མདུན་ངོས།
About Us
  • English
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

བཀའ་སྤྱི་གཉིས་ཀྱི་ཡུ་རོབ་རྒྱལ་ཁབ་ཁག་ཅིག་ནང་གི་གཞུང་འབྲེལ་ཕྱོགས་ཕེབས་ལེགས་པར་གྲུབ།

བོད་ཀྱི་དུས་བབ།
༢༠༢༢/༡༠/༡༨
Share on FacebookShare on TwitterShare on EmailShare on Whatsapp

ཟླ་འདིའི་ཕྱི་ཚེས་ ༩ ཉིན་ནས་བཟུང་སྲིད་སྐྱོང་མཆོག་གི་དབུས་བོད་མི་མང་སྤྱི་འཐུས་ཀྱི་སྐུ་ཚབ་ཚོགས་ཆུང་ནས་ཡུ་རོབ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སོགས་ཡུ་རོབ་ཀྱི་རྒྱལ་ཁབ་ཁག་ཅིག་གི་གྲོས་ཚོགས་འཐུས་མི་དང་གནད་ཡོད་མི་སྣ་མང་པོར་མཇལ་མོལ་དང་བོད་དོན་གསུང་བཤད་གནང་བ་སོགས་ཀྱི་མཛད་འཕྲིན་རྣམས་ལེགས་པར་གྲུབ་ཡོད་འདུག

ཡུ་རོབ་གྲོས་ཚོགས་ཀྱི་ཚོགས་གཙོ་མཆོག་གི་འཛིན་སྐྱོང་ལས་ཁུངས་ཀྱི་འགན་འཛིན་སྐུ་ཞབས་ཨེ་ལེ་སན་ཌོ་རོ་ཆིའོ་ཆི་ཊི་ (Alessandro Chiocchetti) མཆོག་གིས་གཙོས་ཁོང་གི་སློབ་སྟོན་པ་དང་ཕྱག་རོགས་རྣམ་པ་བཅས་དང་མཇལ་འཕྲད་གནང་།

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དང་། བོད་མི་མང་སྤྱི་འཐུས་ཀྱི་འཐུས་མི་ལྔ་ལས་གྲུབ་པའི་ཚོགས་ཆུང་གི་ཡུ་རོབ་རྒྱལ་ཁབ་འཇར་མན་དང་སྦེལ་ཇམ་སོགས་ཀྱི་ནང་གྲོས་ཚོགས་འཐུས་མི་དང་གནད་ཡོད་མི་སྣ་མང་པོར་མཇལ་མོལ་གནང་སྟེ་བོད་དོན་ཞུ་གཏུག་གནང་ཡོད་པ་ལྟར། ཟླ་འདིའི་ཕྱི་ཚེས་ ༡༢ ཉིན་བོད་མིའི་སྒྲིག་འཛུགས་ཀྱི་སྐུ་ཚབ་ཚོགས་ཆུང་གིས་ཇར་མ་ནི་ཕྱོགས་འགལ་ཚོགས་པའི་གྲོས་ཚོགས་འཐུས་མི་དང་། གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་མེ་ཀལ་བྷ་རན་ཌི་(Michael Brand) ལགས་དང་། གྲོས་ཚོགས་འཐུས་མི་སྐུ་ཞབས་ཀ་ལུ་སི་པི་ཌར་ཝིལ་སི་ཤི་(Klaus-Peter Willsch)་ལགས་གཉིས་དང་མཇལ་འཕྲད་གནང་ཡོད་པ་དང་། ཧྥ་རན་ཁི་ཧྥུར་ཌི་མངའ་སྡེ་(Frankfurt) ནང་གི་གྷོ་ཐེ་ཇེམ་ན་ཟུམ་(Goethe-Gymnasium)་སློབ་གྲྭར་གཟིགས་སྐོར་ཕེབས་ཏེ། དེ་གའི་སློབ་གྲྭའི་དབུ་འཛིན་དང་ལས་བྱེད་རྣམས་དང་ལྷན་དུ་ཤེས་ཡོན་སྲིད་བྱུས་དང་འབྲེལ་བའི་གོ་བསྡུར་གནང་ཡོད་པ་མ་ཟད། བོད་ཀྱི་གནས་སྟངས་ཐད་སློབ་ཕྲུག་རྣམས་ལ་དྲི་བ་དྲིས་ལན་གྱི་ཐོག་ནས་གོ་རྟོགས་སྤེལ་ཡོད་འདུག ཉིན་རྒྱབ་མངའ་སྡེ་དེ་གའི་གྲོང་སྡེ་ལས་ཁུངས་ཀྱི་གུ་ཡངས་ཚོགས་པའི་མི་སྣ་དང་། འཇར་མན་དངུལ་ཁང་གི་གནད་ཡོད་མི་སྣ་ཁག་དང་ལྷན་དུ་འཇར་མན་རྒྱལ་ཁབ་ཀྱི་དཔལ་འབྱོར་སྐོར་དང་། བཙན་བྱོལ་བོད་མིའི་གནས་སྟངས་དང་མ་འོངས་བའི་ལས་དོན་བྱེད་ཕྱོགས་ཐད་མུ་མཐུད་རོགས་རམ་གནང་དགོས་པའི་སྐོར་ལ་གླེང་མོལ་གནང་ཡོད་འདུག་ལ། ཡེ་ཤུ་ལྷ་ཁང་གྲགས་ཅན་དང་། འཇར་མན་བོད་ཁང་དུ་གཟིགས་སྐོར་གྲུབ་རྗེས་ཡུ་རོབ་ཀྱི་སྦེལ་ཇམ་རྒྱལ་ཁབ་ཏུ་ཕེབས་ཐོན་གནང་།

ཕྱི་ཚེས་ ༡༣ ཉིན་སྦེལ་ཇམ་རྒྱལ་ཁབ་ཀྱི་རྒྱལ་ས་སྦིལ་ཛིལ་དུ་འབྱོར་ཏེ། ཡུ་རོབ་གྲོས་ཚོགས་ཀྱི་འགྲོ་བ་མིའི་ཐོབ་ཐང་ཚན་པའི་འགན་འཛིན་གཞོན་པ་ལྕམ་ཀཱ་ཏན་ལིན་ལགས་(katanlin Cseh)ལགས་དང་། ཡུ་རོབ་སྲིད་བྱུས་ཉམས་ཞིབ་ལྟེ་གནས་ཁང་གི་སློབ་དཔོན་ཇཱེ་མེ་སི་མོ་རཱན་(James Moran) ལགས། སྦེལ་ཇམ་ཧྥ་སྒྲི་རི་ཁི་ནུ་མཱན་ཐེབས་རྩ་ཁང་(Friedrich Naumann Foundation) གི་ས་གནས་འགན་འཛིན་ཇུ་ལེ་སི་མཱ་ཌན་(Jules Maaten )ལགས་བཅས་དང་ལྷན་དུ་བོད་ཀྱི་གནས་སྟངས་སྐོར་གླེང་སློང་གནང་། ཉིན་རྒྱབ་ཡུ་རོབ་གྲོས་ཚོགས་ཚོགས་ཁང་དུ་ཡུ་རོབ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་མི་ཀུ་ལཱ་སི་པེ་ཁི་སཱ་(Mikulas Peksa)་ལགས་གཙོས་ཡུ་རོབ་གྲོས་ཚོགས་མི་སྣ་བཞི་དང་། གྲོས་ཚོགས་འཐུས་མིའི་སྐུ་ཚབ་ལས་བྱེད་བདུན། རྒྱལ་སྤྱིའི་བོད་དོན་ལས་འགུལ་ཁང་གི་ལས་བྱེད་གཉིས་བཅས་ཀྱི་ལྷན་དུ་བོད་ཀྱི་གནད་དོན་ཐད་ཞུ་སྐུལ་གྱི་ཚོགས་འདུ་ཚོགས་ཡོད་པ་དང་། སྤྱི་འཐུས་ལྷན་ཚོགས་ཀྱིས་ཡུ་རོབ་གྲོས་ཚོགས་འཐུས་མི་རྣམས་ལ་ཡིག་ངག་གཉིས་ཐོག་ནས་བོད་དོན་ཀྱི་སྙན་ཞུ་ཕུལ་ཡོད་པ་དང་། ཡུ་རོབ་གྲོས་ཚོགས་ཀྱི་ཚོགས་གཙོའི་སྐུ་ཚབ་དྲུང་ཡིག་ཆེན་མོ་ཨ་ལེ་སཱན་ཌོ་(Alessandro Chiocchetti) ལགས་ཀྱིས་བོད་མིའི་སྒྲིག་འཛུགས་ཀྱི་སྐུ་ཚབ་ཚོགས་པར་སྣེ་ལེན་ཟབ་རྒྱས་ཞུས་ཏེ། ཡུ་རོབ་གྲོས་ཚོགས་ཚོགས་ཁང་དུ་བོད་ཀྱི་རྒྱལ་དར་མཉམ་དུ་བསྒྲེངས་བའི་ཐོག རྒྱ་གཞུང་གིས་བོད་ནང་དུ་བོད་མིའི་ཐོག་གདུག་རྩུབ་ཀྱི་སྲིད་བྱུས་ལག་བསྟར་བྱེད་བཞིན་པ་དང་། ཡུ་རོབ་གྲོས་ཚོགས་ཀྱིས་མ་འོངས་བར་བོད་དོན་རྒྱབ་སྐྱོར་བྱེད་ཕྱོགས། དེ་བཞིན་རྒྱ་ནག་དང་ཡུ་རོབ་གྲོས་ཚོགས་གཉིས་ཀྱི་འབྲེལ་བའི་བར་བསྐྱར་ཞིབ་དགོས་སྐོར་གྲོས་བསྡུར་བྱུང་ཡོད་ཅིང་། དྲུང་ཡིག་ཆེན་མོ་ནས་༧གོང་ས་མཆོག་མ་འོངས་པར་ཡུ་རོབ་གྲོས་ཚོགས་སུ་ཆིིབས་བསྒྱུར་བཀའ་དྲིན་བསྐྱང་གནང་ཡོང་བའི་གསོལ་འདེབས་ཞུས་འདུག

ཟླ་འདིའི་ཕྱི་ཚེས་ ༡༦ ཉིན་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་སུད་ཝེ་ཌན་རྒྱལ་ཁབ་ཀྱི་རྒྱལ་ས་(Stockholm)་དུ་ཕེབས་འབྱོར་བྱུང་ཡོད་པ་དང་།  ཕྱི་ཚེས་ ༡༧ ཉིན་སྲིད་སྐྱོང་མཆོག་སུད་ཝེ་ཌན་གྲོས་ཚོགས་ཀྱི་ཕྱི་དྲིལ་ལས་དོན་ཚོགས་ཆུང་གི་ཚོགས་མི་ལྕམ་མཱར་གྷ་རེ་ཌ་(Margareta Cederfelt)་ལགས་དང་ལྷན་མཇལ་འཕྲད་གནང་ཡོད་པ་དང་། སྐབས་དེར་སྲིད་སྐྱོང་མཆོག་གིས་རྒྱ་གཞུང་གིས་བོད་ནང་དུ་མི་སེར་སྤེལ་བའི་གཏན་འཇགས་སློབ་གྲྭ་འཛུགས་སྐྲུན་དང་། བོད་མིའི་རིགས་རྫས་བསྡུ་རུབ་བྱེད་བཞིན་པའི་ཛ་དྲག་གནས་སྟངས་ཐད་ཡུ་རོབ་མཐུན་ཚོགས་ཀྱིས་ལངས་ཕྱོགས་བརྟན་པོ་འཛིན་པར་སུད་ཝེ་ཌན་གྱིས་ནུས་པ་འདོན་ཐུབ་པའི་སྐོར་ཞུས་ཡོད་ཅིང་། སུད་ཝེ་ཌན་གཞུང་དང་ཡུ་རོབ་མཐུན་ཚོགས་ཐུན་མོང་གིས་བོད་ནང་གི་ཛ་དྲག་གནས་སྟངས་ཐད་ལས་དོན་སྤེལ་ཕྱོགས་གྲོས་བསྡུར་དང་། གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པ་བསྐྱར་འཛུགས་ཐད་ཞལ་བཞེས་གནང་འདུག ཚོགས་འདུ་དེར་དབྱིན་ཡུལ་སྐུ་ཚབ་དོན་གཅོད་བསོད་ནམས་ཚེ་རིང་ཕར་སི་ལགས་དང་། སུད་ཝེ་ཌན་བོད་དོན་རྒྱབ་སྐྱོར་ཚོགས(Swedish Tibet Committee)་པའི་ཚོགས་གཙོ་སྐུ་ཞབས་མཱ་ཌཱི་སི་(Mattias Bjornerstedt)་ལགས། སུད་ཝེ་ཌན་བོད་རིགས་ཚོགས་པའི་ཚོགས་གཙོ་རིན་ཆེན་མཚོ་མོ་ལགས་བཅས་མཉམ་ཞུགས་གནང་ཡོད་འདུག ཉིན་རྒྱབ་སུད་ཝི་ཌན་བོད་དོན་རྒྱབ་སྐྱོར་ཚོགས་པའི་གོ་སྒྲིག་འོག བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་འདུ་འཛོམས་ཐོག་བོད་དོན་རྒྱབ་སྐྱོར་ཚོགས་པའི་ཚོགས་མི་དང་། ས་གནས་བོད་རིགས་གཞོན་སྐྱེས། མི་མང་ཁག་ཅིག་ལ་གསུང་བཤད་གནང་ཡོད་འདུག

ཐེངས་འདིའི་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ནས་དབུ་ཁྲིད་པའི་ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག་དང་། བོད་མི་མང་སྤྱི་འཐུས་དངོས་གྲུབ་རྡོ་རྗེ་ལགས་དང་སྤྱི་འཐུས་གསེར་རྟ་ཚུལ་ཁྲིམས་ལགས། སྤྱི་འཐུས་དབྲ་རྩ་བསོད་ནམས་ནོར་བུ་ལགས། སྤྱི་འཐུས་དཀོན་མཆོག་ཡར་འཕེལ་ལགས། སྤྱི་འཐུས་ཚེ་རིང་དབྱངས་ཅན་ལགས།  དེ་བཞིན་དཔལ་འབྱོར་ལས་ཁུངས་ཀྱི་དྲུང་ཚབ་བསྟན་འཛིན་ལེགས་གྲུབ་ལགས་དང་སུད་སི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས། སྦེལ་ཇམ་གྱི་སྐུ་ཚབ་དོན་གཅོད་རིག་འཛིན་ཆོས་སྒྲོན་ལགས་སོགས་མཉམ་བཅར་ཞུས་ཡོད་འདུག

བྱམས་པ་ཚེ་རིང་།

འབྲེལ་ཡོད་གསར་འགྱུར།

NewsClick's founder Prabir Purkayastha was arrested on Tuesday evening
Mobile App

རྒྱ་གཞུང་གི་ཐེ་ཇུས་ཡོད་པའི་ཉེས་མིང་འོག་རྒྱ་གར་གྱི་གསར་ཁང་ཞིག་གི་རྩོམ་སྒྲིག་པ་སོགས་འཛིན་བཟུང་བྱས། 

ཆུ་ཚོད་ ༦ སྔོན་ལ།
ཆོས་དབྱིངས་སྐྱིད་ཀྱིས་ཨེ་ཤ་ཡའི་འགྲན་སྡུར་ནང་གསེར་གྱི་རྟགས་མ་བླངས། ༢༠༢༣། ༡༠། ༤། དྲ་ལམ་གྱི་པར།
Mobile App

ཆོས་དབྱིངས་སྐྱིད་ལགས་ཀྱིས་ཨེ་ཤ་ཡའི་འགྲན་སྡུར་ནང་གསེར་གྱི་རྟགས་མ་བླངས།

ཆུ་ཚོད་ ༨ སྔོན་ལ།
Front Slider

༧གོང་ས་མཆོག་གིས་སྤྱན་རས་གཟིགས་ཕྱག་བཞི་པའི་བཀའ་དབང་བསྩལ།

ཆུ་ཚོད་ ༩ སྔོན་ལ།
༧གོང་ས་རྒྱལ་བ་རིན་པོ་ཆེ་མཆོག་གིས་སྤྱན་རས་གཟིགས་ཀྱི་བཀའ་དབང་བསྩལ། བོད་ཀྱི་དུས་བབ་གསར་ཁང་གི་སྐུ་པར། ༢༠༢༣།༡༠།༤
༸གོང་ས་མཆོག གསར་འགྱུར།

འཛམ་གླིང་ཞི་བདེ་ཡོང་བར་ནང་སེམས་ཀྱི་ཞི་བདེ་དང་བྱམས་བརྩེ་གལ་ཆེན་ཡིན།

ཆུ་ཚོད་ ༩ སྔོན་ལ།
Mobile App

སྤྱི་འཐུས་གྲོས་ཚོགས་ལས་འཕྲོས་པའི་བསམ་ཚུལ།

ཆུ་ཚོད་ ༩ སྔོན་ལ།
Advertisement for App

TIBET TIMES LAUNCHED NEW ENGLISH WEBSITE

ཆུ་ཚོད་ ༡༠ སྔོན་ལ།

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist