མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

༧གུང་ཐང་སྐུ་ཕྲེང་བདུན་པ་བསྟན་པའི་མཁན་ཆེན་མཆོག་གིས་དུས་འཁོར་དབང་ཐེངས་དང་པོ་གནང་རྒྱུ་རེད་འདུག

བོད་ཀྱི་དུས་བབ།
༢༠༢༣/༠༩/༡༣
Share on FacebookShare on TwitterShare on EmailShare on Whatsapp

༧གུང་ཐང་སྐུ་ཕྲེང་བདུན་པ་བློ་བཟང་འཇམ་དབྱངས་དགེ་ལེགས་བསྟན་པའི་མཁན་ཆེན་མཆོག་གི་དུས་འཁོར་དབང་ཞུ་བར་བོད་རྒྱ་ཧོར་གསུམ་གྱི་དད་ལྡན་མི་མང་འབུམ་ཕྲག་མང་པོ་འཛོམས་ཀྱི་ཡོད་འདུག

༧གུང་ཐང་སྐུ་ཕྲེང་བདུན་པ་མཆོག་དང་དུས་འཁོར་དབང་ཐེངས་དང་པོ་གནང་ཡུལ། བོད་ཀྱི་དུས་བབ་ཀྱིས་སྐུ་པར་སྒྲིག་སྦྱོར་བྱས། ༡༣།༠༩།༢༠༢༣

འདི་གའི་གསར་འགོད་པར་ཁུངས་ལྡན་གནས་ཚུལ་འབྱོར་བ་ལྟར་ན། ཟླ་འདིའི་ཕྱི་ཚེས་ ༡༤ ནས་ ༡༧ བར་ཉིན་གྲངས་བཞིའི་རིང་བོད་མདོ་སྨད་བླ་བྲང་བཀྲ་ཤིས་འཁྱིལ་གྱི་བྱང་རྒྱུད་དུ་ཆགས་པའི་མཛོད་དགེ་སྨད་མ་སྒར་རྙིང་གི་གདུང་གྱའི་ཐང་ཆེན་དུ། གསེར་ཁྲི་རྣམ་པ་བཞིའི་ཡ་གྱལ་གུང་ཐང་སྐུ་ཕྲེང་བདུན་པ་བློ་བཟང་འཇམ་དབྱངས་དགེ་ལེགས་བསྟན་པའི་མཁན་ཆེན་མཆོག་གིས་དཔལ་དུས་ཀྱི་འཁོར་ལོའི་དབང་ཆེན་ཐེངས་དང་པོ་གནང་རྒྱུ་ཡིན་པ་དང་།  སང་ཉིན་ཕྱི་ཚེས་ ༡༤ ཉིན་དུས་དབང་གི་སྟ་གོན་རེད་འདུག་ལ། གུང་ཐང་སྐུ་ཕྲེང་བདུན་པ་མཆོག་གི་དུས་དབང་ཞུ་བར་རྒྱ་ནག་གིས་བཅད་བགོ་བྱས་པའི་ཞིང་ལྗོངས་ལྔ་སྟེ། བོད་མདོ་དབུས་ཁམས་གསུམ་གྱི་མི་མང་དང་རྒྱ་རིགས་དང་ནང་སོག་ཀྱི་དད་ལྡན་དོ་གཉེར་ཅན་བཅས་བོད་རྒྱ་ཧོར་གསུམ་གྱི་མི་གྲངས་ཁྱོན་ས་ཡ་ ༡ ཙམ་འཛོམས་ཀྱི་ཡོད་འདུག

དེ་འབྲེལ་མིང་བརྗོད་འདོད་མེད་པའི་བོད་མི་ཞིག་གིས། ཨ་ལགས་གུང་ཐང་ཚང་གི་དུས་འཁོར་དབང་སྩལ་བར་བར་ཆད་ཅུང་ཙམ་བྱུང་སོང་། ས་གནས་སྲིད་གཞུང་གི་ངོས་ནས་མཛོད་དགེ་མི་མང་མ་གཏོགས། ས་ཕྱོགས་གཞན་གྱི་མི་མང་དུས་དབང་ཞུ་བར་མི་ཡོང་བའི་གསལ་བརྡ་བཏང་ཡོད་ཀྱང་། མདོ་དབུས་ཁམས་གསུམ་གྱི་བོད་རིགས་སྤུན་ཟླ་དང་། ཁོང་གི་སློབ་མ་སོག་རིགས་དང་རྒྱ་རིགས་སོགས་ད་ལྟའང་དུས་དབང་ཞུ་བར་ལམ་བར་དུ་ཡོང་དང་ཡོང་མུས་རེད་འདུག ད་ལྟ་དབང་གནང་ཡུལ་དུ་རོབ་རྩིས་བྱས་ན་མི་གྲངས་འབུམ་དགུ་ལྷག་ཙམ་ཡོད་ཚོད་འདུག ད་དུང་དབང་ཞུ་ཡུལ་དུ་ཡོང་སའི་ཁ་གྱ་དང་གཙོས། རྡོ་དཀར་སོགས་ཕྱོགས་བཞི་མཚམས་བརྒྱད་ཀྱི་འགྲོ་ལམ་ཡོངས་སུ་དབང་ཞུ་བའི་རླངས་འཁོར་གྱིས་ཁེངས་ཏེ་ལམ་འགག་ཡོད་པར་བརྟེན། དབང་ཞུ་བ་མང་པོ་ཞིག་རྐང་ཐང་བརྒྱུད་ནས་ཡོང་གི་འདུག སང་ཉིན་བར་མི་ཚང་མ་ཡུལ་དངོས་སུ་འབྱོར་གྱི་ཡོད་པས། མི་གྲངས་ས་ཡ་གཅིག་ཙམ་འཛོམས་རྒྱུ་ཡིན་པ་གཏན་འཁེལ་རེད་འདུག ཅེས་དང་ད་ཐེངས་ནི་ད་སྔ་བར་བྱུང་མ་མྱོང་བའི་ཆོས་ཕྱོགས་ཀྱི་མཛད་པ་རླབས་ཆེན་ཞིག་ཆགས་ཡོད་སྐོར་སོགས་བརྗོད་བྱུང་།

ཡང་བོད་ནང་གི་གནས་ཚུལ་མཁོ་སྤྲོད་པ་གཞན་ཞིག་གིས། དུས་འཁོར་དབང་ཆེན་སྐབས་བོད་ཀྱི་ཞིང་ལྗོངས་ལྔའམ་མདོ་དབུས་ཁམས་གསུམ་གྱི་མི་མང་ལ་གནས་ཡུལ་བགོ་བཤའ་བརྒྱབ་ཡོད་པ་དང་། མི་མང་ཧ་ཅང་མང་བས་དུས་འཁོར་དབང་གི་གསུང་ཆོས་ར་བའི་ནང་ཤོང་གི་མེད་སྟབས། དབང་གནང་ཡུལ་གྱི་ཕྱོགས་བཞི་མཚམས་བརྒྱད་དུ་བརྙན་འཕྲིན་དང་རྒྱང་བསྒྲགས་བཙུགས་ཏེ་དབང་ཞུ་བར་སྟབས་བདེ་བཟོས་ཡོད་པ་མ་ཟད། འགྲོ་ལམ་དང་གད་སྙུགས་གཡུག་ས་སོགས་ཕྱོགས་གང་སར་གྲ་སྒྲིག་བྱས་ཡོད་སྐོར་བརྗོད་བྱུང་།

ཡང་ཟླ་འདིའི་ཕྱི་ཚེས་ ༡༠ ཉིན་གཙོས་གྲོང་ཁྱེར་མཛོད་དགེ་སྨད་མ་གྲོང་རྡལ་མི་དམངས་སྲིད་གཞུང་གིས་བརྡ་ཁྱབ་ཅིག་བཏང་སྟེ། ཨ་ལགས་གུང་ཐང་ཚང་གི་དུས་དབང་དེ་ནི་མཛོད་དགེ་སྒར་གསར་རྙིང་གཉིས་ཀྱི་མི་མང་ལ་ཁ་ཕྱོགས་ཡོད་པ་ལས་ས་ཁུལ་གཞན་གྱི་མི་མང་ལ་གནས་ཡུལ་བཀོད་སྒྲིག་བྱས་མེད་སྟབས། ༼ ཆོས་ཚོགས་ཀྱི་བྱེད་སྒོ་འཆམ་མཐུན་དང་བརྟན་བརླིང་། བདེ་བླག་བཅས་ཡོང་བ་དང་། ཡུལ་དངོས་ཀྱི་འགྲིམ་འགྲུལ་འགག་པ་དང་འཚང་ག་རྒྱག་པ། དོ་དམ་རྙོག་དྲ་ ༽སོགས་ཀྱི་གནས་ཚུལ་མི་ཡོང་བའི་ཆེད་དུ། ས་ཁུལ་གཞན་གྱི་སེར་སྐྱ་མི་མང་དབང་གནང་ཡུལ་དུ་མི་འགྲོ་བ་དང་ཕྱིར་ལོག་དགོས་པའི་ཁ་ཏ་བྱེད་ཀྱི་ཡོད་སྐོར་བསྒྲགས་འདུག

༧གུང་ཐང་སྐུ་ཕྲེང་དྲུག་པ་དང་བདུན་པ་མཆོག་རྣམ་གཉིས་ནས་དབུ་ཞ་བསྣམས་པ། བོད་ཀྱི་དུས་བབ་ཀྱི་སྐུ་པར་སྒྲིག་སྦྱོར་བྱས། ༡༣།༠༩།༢༠༢༣

སྤྱིར་གུང་ཐང་སྐུ་ཕྲེང་རིམ་བྱོན་གྱིས་བོད་ཀྱི་ཆོས་སྲིད་གཉིས་ཀྱི་ཐད་བཞག་པའི་མཛད་རྗེས་བསམ་གྱི་མི་ཁྱབ་ཅིང་། ཕྱི་ལོ་ ༡༩༩༤ ཟླ་ ༦ ནང་༧གུང་ཐང་སྐུ་ཕྲེང་དྲུག་པ་ཁྲི་ཆེན་༧འཇིགས་མེད་བསྟན་པའི་དབང་ཕྱུག་མཆོག་གིས། བླ་བྲང་བསང་ཁོག་ཐང་ཆེན་ནས་དུས་འཁོར་དབང་ཆེན་ཐེངས་བཅུ་པ་གནང་སྐབས། མི་གྲངས་འབུམ་ཕྲག་ལྔ་ལྷག་འཛོམས་ནས་སྔར་བྱུང་མ་མྱོང་བའི་ཆོས་ཕྱོགས་ཀྱི་མཛད་པ་རྒྱ་ཆེར་བསྐྱངས་གནང་ཡོད་ལ། གུང་ཐང་སྐུ་ཕྲེང་བདུན་པའི་དཔལ་དུས་ཀྱི་འཁོར་ལོའི་དབང་ལུང་མན་ངག་གི་རྒྱུད་པ་དེ་ཁོང་གི་དགེ་བའི་བཤེས་གཉེན་ཆེན་མོ་ཡོངས་འཛིན་འཇིགས་མེད་དཔལ་ལྡན་རྒྱ་མཚོ་མཆོག་བརྒྱུད་ནས་ཐོབ་ཡོད་ཅིང་། ཕྱི་ལོ་ ༢༠༠༤ ལོར་ཀུན་མཁྱེན་འཇམ་དབྱངས་བཞད་པ་བློ་བཟང་འཇིགས་མེད་ཐུབ་བསྟན་ཆོས་ཀྱི་ཉི་མ་མཆོག་ནས་གུང་ཐང་སྐུ་ཕྲེང་དྲུག་པའི་ཡང་སྲིད་དུ་ངོས་འཛིན་གནང་ཞིང་། ཕྱི་ལོ་ ༢༠༠༦ ལོར་གསེར་ཁྲི་མངའ་གསོལ་མཛད་ཡོད། བླ་བྲང་བཀྲ་ཤིས་འཁྱིལ་དགོན་པར་དགེ་བའི་བཤེས་གཉེན་ཆེན་མོ་ཨ་ཁུ་དཔལ་ལྡན་རྒྱ་མཚོ་ཚང་ཡོངས་འཛིན་དུ་བསྟེན་ནས་གཞུང་ཆེན་ཁག་ལ་སློབ་གཉེར་གནང་ཞིང་། ཕྱི་ལོ་ ༢༠༢༡ ལོར་བླ་བྲང་བཀྲ་ཤིས་འཁྱིལ་དུ་ཕར་ཕྱིན་དམ་བཅའ་བཞག་ཡོད་པ་དང་། འདི་ལོའི་ཟླ་ ༡༡ ནང་བླ་བྲང་བཀྲ་ཤིས་འཁྱིལ་གྱི་ཁྲི་བར་ཕེབས་གཏན་ཁེལ་ཡོད་འདུག

༧གུང་ཐང་སྐུ་ཕྲེང་བདུན་པ་འཇམ་དབྱངས་བླ་མ་༧བློ་བཟང་འཇམ་དབྱངས་དགེ་ལེགས་བསྟན་པའི་མཁན་ཆེན་མཆོག་ནི། ཕྱི་ལོ་ ༢༠༠༢ ལོའི་ཧོར་ཟླ་ ༥ ཚེས་ ༢༧ ཉིན་གཙོས་མཛོད་དགེ་སྒར་རྙིང་བཀྲ་ཤིས་ཆོས་འཕེལ་གླིང་གི་ཤར་ཕྱོགས་སུ་རོང་འབྲོག་གི་ལྷ་སྡེ་བྲག་རྫོང་སྡེ་བར་ཡབ་བསོད་ནམས་ཚེ་རིང་དང་ཡུམ་བན་དེ་འཚོ་གཉིས་ཀྱི་སྲས་སུ་སྐུ་འཁྲུངས་ཡོད་པ་དང་། བོད་ལུགས་ལྟར་ན་རིན་པོ་ཆེ་ཁོང་ད་ལྟ་དགུང་ལོ་ ༢༢ ཡིན་ཞིང་སྐུ་སྲིང་གཅིག་བཅས་ཡོད་འདུག

གསར་འགོད་པ། སྐལ་བཟང་སྦྱིན་པ།

རྩོམ་སྒྲིག་པ། སྐལ་བཟང་སྦྱིན་པ།

འབྲེལ་ཡོད་གསར་འགྱུར།

No Content Available

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese