྡད་མཁན་དེ་འདྲ་ཡིན་ལ། མ་འོངས་པར་རྒྱ་གར་གཞུང་གིས་ཞིབ་བཤེར་བྱས་ཏེ་དངོས་སུ་དེ་འདྲ་ཐོན་པ་ཡིན་ན། ཉེ་སྔོན་གསལ་བསྒྲགས་སྤེལ་བ་བཞིན་དཀར་ན་དཀར་པོ་དང་ནག་ན་ནག་པོ་བཞིན་ཐག་གཅོད་གནང་རྒྱུ་ཆགས་བསྡད་ཡོད་པ་རེད། ཅེས་གསུངས་བྱུང་།

འདི་གའི་གསར་འགོད་པས་ཞལ་པར་བརྒྱུད་བོད་མིའི་སྒྲིག་འཛུགས་ཀྱི་བདེ་སྲུང་དྲུང་ཆེ་ཀརྨ་རིན་ཆེན་ལགས་སུ། ད་ལྟའི་ཆར་རྒྱ་ནག་གི་གསང་ཉུལ་བས་བཙན་བྱོལ་བོད་མིའི་སྤྱི་ཚོགས་ནང་སིམ་འཛུལ་བྱས་པའི་གནད་དོན་ཁག་ཅིག་ཡོང་གི་ཡོད་སྟབས། སྲིད་སྤྱི་འོས་བསྡུ་ཆེན་མོའི་ལས་རིམ་འགྲོ་བཞིན་པའི་གནད་འགག་གི་སྐབས་འདིར། བོད་མི་མི་རེ་ངོས་རེ་ནས་ཡིད་གཟབ་ཅི་དགོས་དང་། བདེ་སྲུང་ལས་ཁུངས་ནས་དེའི་ཐད་དམིགས་བསལ་ཐུགས་འགན་ག་འདྲ་བཞེས་ཀྱི་ཡོད་མེད་བཀའ་འདྲི་ཞུས་པར་ཁོང་གིས། གསང་ཉུལ་གྱི་ལས་དོན་དེ་དག་ཛ་དྲག་པོ་ཞེ་དྲག་རེད། རྒྱ་ནག་གཞུང་གིས་གསང་ཉུལ་གྱི་ལས་ཁུངས་གཙོ་བོ་དེ་འཐབ་ཕྱོགས་གཅིག་གྱུར་ཁང་གཙོ་བོར་གྱུར་བའི་གསང་བའི་ལས་ཁུངས་མང་པོ་ཡོད་པ་དང་། དེ་དག་ལས་མང་པོ་ཞིག་ཕྱིའི་རྒྱལ་ཁབ་ཁག་ནང་ཡོད་པའི་གཞུང་ཚབ་ཁང་ཁག་ཏུ་ཆེད་མངགས་གཏོང་གི་ཡོད་པ་དང་། ཁོ་ཚོའི་ལས་འགན་གཙོ་བོ་དེ་བོད་པའི་སྤྱི་ཚོགས་ནང་ཆེ་ཆུང་ག་འདྲ་ཡིན་ཀྱང་འགལ་བ་བཟོ་ཐབས་བྱེད་བཞིན་ཡོད་པ་དང་། ལྷག་པར་དུ་ཉེ་བའི་ཆ་ནས་འོས་བསྡུའི་ལས་རིམ་དེ་མགོ་ཚུགས་ཚར་ཡོད་དུས། རྒྱ་ནག་གཞུང་ལ་མཚོན་ན་གོ་སྐབས་ཆེན་པོ་ཞིག་དང་། ང་རང་ཚོར་ཉེན་ཁ་ཆེན་པོ་ཞིག་ཆགས་ཡོད་སྟབས། བོད་མི་ཚོས་གནས་སྟངས་འདི་འདྲའི་འོག་གནས་ཚུལ་ག་རེ་ཡིན་ན་ཞིབ་འཇུག་དང་། དངོས་བདེན་མ་ཡིན་པའི་གནས་ཚུལ་རིགས་གང་བྱུང་སྤྱི་ཚོགས་དྲ་ལམ་ཁག་ཏུ་དཀྲམ་རྒྱུ་མེད་པ་རེད། གལ་ཏེ་རྗེས་ཕྱོགས་སྤྱི་ཚོགས་དཀྲུག་གཞིའི་གནས་ཚུལ་དེ་འདྲ་གང་བྱུང་སྤེལ་བ་ཡིན་ན། ང་ཚོའི་ངོས་ནས་གནས་ཡུལ་རྒྱལ་ཁབ་ཀྱི་ཁྲིམས་ལ་སྦྱར་སྲིད་པ་རེད་ལ། གནད་དོན་དེའི་ཐད་བོད་པའི་སྤྱི་ཚོགས་སྤྱི་ཡོངས་ནས་འགན་འཁུར་དགོས་པ་གལ་ཆེན་པོ་ཆགས་ཡོད་སྐོར་གསུངས་བྱུང་།

ཡང་འདི་གའི་གསར་འགོད་པས་ལྷོ་ཕྱོགས་བྷེང་ལོར་དང་ཧུབ་ལེ་གྲོང་ཁྱེར་གྱི་འབྲེལ་ཡོད་ལས་ཁུངས་གཉིས་ལ་འབྲེལ་བ་བྱས་ཏེ། ད་ལྟའི་ཆར་ཞིབ་བཤེར་གྱི་གནས་སྟངས་ག་འདྲ་ཆགས་ཡོད་དྲིས་པར། གནད་དོན་དེ་དབུས་གཞུང་གི་གནད་དོན་ཞིག་ཡིན་པས་ཤེས་རྟོགས་མེད་སྐོར་བརྗོད་ཀྱི་འདུག་ལ། སྦེལ་ཀོབ་ས་གནས་གྲོང་སྡེ་ཉེན་རྟོག་པས་དབུས་ཀྱི་གསང་བའི་ལས་ཁུངས་ཀྱི་ཆེད་མངགས་མི་སྣ་ཡོང་སྟེ་ཞིབ་འཇུག་བྱེད་བཞིན་ཡོད་པ་དང་། ས་གནས་ཉེན་རྟོག་པས་ཁོང་རྣམ་པར་ཐུག་འཕྲད་སོགས་ལ་རམ་འདེགས་ཙམ་ལས། གནས་ཚུལ་དངོས་ལ་ཤེས་རྟོགས་མེད་སྐོར་བརྗོད་བྱུང་།

རྒྱ་ནག་གི་གསང་མྱུལ་བ་ལའོ་སང་དང་དངུལ་གྱི་འབྲེལ་བ་ཡོད་པའི་མིང་འདོན་བྱས་པའི་དགེ་འདུན་པ་རྣམས་ནི། སེ་ར་སྨད་གྲྭ་ཚང་གི་དགེ་འདུན་པ་འཇམ་དབྱངས་སྦྱིན་པ་ལ་ཧིན་སྒོར་འབུམ་ ༣༠ ཙམ་དང་། གྲྭ་ཐུབ་བསྟན་ཆོས་གྲགས་ལ་སྒོར་འབུམ་ ༡༥།  གྲྭ་ཕུན་ཚོགས་དར་རྒྱས་དང་ངག་དབང་བློ་གསལ། བཀྲ་ཤིས་ཆོས་འཕེལ་གསུམ་ལ་ཧིན་སྒོར་འབུམ་ ༡༠ རེ་དང་། འབྲས་སྤུངས་བློ་གསལ་གླིང་གྲྭ་ཚང་ནས་ཡིན་པའི་གྲྭ་བསོད་ནམས་རྡོ་རྗེ་ལ་ཧིན་སྒོར་འབུམ་ ༧ དང་།  གྲྭ་བློ་བཟང་རྡོ་རྗེ་ཞེས་པ་ཞིག་ལ་དངུལ་སྤྲད་ཡོད་ཀྱང་གྲངས་ཚད་ཤེས་རྟོགས་བྱུང་མེད་འདུག གཞན། རྒྱ་གར་མམ་བྷེ་ལ་ཡོད་པའི་བོད་པའི་གྲྭ་པ་པན་མིང་མིང་(pan Ming Ming)ཞེས་པ་ཞིག་ལའང་ཧིན་སྒོར་འབུམ་ ༡༠ སྤྲད་ཡོད་པ་དང་།  རྒྱ་གར་རྒྱལ་ས་ལྡི་ལིའི་བོད་སྒར་བསམ་ཡས་གླིང་ཁུལ་གྱི་བླ་མ་དང་གྲྭ་པ་ཁག་ཅིག་ལ་ཡང་དངུལ་འབྲེལ་ཡོད་འདུག

གསར་འགོད་པ། སངས་རྒྱས་དཀོན་མཆོག

འབྲེལ་ཡོད་གསར་འགྱུར།

FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]
Mobile App

༢༠༢༥ ལོའི་ནོ་སྦེལ་ཞི་བདེའི་གཟེངས་རྟགས་ལྕམ་མཱ་རི་ཡ་ཁོ་རི་ནཱ་མཱ་ཆཱ་ཌོ་ལགས་སུ་ཐོབ།

ཆུ་ཚོད་ ༣ སྔོན་ལ།
བོད་རིགས་དཔོན་པོ་བསྟན་འཛིན་དང་རྒྱ་ནག་གཞུང་གི་ཆོས་ལུགས་ལས་དོན་བཀག་སྡོམ་གྱི་བཅའ་ཁྲིམས། པར་དུས་བབ་ཀྱིས་བསྒྲིགས།
Mobile App

ཆོས་ལུགས་ལ་དད་མོས་བྱས་པའི་ཉེས་མིང་འོག་བོད་རིགས་དཔོན་པོ་ཞིག་གནས་དབྱུང་བཏང་།

ཆུ་ཚོད་ ༥ སྔོན་ལ།
Hungary's Laszlo Krasznahorkai poses for photographers in London [File: Matt Dunham/AP]
Mobile App

འདི་ལོའི་ནོ་སྦེལ་རྩོམ་རིག་གཟེངས་རྟགས་དེ་ཧང་གྷ་རིའི་རྩོམ་པ་པོ་ལཱ་སི་ལོ་ཀ་རཱ་སི་ཛ་ན་ཧོར་ཁའེ་ཐོབ། 

ཆུ་ཚོད་ ༦ སྔོན་ལ།
From left, Susumu Kitagawa, Richard Robson and Omar Yaghi, winners of the Nobel Prize in Chemistry, announced at the Nobel Assembly of the Karolinska Institutet, in Stockholm, Sweden, on October 8, 2025
Mobile App

ནོ་སྦེལ་རྫས་འགྱུར་རིག་པའི་གཟེངས་རྟགས་ཡོངས་བསྒྲགས་གནང་།

༢༠༢༥/༡༠/༠༩
The 7th Young Indian Scholars’ Conference on Tibetan Studies Commences in Dharamshala Organises by Tibet Policy Institute (TPI). PC : CTA
Mobile App

རྒྱ་གར་ན་གཞོན་བོད་རིག་པ་ཉམས་ཞིབ་པའི་ཚོགས་འདུ་ཐེངས་བདུན་པ་མཇུག་བསྡུས།

༢༠༢༥/༡༠/༠༩
Rubin Museum's photo taken by Tenzin Dorjee
Mobile App

ཁ་དོག་སྒྱུ་རྩལ་མཐུན་ཚོགས་ལ་ཧི་མ་ལ་ཡའི་སྒྱུ་རྩལ་བྱ་དགའ་ཐོབ།

༢༠༢༥/༡༠/༠༩

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese