བལ་ཡུལ་དང་བོད་ལྗོངས་མཁའ་ལམ་གཉིས་མཉམ་འབྲེལ་བྱས་པའི་འགྲིམ་འགྲུལ་གནམ་གྲུ་ཞིག་བལ་ཡུལ་ནས་བོད་ཀྱི་རྒྱལ་ས་ལྷ་སར་འཕུར་མགོ་འཛུགས་རྒྱུ་ཡིན་འདུག
ཕྱི་ལོ་ ༢༠༢༣ མཇུག་རྫོགས་ལ་ཉེ་བ་དང་བསྟུན། ཟླ་འདིའི་ཕྱི་ཚེས་ ༢༨ ཉིན་བལ་ཡུལ་གྱི་རྒྱལ་ས་ཀ་ཐི་མན་ཌི་ནས་བོད་ཀྱི་རྒྱལ་ས་ལྷ་སའི་བར་ཧི་མ་ལ་ཡ་རྟགས་ཅན་གྱི་འགྲིམ་འགྲུལ་གནམ་གྲུ་ཞིག་ཤར་གཏོང་བྱ་རྒྱུ་ཡིན་འདུག་ལ། དེ་ནི་བལ་ཡུལ་དང་བོད་ལྗོངས་མཁའ་ལམ་འགྲིམ་འགྲུལ་གཉིས་ཟུང་འབྲེལ་བྱས་པའི་གནམ་གྲུ་ཞིག་ཐོག་མར་བོད་ཀྱི་རྒྱལ་ས་ལྷ་སར་བསྐྱོད་པ་ཆགས་ཀྱི་ཡོད་འདུག
ད་ལྟའི་ཆར་བལ་ཡུལ་ནས་ཐད་ཀར་བོད་ཀྱི་རྒྱལ་ས་ལྷ་སའི་གནམ་ཐང་བར་མཁའ་ལམ་འགྲིམ་འགྲུལ་མེད་ཀྱང་། བལ་ཡུལ་ནས་རྒྱ་ནག་གི་གྲོང་ཁྱེར་ཁྲིན་ཏུའུ་བར་ཧི་མ་ལ་ཡ་དང་བལ་ཡུལ་མཁའ་ལམ་འགྲིམ་འགྲུལ་ཞེས་པའི་གནམ་གྲུ་འཕུར་གྱི་ཡོད་འདུག ཡུལ་སྐོར་ཆེད་མཁས་ཞིབ་འཇུག་སྡེ་ཁག་གིས་ཞིབ་འཇུག་བྱས་པ་ལྟར་ན། ད་ལྟ་ལྷ་ས་དང་བལ་ཡུལ་བར་ཐད་ཀར་གནམ་གྲུ་འཕུར་མཁན་མེད་སྟབས། ཡུལ་སྐོར་བ་མང་པོ་ཞིག་ལ་འགྲིམ་འགྲུལ་སྟབས་བདེ་མིན་པའི་དཀའ་ངལ་མང་དག་ཅིག་འཕྲད་ཀྱི་ཡོད་འདུག་མོད། ད་ལྟ་བལ་ཡུལ་ནས་ཐད་ཀར་ལྷ་སའི་བར་གནམ་ཐང་བར་གནམ་གྲུ་ཤར་གཏོང་ཐུབ་པ་དེས་ཡུལ་སྐོར་བ་མང་པོ་ཞིག་ལ་འགྲུལ་བཞུད་སྟབས་བདེར་བཏང་ཡོད་པ་རེད།
ཟླ་འདིའི་ཕྱི་ཚེས་ ༢༨ ཉིན་ཤར་གཏོང་བྱེད་གཏན་ཁེལ་བའི་བོད་ཀྱི་རྒྱལ་ས་ལྷ་ས་དང་བལ་ཡུལ་བར་མཁའ་ལམ་འགྲིམ་འགྲུལ་དེ་ཐོག་མར་གནམ་གྲུ་བཞི་ནས་གཟའ་འཁོར་གཅིག་ནང་ཐེངས་གཉིས་རིང་འཕུར་སྐྱོད་བྱ་རྒྱུ་ཡིན་པ་དང་། ཆུ་ཚོད་ ༡ དང་སྐར་མ་ ༢༠ ཙམ་འགོར་གྱི་ཡོད་ལ། ནམ་རྒྱུན་བལ་ཡུལ་ནས་བོད་བར་གྱི་གནམ་གྲུའི་འཛིན་བྱང་ལ་ཨ་སྒོར་ ༤༣༥ ཡིན་པ་དང་ད་ལྟ་ཧི་ལ་ཡའི་འཛིན་བྱང་ལ་ཨ་སྒོར་ ༣༣༤ བྱས་ནས་འཕུར་ཆོག་པ་བལ་ཡུལ་གྱི་ཡུལ་སྐོར་ཞབས་ཞུའི་སྡེ་ཚན་ (Tourismmall) དྲ་ཐོག་ཏུ་བཀོད་འདུག
སྤྱིར་ཧི་མ་ལ་ཡ་རྟགས་ཅན་གྱི་འགྲིམ་འགྲུལ་གནམ་གྲུའི་ཚོང་ལས་དེ། ཕྱི་ལོ་ ༢༠༡༤ ལོར་བལ་ཡུལ་གྱི་ཡུལ་སྐོར་ཚོང་གཉེར་ཁང་ཆེ་ཤོས་མི་དྲེད་དམ་ཡ་དྲེད་ (Yeti)རྟགས་ཅན་དང་བོད་ལྗོངས་མཁའ་ལམ་ཚོང་གཉེར་ཁང་གཉིས་ཟུང་འབྲེལ་གྱིས་ཉར་ཏེ། ཕྱི་ལོ་ ༢༠༡༦ ལོར་མཁའ་ལམ་འགྲིམ་འགྲུལ་ཐོག་མར་ཤར་གཏོང་གིས། ད་ལྟ་འཛམ་གླིང་རྒྱལ་ཁབ་ ༨ ཀྱི་ནང་མཁའ་ལམ་ཞབས་ཞུ་སྒྲུབ་བཞིན་ཡོད་འདུག
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
