རྒྱ་ནག་གཞུང་གིས་རྒྱ་གར་གྱི་མཇལ་བ་ཚོ་གང་མགྱོགས་གནས་མཆོག་གངས་རིན་པོ་ཆེར་གནས་མཇལ་དུ་འགྲོ་བར་སྒོ་ཕྱེ་རྒྱུ་ཡིན་འདུག
རྒྱ་ནག་གཞུང་གིས་རྒྱ་གར་གྱི་གནས་མཇལ་བ་རྣམས་གང་མགྱོགས་གནས་མཆོག་གངས་རིན་པོ་ཆེ་སོགས་སུ་གནས་མཇལ་དུ་གཏང་རྒྱུ་ཡིན་སྐོར་བསྒྲགས་འདུག་ལ། ད་ལྟའི་ཆར་ཟླ་ཚེས་ཁ་གསལ་མེད་ཀྱང་ལོ་རེའི་ཕྱི་ཟླ་ ༤ ནས་ ༡༠ བར་རྒྱ་གར་དང་བལ་ཡུལ་སོགས་ནས་ནང་པ་དང་ཧིན་རྡུ། རྗེའུ་ཆོས་ལུགས་ཀྱི་དད་ལྡན་པ་ཁྲི་ཕྲག་མང་པོ་གནས་མཇལ་དུ་འགྲོ་སྲོལ་ཡོད་པ་རེད།
དེའི་ཐད་རྒྱ་གར་ཕྱི་སྲིད་བློན་ཆེན་ལས་ཁུངས་ཀྱི་མགྲིན་ཚབ་པ་སྐུ་ཞབས་རན་དྷི་ (Randhir Jaiswal) ལགས་ཀྱིས། གང་མགྱོགས་ཧིན་དྷུ་དང་ནང་པའི་ཆོས་ལུགས་ཀྱི་གནས་རི་གཙོ་བོ་ཞིག་ཏུ་གྱུར་བའི་གངས་རིན་པོ་ཆེར་གནས་སྐོར་མགོ་འཛུགས་རྒྱུ་ཡིན་ལ། ང་ཚོས་འཕྲལ་དུ་གངས་རིན་པོ་ཆེར་གནས་སྐོར་དུ་གཏང་རྒྱུར་བརྡ་ཐོ་ཞིག་སྤེལ་རྒྱུ་ཡིན། ཞེས་བརྗོད་འདུག
དེ་བཞིན་ད་ལྟའི་ཆར་ཨ་རིའི་སྲིད་འཛིན་ཊོམ་ཕུ་མཆོག་གི་འཛིན་སྐྱོང་གསར་པས་རྒྱ་ནག་གཙོ་བོར་གྱུར་བའི་ཚོང་འབྲེལ་རྒྱལ་ཁབ་མང་པོར་སྒོ་ཁྲལ་ཆེན་པོ་རྒྱག་གི་ཡོད་པའི་དཀའ་རྙོག་འོག རྒྱ་ནག་གཞུང་གིས་རྒྱལ་ཁབ་གཞན་དང་ཚོང་འབྲེལ་སོགས་ཕྱོགས་ཡོངས་ནས་རྒྱ་སྐྱེད་གཏོང་ཐབས་བྱེད་ཀྱི་ཡོད་འདུག་ལ། རྒྱལ་ཁབ་ཀྱི་དཔལ་འབྱོར་ཉམས་ཉེས་སྐྱོབ་ཐབས་སུ་རྒྱལ་ཁབ་མང་པོར་ཐོངས་མཆན་རིན་མེད་དང་ཆག་ཡང་སོགས་ཀྱི་བྱེད་ཐབས་ཀྱང་བཀོལ་གྱི་ཡོད་པ་ལྟར། རྒྱ་གར་གྱི་རྒྱལ་ས་ལྡི་ལིར་ཡོད་པའི་རྒྱ་ནག་གཞུང་ཚབ་ཁང་གིས། མི་མང་དང་མི་མང་བར་གྱི་འབྲེལ་བ་སྲ་བརྟན་དུ་གཏོང་དགོས་ཞེས་བརྗོད་དེ། འདི་ལོའི་ཕྱི་ཟླ་ ༡ ནས་ཟླ་འདིའི་ཕྱི་ཚེས་ ༩ བར་དུ་རྒྱ་གར་བ་ ༨༥༠༠༠ ལ་ཐོངས་མཆན་སྤྲད་ཡོད་འདུག་ལ། ཉིན་ཤས་གོང་དུ་ལྡི་ལིའི་རྒྱ་ནག་གཞུང་ཚབ་པ་ཞུ་ཧྥེ་ཧོང་གིས་སྒེར་གྱི་དྲ་གནས་སུ་རྒྱ་གར་གྱི་གྲོགས་པོ་ཚོ་སྔར་ལས་མང་པོ་རྒྱ་ནག་ནང་ཕྱིན་ཏེ། རྒྱ་ནག་གི་གུ་ཡངས་དང་བདེ་འཇགས། ལྷག་བསམ། མཛའ་བརྩེ་བཅས་ལ་རོལ་མྱོང་བྱེད་པར་དགའ་བསུ་བྱེད་ཀྱི་ཡོད་སྐོར་བསྒྲགས་འདུག་ལ། ཐོངས་མཆན་ལེན་པར་འཕྲོད་བསྟེན་བརྟག་དཔྱད་མ་གཏོགས་དྲ་ཐོག་དུས་བཅད་མི་དགོས་ལ། དུས་ཐུང་ནང་རིན་གོང་བདེ་བའི་ཐོངས་མཆན་ལག་ཏུ་རག་ཐུབ་པ་དང་། ཡུལ་སྐོར་རིང་རྒྱ་ནག་གི་རིག་གཞུང་དང་མཛེས་སྡུག་སོགས་ལོངས་སྤྱོད་བྱེད་པར་སྐུལ་འདེད་སྔར་ལྷག་གཏོང་རྒྱུ་ཡིན་ཚུལ་སོགས་བརྗོད་འདུག
ཕྱི་ལོ་ ༢༠༢༠ ལོར་རྒྱ་ནག་ནས་ཏོག་དབྱིབས་གཉན་རིམས་མཆེད་རྗེས་རྒྱ་ནག་གཞུང་གིས་རྒྱ་གར་གྱི་གནས་མཇལ་བ་རྣམས་གནས་མཆོག་གངས་
ཕྱི་ལོ་ ༢༠༢༣ ལོར་རྒྱ་ནག་གཞུང་གིས་གནས་ཆེན་གངས་རིན་པོ་ཆེ་བསྐྱར་དུ་སྒོ་ཕྱེས་པ་དང་བསྟུན། གནས་མཇལ་གྱི་རིན་གོང་སྤྱི་ཡོངས་ནས་ལྡབ་འགྱུར་གྱིས་འཕར་ཡོད་པ་མ་ཟད། རྒྱ་གར་གྱི་གནས་མཇལ་བར་རིན་གོང་མཐོ་བོ་བཟོས་ཏེ་དམིགས་བསལ་གྱིས་དམ་དྲག་དང་ལྟ་སྲུང་བྱས་པའི་གནས་ཚུལ་ཐོན་ཡོད་པ་རེད། དེ་སྔོན་
གནས་མཆོག་གངས་རིན་པོ་ཆེ་ནི་བོད་ཀྱི་མངའ་རིས་ས་ཁུལ་སྤུ་ཧྲེང་རྫོང་གི་བྱང་རྒྱུད་ཀྱི་མ་ཕམ་གཡུ་མཚོའི་ཉེ་ཁུལ་དུ་ཆགས་ཤིང་། ནང་པ་དང་ཧིན་རྡུ། རྗེའུ་ཆོས་ལུགས། བོན་བཅས་ཀྱི་གནས་ཁྱད་པར་ཅན་ཞིག་ཡིན་ལ། ལོ་ལྟར་གངས་རིན་པོ་ཆེར་གནས་བསྐོར་དུ་འགྲོ་བ་ནི་ལོ་གསར་པ་ཞིག་གི་ཆོས་ཕྱོགས་ཀྱི་འགྲུལ་བཞུད་གལ་ཆེ་ཤོས་ཤིག་ཏུ་གྱུར་ཡོད་ལ། བོད་རང་དབང་རང་བཙན་ཡིན་པའི་སྐབས་སུ་གནས་མཆོག་དེར་བཀག་སྡོམ་གང་ཡང་མེད་ཀྱང་། བོད་ས་ཡོངས་རྫོགས་རྒྱ་ནག་དམར་གཞུང་གིས་བཙན་བཟུང་བྱས་རྗེས་གངས་རིན་པོ་ཆེ་སོགས་སུ་གནས་སྐོར་དུ་འགྲོ་བར་ཐ་ན་བོད་ནང་གི་གནས་མཇལ་བ་ཚོ་ལའང་སྟངས་འཛིན་བཀག་སྡོམ་བྱེད་ཀྱི་ཡོད་པ་མ་ཟད། ལོ་ལྟར་ཚོང་རྫས་ལྟ་བུ་ཞིག་ཏུ་བསྒྱུར་ནས་དམ་དྲག་སྔར་ལྷག་བྱེད་བཞིན་ཡོད་པ་རེད།
གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། པདྨ་མཚོ།
![China's Vice Minister of Foreign Affairs Sun Weidong in Tokyo, Japan in 2023 [File: Issei Kato/Pool via Reuters]](https://tibettimes.net/wp-content/uploads/2026/04/Screen-Shot-2026-04-15-at-2.32.14-PM-360x180.png)
