མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

གང་མགྱོགས་ཉི་ཧོང་གི་སྲིད་བློན་འཕོ་འགྱུར་འགྲོ་རྒྱུ་ཡིན་འདུག

བོད་ཀྱི་དུས་བབ།
༢༠༢༡/༠༩/༠༦
Share on FacebookShare on TwitterShare on EmailShare on Whatsapp

བསླེབ་ལ་ཉེ་བའི་ཉི་ཧོང་གི་གཞུང་འཛིན་གུ་ཡངས་དམངས་གཙོ་ཚོགས་པའི་མགོ་ཁྲིད་འོས་འདེམས་ཁྲོད་སྲིད་བློན་ལས་ཐོག་སྐུ་ཞབས་ཡོ་ཤི་ཧེ་དྷི་སུ་གྷ་མཆོག་འོས་མིའི་ཁོངས་སུ་ཞུགས་རྒྱུ་མིན་སྐོར་གསལ་བསྒྲགས་གནང་ཡོད་སྟབས་སྲིད་བློན་གསར་པ་བསྐོ་དགོས་པའི་གནས་སྟངས་ཆགས་ཡོད་འདུག

Japan’s Prime Minister Yoshihide Suga attends a meeting with president of the International Paralympic Committee (IPC) Andrew Parsons in Tokyo, Japan September 3, 2021, following his announcement that he will not seek re-election for Liberal Democratic Party (LDP) leadership this month. Behrouz Mehri/Pool via REUTERS

འདས་ལོར་མང་ཚོགས་ཀྱིས་དགའ་མོས་ཆེན་པོ་བྱ་སའི་ཉི་ཧོང་གི་སྲིད་བློན་ཤིན་ཛོ་ཨ་བྷེ་ (Shinzo Abe)མཆོག་ནས་སྙུང་གཞིའི་རྐྱེན་པས་རྩ་དགོངས་ཞུས་རྗེས། ཁོང་གི་ཕྱག་གཡས་པ་ལྟར་གྱུར་བའི་སྐུ་ཞབས་ཡོ་ཤི་ཧེ་དྷི་སུ་གྷ་ (Yoshihide Suga)མཆོག་སྲིད་བློན་དུ་བསྐོས་ཏེ་ལོ་གཅིག་ཙམ་འགྲོ་བཞིན་ཡོད་པའི་སྐབས་འདིར། བསླེབ་ལ་ཉེ་བའི་གཞུང་འཛིན་གུ་ཡངས་དམངས་གཙོ་ཚོགས་པའི་མགོ་འཁྲིད་ཀྱི་འོས་མིའི་ཁོངས་སུ་ཞུགས་རྒྱུ་མིན་པའི་གསལ་བསྒྲགས་གནང་ཡོད་པར་བརྟེན། ཟླ་འདིའི་ཕྱི་ཚེས་ ༢༩ ཉིན་འོས་བསྡུ་གནང་རྗེས་སྲིད་བློན་འཕོ་འགྱུར་འགྲོ་རྒྱུ་ཡིན་འདུག

དེ་ཡང་ཟླ་འདིའི་ཕྱི་ཚེས་ ༣ ཉིན་ཉི་འོང་གི་གཞུང་འཛིན་གུ་ཡངས་དམངས་གཙོ་ཚོགས་པའི་ (Liberal Democratic Party)  དྲུང་ཆེས་གསལ་བསྒྲགས་ཤིག་སྤེལ་བའི་ནང་། དེ་རིང་སྲིད་དོན་ཚོགས་པའི་འགན་འཛིན་ལྷན་ཚོགས་ཀྱི་ཚོགས་འདུའི་སྟེང་། སྐུ་ཞབས་སུ་གྷས་རང་ཉིད་ཀྱི་འབད་བརྩོན་རྣམས་ཏོག་དབྱིབས་གཉན་རིམས་ལ་འགོག་རྒོལ་ཆེད་གཏོང་རྒྱུ་ཡིན་སྟབས། ཡོང་ལ་ཉེ་བའི་སྲིད་དོན་ཚོགས་པའི་མགོ་འཁྲིད་ཀྱི་འོས་བསྡུའི་ནང་ཞུགས་རྒྱུ་མིན་སྐོར་བརྗོད་ཡོད། ཅེས་དང་། ཐག་གཅོད་དེ་ནི་བློ་ཕམ་རང་བཞིན་ཞིག་ཡིན་ནའང་། ཁོང་གིས་ད་བར་གང་ཐུབ་ཅི་ཐུབ་གནང་ཡོད་པ་རེད། ཅེས་བརྗོད་ཡོད་ཅིང་། གཞུང་འཛིན་གུ་ཡངས་དམངས་གཙོ་ཚོགས་པའི་མགོ་འཁྲིད་ཀྱི་འོས་བསྡུ་དེ་ཉིད་ཟླ་འདིའི་ཕྱི་ཚེས་ ༢༩ ཉིན་ཚོགས་གཏན་འཁེལ་ཡོད་ཅིང་། ཉི་ཧོང་གི་གྲོས་ཚོགས་འོག་མའམ་རྒྱལ་ཡོངས་འོས་བསྡུ་དེ་ཉིད་འདི་ལོའི་ཕྱི་ཟླ་ ༡༡ པའི་ཚེས་ ༢༨ གོང་དུ་ཚོགས་འཆར་ཡོད་སྟབས། གུ་ཡངས་དམངས་གཙོ་ཚོགས་པའི་འོས་བསྡུའི་ནང་རྒྱལ་ཁ་ལེན་མཁན་དེ་ཉིད་ད་ལྟའི་གཞུང་འཛིན་ཚོགས་པའི་སྲིད་བློན་གྱི་འོས་མིར་འགྱུར་ངེས་པ་དང་། ད་ལྟའི་ཆར་ཉི་ཧོང་གི་གྲོས་ཚོགས་གྱི་ཞབས་བཀྱག་ཕལ་ཆེ་བ་གུ་ཡངས་དམངས་གཙོ་ཚོགས་པའི་སྟངས་འཛིན་འོག་ཡོད་ཅིང་། དེར་འགྱུར་བ་ཤུགས་ཆེན་པོ་ཐེབས་དཀའ་བའི་ཚོད་དཔག་བྱེད་ཀྱི་ཡོད་པར་བརྟེན། ཉི་ཧོང་གི་མ་འོངས་པའི་སྲིད་འཛིན་ནི་གཞུང་འཛིན་ཚོགས་པའི་འོས་བསྡུ་དེར་རག་ལས་པར་བཤད་ཀྱིན་འདུག

Protesters speak out against the Olympics in Tokyo on May 17, 2021. AP Photo/Koji Sasahara

བོད་དོན་ཐད་རྒྱབ་སྐྱོར་ཤུགས་ཆེར་གནང་མཁན་ཉི་ཧོང་གི་སྲིད་བློན་ཟུར་པ་ཤིན་ཛོ་ཨ་བྷེ་མཆོག་གིས་འདས་ལོའི་ཕྱི་ཟླ་ ༨ པའི་ནང་སྙུང་གཞིའི་རྐྱེན་པས་སྲིད་བློན་གྱི་གོ་གནས་ནས་རྩ་དགོངས་ཞུས་ཏེ། ཁོང་གི་སྲིད་བློན་ལས་ཡུན་ལྷག་འཕྲོ་རྣམས་སྐུ་ཞབས་སུ་གྷ་ཡིས་བསྐྱང་རྒྱུར་ཐག་གཅོད་མོས་མཐུན་བྱུང་བ་ལྟར། ཐོག་མའི་ཆར་ཉི་ཧོང་གི་མང་ཚོགས་ཀྱི་བརྒྱ་ཆ་ ༧༤ ལྷག་གིས་སུ་གྷ་ལ་རྒྱབ་སྐྱོར་དང་མོས་པ་བསྟན་ཡོད་ནའང་། ཉེ་བའི་ཆར་ཁོང་གི་འཛིན་སྐྱོང་གིས་ཏོག་དབྱིབས་གཉན་རིམས་ལ་འགོག་རྒོལ་བྱེད་ཐབས་ལམ་ལྷོངས་བྱུང་མེད་པ་དང་། ཏོག་དབྱིབས་ཀྱི་ཛ་དྲག་གནས་སྟངས་ལ་ལྟོས་མེད་ཀྱིས་ཨོ་ལིམ་པིག་རྩེད་འགྲན་བསྡུས་པ་དང་། དེ་བཞིན་མང་ཚོགས་ནང་ཏོག་དབྱིབས་ཀྱི་འགོག་ཁབ་རྒྱག་ཚད་དལ་བ་སོགས་པའི་རྒྱུ་མཚན་གྱིས། ཉེ་ལམ་ཁོང་གི་འཛིན་སྐྱོང་ལ་མི་མང་གི་རྒྱབ་སྐྱོར་གྱི་ཚད་དེ་བརྒྱ་ཆ་ ༣༠ ལ་མར་ཟགས་ཡོད་པ་རེད། ལྷག་པར་དུ་མགོ་འཁྲིད་དང་མང་ཚོགས་ཁྲོད་སྐུ་ཞབས་སུ་གྷ་ནི་སྲིད་བློན་ཟུར་པ་ཤིན་ཛོ་ཨ་བྷེ་མཆོག་གི་གྲིབ་གཟུགས་ལྟ་བུ་ཞིག་ལས། དཔལ་འབྱོར་དང་གང་ཅིའི་ཐད་སྲིད་ཇུས་ལོགས་སུ་འདོན་ཐུབ་མེད་པར་ངོས་འཛིན་བྱེད་མཁན་མང་པོ་བྱུང་ཡོད་འདུག

ཉེ་སྔོན་སྲིད་བློན་སུ་གྷ་མཆོག་གིས་མགོ་འཁྲིད་ཀྱི་འོས་བསྡུའི་ནང་ཞུགས་རྒྱུའི་ཁས་ལེན་བྱས་ཡོད་ནའང་། ཉེ་བའི་བདུན་ཕྲག་འགའ་ཤས་ནང་ཉི་ཧོང་གི་མང་ཚོགས་དང་གཞུང་འཛིན་ཚོགས་པའི་མགོ་འཁྲིད་ནང་ཁོང་ལ་འདོད་བློ་མ་ཁེངས་པའི་རྣམ་པ་ཤུགས་ཆེར་ཐོན་བཞིན་པར་བརྟེན། རྒྱལ་ཡོངས་འོས་བསྡུའི་ཁྲོད་གུ་ཡངས་དམངས་གཙོ་ཚོགས་པར་ཁོང་གི་རྐྱེན་གྱིས་ཕམ་ཉེས་མི་འབྱུང་བའི་ཆེད་དུ་ཐག་གཅོད་དེ་ལྟར་བྱས་པ་ཞིག་ཡིན་སྐོར་འགྲེལ་བརྗོད་བྱེད་མཁན་ཡོད་པ་ལྟར། ཁོང་གིས་གསལ་བསྒྲགས་གནང་རྗེས་གུ་ཡངས་ཚོགས་པར་རྒྱབ་སྐྱོར་བྱེད་མཁན་ཇེ་མང་དུ་སོང་ཡོད་པ་མ་ཟད། ཉི་ཧོང་གི་ཚོང་རའི་མ་རྐང་ཡང་འཕར་ཡོད་པའི་གནས་ཚུལ་ཐོན་ཡོད་འདུག

Fumio Kishida, a former foreign minister, was initially the only declared candidate to succeed Mr. Suga.
Credit. Charly Triballeau/Agence France-Presse, via Pool/Afp Via Getty Images

ད་ལྟའི་ཆར་གུ་ཡངས་དམངས་གཙོ་ཚོགས་པའི་མགོ་འཁྲིད་ཀྱི་འོས་མིའི་འགྲན་རྩོད་ནང་ཡོངས་ཁྱབ་ཀྱི་ཐོག་ནས་ཞུགས་མཁན་དེ། ཉི་ཧོང་གི་ཕྱི་སྲིད་བློན་ཆེན་ཟུར་པ་སྐུ་ཞབས་ཧྥུ་མིའོ་ཀི་ཤི་དྷ་ ( Fumio Kishida)ལགས་མ་གཏོགས་བྱུང་མེད་ནའང་། སྲིད་བློན་ཟུར་པ་ཨ་བྷེ་མཆོག་གི་བཀའ་ཤག་སྐབས་ཀྱི་འབྲེལ་ལམ་བློན་ཆེན་ལྕམ་སཱ་ནའེ་ཏ་ཀའེ་ཆི་ (Sanai Takaichi)ལགས་དང་། ཉི་ཧོང་གི་ཕྱི་སྲིད་དང་རྒྱལ་སྲིད་བློན་ཆེན་ཟུར་པ། ལས་ཐོག་འགོག་ཁབ་དོ་དམ་བློན་ཆེན་སྐུ་ཞབས་ཏ་རོ་ཀོ་ནོ་ (Taro Kono)ལགས་ཀྱང་འོས་མིའི་ཁོངས་སུ་ལངས་རྒྱུའི་རྣམ་འགྱུར་བསྟན་ཡོདའདུག

ད་ཐེངས་སྲིད་བློན་སུ་གྷ་མཆོག་གི་ཐག་གཅོད་དེས་འདི་ལོའི་རྒྱལ་ཡོངས་འོས་བསྡུར་དེ་ཙམ་ཤུགས་རྐྱེན་སྤྲོད་རྒྱུ་མེད་ནའང་། ཉི་ཧོང་གི་ཆབ་སྲིད་ཀྱི་ལམ་ལུགས་ཤིན་ཛོ་ཨ་བྷེ་མཆོག་གི་སྔོན་གྱི་དུས་སྐབས་སུ་ཕྱིར་སློག་རྒྱག་སྲིད་པའི་ཚོད་དཔག་བྱེད་ཀྱིན་འདུག དེ་ཡང་ཉི་ཧོང་དེ་འཛམ་གླིང་ནང་གི་ཡར་ཐོན་དམངས་གཙོའི་རྒྱལ་ཁབ་ཅིག་ཡིན་ནའང་། བར་སྐབས་ཤིག་ལ་མ་གཏོགས་དམག་ཆེན་གཉིས་པའི་རྗེས་སུ་ཉི་ཧོང་གི་གཞུང་དེ་གུ་ཡངས་དམངས་གཙོ་ཚོགས་པས་བཟུང་ཡོད་པ་རེད། དེ་ཡང་ཕྱི་ལོ་ ༡༩༩༣ ནས་ ༡༩༩༤ བར་ལོ་གཅིག་རིང་ཁ་གཏད་སྲིད་དོན་ཚོགས་པའི་གཞུང་འཛིན་བཙུགས་པ་ཙམ་ལས། དེ་མིན་ཕྱི་ལོ་ ༡༩༥༥ ལོ་ནས་བཟུང་ཕྱི་ལོ་ ༢༠༠༩ བར་ཉི་ཧོང་གི་གཞུང་དེ་གུ་ཡངས་དམངས་གཙོ་ཚོགས་པས་བཟུང་ཞིང་། ཕྱི་ལོ་ ༢༠༠༩ ལོར་ཁ་གཏད་ཚོགས་པར་གཞུང་འཛིན་གྱི་གོ་སྐབས་བྱུང་ཡོད་ནའང་། ཕྱི་ལ་ ༢༠༡༡ ལོར་ཉི་ཧོང་དུ་ས་འགུལ་དང་ཆུ་ལོག་གི་གོད་ཆག་ཆེན་པོ་བྱུང་རྐྱེན་གཞུང་འཛིན་ཚོགས་པར་རྒྱབ་སྐྱོར་ཤོར་ཏེ། ཕྱི་ལོ་ ༢༠༡༢ ལོར་ཤིན་ཛོ་ཨ་བྷེ་མཆོག་གིས་སྣེ་ཁྲིད་པའི་གུ་ཡངས་དམངས་གཙོ་ཚོགས་པ་གཞུང་འཛིན་དུ་བསྐྱར་ལོག་བྱུང་སྟེ། སྐུ་ཞབས་ཤིན་ཛོ་ཨ་བྷེ་མཆོག་ཉི་ཧོང་གི་ལས་ཡུན་རིང་ཤོས་ཀྱི་སྲིད་བློན་དུ་གྱུར་ཡོད་པ་རེད།

སྤྱིར་དམངས་གཙོའི་རྒྱལ་ཁབ་གཞན་དང་མི་འདྲ་བར་ཉི་ཧོང་གི་ཆབ་སྲིད་ནང་སྲིད་བློན་བརྗེ་བསྒྱུར་གྱི་དོན་རྐྱེན་བསྟུན་མར་བྱུང་ཡོད་པ་རེད། དེ་ཡང་འཛམ་གླིང་དམག་ཆེན་གཉིས་པའི་རྗེས་ཉི་ཧོང་གི་སྲིད་བློན་གྱི་ལོ་ཡུན་ལོ་ལྔ་ཟིན་མཁན་གྱི་སྲིད་བློན་ལྔ་མ་གཏོགས་བྱུང་མེད་པ་རེད། དེ་ཡང་ཕྱི་ལོ་ ༡༩༨༧ ལོ་ནས་ ༢༠༠༡ བར་ལོ་ ༡༤ རིང་ཉི་ཧོང་ལ་སྲིད་བློན་ ༡༠ བྱུང་ཡོད་ཅིང་། ཕྱི་ལོ་ ༢༠༠༡ ལོར་མི་མང་གི་རྒྱབ་སྐྱོར་ཚད་མཐོན་པོ་ཐོན་པའི་སྲིད་བློན་ཇུ་ནི་ཆི་རོ་ཀོའི་ཛུ་མི་ (Junichiro Koizumi)མཆོག་གིས་ལས་ཡུན་ཆ་ཚང་རིང་སྲིད་བློན་གྱི་འགན་འཁུར་ཞུས་ཏེ་ཕྱི་ལོ་ ༢༠༠༦ ལོར་རྒྱལ་ཡོངས་འོས་བསྡུ་བྱས་རྗེས། ཕྱི་ལོ་ ༢༠༡༦ བར་ལོ་དྲུག་རིང་ཡང་བསྐྱར་སྲིད་བློན་བརྗེ་བསྒྱུར་གྱི་དོན་རྐྱེན་བསྟུད་མར་བྱུང་སྟེ། ལོ་ ༦ དེའི་རིང་ཤིན་ཛོ་ཨ་བྷེ་ཚུད་པའི་སྲིད་བློན་ ༦ བྱུང་བ་རེད། ཕྱི་ལོ་ ༢༠༡༢ ལོར་ཤིན་ཛོ་ཨ་བྷེ་ཡང་བསྐྱར་སྲིད་བློན་དུ་འོས་འདེམས་བྱུང་རྗེས་འདས་ལོ་བར་ལས་འཁུར་རྒྱུན་མཐུདནས་ཞུས་པར་བརྟེན། ཉི་ཧོང་གི་སྲིད་བློན་བརྗེ་བསྒྱུར་གྱི་ལམ་ལུགས་དེ་མཇུག་བསྒྲིལ་ཡོད་པར་ཡིད་ཆེས་བྱས་ཡོད་ནའང། ད་ལན་གྱི་དོན་རྐྱེན་དེས་ཉི་ཧོང་གི་ཆབ་སྲིད་དེ་སྔར་བཞིན་སྲིད་བློན་བརྗེ་བསྒྱུར་གྱི་ལམ་ལུགས་དང་བྲལ་མེད་པ་དྲན་གསོ་བྱས་ཡོད་པ་རེད།

གསར་འགོད་པ། པ་སངས་ཚེ་རིང་།

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist