༧གོང་ས་རྒྱལ་བ་རིན་པོ་ཆེ་མཆོག་ནས་ལྕམ་ནན་སི་པི་ལོ་སི་མཆོག་གི་སྐུ་ཟླར་གློ་བུར་དོན་རྐྱེན་བྱུང་བ་དང་འབྲེལ་ཏེ་ལྕམ་སྐུ་མཆོག་གི་དབུས་ཁྱིམ་མི་ཡོངས་ལ་ཐུགས་གསོ་དང་ཕྱག་ལས་རྣམས་ལམ་ལྷོངས་ཡོང་བའི་ཐུགས་སྨོན་མཛད་འདུག
His Holiness the Dalai Lama Expresses Sympathy for Paul Pelosi after Reports of Physical Attack. Photo:@DalaiLama
ཟླ་འདིའི་ཕྱི་ཚེས་ ༢༨ ཉིན་ཨ་རིའི་གྲོས་ཚོགས་འོག་མའི་ཚོགས་གཙོ་དང་ཡུན་རིང་གི་བོད་དོན་རྒྱབ་སྐྱོར་བ་ལྕམ་ནན་སི་པི་ལོ་སི་མཆོག་གི་སན་ཧྥ་རན་སི་ཁོར་ཡོད་པའི་བཞུགས་ཤག་ནང་གློ་བུར་དུ་མི་ཞིག་ཧམ་འཛུལ་བྱས་ཏེ། ནན་སི་གང་དུ་འདུག་ཅེས་སྐད་ཅོར་ཆེན་པོ་བརྒྱབ་རྗེས། ལྕམ་སྐུ་མཆོག་གི་སྐུ་ཟླ་པཱལ་པི་ལོ་སི་ (Paul Pelosi) ལགས་སུ་ཐོ་བས་གཞུས་ཏེ་སྨན་ཁང་དུ་བསྐྱལ་ཡོད་པ་དང་། ད་ལྟའི་ཆར་འབྲེལ་ཡོད་སྨན་ཁང་ནས་ཁོང་དྲག་སྐྱེད་ལེགས་པོ་ཡོང་གི་ཡོད་སྐོར་བརྗོད་ཡོད་པ་རེད།
ཟླ་འདིའི་ཕྱི་ཚེས་ ༢༩ ཉིན་༧གོང་ས་རྒྱལ་བ་རིན་པོ་ཆེ་མཆོག་ནས་ལྕམ་ནན་སི་པི་ལོ་སི་མཆོག་གི་མཚན་ཐོག་ཏུ་གདུང་སེམས་མཉམ་སྐྱེད་ཀྱི་གསུང་འཕྲིན་ཞིག་སྩལ་བའི་ནང་། ངོས་ནས་ཁོང་(Paul Pelosi) དྲག་སྐྱེད་འབྱུང་བཞིན་པའི་གནས་ཚུལ་ཤེས་རྟོགས་བྱུང་མོད། འོན་ཀྱང་། ངོས་ནས་ཁོང་རྦད་དེ་རྩ་བ་ནས་འཕྲོད་བསྟེན་བདེ་ཐང་སྔར་རྒྱུན་བཞིན་ཡོང་ཐུབ་པར་སྨོན་ལམ་རྒྱག་བཞིན་ཡོད། གསར་འགྱུར་བརྒྱུད་ལམ་ཁག་གི་གནས་ཚུལ་ནང་། ཁྱེད་ཀྱི་ཁྱིམ་དུ་ཧམ་འཛུལ་བྱས་ཏེ་རྒོལ་རྡུང་གཏོང་མཁན་གྱི་མི་དེས། ཁྱེད་ཉིད་འཚོལ་བཞིན་ཡོད་ཚོད་འདུག ངོས་ནས་ཁྱེད་ཀྱི་བདེ་འཇགས་སྲུང་སྐྱོབ་ཀྱི་ཆེད་དུ་དགོས་ངེས་ཀྱི་བྱེད་སྒོ་ཡོངས་འཐུས་ཚང་ཡོད་པའི་རེ་བ་ཡོད།
ངོས་ནས་ཨ་རི་དང་ཨ་རིའི་མི་མང་གིས་ལོངས་སུ་སྤྱོད་བཞིན་པའི་མང་གཙོའི་རང་དབང་ལ་ཤིན་ཏུ་གུས་བཀུར་ཆེན་པོ་ཡོད་ཀྱང་། རང་དབང་ནི་འགན་འཁུར་བའི་ཐོག་ནས་ལོངས་སྤྱོད་བྱ་རྒྱུ་ཧ་ཅང་གལ་ཆེན་ཡིན། ཨ་རི་དང་འཛམ་གླིང་རྒྱལ་ཁབ་གཞན་གང་ཞིག་ཏུའང་། དྲག་པོས་ཚོགས་པ་དང་སྤྱི་ཚོགས་ཡར་རྒྱས་ཀྱི་ཕྱོགས་སུ་བཟང་ཕྱོགས་ནས་རམ་འདེགས་བྱ་མི་ཐུབ། ཅེས་གསུངས་འདུག ཡང་གསུང་འཕྲིན་གྱི་མཇུག་ཏུ་༧གོང་ས་མཆོག་གིས་ལྕམ་ནན་སི་པི་ལོ་སི་མཆོག་དང་ནང་མི་རྣམས་ཕྱག་ལས་རྣམས་ལམ་ལྷོངས་ཡོང་བའི་ཐུགས་སྨོན་མཛད་འདུག
དོན་རྐྱེན་བྱུང་བའི་གནས་ཚུལ་ཐོས་པ་དང་ལྕམ་ནན་སི་པི་ལོ་སི་མཆོག་རྒྱལ་ས་ནས་སན་ཧྥི་སི་ཁའོ་རང་ཁྱིམ་དུ་ལོག་ཡོད་ཅིང་། སྐབས་དེར་ཁོང་མོས། མི་ཞིག་གིས་ང་ཚོའི་ཁྱིམ་དུ་བཙན་འཛུལ་བྱས་ཏེ་ངའི་བཟའ་ཟླར་དྲག་རྒོལ་ཚབས་ཆེན་བྱས་ཡོད། ད་ལྟ་ང་དང་ངའི་བྱིས་པ་ཚོ་འཇིགས་སྐུལ་དྲག་པོའི་འོག་དཀའ་ངལ་མྱོང་བཞིན་ཡོད་ལ། ཁྱེད་ཅག་གིས་ང་ཚོར་རེ་སྨོན་བཟང་པོ་མང་པོ་བསྐུར་བ་དག་ནི་ངེད་ཁྱིམ་མི་ཚོའི་སེམས་ངལ་གསོ་བྱེད་ཀྱི་རྒྱུ་དང་པཱལ་པི་ལོ་ས་ཡར་རྒྱས་འགྲོ་བར་ཕན་ཐོགས་ཀྱི་འདུག ཅེས་ཨ་རིའི་གྲོས་ཚོགས་གོང་འོག་གཉིས་ཀྱི་འཐུས་མི་དང་འཛམ་གླིང་གི་མགོ་འཁྲིད་གཞན་མང་པོ་ཞིག་གིས་ཐུགས་གསོའི་འཕྲིན་ཡིག་བསྐུར་བར་ཐུགས་རྗེ་ཆེ་ཞུས་ཡོད་པ་རེད།
ད་ལྟ་སན་ཧྥི་རན་སེ་ཁའོ་གྲོང་ཁྱེར་ཉེན་རྟོག་པས་མིང་ལ་ཌའེ་ཝི་ཊི་(Δαϖιδ ΔεΠαπε)འབོད་པའི་ཉེས་ཅན་པ་དེ་འཛིན་བཟུང་བྱས་ཏེ། དྲག་པོའི་མཚོན་ཆ་བཟུང་སྟེ་ལྐོག་གསོད་དང་རྐུན་ཇག་གི་བྱ་སྤྱོད་སྤེལ་བ། གཞུང་གི་ལས་བྱེད་པ་དང་ཁྱིམ་ཚང་ཞིག་གི་རྒན་རབས་པ་སོགས་ལ་དྲག་པོའི་འཇིགས་སྐུལ་བའི་ཉེས་མིང་འོག་འཛིན་བཟུང་བྱས་ཡོད་པ་རེད།
ད་རེས་ལྕམ་ནན་སི་པི་ལོ་སི་མཆོག་གི་ཁྱིམ་དུ་ཕྱི་མིས་བཙན་འཛུལ་བྱས་པའི་རྒྱབ་ལྗོངས་དམིགས་ཡུལ་གང་ཡིན་གསལ་བོ་མ་ངེས་ཀྱང་། ད་རེས་ནི་ཁོང་གི་གཟིམ་ཁང་དུ་གཏོར་རྒོལ་བྱས་པ་ཐོག་མ་མ་ཡིན་པར། ཕྱི་ལོ་ ༢༠༢༡ ལོར་ཨ་རིའི་གྲོས་ཚོགས་ཀྱིས་དཔྱ་ཁྲལ་བསྡུ་འགོད་དང་འབྲེལ་བའི་ཁྲིམས་ཡིག་ཅིག་གཏན་འབེབ་བྱས་རྗེས། ལྕམ་ནན་སི་པི་ལོ་སི་མཆོག་གི་གཟིམ་ཤག་ལ་གཏོར་སྐྱོན་བཏང་ཡོད་ཅིང་སྒོ་ལམ་དུ་ཕག་མགོ་ཞིག་གཏུབ་ནས་བཞག་ཡོད་པ་རེད། དེ་བཞིན་ཕྱི་ལོ་༢༠༢༡ ལོའི་ཨ་རིའི་ཕོ་བྲང་དཀར་པོར་གཏོར་རྒོལ་བྱུང་སྐབས། མི་ཞིག་གིས་ལག་ཏུ་མཚོན་ཆ་ཞིག་བཟུང་ནས། ཁྱེད་རང་གང་དུ་ཡོད། ཅེས་ལྕམ་ནན་སི་པི་ལོ་སི་མཆོག་རྩད་གཅོད་གཏོང་གི་ཡོད་པའི་བརྙན་དངོས་སུ་ཡོད་སྟབས། ཕྱིས་སུ་ཨ་རིའི་ཉེན་རྟོག་པས་མི་དེ་འཛིན་བཟུང་བྱས་ཡོད་འདུག
གསར་འགོད་པ། སྐལ་བཟང་སྦྱིན་པ།
རྦད་དེ་རྩ་བ་ནས་འཕྲོད་བསྟེན་བདེ་ཐང་སྔར་རྒྱུན་བཞིན་ཡོང་ཐུབ་པར་སྨོན་ལམ་རྒྱག་བཞིན་ཡོད། ལྟ་བུ་འདི་བོད་སྐད་རེད་མི་འདུག
བོད་སྐད་ལྟར་བྱས་ན། ཁོང་གསང་དྲག་འགྲོ་རྒྱུར་ངས་སྨོན་ལམ་རྒྱག་གི་ཡོད། ཟེར་དགོས།