ཕྱི་ལོ་ ༢༠༢༡ ལོའི་སྲིད་སྐྱོང་འོས་མི་སྤྱི་འཐུས་ཚོགས་གཙོ་ཟུར་པ་སྤེན་པ་ཚེ་རིང་ལགས་ལ་འོས་གྲངས་ ༢༣༦༧༥ དང་ཨ་རིའི་སྐུ་ཚབ་དོན་ཟུར་དབུ་དཀར་ཚང་སྐལ་བཟང་རྡོ་རྗེ་ལགས་ལ་འོས་གྲངས་ ༡༣༩༤༢། བཀའ་ཟུར་རྒྱ་རི་སྒྲོལ་མ་ལགས་ལ་འོས་གྲངས་ ༡༣༡༥༩ བཅས་འོས་གྲངས་མཐོ་ཤོས་དང་པོ་དང་གཉིས་པའི་བར་ལ་འོས་གྲངས་ ༩༧༣༣ དང་གཉིས་པ་གསུམ་པའི་བར་འོས་གྲངས་ ༧༨༣ གྱི་ཁྱད་པར་འདུག
ཕྱི་ལོ་ ༢༠༢༡ ལོའི་བཙན་བྱོལ་བོད་མིའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་ཕྱི་ཟླ་ ༡ ཚེས་ ༣ ཉིན་ལེགས་པར་གྲུབ་ཡོད་པ་དང་། ཕྱི་ཚེས་ ༥ ཉིན་ནས་བཟུང་འདི་ག་བོད་ཀྱི་དུས་བབ་གསར་ཁང་ནས་ཕྱི་རྒྱལ་ཡུལ་གྲུ་ཁག་དང་། རྒྱ་བལ་གཉིས་ཀྱི་ས་གནས་འོས་བསྡུ་ལས་ཁུངས་སོགས་སུ་འབྲེལ་བ་ཞུས་ཏེ། སྲིད་སྐྱོང་འོས་མིའི་སྔོན་འགྲོའི་གྲུབ་འབྲས་ཕྱོགས་བསྡུས་བྱས་ཏེ་གསར་སྣོན་བསྐྱར་བཅོས་བཅས་བྱེད་ཀྱི་ཡོད་ལ། རྒྱ་བལ་གཉིས་ཀྱི་ས་གནས་ཁག་ཅིག་གི་འོས་བསྡུའི་གྲུབ་འབྲས་ད་དུང་ཁ་གསལ་ངེས་གཏན་ཆགས་ཐུབ་ཀྱི་མི་འདུག
དེ་རིང་ཕྱི་ཚེས་ ༢༢ ཉིན་བར་དུ་བསྡུ་རུབ་བྱུང་བའི་གྲུབ་འབྲས་ཕྱོགས་བསྡོམས་ལྟར་ན། སྤྱི་འཐུས་ཚོགས་གཙོ་ཟུར་པ་སྤེན་པ་ཚེ་རིང་ལགས་ལ་འོས་གྲངས་ ༢༣༦༧༥ དང་། ཨ་རིའི་སྐུ་ཚབ་དོན་ཟུར་དབུ་དཀར་ཚང་སྐལ་བཟང་རྡོ་རྗེ་ལགས་ལ་འོས་གྲངས་ ༡༣༩༤༢། བཀའ་ཟུར་རྒྱ་རི་སྒྲོལ་མ་ལགས་ལ་འོས་གྲངས་ ༡༣༡༥༩། བཀའ་ཟུར་འབྲོང་ཆུང་དངོས་གྲུབ་ལགས་ལ་འོས་གྲངས་ ༡༠༠༣༡། བཀའ་ཟུར་བློ་བཟང་སྙན་གྲགས་ལགས་ལ་འོས་གྲངས་ ༩༧༦། སྤྱི་འཐུས་ཚོགས་གཞོན་ཨ་ཅཱརྱ་ཡེ་ཤེས་ཕུན་ཚོགས་ལགས་ལ་འོས་གྲངས་ ༢༡༢། བཀྲ་ཤིས་སྟོབས་རྒྱལ་ལགས་ལ་འོས་གྲངས་ ༣༤ བཅས་རེད་འདུག་ལ། འོས་གྲངས་མཐོ་ཤོས་དང་པོ་དང་གཉིས་པའི་བར་ལ་འོས་གྲངས་ཁྱད་པར་ ༩༧༣༣ དང་། གཉིས་པ་དང་གསུམ་པའི་བར་ལ་འོས་གྲངས་ཁྱད་པར་ ༧༨༣ འདུག འོན་ཀྱང་། འདི་ལོའི་ཕྱི་ཟླ་ ༢ ཚེས་ ༨ ཉིན་དབུས་འོས་བསྡུ་ལས་ཁང་ནས་གཞུང་འབྲེལ་ཐོག་སྔོན་འགྲོའི་གྲུབ་འབྲས་གསལ་བསྒྲགས་གནང་རྒྱུ་ཡིན་པས། སྐབས་དེར་གོང་དུ་བཀོད་པའི་འོས་གྲངས་ཁག་ལ་འཕར་ཆག་ཅུང་ཙམ་རེ་འགྲོ་སྲིད་པ་རེད།
འདི་ལོར་འཛམ་གླིང་རྒྱལ་ཁབ་ ༢༦ ནང་ས་གནས་འོས་བསྡུ་ལས་ཁང་ཁྱོན་ ༥༨ ཡོད་པའི་ཁོངས་ནས་འདི་ག་ལས་ཁུངས་ནས་འོས་བསྡུའི་གྲུབ་འབྲས་ཀྱི་ལས་ཤོག་ལག་སོན་བྱུང་སྟེ་གྲངས་འབོར་ངེས་གཏན་ཟིན་པ་རྣམས་ནི། རྒྱ་གར་ནང་སྦེལ་ཀོབ་བདེ་སླར་དང་བོན་གཞིས། འབིར་སྡེ་དགེ། ཝ་ར་ཎ་སི། འབིར་ནང་ཆེན། བཀྲ་ཤིས་ལྗོངས། སྦེལ་ཀོབ་ལུགས་བསམ། སུན་མཚོ་ནམ་གསུམ། རྡོ་རྗེ་གདན་ཁུལ། འབིར་བོད་ཚོགས། ཊི་ཛུ། འབུལ་སྡེ་ལ། དྷ་ལ་ཧོ་སི། མེའོ། སིམ་ལ། དྷ་རམ་ས་ལ། མོན་གྷོ་འདོད་རྒུ་གླིང་། བསུ་ན་མདའ། ར་ཝང་ལ། ཨོ་རི་ས། ཀོ་ལི་གྷལ། ཧ་པ་སྤུར། ནེ་ནི་ཏཱལ། སྤུར་ཝ་ལ། ཕྱི་རྒྱལ་ཁག་ནས་སུད་སི་དང་འཇར་མན། ཨོ་སི་ཊི་རི་ཡ། ཨོ་གླིང་དང་ནེའུ་ཛི་ལན་ཌི། ཐའེ་ཝན། ཧྥ་རན་སི། ནེའུ་ཌིར་ལན་ཌི། སི་པེན། སྦེལ་ཇམ། བྱང་ཨ་རི། ཨི་ཊ་ལི། དབྱིན་ཡུལ། སུ་ཝེ་ཌན། ཨའེ་ལིན་ཌ། ནོར་ཝེ། ཌན་མག པོ་ལེནཌ་བཅས་ཡིན།
ལས་ཤོག་ལག་སོན་མ་བྱུང་ཡང་ས་གནས་སུ་འབྲེལ་བ་ཞུས་ཏེ་གྲངས་འབོར་གཤིབ་བསྡུར་བསྐྱར་ཞིབ་ཟིན་པ་རྣམས་ནི། རྒྱ་གར་ནང་གི་སྒང་ཐོག་དང་། ལ་དྭགས། ཀུ་ལུ། བྷན་ཌ་ར། རྡེ་ར་ལྡུན། ཀ་ལིན་སྤུང་། བྷེང་ལོར་ཁ་འཐོར། བསྟན་འཛིན་སྒང་། རྡོ་རྗེ་གླིང་། སྤོན་ཊ། ཀུམ་རའོ། རྟ་དབང་། མ་ན་ལི། དྷོ་བྷི། ཌེ་མཱ་པུར། ཁམས་ཀ་ཐོག མན་སྤར། ཕྱི་རྒྱལ་ཁག་ནས་ཨུ་རུ་སུ་དང་། ཉི་ཧོང་། ཨ་ཧྥེ་རི་ཁ་བཅས་ཡིན།
ལས་ཤོག་མ་རག་པ་དང་གཤིབ་བསྡུར་བསྐྱར་ཞིབ་མ་ཐུབ་པ་རྣམས་ནི་རྒྱ་གར་ནང་ལྡི་ལི་དང་ཤི་ལོང་། ཀྲུ་ཀྲིང་། བལ་ཡུལ་ནང་མཆོད་འཇོར་དང་བསམ་སྒྲུབ་གླིང་། འཕགས་ཤིང་། ཤར་ཝ་ར་གསུམ། བཀྲིས་དཔལ་འཁྲིལ། བཀྲིས་གླིང་། གློ་སྒྲིག་བཅས་ཡིན།
ཕྱི་ལོ་ ༢༠༢༡ ལོའི་སྲིད་སྐྱོང་འོས་མིའི་སྔོན་འགྲོའི་གྲུབ་འབྲས།
ཕྱི་ལོ་ ༢༠༡༦ ལོར་སྲིད་སྐྱོང་བློ་བཟང་སེང་གེ་མཆོག་ལ་ང་རང་གི་འོས་བླུགས་པ་ཡིན། གང་ཡིན་ཟེར་ན། ཁོ་རང་གིས་མུ་མཐུད་ལོ་ ༥ ལ་གནང་ན་གྲུབ་འབྲས་མང་པོ་ཞིག་མཇུག་སྐྱོང་ཐུབ་པ་རེད་བསམས་སོང་ལ། ང་རང་གི་འོས་དེ་འཕྲོ་བརླག་བཏང་མ་སོང་བསམ་ཡོད། ད་ལོར་ངའི་སྲིད་སྐྱོང་འོས་དེ་སྤེན་པ་ཚེ་རིང་ལ་བླུགས་ཡོད། དེ་ཕྱོགས་གཅིག་ནས་ང་རང་ལས་རྒྱུ་འབྲས་རྩི་མཁན་ཞིག་དང་དྲང་བདེན་ལ་རྒྱབ་སྐྱོར་བྱེད་མཁན་ཞིག བོད་སྤྱི་པ་ལ་སེམས་བསམ་པ་དཀར་པའི་བདེན་དཔང་ཡིན། ཕྱོགས་གཉིས་ནས་སྤེན་པ་ཚེ་རིང་གི་ཤེས་ཡོན་དང་འཇོན་ཐང་། བབ་བརླིང་བརྟན་གསུམ་གྱི་སྤྱོད་པ་དེ་ལ་དགའ་བ་གུས་བཀུར་ཞུས་པ་ཡིན། ཁོང་ལ་ད་ལོར་ཚོད་དཔག་ལས་བརྒལ་བའི་མི་མང་གི་འོས་ཐོབ་པ་དེའང་གོང་གི་རྒྱུ་མཚན་དེ་འདྲ་ཡིན་པ་ནི་བཤད་མ་དགོས་པ་རེད། གང་ལྟར་ངའི་དངོས་གཞིའི་འོས་ཡང་ཁོང་ལ་བླུག་གི་ཡིན། ཡིན་ནའང་། སྐལ་རྡོར་ལགས་ལ་གུས་ཞབས་དང་བརྩི་བཀུར་ཡོད་པའི་མ་ཚད། མ་འོངས་པར་ཁོང་ཡང་ང་ཚོའི་སྲིད་སྐྱོང་ཞིག་ཆགས་ཐུབ་པའི་ཡིད་ཆེས་ཡོད།
ཁྱོན་བསྡོམས་བོད་མི་དྲུག་ཁྲི་ཉོ་སྟོང་ ༦༢‚༠༠༠ ཙམ་གྱི་འོས་བསྡུར་ཆ་ཤས་ལེན་ཡོད། དེའི་ནང་ནས་ཉི་ཁྲི་བཞི་སྟོང་ ༢༤༠༠༠། ཙམ་གྱི་སྤེན་ཚེ་ལགས་སུ་འོས་གནང་བ་དང་དེ་ལས་མང་བ་བོད་མི་་གསུམ་ཁྲི་བརྒྱད་སྟོང་ ༣༨༠༠༠། ཙམ་གྱི་སྤེན་ཚེ་ལ་འོས་གནང་མེད། འདིའི་ག་རེ་མཚོན་ཟེར་ན་གོང་ཞུས་འོས་གནང་མི་༣༨༠༠༠། དེ་དག་སྤེན་ཚེ་བ་འོས་གནང་འདོད་མེད་མཁན་རེད། ་མི་དེ་དག་གིས་དངོས་གཞིའི་སྐབས་སོ་སོའི་འདོད་མོས་ཡོད་མིན་ལ་མ་ལྲོས་བར་ད་ཆ་འོས་སྤེན་ཚེའི་ཁ་གཏད་དབུས་དཀར་ཚང་སྐལ་བཟང་རྡོ་རྗེ་ལགས་སུ་འོས་གནང་རྒྱུ་ཕལ་ཆེར་ངེས་པ་ལས་དེ་མིན་སྤེན་ཚེ་ལ་མི་འདོད་པས་གཞན་ལམ་མེད་རེད། དེ་ལྟར་གནང་དགོས་ངེས་དང་དགོས་གལ་དགོས་གནད་དུ་སོང་གཟབ་གལ་མིན་ནམ།
ཡང་འདི་ལོ་སྤད་ཚེད་ཐུུབ་པ་ཐུུངས་དགོས་བྱེད་ས་རེད་!
བཙན་འབྱོར་སྤྱི་ཚོགས་ནང་ཐུུབ་པ་སྐོལ་མཁན་ཁོང་ལ་རྒྱབ་སྐྱོར་གནང་མཁན་ཚང་མ་ཧཧཧཧཧཧཧཧ
སྤད་ཚད་ལ་ཡོད་པའི་ནག་ཉེན་ཚང་མ་སྐལ་རྡོར་ལ་ཡོད་ན་ག་རི་གནང་གིས་རེད་!དྲི་བ་ཡིན!
འཛམ་གླིང་ཞི་བདེ་ཁ་ལ་འཁུར་ཡང་བོད ་སྤྱི་ཚོགས ་ཁྲག་ལྟར་དཀྲུུགས
དབུས་འོས་བསྡུ་ལས་ཁང་ནས་ཕྱི་ཟླ་གཉིས་པའི་ཚེས་བརྒྱད་ཉིན་སྲིད་སྤྱིའི་སྔོན་འགྲོའི་འོས་བསྡུའི་སྒྲུབ་འབྲས
གསལ་བསྒྲགས་གནང་རྒྱུའི་ལས་རིམ་སྔོན་དུ་གསལ་བསྒྲགས་ཟིན་ཡོད་ན་གཞུང་འབྲེལ་མ་ཡིན་པའི་གསར་འགྱུར་
བརྒྱུད་ལམ་ལ་ས་གནས་འོས་བསྡུའི་ལས་ཤོག་ཐོག་སྲིད་སྐྱོང་གི་སྔོན་འགྲོའི་འོས་བསྡུའི་སྒྲུབ་འབྲས་སྤྲོད་ཆོག་པའི་
ཆ་རྐྱེན་བཙན་བྱོལ་བོད་མིའི་བཅའ་ཁྲིམས་དང་བཙན་བྱོལ་བོད་མིའི་འོས་བསྡུའི་སྒྲིག་གཞི་དོན་ཚན་གང་གི་འོག་ཏུ་འགན་ཁུར་པ་ཡིན་འོས་འཕེན་རྒྱ་ཆེ་མང་ཚོགས་ལ་གསལ་བཤད་ཕེབས་དགོས་དེ་མང་གཙོ་དང་ཁྲིམས་ཀྱི་དབང་བསྒྱུར་ཟེར་བའི་གོ་དོན་ངོ་མ་དེ་མ་རེད་དམ་???
བཀའ་ཟུར་རྒྱ་རི་ལ་རེ་བ་དང་ཆིག་སྒྲིལ་གྱི་ནུས་པ་ལྡན་པ་ཞིག་འདུག་ཀྱང་ཕྱོགས་ཁག་གང་གི་ཁུངས་སུ་མེད་ཙང་ཡར་སླེབ་ཐུབ་མིན་འདུག། ད་མ་འོང་པར་སྲིད་སྐྱོང་ལ་ཐོབ་དགོས་ན་ད་ལྟ་ནས་ཕྱོགས་ཁག་ནང་འཛུལ་དགོས་ངེས་རེད།