ཕྱི་ལོ་ ༢༠༢༤ ལོའི་ཁྱིམ་ཐོ་ཞིབ་གཤེར་གྱི་ལས་དོན་དང་འབྲེལ་སྤྱི་འཐུས་མང་པོས་རྒྱབ་སྐྱོར་དང་དོགས་འདྲི་སོགས་བྱས་པར་ནང་སྲིད་བཀའ་བློན་སྤེན་པ་ཚེ་རིང་མཆོག་གིས་གསལ་བཤད་ལན་འདེབས་གནང་སོང་།
ཁ་སང་གྲོས་ཚོགས་ཚོགས་དུས་དྲུག་པའི་ལས་ཉིན་ ༥ དང་དེ་རིང་ལས་ཉིན་དྲུག་པའི་ཚོགས་ཐུན་སོགས་སུ་བོད་མིའི་སྒྲིག་འཛུགས་ཀྱི་ཁྱིམ་ཐོ་ཞིབ་བཤེས་དང་འབྲེལ་ནས་སྤྱི་འཐུས་མི་ཉུང་བ་ཞིག་གིས་དྲང་ཕྱོགས་དང་ལྡོག་ཕྱོགས་གཉིས་ཀྱི་ཐད་ནས་དོགས་འདྲི་དང་གླེང་སློང་མང་དག་ཅིག་བྱས་པ་དང་བསྟུན། ནང་སྲིད་བཀའ་བློན་མཆོག་གིས་ཁྱིམ་ཐོ་ཞིབ་བཤེར་དང་འབྲེལ་བའི་དོགས་འདྲི་དང་རྨོངས་འཆར་ཁག་ལ་ལན་འདེབས་གནང་སོང་།
ཁ་སང་གི་ཚོགས་ཐུན་གཉིས་པའི་སྟེང་སྤྱི་འཐུས་དགེ་བཤེས་སྨོན་ལམ་མཐར་ཕྱིན་ལགས་ཀྱིས། ངས་ཐད་ཀར་མི་འབོར་གྲངས་བཤེར་དང་། ཁ་སང་དང་དེ་རིང་འགྲོ་བཞིན་པའི་ཁྱིམ་ཐོ་ཞིབ་བཤེར་ཟེར་བ་གཉིས་ཀའི་ཐོག་སྤྱི་ཚོགས་ཀྱི་དྲ་རྒྱའི་བརྒྱུད་ནས་མང་པོ་ཞིག་འགྲོ་ཡི་འདུག དོན་དག་ཁ་ཐུག་ཞུས་ན་ཡག་གི་རེད་དྲན་གྱི་འདུག བཀའ་བློན་ཟུར་པ་དཔལ་འབྱོར་ཚེ་རིང་གི་དེབ་དེ་མར་བཏོན་ནས། དེའི་ནང་ལ་ཁོང་གསང་བའི་ཐོག་ནས་རྒྱ་ནག་ལ་ཕྱིན་པའི་གནས་སྐབས་སུ། རྒྱ་ནག་ཐབས་ཕྱོགས་གཅིག་གྱུར་ཡིན་ནའང་འདྲ། འབྲེལ་ཡོད་དེ་ཚོས་ཁྱེད་རང་ཚོས་དང་པོ་དེ་ལ་ང་ཚོའི་འགྲམ་ལ་ཚུར་ཡོང་རྒྱུ་དང་། ང་ཚོར་འབྲེལ་བ་བྱེད་ཀྱི་ཡིན་ན་བཙན་བྱོལ་ནང་ལ་མི་ག་ཚོད་ཡོད་པ་དང་། ཁྱིམ་ཚང་ག་ཚོད་ཡོད་པའི་ཐོ་གཞུང་ང་ལ་སྤྲད་ཤོག་ཟེར་ནས་ལབ་སོང་ཟེར་བ་དེ་བོད་ཀྱི་དཔེ་མཛོད་ཁང་ནས་དཔར་སྐྲུན་བྱས་ཏེ་ཁ་སང་དེ་རིང་མར་བཀྲམ། དེ་དག་ཁྱིམ་ཐོ་ཞིབ་བཤེར་དང་མི་འབོར་གྲངས་བཤེར་ལ་སྦྱར་ནས་ང་ཚོའི་སྤྱི་ཚོགས་ནང་ལ་འགྲོ་སྡོད་ཀྱི་འདུག ཅེས་དང་། ཁ་གསལ་པོ་བྱས་ནས་གསུངས་པ་ཡིན་ན། དེ་དང་འབྲེལ་བ་ཡོད་དང་མེད་ཅེས་དོགས་འདྲི་དང་ལན་འདེབས་གསལ་བོ་དགོས་པའི་ནན་སྐུལ་གནང་སོང་།
ནང་སྲིད་བཀའ་བློན་སྤེན་པ་ཚེ་རི
ཡང་ནང་སྲིད་བཀའ་བློན་མཆོག་གིས། བཀའ་ཤག་སྐབས་བཅུ་དྲུག་པ་བསླེབས་
སྤྱི་འཐུས་མི་འགྱུར་རྡོ་རྗེ་ལགས་དང་ཟླ་བ་ཕུན་སྐྱིད་ལགས། བློ་བཟང་རྒྱ་མཚོ་སྲི་ཐར་ལགས་སོགས་ཀྱིས་ནང་སྲིད་ལས་ཁུངས་ཀྱི་ལས་བསྡོམས་སྤྱི་དང་ཁྱིམ་ཐོ་ཞིབ་བཤེར་ལས་གཞིར་བསྔགས་བརྗོད་གནང་བ་དང་བསྟུན། སྤྱི་འཐུས་བསྟན་འཛིན་ཆོས་འཛིན་
ཡང་ཁྱིམ་ཐོ་ཁྱིམ་གཤེར་གྱི་གནད་དོན་དང་འབྲེལ་ནས་སྤྱི་འཐུས་མཁན་པོ་ཀ་བྲག་དངོས་གྲུབ་བསོད་ནམས་ལགས་ཀྱིས། གྲྭ་ཡིན་ན་ཁྱིམ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ཡིན་པས། ཁྱིམ་ཐོ་ཞིབ་གཤེར་ཞེས་པའི་ས་ཐ་སྙད་ཅིག་གཏན་ནས་མེད་པའི་ཁར། ད་ལན་ཞིབ་གཤེར་དེའི་ཐོག་ཞིབ་གཤེར་བ་མང་དག་ཅིག་གིས། ཁང་པ་དང་། ས་གཞི། རླངས་འཁོར་སོགས་ཡོད་མེད་འདྲི་ཡི་འདུག་པས། དེ་ནི་ཁྱིམ་ཐོ་གྲངས་གཤེར་ཞིིག་མིན་པར། མི་སྒེར་གྱི་ཅ་དངོས་སམ་རྒྱུ་ནོར་ཞིབ་གཤེར་བྱས་པའི་རྒྱུ་ནོར་ཞིབ་གཤེར་ཞིག་ཡིན་སྐོར་དང་། སྤྱི་འཐུས་གསེར་རྟ་ཚུལ་ཁྲིམས་ལགས་ཀྱིས། དེང་གི་ཆར་བཙན་བྱོལ་བོད་མིའི་གཞིས་ཆགས་ཁག་ཏུ་ཁྱིམ་ཐོ་གྲངས་གཤེར་གྱི་ལས་དོན་ཞིག་བྱེད་མུས་ཡིན་འདུག་ལ། གྲངས་གཤེར་ཁོངས་སུ་ཆ་ཤས་ལེན་མཁན་འགས་དྲི་བ་དག་ལ་ལན་རྫུན་མ་བཤད་ཡོད་ཚུལ་གོ་ཐོས་འདུག་པས། དེ་འདྲའི་གྲངས་གཤེར་རིགས་ཀྱིས་དངོས་སུ་ཕན་ཐོགས་ག་ཚོད་ཡོད་མེད་ཀྱི་སྐོར་དོགས་འདྲི་གནང་སོང་།
སྲིད་སྐྱོང་དང་ནང་སྲིད་བཀའ་བློན་གཅིག་ལྕོགས་སྤེན་པ་ཚེ་རིང་མཆོག་གིས། རྒྱ་ཆེ་ས་ནས་བཙན་བྱོལ་སྤྱི་ཚོགས་ཀྱི་གནས་སྟངས་དང་། དཔལ་འབྱོར་གྱི་གནས་སྟངས་འགྲེལ་བཤད་བྱ་དགོས་ཚེ། གྲངས་ཐོ་དེ་དག་མེད་པར་འགྲེལ་བཤད་རྒྱག་ཐུབ་རྒྱུ་ཡོད་པ་མ་རེད། དེ་བཞིན་མ་འོངས་པར་མི་ཞིག་ལ་རོགས་པ་བྱ་དགོས་པ་དང་དེའི་རྒྱབ་ལྗོངས་ལ་བལྟ་དགོས་ཚེ། གྲངས་གཤེར་དེ་དག་མེད་ཚེ་ཡོང་ཐབས་མེད་པ་རེད་ལ། ཐག་གཅོད་བྱ་རྒྱུར་དཀའ་ངལ་ཆེན་པོ་ཞིག་ཡོད་པ་རེད་མ་གཏོགས། དེ་མིན་སྒྲིག་འཛུགས་ལ་གྲངས་ཐོ་དེ་དག་ཡར་སྤྲད་ནས་ལས་ཀ་འཕར་མ་ཞིག་བཟོ་དགོས་དོན་གང་ཡང་མེད་པ་རེད། ཅེས་དང་། དེ་བཞིན་ཁྱིམ་ཐོ་ཞིབ་གཤེར་དེའི་ཁོངས་སུ་ཞུགས་མཁན་རྣམས་ཀྱིས་རྫུན་མ་བཤད་པ་ལས། ཡོང་འབབ། རྒྱུ་ནོམ་ཡོད་མེད་མ་བ་ཤད་ན་ལེགས་ཏེ། ནང་དོན་དེ་དག་གི་ཐོག་ལ་ཞིབ་འཇུག་བྱེད་དགོས་པས། རྫུན་བཤད་པ་ཞིག་ལ་ཞིབ་འཇུག་བྱས་ན་རང་གཞན་ཚང་མའི་ལས་དོན་འཐུས་ཤོར་ཡིན་སྐོར་སོགས་གསུངས་སོང་།
ཕྱི་ལོ་ ༢༠༢༢ ཟླ་ ༧ ཚེས་ ༦ ཉིན་༧གོང་ས་མཆོག་གི་སྐུའི་འཁྲུངས་སྐར་དང་བསྟུན། བོད་མིའི་སྒྲིག་འཛུགས་ཀྱི་བཀའ་ཤག་སྐབས་བཅུ་དྲུག་པའི་དགོངས་དོན་འོག་ནང་སྲིད་ལས་ཁུངས་ནས་འགན་འཁུར་རྐང་འགན་ཁུར་ཏེ་ཁྱབ་ཁོངས་ས་གནས་མགོ་འཛིན་ལས་ཁུངས་ཁག་བརྒྱུད། བཙན་བྱོལ་བོད་མིའི་མི་འབོར་གྲངས་བཤེར་བྱས་པའི་ལས་གཞིའི་ཁྲོད། བོད་མིའི་འདུས་སྡོད་ཀྱི་ས་གནས་དང་སློབ་གྲྭ་ཁག་ནང་བོད་མི་ཇི་ཡོད་ཀྱི་གྲངས་ཐོ་ཕུལ་འབྱོར་བྱུང་བའི་ཁོངས་རྒྱ་གར་ནང་བོད་མི་གྲངས་ ༦༧,༤༣༨ དང་། བལ་ཡུལ་ནང་བོད་མི་གྲངས་ ༨,༧༢༦ ། འབྲུག་ནང་བོད་མི་གྲངས་ ༡,༢༡༣ ། ཕྱི་དྲིལ་ཁྱབ་ཁོངས་ཕྱི་རྒྱལ་གནས་སྡོད་བོད་མི་གྲངས་ ༢༠,༣༠༩ བཅས་ཆགས་ཡོད། བོད་མིའི་མི་འབོར་གྲངས་བཤེར་གྱི་ལས་གཞི་དེའི་ཆེད་ཨ་རིའི་སྲིད་གཞུང་གི་ (USAID) ལས་གཞིའི་ཁོངས་ནས་རོགས་དངུལ་ཧིན་སྒོར་འབུམ་ ༣༩ ཙམ་བཀའ་འཁྲོལ་བསྩལ་ཁོངས་ནས་ད་བར་འགྲོ་གྲོན་དངོས་སོང་ཧིན་སྒོར་འབུམ་ ༢༠ ཙམ་ཆགས་ཡོད་པ་རེད།
འདི་ལོའི་ཕྱི་ཟླ་ ༢ ཚེས་ ༢ ཉིན་དབུས་བོད་མིའི་སྒྲིག་འཛུགས་ཀྱི་ནང་སྲིད་ལས་ཁུངས་དང་། ཆོས་རིག་ལས་ཁུངས། འཕྲོད་བསྟེན་ལས་ཁུངས། ཤེས་རིག་ལས་ཁུངས་སོགས་ཀྱིས། ཕྱི་ལོ་ ༢༠༢༤ ལོའི་བོད་མིའི་སྒྲིག་འཛུགས་ཀྱི་ཁྱིམ་ཐོ་གྲངས་བཤེར་གྱི་ལས་གཞི་དང་འབྲེལ་བའི་གསར་འགོད་གསལ་བསྒྲགས་ཐོག་མ་དེ་སྤེལ་ཏེ། ད་ལྟའི་ཆར་དྷ་ས་དང་། རྒྱ་གར་ལྷོ་ཕྱོགས་སོགས་བོད་མིའི་གཞིས་ཆགས་ཁག་ཏུ་ཁྱིམ་ཐོ་ཞིབ་གཤེར་གྱི་ལས་དོན་གཉེར་བྱེད་བཞིན་པ་རེད་འདུག
གསར་འགོད་པ། དོན་འགྲུབ་བཀྲ་ཤིས། བསྟན་འཛིན་ཕུར་བུ། དཔལ་ལྡན།
རྩོམ་སྒྲིག་པ། སྐལ་བཟང་སྦྱིན་པ།
