དཀར་མཛེས་ཁུལ་གྱི་དཔལ་ཡོན་
བོད་ནང་གི་འཕྲིན་སྟེགས་སོགས་སུ་གནས་ཚུལ་ཐོན་པ་
བོད་ཀྱི་དགོན་སྡེ་དང་བླ་སྤྲུལ། དགེ་འདུན་པ་སོགས་ལ་རྒྱ་ནག་གཞུང་གིས་དཔེ་བཟང་ཟེར་བའི་གཟེངས་བསྟོད་བྱ་དགའ་སྤྲོད་པ་དེ་ནི་བོད་ས་ཡོངས་སུ་ལག་བསྟར་བྱེད་བཞིན་པའི་ཆབ་སྲིད་ཀྱི་ཐབས་ཇུས་ཤིག་ཡིན་ལ། ཕྱི་ལོ་ ༢༠༡༩ ལོར་ཆབ་སྲི
རྒྱ་ནག་གཞུང་གིས་བོད་ཀྱི་སྐད་ཡིག་རིག་གཞུང་གི་ལྟེ་བར་གྱུར་བའི་དགོན་སྡེ་ཁག་དང་ཆོས་ལུགས་ཀྱི་དབུ་འཁྲིད་མི་སྣར་རྒྱལ་གཅེས་ཆོས་གཅེས་ཟེར་བ་སོགས་ཀྱི་མིང་ཐོག་ནས་ཆོས་ལུགས་བྱེད་སྒོ་ཆེ་ཆུང་ཚང་མར་དམ་དྲག་དང་སྟངས་འཛིན་ནན་པོ་བྱས་དང་བྱེད་མུས་ཡིན་པ་ལྟར། འདས་ལོའི་ཕྱི་ཟླ་ ༡༢ ཚེས་ ༢༠ ཙམ་ལ་རྒྱ་ནག་ཆོས་ལུགས་ལས་དོན་ཁང་གིས་དྲ་ལམ་ཆོས་ལུགས་ཆ་འཕྲིན་ཞབས་ཞུ་སྟངས་འཛིན་བྱེད་ཕྱོགས་ཟེར་བའི་དོན་ཚན་ཆེན་པོ་ལྔ་ཅན་གྱི་ཁྲིམས་ཡིག་ཅིག་གཏན་འབེབ་ཟིན་ཏེ། འདི་ལོའི་ཕྱི་ཟླ་ ༣ ཚེས་ ༡ ཉིན་ནས་བཟུང་སྤྱི་ཚོགས་དྲ་ལམ་སོགས་ནས་ཆོས་ལུགས་དང་འབྲེལ་བའི་བྱེད་སྒོ་སྤེལ་བར་དམ་དྲག་ནན་པོ་བྱ་རྒྱུ་ཡིན་པའི་བཀའ་རྒྱ་བསྒྲགས་ཡོད་པ་བཞིན། ཉིན་ཤས་སྔོན་དུ་བོད་མཚོ་སྔོན་ཞིང་ཆེན་གྱི་ཁོངས་སུ་ཡོད་པའི་ཆོས་ལུགས་བྱེད་སྒོ་དང་འབྲེལ་བ་ཡོད་པའི་དྲ་ལམ་ཚོགས་པ་ཁག་ལ་བཀག་སྡོམ་ཞིབ་བཤེར་མགོ་འཛུགས་བྱས་ཟིན་ཡོད་ལ། རིམ་གྱིས་བོད་ཁུལ་ཡོངས་ཀྱི་ཚོགས་དྲ་ལམ་ནང་ཆོས་ངོ་སྤྲོད་དང་གསུང་ཆོས་གནང་བ་སོགས་ལ་བཀག་སྡོམ་གྱི་སྲིད་ཇུས་ལག་བསྟར་བྱེད་བཞིན་ཡོད་པ་རེད།
གསར་འགོད་པ། པ་སངས་ཚེ་རིང་།
