འབའ་བ་སྐལ་བཟང་རྒྱལ་མཚན་ལཊ་ཐའེ་ཝན་དོན་གཅོད་དུ་བསྐོས།

བོད་མི་མང་སྤྱི་འཐུས་ཟུར་པ་འབའ་བ་སྐལ་བཟང་རྒྱལ་མཚན་ལགས་ཐའེ་ཝན་སྐུ་ཚབ་དོན་གཅོད་དུ་བསྐོ་བཞག་གནང་བ་ལྟར་འཆར་ལོའི་ཕྱི་ཟླ་ ༡ ཚེས་ ༤ ཉིན་ནས་ལས་འཁུར་ཞུ་རྒྱུ་ཡིན་འདུགདེ་རིང་བོད་མིའི་སྒྲིག་འཛུགས་བཀའ་དྲུང་ཡིག་ཚང་གིས་གསལ་བསྒྲགས་ཤིག་སྤེལ་བ་ལྟར་ན། ཨོ་གླིང་སྐུ་ཚབ་དོན་ཁང་གི་རྒྱ་རིགས་འབྲེལ་མཐུད་པ་སྤྱི་ཟུར་འབའ་བ་སྐལ་བཟང་རྒྱལ་མཚན་ལགས་ཐའེ་ཝན་སྐུ་ཚབ་དོན་གཅོད་དུ་བསྐོ་བཞག་གནང་སྟེ། ཕྱི་ལོ་ ༢༠༢༡ ཟླ་ ༡ ཚེས་ ༤ ཉིན་དངོས་སུ་དོན་གཅོད་ཀྱི་ལས་འཁུར་མགོ་འཛུགས་གནང་རྒྱུ་ཡིན་འདུག

སྤྱི་ཟུར་འབའ་བ་སྐལ་བཟང་རྒྱལ་མཚན་ལགས་ནི། ཕྱི་ལོ་ ༡༩༦༦ ལོར་འབའ་ཐང་དུ་སྐྱེས་ཤིང་བོད་ནས་མཐོ་རིམ་སློབ་གྲྭ་ཐོན་ཏེ་དཀར་མཛེས་ཁུལ་ཆབ་སྲིད་གྲོས་མོལ་ལྷན་ཁང་དང་། འཐབ་ཕྱོགས་གཅིག་གྱུར་ལས་ཁུངས་སུ་ལོ་ ༡༠ ལ་ཕྱག་ལས་གནང་བ་དང་། ཕྱི་ལོ་ ༡༩༩༩ ལོར་རྒྱ་གར་དུ་འབྱོར་རྗེས་བོད་གཞུང་གི་བདེ་སྲུང་གི་བོད་གནས་ཉམས་ཞིབ་ཁང་དུ་རྒྱ་ནག་དང་བོད་གནས་ཉམས་ཞིབ་པ་དང་། ལོ་ཙཱ་བའི་ལས་འཁུར་ཞུས། ཕྱི་ལོ་ ༢༠༠༤ ལོར་བོད་གཞུང་ཕྱི་དྲིལ་ལས་ཁུངས་ཀྱི་ལན་འདེབས་ཚོགས་ཆུང་ནང་བསྐོ་བཞག་གནང་བ་དང་། ཕྱི་ལོ་ ༢༠༠༦ དང་ ༢༠༡༡ ལོར་བོད་མི་མང་སྤྱི་འཐུས་སྐབས་ ༡༤ དང་ ༡༥ བཅས་སྐབས་གཉིས་བསྟུད་མར་བདམས་ཐོན་བྱུང་ཡོད་པ་རེད།

གསར་འགོད་པ། པ་སངས་ཚེ་རིང་།