རྒྱ་ནག་གི་ཕྱི་སྲིད་བློན་ཆེན་ཡང་ཇི་ཁྲི་ཡིས་ཧྥ་རན་སིའི་སྲིད་འཛིན་སར་ཁོ་རྫེ་ལོ་འདིའི་དཔྱིད་དུས་སུ་རྒྱ་ནག་ལ་ཡོང་རྒྱུར་དགའ་བསུ་བྱས་ཡོད་པ་རེད།
ཕྱི་ཚེས་ ༤ ཉིན་རྒྱ་ནག་གི་ཕྱི་སྲིད་བློན་ཆེན་ཡང་ཇི་ཁྲི་ཡིས་པཱ་རེ་སི་ནས་བཤད་དོན། ལོ་འདིའི་ཕྱི་ཟླ་ ༤ པ་དང་ ༥ བར་མཚམས་ཤིག་ལ་ཧྥ་རན་སིའི་སྲིད་འཛིན་སར་ཁོ་རྫེ་ལགས་ཧྲང་ཧེ་རུ་ཕེབས་རྒྱུ་ཡིན་སྐོར་གསུངས་སོང་སྟབས། རྒྱ་ནག་གི་ཕྱོགས་ནས་ཁོང་གི་གཟིགས་སྐོར་འདིའི་སྐོར་གོ་ནས་དགའ་སྤྲོ་སྐྱེས་ཡོད་ཅེས་དང་། ཁོང་ལོ་འདིར་རྒྱ་ནག་ཏུ་ཕེབས་རྒྱུ་དེ་ནི་རྒྱ་ནག་དང་ཧྥ་རན་སི་གཉིས་བར་གྱི་འབྲེལ་བའི་ཤོག་ངོས་གསར་པ་ཞིག་རེད། ཧྥ་རན་སིའི་སྲིད་འཛིན་ལགས་ཀྱིས་ང་ལ་བཤད་དོན། ཧྥ་རན་སིའི་ཕྱོགས་ནས་རྒྱ་ནག་དང་མཉམ་འབྲེལ་གྱིས་གོ་ལ་རང་བཞིན་གྱི་འཐབ་བྱུས་གོང་སྤེལ་ཕྱོགས་ལ་ལས་དོན་སྒྲུབ་རྒྱུར་གྲ་སྒྲིག་ཨང་གསར་ཡོད་ཟེར་ལ། ཧྥ་རན་སི་དང་རྒྱ་ནག་གིས་མཉམ་འབྲེལ་ཐོག་རྒྱལ་སྤྱིའི་དཔལ་འབྱོར་ཉམས་རྒུད་དང་གནམ་གཤིས་འགྱུར་ལྡོག་གི་ཕྱོགས་ལ་མཉམ་ལས་གནང་རྒྱུའི་སྐོར་ནན་བཤད་གནང་སོང་ཞེས་སོགས་བརྗོད་ཡོད་པ་རེད།
དེ་བཞིན་ ༢༠༡༠ ལོར་རྒྱ་ནག་གི་སྲིད་འཛིན་ཧུའུ་ཅིན་ཐའོ་ཡིས་ཧྥ་རན་སིར་ལྟ་སྐོར་བྱ་རྒྱུ་ཡིན་ཚུལ་ཡང་རྒྱ་ནག་ཕྱི་སྲིད་བློན་ཆེན་ཡང་ཇི་ཁྲི་ཡིས་བཤད་ཡོད་པ་རེད།
༢༠༠༨ ལོར་པེ་ཅིན་ཨོ་རྩེད་ཀྱི་དཔལ་འབར་ཧྥ་རན་སི་ནས་འཁྱེར་སྐབས་བོད་དོན་ལས་འགུལ་བ་རྣམས་ཀྱིས་ངོ་རྒོལ་ཤུགས་ཆེར་བྱས་པ་དང་། ལོ་དེར་ཧྥ་རན་སིའི་སྲིད་འཛིན་སར་ཁོ་རྫེ་རྣམ་གཉིས་མཇལ་འཕྲད་གནང་བ་སོགས་ལ་བརྟེན། རྒྱ་ནག་དང་ཧྥ་རན་སི་གཉིས་ཀྱི་འབྲེལ་བ་ཇེ་སྡུག་དུ་ཕྱིན་ཡོད། འོན་ཀྱང་། ལོ་འདིར་ཧྥ་རན་སིའི་སྲིད་འཛིན་རྒྱ་ནག་ལ་ཕེབས་འཆར་འདིས་རྒྱལ་ཁབ་དེ་གཉིས་ཀྱི་འབྲེལ་བ་བསྐྱར་གསོ་བྱ་རྒྱུ་ཡིན་པའི་རེ་བ་བྱེད་ཀྱིན་ཡོད་པ་རེད།
རྒྱ་ནག་ཕྱི་སྲིད་བློན་ཆེན་ཡང་ཇི་ཁྲི་ནི་ཕྱི་ཚེས་ ༥ ཉིན་འཇར་མན་གྱི་གོང་ཁྱེར་མུ་ནི་ཆི་རུ་འཚོགས་པའི་རྒྱལ་སྤྱིའི་བདེ་འཇགས་ལྷན་ཚོགས་ཀྱི་ཚོགས་ཆེན་ཐེངས་ ༤༦ པའི་སྟེང་ཞུགས་ཡོད་ལ། འདི་ནི་ཚོགས་ཆེན་འདིའི་སྟེང་རྒྱ་ནག་གི་མཐོ་རིམ་དཔོན་རིགས་ཤིག་ཞུགས་པ་ཐོག་མ་ཆགས་ཡོད་འདུག
གསར་འགྱུར་རྩོམ་ཡིག་འདི་ལས་ཡུལ་གྱི་མིང་ཞིག་གི་སྐོར་མིག་ལ་མི་བདེ་བ་ཞིག་བྱུང་། འཇར་མན་གྱི་གྲོང་ཁྱེར་མུ་ནི་ཆི་ཟེར་བ་དེ་རེད། དབྱིན་སྐད་ལྟར་ན་Germanཟེར་བ་དེ་ཡུལ་དེའི་སྐད་དང་ཡུལ་མི་སོགས་ཡུལ་དེ་དང་འབྲེལ་བ་ཅན་ཞིག་ལ་ཟེར་བ་མ་གཏོགས་ཡུལ་མིང་རང་ལ་Germanyཟེར་བ་ཡིན་སྟབས་བོད་ཡིག་དུ་འབྲི་སྐབས་ཀྱང་འཇར་མན་ནི་ལྟ་བུ་འབྲི་དགོས་པ་རེད་སྙམ།
མུ་ནི་ཆི་ཟེར་བའི་གྲོང་ཁྱེར་ཞིག་ཡུལ་དེར་མེད་སྙམ། Munich ལ་ཟེར་བ་ཡིན་ན་དེའི་སྒྲ་གདངས་ནི་མུའུ་ནིག་ལྟ་བུ་ཞིག་རེད། མྱུ་ནིག་འདྲ་བ་ཞིག་ཟེར་གྱིན་འདུག ཡུལ་དང་མིའི་མིང་སོགས་བོད་ཡིག་ཏུ་འབྲི་སྐབས་ཡུལ་དེའི་མིའི་སྐད་དང་ཐག་ག་ཚོད་ཉེ་ཉེ་ཞིག་འབྲི་ཐུབ་ན་ཕན་ཐོགས་ཆེན་པོ་འདུག གསར་འགོད་པ་ཚོར་རེ་སྐུལ་ཡིན་། ཐུགས་རྗེ་ཆེ།
ད་འདུག་་་མི་དེ་ཚོས་ཁ་སྟོང་པ་རྐྱང་རྐྱང་གི་དྲ་རྒྱའི་ནང་མི་ཚེ་སྐྱེལ་བཞིན་ཕལ་ཆེར་སྐྲ་ལོ་ཡང་དཀར་པོར་ཆགས་ཚོད་ཡོད།
དབྱིན་ཇི་ཚོ་ཁ་ཆེ་ཚོའི་སྟེང་ལ་རུབ་བརྒྱབས་ནས་རྒྱུག་གིན་ཡོད་པ་དེ་འདྲ་ཞིག་རྒྱ་ནག་གི་སྟེང་ལའང་རྒྱུག་ཐུབ་དགོས་པ་རེད། རྒྱུག་མ་ཐུབ་ཚེ་༼ཤར་ཕྱོགས་ཀྱི་གྲོག་མ་སྔོན་པོ་༽དེ་ཚོས་ཚུར་བཅོམ་ཡོང་གི་རེད།
ལྷོ་ཕྲུག་སྣ་བོ་ཆེ་ལགས། བསམ་ཚུལ་ཡོད་ན་ཤུ་རུ་རུ་ཤོད།
རྒྱ་ནག་ལ་གད་མོ་དགོད་པ་དང་ལག་འཇུ་བྱས་པ་ཙམ་གྱིས་མང་གཙོའི་རྒྱལ་ཁབ་ཞིག་གིས་རང་ཚུགས་ཤོར་འགྲོ་བར་བཤད་ན་ཐལ་དྲགས་པ་རང་རེད། མང་གཙོའི་རང་ཚུགས་ཤོར་སྟངས་དེ་འདི་ལས་ཏོག་ཙམ་ཚད་མཐོ་ས་ཞིག་ནས་བལྟ་ཐུབ་ན་སྙིང་རྗེ་བ་མེད་འགྲོ།
རྭ་ལོ་ཟེར་བ་ལགས།
དྲ་གྲོག་ཤན་པ་ལག་དམར་ལགས།
ཉིད་ཀྱི་མཆན་བུའི་ནང་དོན་ལ་བལྟས་ན་ཉིད་ཀྱི་མཚན་དང་མཐུན་པོ་ཞེ་དྲག་འདུག་་ཕལ་ཆེར་དྲག་ཤུགས་ཆེ་ཙམ་མེད་དམ་སྙམ།་་་ཀུ་རེ་ཡིན།
འོན་ཀྱང་དྲི་བ་ཞིག་ཡོད་པས་ཁྱེད་ཀྱིས་ལན་འདེབས་གནང་རོགས
དྲི་བ།་་་་་ཉིད་ཀྱི་མཆན་བུའི་ནང་དེ་ལྟར་གསལ་འདུག་་༼ཅི་ཞིག་ཡིན་རུང་རྒྱ་ནག་ཡོད་ས་ན་བདེ་འཇགས་ཡོད་མི་སྲིད་ལ་རང་དབང་དང་སྨྲ་བརྗོད་ཅིག་གང་ན་ཡོད། ༽གོང་གི་བརྗོད་པར་བལྟས་ཚེ་ཉིད་རང་དབུ་མའི་ལམ་ལ་དེ་ཙམ་གྱི་ཡིད་ཆེས་ཨེ་ཡོད་སྙམ།་་དེ་བས་འཚེ་མེད་ཞི་བའི་ལམ་ལ་ཡིད་ཆེས་མེད་ངེས་སྙམ།་་དེས་ན་ཉིད་ཀྱི་ཆབ་སྲིད་ཀྱི་ལངས་ཕྱོགས་དང་།་་ལྟ་གྲུབ་གང་འདྲ་ཞིག་ལ་ཡིད་ཆེས་གནང་གི་ཡོད་དམ།་་རྒྱུ་མཚན་གང་ཡིན་ནམ།
ཐུགས་རྗེ་ཆེ།།
ནོར་འཁྲུལ་ཡོད་ན་དགོངས་འགལ་མེད་པ་ཞུ་རྒྱུ་ཡིན།།
གསར་འགྱུར་འདིའི་ཤུགས་བསྟན་གྱི་གོ་བ་ངོ་མ་ནི། ནུབ་ཕྱོགས་ཀྱི་དམངས་གཙོའི་རྒྱལ་ཁབ་ཚོས་རང་ཚུགས་ཟིན་གི་མེད་པ་དེ་རེད།
ཁ་སང་དེ་རིང་ཨོ་བྷ་མས་རྒྱ་ནག་མཉམ་དུ་ཅུང་མཁྲེགས་ཙམ་བྱེད་བཞིན་པའི་སྐབས་ལ་སར་ཁོ་རྫེ་ཡིས་རྒྱ་ནག་གི་ངོ་ལེན་ཁུལ་བྱས་སོང་། ན་ནིང་འཇར་མན་སྲིད་འཛིན་དང་སར་ཁོ་རྫེ་སོགས་ཡུ་རོབ་ཀྱི་དབུ་ཁྲིད་ཚོ་རྒྱ་ནག་གི་ཕྱོགས་ལ་མཁྲེགས་ཙམ་ཡོད་དུས། བྷུ་ཤུས་རྒྱ་ནག་གི་ངོ་སྲུང་སྟེ་པེ་ཅིན་གྱི་ཨོ་ལིམ་པིག་རྩེད་འགྲན་ཚུགས་སའི་བྱེའུ་ཚང་ར་བར་འཛུལ་བ་རེད།
ད་ནི་ཁོང་ཚོས་གཅིག་གྱུར་གྱིས་རྒྱ་ནག་ལ་ངོ་ཡ་མ་བྱས་ན་རེ་རེ་བཞིན་རྒྱ་གུང་ཁྲན་ཚང་གིས་ཉོག་ཤར་ལེན་གི་རེད།
དམར་ཤོག་གིས་དམངས་གཙོར་གཅར་རྡུང་བྱེད་གི་རེད།
ཅི་ཞིག་ཡིན་རུང་རྒྱ་ནག་ཡོད་ས་ན་བདེ་འཇགས་ཡོད་མི་སྲིད་ལ་རང་དབང་དང་སྨྲ་བརྗོད་ཅིག་གང་ན་ཡོད། རྒྱལ་སྤྱིའི་བདེ་འཇགས་ལྷན་ཚོགས་ཀྱི་ཚོགས་ཆེན་ཐེངས་༤༦པ་ནས་མ་འོངས་པའི་རྒྱལ་སྤྱིའི་རང་་བཞིན་གྱི་ལྷན་ཚོགས་འདིའི་ཐོག་སྨྲ་བརྗོད་དང་རང་དབང་གི་གནས་ཚུལ་ཞིག་ཡོང་མི་ཐུབ་པ་གསལ་བོ་རེད། གང་ཡིན་ཞུས་ན་ད་ལྟའི་ལྷན་ཚོགས་འདིའི་སྟེང་རྒྱ་ནག་ཡོད་མ་འོངས་པའི་ལྷན་ཚོགས་འདིའི་ཐོག་ཡང་རྒྱ་ནག་ཡོད་ངས་རེད། དེར་བརྟེན་སྨྲ་བརྗོད་དང་རང་དབང་གི་གནས་ཚུལ་ཞིག་ཡོང་ཐུབ་ཀྱིན་མ་རེད།