རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་འགན་འཛིན་གྱིས་རྒྱལ་མཚན་ནོར་བུ་ལགས་སུ་རྒྱ་ནག་དམར་ཤོག་ཚོགས་པས་གསོ་སྐྱོང་བྱས་པ་དང་བརྩི་བཀུར་སོགས་ཆུད་ཟོས་སུ་མི་གཏོང་བར་བོད་བརྒྱུད་ནང་བསྟན་དམར་ཤོག་ཅན་དུ་བསྒྱུར་བར་སྔར་ལས་ཤུགས་རྒྱག་དགོས་སྐོར་བརྗོད་ཡོད་འདུག
ཁ་སང་ཕྱི་ཚེས་ ༢༣ ཉིན་རྒྱ་ནག་གི་རྒྱལ་ས་པེ་ཅིན་དུ། རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་འགན་འཛིན་ཡེའུ་ཆོན་ཟེར་བ་ཞིག་གིས། རྒྱ་ནག་གཞུང་གིས་ངོས་འཛིན་བྱས་པའི་པཎ་ཆེན་རྒྱལ་མཚན་ནོར་བུ་ལགས་སུ་ཆེད་དུ་ཐུག་འཕྲད་བྱས་ཏེ། པཎ་ཆེན་རྒྱལ་མཚན་ནོར་བུ་ལགས་ཀྱིས་དམར་ཤོག་གི་གསོ་སྐྱོང་སོགས་ཆུད་ཟོས་སུ་མི་གཏོང་བར་རྒྱལ་གཅེས་ཆོས་གཅེས་ཟེར་བ་སོགས་ལག་བསྟར་དོན་འཁྱོལ་ཡོང་བར་སྔར་ལས་ནུས་པ་འདོན་དགོས་སྐོར་བརྗོད་ཡོད་འདུག
དེ་ཡང་རྒྱ་ནག་གཞུང་ཕྱོགས་ཀྱིས་སྤེལ་བའི་གསར་འགྱུར་ནང་དུ། ཡེའུ་ཆོན་ཟེར་བ་དེས་པཎ་ཆེན་རྒྱལ་མཚན་ནོར་བུ་ལགས་ནས་རྒྱ་ནག་ནག་དམར་ཤོག་ཚོགས་པའི་ལོ་བརྒྱའི་ལོ་རྒྱུས་སྦྱངས་ཏེ། རྒྱ་ནག་གི་མགོ་ཁྲིད་ཞི་ཅིན་ཕིང་གི་སྲོག་ཤིང་བྱས་པར་སྲུང་སྐྱོབ་དང་། དམར་ཤོག་ཚོགས་པའི་གཅིག་སྡུད་དབང་ཆར་སྲུང་སྐྱོབ་ཟེར་བ་སྲ་བརྟན་གཏང་དགོས་པ་དང་། བོད་རྒྱ་བསྒྱུར་གྱི་རྒྱལ་གཅེས་ཆོས་གཅེས་ཟེར་བའི་སྲིད་ཇུས་ཀྱི་ཐད་ལ་བསྐུལ་མ་གཏོང་དགོས་སྐོར་སོགས་བརྗོད་དེ། རྒྱ་ནག་དམར་ཤོག་ཚོགས་པས་གསོ་སྐྱོང་བྱས་པ་དང་། རྒྱ་ནག་དམར་ཤོག་ཚོགས་པའི་བརྩི་བཀུར་སོགས་ཆུད་ཟོས་སུ་གཏོང་རྒྱུ་མེད་སྐོར་བརྗོད་ཡོད་སྐོར་བཀོད་འདུག
སྐབས་དེར་པཎ་ཆེན་རྒྱལ་མཚན་ནོར་བུ་ལགས་ཀྱིས་རྒྱ་ནག་དམར་ཤོག་ཚོགས་པར་མཐའ་གཅིག་དུ་སྲུང་སྐྱོབ་དང་། མི་རིགས་མཐུན་སྒྲིལ་ལ་མཐའ་གཅིག་ཏུ་སྲུང་སྐྱོང་། བོད་བརྒྱུད་ནང་བསྟན་དམར་ཤོག་ཅན་དུ་བསྒྱུར་རྒྱུ་རྒྱུན་སྐྱོང་བྱས་ཏེ་གྲུབ་འབྲས་གསར་པ་ཞིག་དབུལ་རྒྱུ་ཡིན་ལུགས་བརྗོད་ཡོད་སྐོར་བྲིས་འདུག
ཕྱི་ལོ་ ༡༩༩༥ ཟླ་ ༥ ཚེས་ ༡༧ ཉིན་རྒྱ་ནག་གཞུང་གིས་༧གོང་ས་རྒྱལ་བ་རིན་པོ་ཆེ་མཆོག་ནས་ཡང་སྲིད་འཁྲུལ་མེད་དུ་ངོས་འཛིན་མཛད་པའི་༧པཎ་ཆེན་ཆུང་སྲིད་རིན་པོ་ཆེ་དགེ་འདུན་ཆོས་ཀྱི་ཉི་མ་མཆོག་ཡབ་ཡུམ་སྐུ་འཁོར་དང་བཅས་བཙན་འཁྲིད་བྱས་ཡོད་པ་མ་ཟད། བོད་ཀྱི
གསར་འགོད་པ། དཔལ་ལྡན།
