བོད་སྤུ་ཧྲེང་རྫོང་སྟག་ལ་མཁར་ཡུལ་ཚོའི་ཨ་མ་བདེ་སྐྱིད་ལགས་ཀྱིས་བུ་མོ་འཁྲིད་དེ་རྒྱ་ལམ་ཕྱགས་ཏུ་ཕྱིན་སྐབས་ས་གནས་ཉེན་རྟོག་པས་ཏོག་དབྱིབས་བཀག་རྒྱ་དང་འགལ་བའི་ཉེས་མིང་འོག་བུ་མོ་བཙན་གྱིས་ཉེན་རྟོག་ཁང་དུ་འཁྲིད་ཕྱིན་ཡོད་འདུག
འབྲེལ་ཡོད་བོད་མི་ཞིག་གིས། སྤྱིར་བཏང་ས་གནས་སུ་ཏོག་དབྱིབས་ཀྱི་ཁྱིམ་སྡོད་བཀག་རྒྱ་ལག་བསྟར་བྱེད་བཞིན་ཡོད་ནའང་། གྲོང་ཚོ་གཙང་སྦྲ་བྱེད་མཁན་སོགས་ཀྱིས་མུ་མཐུད་ལས་ཀ་བྱེད་དགོས་ཀྱི་ཡོད་པ་དང་། རྒན་རྒོན་དང་བྱིས་པ་རྣམས་ཕྱི་རུ་མཉམ་འཁྲིད་མི་ཆོག་པའི་རྐྱེན་གྱིས་བུ་མོ་ཆུང་ཆུང་དེ་བཙན་གྱིས་འཁྲིད་ཕྱིན་ཡོད་སྐོར་བརྗོད་བྱུང་།
རང་ལོ་ ༥༠ ཡས་མས་ཤིག་ཡིན་པའི་ཨ་མ་བདེ་སྐྱིད་ལགས་ནི་གཞིས་རྩེ་གྲོང་ཁྱེར་ས་དགའ་རྫོང་ནས་སྤུ་ཧྲེང་རྫོང་སྟག་ལ་མཁར་ཡུལ་ཚོར་ཞོར་ལས་འཚོལ་བར་ཡོང་སྟེ། སྟག་ལ་མཁར་ཡུལ་ཚོའི་སྲང་ལམ་གྱི་གད་སྙིགས་འཐུ་བ་དང་རྒྱ་ལམ་ཕྱགས་ནས་ཞོར་ལས་གཉེར་གྱི་ཡོད་འདུག
ཕྱི་ལོ་༢༠༢༡ ལོར་རྒྱ་ནག་གཞུང་ཕྱོགས་ནས་འབྱོར་འབྲིང་སྤྱི་ཚོགས་འཛུགས་སྐྲུན་བྱས་ནས་བོད་གཙོ་བྱས་པའི་མི་མང་གཅིག་ཀྱང་མ་ལུས་པར་དབུལ་ཐར་འགག་སྒྲོལ་བཏང་རབས་དང་། ད་ཆ་བོད་མི་ཚོས་བདེ་སྐྱིད་ཀྱི་འཚོ་བ་ལོངས་སུ་སྤྱོད་བཞིན་ཡོད་ལུགས་འཛམ་གླིང་ཐོག་འུར་སྒྲོག་བྱེད་བཞིན་ཡོད་ཀྱང་། དོན་དངོས་སུ་རྒྱ་གཞུང་གིས་དཔལ་འབྱོར་འཛུགས་སྐྲུན་ལ་ཁ་གཡར་ཏེ། ས་གནས་ཞིང་འབྲོག་མང་ཚོགས་ཀྱི་འཚོ་ཐབས་གཙོ་བོར་གྱུར་བའི་ས་ཞིང་གཞུང་བཞེས་དང་སྒོ་ཕྱུགས་ཚོད་འཛིན་ཤུགས་ཆེན་བྱེད་བཞིན་ཡོད་པ་མ་ཟད། སྟངས་འཛིན་སྟབས་བདེ་ཡོང་ཆེད་སྡེ་བ་རེ་རེ་བཞིན་ཕྱོགས་བསྡུས་གྲོང་ཚོ་ཟེར་བའི་ངོ་བོར་བསྒྱུར་ཏེ། ཞིང་འབྲོག་མང་ཚོགས་ལ་ས་ཞིང་མེད་ལ་སྒོ་ཕྱུག་ཀྱང་མེད་པར་འཚོ་བའི་ཐོན་ཁུངས་ཆད་པ་དང་། དཔལ་འབྱོར་འཚོལ་སྒྲུབ་ཀྱི་རིག་གནས་དང་ལག་རྩལ་མེད་པས། རྒྱ་གཞུང་གིས་གསར་འཛུགས་བྱས་པའི་མཁར་གྲོང་དང་གྲོང་ཚོ་ཁག་ཏུ་ལམ་བཟོ་བ་དང་། གད་སྙིགས་བསྡུ་བ། རྒྱ་ལམ་ཕྱགས་པ་སོགས་ཀྱི་ཞོར་ལས་སུ་འགྲོ་བ་དང་། གཞོན་སྐྱེས་རྣམས་རྒྱ་ཡུལ་དུ་ཕྱིན་ཏེ་ཞོར་ལས་རིགས་གཉེར་ནས་འཚོ་བ་སྐྱེལ་ཐབས་བྱེད་བཞིན་པའི་གནས་ཚུལ་དེ་བོད་ཡུལ་གང་སར་རྒྱ་ཁྱབ་ཏུ་གྱུར་ཡོད་པ་རེད།
རྒྱ་ནག་གི་ཆེ་ཆུང་ག་རེ་ཡིན་ལ་ཁུར་འགྲོ་གི་འདུག་དེ་ཁོང་ཚོས་མཐུན་མོ་མ་ཡིན་པའི་ཁྱད་ཆོས་རེད་འདུག
རེད་རེད་ཤེས་ཆེན་ཁྱོད་འདྲ་གང་མང་ཞིག་ང་ཚོ་ལ་དགོས་བའི ་དུས་ལ་འབབ་འདུག
རྒྱ་མིའི་བོད་ས་བཙན་ཕྲོག་བྱས་པ་འདི་ཡང་ཞིབ་ཏུ་དཔྱད་ན་བོད་མི་རང་གི་ཆར་སྣ་རླུང་འཁྲིད་
དང་དགྲ་སྣ་གྲོགས་འཁྲིད་བྱས་པ་མིན་ན་སྟབས་ལེགས་།
དེང་སང་ང་ཚོ་བཙན་བྱོལ་ནང ལའང་དོན་མེད་ལབ་རྒྱུ་གླེང་རྒྱུ་མང་པོ་བཟོ་མཁན་གྱི་མི་སྣ་དེ་འདྲ་ཡོད་ས་འདུག་པ་དེ་ཚོ་ལ་མང་གཙོའི་ཀ་བ་གསུམ་ནས་དུས་ཐོག་ལམ་སྟོན་སློབ་གསོ་གནང་མ་ཐུབ་ཚེ་ད་ལྟའི་བཙན་བྱོལ་སྒྲིག་འཛུགས་འདི་གནས་སྟངས་ག་འདྲ་ཆགས་མིན་ནམ་ཡང་ཚོད་ཐིག་མ་སོང་ན་བསམ་ཡོད་བོད་མི་ཚང་མས་ངེས་པར་དུ་འགན་འཁུར་བཞེས་རོགས་གནང་།
།