བོད་མིའི་སྒྲིག་འཛུགས་བཀའ་ཤག་ནས་སྦར་སིལ་སྐུ་ཚབ་དོན་གཅོད་དུ་རིག་འཛིན་ཆོས་སྒྲོན་ལགས་དང་ལྷོ་ཨ་ཧྥེ་རི་ཀའི་སྐུ་ཚབ་དོན་གཅོད་དུ་ཙ་ཚེ་རིང་ཆོས་འཛོམས་ལགས་བསྐོ་བཞག་གནང་ཡོད་པ་རེད། 
ཟླ་འདིའི་ཕྱི་ཚེས་ ༡ ཉིན་བཀའ་དྲུང་ཡིག་ཚང་ནས་གསལ་བསྒྲགས་གནང་བའི་ནང་། ལས་བྱེད་འདེམས་བསྐོ་ལྷན་ཁང་གི་སྒྲིག་གཞི་དོན་ཚན་བཅུ་དགུ་པའི་ནང་གསེས་དང་པོའི་དགོངས་དོན་བཞིན། ཕྱི་རྒྱལ་ཁག་ཏུ་སྐུ་ཚབ་དོན་གཅོད་རྣམས་སྲིད་སྐྱོང་དང་བཀའ་བློན་ཚང་འཛོམས་ཞིབ་གྲོས་དྲག་འདེམས་ཀྱིས་བཀའ་ཤག་ནས་བསྐོ་འཛུགས་གནང་བར་༧གོང་ས་༧སྐྱབས་མགོན་ཆེན་པོ་མཆོག་གི་སྐུ་ཚབ་མཚན་གནས་བསྩལ་རྒྱུ། ཞེས་གསལ་བ་ལྟར། རིག་འཛིན་ཆོས་སྒྲོན་ལགས་སྦར་སིལ་སྐུ་ཚབ་དོན་གཅོད་དུ་བསྐོ་བཞག་གནང་སྟེ། འདི་ལོའི་ཕྱི་ཟླ་ ༥ ཚེས་ ༡༦ ཉིན་ནས་ལས་ཁུར་མགོ་འཛུགས་གནང་རྒྱུ་དང་། བཀའ་དྲུང་ཡིག་ཚང་གི་དྲུང་འཕར་ཙ་ཚེ་རིང་ཆོས་འཛོམས་ལགས་ལྷོ་ཨ་ཧྥེ་རི་ཀའི་སྐུ་ཚབ་དོན་གཅོད་དུ་བསྐོ་བཞག་གནང་ཡོད་འདུག
ད་ལྟའི་ཆར་སྦར་སིལ་སྐུ་ཚབ་དོན་གཅོད་དུ་ཕྱག་ལས་གནང་བཞིན་པའི་རིག་འཛིན་ཆོས་སྒྲོན་ལགས་ཀྱིས་ལོ་ ༡༠ རིང་ཡུ་རོབ་ཀྱི་གྲོས་ཚོགས་ནང་བོད་དོན་སྐོར་ཁྲིམས་རྩོད་ཞུ་གཏུག་ཐེངས་མང་བྱས་པ་དང་། ཡུ་རོབ་གྲོས་ཚོགས་ནང་བོད་དོན་སྐོར་བསྒྲགས་གཏམ་དང་གྲོས་ཆོད་བཞག་པར་ཤུགས་རྐྱེན་སྤྲད་ཡོད་པ་དང་། དེ་བཞིན་ཕྱི་ལོ་ ༢༠༠༩ ལོར་༧གོང་ས་མཆོག་ཡུ་རོབ་ནང་ཆིབས་སྒྱུར་བསྐྱངས་པའི་མཛད་འཕྲིན་དང་ཡུ་རོབ་གྲོས་ཚོགས་དང་ལྷན་དུ་མཇལ་འཕྲད་ཀྱི་མཛད་སྒོ་སོགས་གོ་སྒྲིག་ཞུས་ཡོད་འདུག
བཀའ་དྲུང་ཡིག་ཚང་གི་དྲུང་འཕར་ཙ་ཚེ
བོད་མིའི་སྒྲིག་འཛུགས་ཀྱི་དྲ་རྒྱ་ནས་གསར་འགོད་པ་བསྟན་འཛིན་ཕུར་བུས་བསྡུ་སྒྲིག་བྱས།
