མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རྒྱ་ནག་གིས་བོད་སྐད་བཤད་མཁན་གྱི་བྱིས་པར་འཕྱ་དམོད་བྱེད་དགོས་པའི་ཁོར་ཡུག་བསྐྲུན་འདུག

བོད་ཀྱི་དུས་བབ།
༢༠༢༦/༡༡/༡༧
Share on FacebookShare on TwitterShare on EmailShare on Whatsapp

ཟླ་འདིའི་ཕྱི་ཚེས་ ༡༦ ཉིན་བོད་དོན་ལས་འགུལ་བསྟི་གནས་ཁང་གི་འགན་འཛིན་བཀྲས་མཐོང་ལྷ་སྒྲོན་ལགས་དང་བོད་ཀྱི་སྤྱི་ཚོགས་རིག་པ་བ་འབུམ་རམས་པ་རྒྱལ་ལོ་ལགས། རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལགས་བཅས་ཀྱིས་ཁེ་ན་ཌའི་རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་ཆུང་ཆུང་བའི་མདུན་དུ། རྒྱ་ནག་གཞུང་གིས་བོད་ནང་དུ་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་བཅའ་ཁྲིམས་ཟེར་བ་དང་བཅའ་སྡོད་སློབ་གྲྭའི་ལམ་ལུགས་ཁྲིམས་འགལ་ཐོག་ལག་བསྟར་བྱེད་བཞིན་པ་དང་དེའི་ཉེན་ཁ། བོད་མིའི་འགྲོ་བ་མིའི་ཐོབ་ཐང་དང་ཆོས་དད་རང་དབང་ལ་རྡོག་རོལ་བཏང་དང་གཏོང་མུས་ཡིན་པ་སོགས་ཀྱི་སྐོར་ལ་དཔང་པོ་བྱས་ཏེ་ཉན་ཞིབ་འཚོགས་འདུག

སྐབས་དེར་འབུམ་རམས་པ་རྒྱལ་ལོ་ལགས་ཀྱིས། རྒྱ་ནག་གཞུང་གིས་འདས་པའི་ལོ་ངོ་བཅུའི་རིང་བོད་ནང་ལག་བསྟར་བྱེད་བཞིན་པའི་སློབ་གསོས་ཟླ་གསུམ་གྱི་ནང་ནས། བཅའ་སྡོད་སློབ་གྲྭ་འགྲིམ་མཁན་གྱི་བྱིས་པ་ཚོ་རང་གི་གཞིས་ཁྱིམ་ལ་རྒྱུས་མངའ་མེད་ཅིང་ཕྱི་ནས་ཡོང་བའི་མགྲོན་པོ་ལྟ་བུར་བསྒྱུར་གྱིན་ཡོད། ལོ་ངོ་བདུན་གྱི་རྗེས་ནས་ཁོ་ཚོས་ང་རྒྱལ་ཆེན་པོ་ཞིག་གི་ཐོག་ནས་རང་ཉིད་ཀྱི་ཕ་མ་དང་གཉེར་ཉེ་སོགས་ཀྱིས་རྒྱ་སྐད་བཤད་མི་ཤེས་པར་སྐྱོན་བརྗོད་བྱེད་པ་དང་། འདི་ལོའི་ཕྱི་ཟླ་ ༩ ཚེས་ ༢༥ ནས་བཟུང་རྒྱ་ནག་གཞུང་གིས་ཁྱིམ་ཚང་དང་ཕ་མ། སློབ་གྲྭ་བཅས་ལ་གནོན་ཤུགས་སྤྲོད་མགོ་བཙུགས་ཏེ་རྒྱ་སྐད་མ་གཏོགས་བཀོལ་སྤྱོད་བྱེད་མི་ཆོག་པའི་སྲིད་ཇུས་བཟུང་ཡོད། ལྷག་པར་དུ་སློབ་གྲྭའི་ནང་བོད་སྐད་བཤད་མཁན་གྱི་བྱིས་པར་བྱིས་པ་ཚང་མས་འཕྱ་དམོད་བྱེད་དགོས་པའི་ཁོར་ཡུག་བསྐྲུན་འདུག ངས་འདས་པའི་ལོ་ངོ་ ༣༠ རིང་བོད་ནང་དུ་སློབ་གསོའི་ལས་དོན་གཉེར་བའི་ཉམས་མྱོང་གཞིར་བཞག་ན། རྒྱ་ནག་གིས་བོད་ནང་དུ་བཙུགས་པའི་བཅའ་སྡོད་སློབ་གསོའི་ལམ་ལུགས་དེས། བོད་ཀྱི་མི་རབས་གཞོན་པ་ཚོ་རྩ་བ་ནས་བོད་ཀྱི་དཔལ་ཡོན་ལས་ཁ་བྲལ་གཏོང་བཞིན་ཡོད། ཅེས་བརྗོད་འདུག

ཡང་ཁོང་གིས།  རྒྱ་ནག་གཞུང་གིས་བོད་བརྒྱུད་ནང་བསྟན་གྱི་འགན་དབང་ཡོངས་ལ་སྟངས་འཛིན་དང་དྲག་གནོན་བྱས་ཏེ། དགེ་འདུན་པ་རྣམས་ལ་བོད་ཀྱི་དགོན་སྡེ་ཁག་འཛིན་སྐྱོང་སྤེལ་གསུམ་བྱེད་པའི་དབང་ཆ་མེད་ཁར། དཔེར་ན་ཆོས་ཕྱོགས་ཀྱི་དབུ་ཁྲིད་༧གོང་ས་མཆོག་ལྟ་བུ་ཡིན་ཡང་། དམར་ཤོག་ཚོགས་པའི་བཀོད་འདོམ་ལ་ཉན་དགོས་ཀྱི་ཡོད་པ་དང་ཆོས་ལུགས་དམར་ཤོག་གི་ལྟ་གྲུབ་ལ་བསྒྱུར་བཞིན་པའི་ཉེན་ཁ། དེ་བཞིན། བོད་ནང་བཅའ་སྡོད་སློབ་གྲྭའི་ལམ་ལུགས་ལག་བསྟར་བྱས་ཏེ་བོད་ཕྲུག་ས་ཡ་གཅིག་ལྷག་རྒྱ་སྐད་རྒྱ་ཡིག་ཁོ་ན་མ་གཏོགས་མི་ཤེས་པའི་མི་རབས་ཤིག་ཏུ་བསྒྱུར་དང་བསྒྱུར་མུས་ཡིན་པ་དང་། བཅའ་སྡོད་སློབ་གྲྭའི་ལམ་ལུགས་འོག་བོད་ཀྱི་སྤྱི་ཚོགས་ཁྱོན་ཡོངས་ཀྱི་སྒྲོམ་གཞིར་འགྱུར་བ་བཏང་སྟེ་བོད་མི་རིགས་ཀྱི་ངོ་བོ་རྩ་བརླག་ཏུ་གཏོང་ཐབས་བྱེད་བཞིན་ཡོད་སྐོར་དང་། བོད་ཀྱི་ཐུན་མོང་མ་ཡིན་པའི་རིག་གཞུང་རྩ་བརླག་གཏོང་བཞིན་པ་དང་ས་ཁམས་ཆབ་སྲིད་བརྟན་ལྷིང་མེད་པ། ད་དུང་རྒྱལ་མཚམས་ལས་བརྒལ་བའི་དྲག་གནོན་སྲིད་ཇུས་ལག་བསྟར་བྱེད་བཞིན་ཡོད་སྐོར་སོགས་བརྗོད་འདུག

རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལགས་ཀྱིས། མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཟེར་བ་དེས། ཤེས་ཡོན་དང་སྤྱི་ཚོགས་ཁྲོད་དུ་རྒྱ་ཡིག་ཁྱབ་སྤེལ་གཏོང་དགོས་པའི་བཀའ་རྒྱ་བཏང་ཡོད་ཀྱང་། བོད་ཡིག་དང་སྐད་ཡིག་གཞན་དག་ཁྱབ་སྤེལ་གཏོང་རྒྱུའི་འགན་ལེན་གང་ཡང་མེད་པས། སྐད་ཡིག་དང་རིག་གཞུང་གི་ཐོབ་ཐང་ཉམས་རྒུད་དུ་འགྲོ་བར་སེམས་འཚབ་ཆེན་པོ་བསླངས་ཡོད། ཁྲིམས་ཡིག་དེའི་དོན་ཚན་ ༦༣ པའི་ནང་། རྒྱ་ནག་གི་རྒྱལ་ཁབ་གཅིག་གྱུར་ལ་གནོད་སྐྱོན་ནམ་ཁ་བྲལ་གཏོང་བར་ངོས་འཛིན་བྱས་པའི་རྒྱ་ནག་ཕྱི་ལོགས་ཀྱི་མི་སྒེར་དང་ཚོགས་པ་ཁག་ལ་ཁྲིམས་ལུགས་ཀྱི་ཐོག་ནས་འགན་ལེན་འཁུར་དུ་འཇུག་དགོས་པའི་གཏན་འབེབས་བྱས་ཡོད། འཛམ་གླིང་རྒྱལ་ཁབ་གང་སར་གནས་པའི་བཙན་བྱོལ་བོད་མི་རྣམས་དང་། བོད་དང་ཤར་ཊུ་ཀི་སི་ཐིན་སོགས་ཀྱི་འགྲོ་བ་མིའི་ཐོབ་ཐང་དང་གཞི་རྩའི་རང་དབང་དོན་དུ་གཉེར་མཁན་རང་དབང་ལྡན་པའི་འཛམ་གླིང་གི་མི་ཚང་མར་རྒྱལ་མཚམས་ལས་བརྒལ་བའི་གཉའ་གནོན་ཤུགས་ཆེ་རུ་གཏོང་གི་ཡོད་པས། རྒྱ་ནག་གིས་ས་མཚམས་ལས་བརྒལ་བའི་རྒྱལ་ཁབ་གཞན་གྱི་གཞི་རྩའི་རང་དབང་ལ་གནོད་སྐྱོན་གཏོང་སྲིད་པའི་ཉེན་བརྡའང་བཏང་འདུག

བོད་དོན་ལས་འགུལ་བསྟི་གནས་ཁང་གི་འགན་འཛིན་བཀྲས་མཐོང་ལྷ་སྒྲོན་ལགས་ཀྱིས། རྒྱ་ནག་གཞུང་གིས་དེ་སྔ་ནས་བོད་མི་མང་པོ་ཞིག་ལ་རྒྱལ་མཚམས་ལས་བརྒལ་བའི་དྲག་གནོན་བྱེད་བཞིན་པ་མངོན་གསལ་དང་ཡོངས་གྲགས་ཆགས་མེད། ཉེ་ཆར་རྒྱ་ནག་གཞུང་གིས་ངའི་ལས་རོགས་རྒན་རྒྱལ་ལོ་ལགས་སུ་རྒྱལ་མཚམས་ལས་བརྒལ་བའི་དྲག་གནོན་བྱེད་མགོ་བཙུགས་པ་དེས། ཁེ་ན་ཌའི་ནང་རྒྱ་ནག་གིས་མངོན་གསལ་དོད་པོའི་ཐོག་ནས་རྒྱལ་མཚམས་ལས་བརྒལ་བའི་དྲག་གནོན་སྲིད་ཇུས་སྤེལ་བཞིན་པ་གསལ་བོ་ཆགས་ཡོད། ཁོང་གིས་བོད་ནང་གི་བཅའ་སྡོད་སློབ་གསོའི་ལམ་ལུགས་འཛམ་གླིང་ནང་ཡོངས་བསྒྲགས་བྱས་ཏེ་བོད་ཀྱི་སྐད་ཡིག་དང་བོད་པའི་བྱིས་པ་ཚོའི་ཐོབ་ཐང་སྲུང་སྐྱོབ་བྱས་པ་ཁོ་ནར་བརྟེན་ནས་རྒྱ་ནག་གིས་ཁོང་ཁྲིམས་ལ་གཏུགས་ཡོད། ཅེས་དང་ཉེ་ལམ་ལྷོ་ཨ་ཧྥེ་རི་ཁའི་སྐུ་ཚབ་དོན་གཅོད་ཁང་ལ་འབར་རྫས་ཀྱིས་གཏོར་རྒོལ་བཏང་བའི་དོན་རྐྱེན་གྱི་རྒྱབ་ཏུ་རྒྱ་ནག་གཞུང་ཡོད་པ་གསལ་བོ་ཡིན་སྐོར་སོགས་བརྗོད་འདུག

ཁོང་ཅག་གིས་ཁེ་ན་ཌའི་རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་ཆུང་ཆུང་བ་དང་ཁེ་ན་ཌའི་གཞུང་ལ་འབོད་སྐུལ་ཁག་ཅིག་ཞུས་པའི་ཁྲོད། ༧གོང་ས་རྒྱལ་བ་རིན་པོ་ཆེ་མཆོག་གི་དབུས་པའི་བོད་བརྒྱུད་ནང་བསྟན་གྱི་ཡང་སྲིད་ངོས་འཛིན་བྱེད་ཕྱོགས་ལ་རྒྱ་ནག་གཞུང་གིས་ཐེ་གཏོགས་བྱ་རྒྱུ་གཏན་འགོག་དགོས། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་སྤྱི་ཁྱབ་འགན་འཛིན་ཝོལ་ཀར་ཊུར་ཀི་ (Volker Türk) ལགས་ཀྱིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཟེར་བ་དེ་ཕྱིར་འཐེན་བྱེད་དགོས་པའི་འབོད་སྐུལ་ལ་ཁེ་ན་ཌ་གཞུང་གིས་ཡོངས་གྲགས་ཐོག་ནས་རྒྱབ་སྐྱོར་བྱེད་དགོས་པ་དང་།  ཁྲིམས་ལུགས་དེས་ཁེ་ན་ཌའི་མི་སེར་ལ་ཤུགས་རྐྱེན་ཇི་ལྟར་ཐེབས་མིན་ལ་ལྟ་ཞིབ་བྱེད་དགོས་པ། དེ་བཞིན་ཁེ་ན་ཌས་ཨ་རི་དང་ཡུ་རོབ་རྒྱལ་ཁབ་ཁག་བཅས་རྒྱལ་སྤྱིའི་མཐུན་གྲོགས་རྒྱལ་ཁབ་ཁག་དང་མཉམ་དུ་རྒྱལ་ཁབ་གཞན་གྱི་ཁྲིམས་ལུགས་ལ་ཐེ་གཏོགས་བྱེད་པའི་རྒྱ་ནག་གི་ཁྲིམས་ལུགས་དེར་གདོང་ལེན་བྱེད་པར་མཐུན་སྦྱོར་དང་ལན་འདེབས་བྱེད་དགོས། ཁེ་ན་ཌ་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཟེར་བར་སྐྱོན་བརྗོད་དང་ཁྲིམས་དེ་ནི་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་སྒྲིག་ལས་འགལ་བ་ཞིག་ཡིན་པར་ངོས་འཛིན་དགོས།  བོད་ནང་དུ་བཅའ་སྡོད་སློབ་གསོའི་སྲིད་ཇུས་ལག་བསྟར་མཚམས་འཇོག་དགོས། རྒྱ་ནག་གི་རྒྱལ་མཚམས་ལས་བརྒལ་བའི་དྲག་གནོན་སྲིད་ཇུས་ལ་གདོང་ལེན་བྱས་ཏེ་བོད་མི་དང་ཡུ་གུར་བ་སོགས་སྲུང་སྐྱོབ་བྱེད་དགོས། ཁེ་ན་ཌ་གཞུང་གིས་བཙན་བྱོལ་བོད་མིའི་སྒྲིག་འཛུགས་ལ་སྲིད་བྱུས་དང་དངུལ་གྱི་རོགས་སྐྱོར་གནང་སྟེ། བཙན་བྱོལ་དུ་བོད་ཀྱི་ངོ་བོ་དང་། སྐད་ཡིག རིག་གཞུང་སོགས་སྲུང་སྐྱོབ་བྱེད་པའི་ལས་དོན་ལ་ཤུགས་སྣོན་རྒྱག་པར་རོགས་རམ་བྱེད་དགོས་པའི་འབོད་སྐུལ་ཡང་ཞུས་ཡོད།

གསར་འགོད་པ། སྐལ་བཟང་སྦྱིན་པ།

འབྲེལ་ཡོད་གསར་འགྱུར།

པར་བཅོས་མས་རིག་ནུས་ཀྱིས་བཟོས།
Mobile App

རྒྱ་ནག་གི་རྒྱལ་མཚམས་བརྒལ་བའི་དྲག་གནོན་གྱི་ལག་པ་ཇེ་རིང་དུ་འགྲོ་བཞིན་འདུག

སྐར་མ ༡ སྔོན་ལ།
ཨུ་རུ་སུའི་དམག་དོན་གནམ་གྲུ་ཐེངས་དང་པོར་ཐའེ་ཝན་གྱི་མཁའ་སྲུང་ངོས་འཛིན་ས་ཁུལ་དུ་འཕུར་སྐྱོད་བྱས་འདུག
Mobile App

ཨུ་རུ་སུའི་དམག་དོན་གནམ་གྲུ་ཐེངས་དང་པོར་ཐའེ་ཝན་གྱི་མཁའ་སྲུང་ངོས་འཛིན་ས་ཁུལ་དུ་འཕུར་སྐྱོད་བྱས་འདུག

སྐར་མ ༤༡ སྔོན་ལ།
ཨ་རྒྱ་ར་གསུམ་གྱི་མགོ་ཁྲིད་མི་འགྱངས་བར་རྒྱ་ནག་ཏུ་ཐུག་འཆར་འདུག  པར་བཅོས་མའི་རིག་ནུས་ཀྱིས་བསྒྲིགས། ༢༠༢༦།༡༡།༡༦
གསར་འགྱུར།

ཨ་རྒྱ་ར་གསུམ་གྱི་མགོ་ཁྲིད་མི་འགྱངས་བར་རྒྱ་ནག་ཏུ་ཐུག་འཆར་འདུག 

ཆུ་ཚོད་ ༢༤ སྔོན་ལ།
པར་མིས་བཟོས་རིག་ནུས་ཀྱིས་བསྒྲིགས།
Editorials

བོད་སྐད་གསར་ཁང་གཉིས་ལ་གསོན་རེ་ཡོད་དམ།

༢༠༢༦/༡༡/༡༦
བོད་ཀྱི་གློག་བརྙན་འཁྲབ་ཁྲིད་གྲགས་ཅན་པདྨ་ཚེ་བརྟན་ལགས།
Mobile App

པདྨ་ཚེ་བརྟན། བོད་བརྙན་གྱི་ཤིང་རྟའི་སྲོལ་འབྱེད།

༢༠༢༦/༡༡/༡༥
Mobile App

བོད་ཀྱིས་སྣང་མེད་དུ་བཏང་བའི་ཉེན་བརྡ། རྒྱལ་ལོ་དོན་གྲུབ་དང་རྒྱ་ནག་གི་བཙན་འཛུལ།

༢༠༢༦/༡༡/༡༤

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese