ཕྱི་རྒྱལ་ཁག་གི་འདེམས་ཐོན་སྤྱི་འཐུས་ལྔ་ཐུན་མོང་ནས་གྲོས་མགོ་སྟོན་ཏེ་འབོད་སྐུལ་རིམ་པར་གནང་བ་བརྒྱུད་ཟླ་འདིའི་ཕྱི་ཚེས་ ༢༥ ཉིན་འདེམས་ཐོན་སྤྱི་འཐུས་རྣམ་པས་འབྱོར་ཐོ་འགོད་རྒྱུ་དང་ཕྱི་ཚེས་ ༢༧ ཉིན་གྱི་ཞོགས་པར་སྤྱི་འཐུས་ལྷན་ཚོགས་ཀྱི་ཚོགས་ཁང་གང་རུང་ཞིག་ཏུ་བཞུགས་མོལ་ཚོགས་འདུ་དབུ་འཛུགས་གནང་གཏན་འཁེལ་ཡོད་འདུག
འདི་ལོའི་ཕྱི་ཟླ་ ༦ པའི་ཚེས་ ༨ ཉིན་སྤྱི་འཐུས་གྲོས་ཚོགས་ཁང་དུ་འདེམས་ཐོན་སྤྱི་འཐུས་ ༢༡ གིས་བཙན་བྱོལ་བོད་མིའི་བཅའ་ཁྲིམས་དོན་ཚན་ ༤༧ པའི་དགོངས་དོན་གཞིར་བཟུང་བར་བརྒལ་ཚོགས་གཙོ་ཟླ་བ་ཚེ་རིང་ལགས་ཀྱི་མདུན་ནས་དམ་བཅའ་ཕུལ་ཡོད་པ་དང་། འདེམས་ཐོན་སྤྱི་འཐུས་ ༢༢ ཀྱིས་༸གོང་ས་མཆོག་གི་སྐུ་པར་དང་བཅའ་ཁྲིམས་ཀྱི་མདུན་ནས་དམ་བཅའ་ཕུལ་ཏེ་ཁག་གཉིས་ཆགས་པར་བརྟེན། དབུས་འོས་བསྡུའི་འགན་འཛིན་དཔེ་ཟུར་དབང་འདུས་ཚེ་རིང་མཆོག་ཚོགས་དྲུང་ལས་ཁུངས་སུ་ཕེབས་ཏེ།དབུས་འོས་བསྡུ་ལས་ཁང་གིས་སྤྱི་འཐུས་ལྷན་ཚོགས་ནས་གཏན་འབེབ་བྱས་པའི་བཅའ་ཁྲིམས་ལ་གུས་བརྩི་ཞུ་དགོས་པར་བརྟེན། བཅའ་ཁྲིམས་དོན་ཚན་ ༤༩ པའི་དགོངས་དོན་ལྟར། སྤྱི་འཐུས་ཀྱི་གསུམ་ཆ་གཉིས་ཚང་རྗེས་ཚོགས་གཙོ་དང་ཚོགས་གཞོན་འོས་འདེམས་ཀྱི་ལས་རིམ་གོ་སྒྲིག་ཞུ་རྒྱུ་ཡིན་སྐོར་གསུངས་ཡོད་པ་རེད།
འདས་པའི་ཟླ་གསུམ་ལྷག་རིང་ཕྱོགས་གཉིས་ཀྱི་འདེམས་ཐོན་སྤྱི་འཐུས་རྣམ་པས་ཐུན་མོང་དང་མི་སྒེར་གྱི་ཐོག་ནས་ལན་འདེབས་དང་དཀའ་རྙོག་ཐད་གསལ་བཤད་རིམ་པར་བྱས་ཡོད་པ་མ་ཟད། དང་ཐོག་སྐུ་ཚབ་རྣམས་ལྷན་འཛོམས་ཐོག་གྲོས་བསྡུར་རིམ་པ་འགའ་བྱས་ཡོད་ཀྱང་ཕན་འབྲས་མ་བྱུང་བར་བརྟེན། ད་ལྟ་བར་འདེམས་ཐོན་སྤྱི་འཐུས་ཚང་མ་དངོས་སུ་འཛོམས་ཏེ་ནང་མོལ་གནང་ཐུབ་མེད་པ་དང་། དཀའ་རྙོག་དེ་ལ་བརྟེན་ནས་བོད་མིའི་སྤྱི་ཚོགས་ནང་ངོ་རྒོལ་སྐྱོན་འཛུགས་རིགས་མང་དག་ཅིག་བྱུང་དང་འབྱུང་མུས་ཡིན་པ་མ་ཟད། ཟླ་འདིའི་ཕྱི་ཚེས་ ༢ ཉིན་ཨ་རིའི་གཞུང་གིས་ཚོགས་དྲུང་ལགས་ཀྱི་མཚན་ཐོག་ཏུ་འབོད་སྐུལ་ཞུ་ཡིག་ཅིག་བཏང་སྟེ། ཕྱི་ཟླ་དགུ་པའི་གྲོས་ཚོགས་འཚོག་ལ་ཉེ་བ་དང་བསྟུན་འདས་དོན་གྱི་འགལ་ཟླ་ཕར་བཞག་སྟེ་ཁ་ཚ་དགོས་གཏུག་གི་དཀའ་ངལ་སེལ་རྒྱུ་གལ་ཆེན་ཡིན་པའི་འབོད་སྐུལ་ཡང་གནང་ཡོད་པ་རེད།
གཞུང་མོལ་ཚོགས་འདུ་ཚོགས་པར་སྤྱི་འཐུ་ལས་ཐོག་བདམ་འབུལ་ཟིན་པ་རྣམས་ཡིན་པ་ལས་གཞན་རྣམས་ག་ལ་ཡིན།
བཞུགས་མོལ་ཚོགས་འདུ་ཚོགས་པར་རྒྱབ་བསྐྱོར་དང་ཆབས་ཅིག བཙའ་ཁྲིམས་དང་གྲོས་ཚོད་གཉིས་གལ་གང་ཆེ་ངེས་པར་དབྱེ་མཚམས་ཆོད་པ་ཞིག་དགོས་པ་འདེམས་ཐོན་འཐུས་མི་ཡོངས་ནས་དགོངས་བཞེས་མཛོད་ཅིག
༄། ད་ཡིན་ད་ཚོགས་གཙོ་གཞོན་གཉིས་འདི་ཡིན་ཟེར་བ་ཞིག་གནང་རོགས། དེ་མིན་ཞུ་འདོད་གང་ཡང་མེད།