ཚོང་བ་ ༥ འཛིན་བཟུང་།

 ཕྱི་ཟླ་ ༢ ཚེས་མགོ་ཞིག་ལ་མཚོ་སྔོན་ཡུལ་ཤུལ་ནང་ཆེན་གཙོས་པའི་ས་ཁུལ་ ༣༠ ཙམ་དུ་ཡིག་ཆ་མང་པོ་ཞིག་སྦྱར་འགྲེམས་བྱས་ཡོད་འདུག་ལ། ལོ་གསར་ཚེས་གཉིས་ཡས་མས་ལ་ནང་ཆེན་ས་ཁུལ་གྱི་བོད་རིགས་ཚོང་བ་ ༥ རྒྱ་གཞུང་གིས་འཛིན་བཟུང་བྱས་ཡོད་འདུག དེ་ནི་སྦྱར་ཡིག་དེ་དག་ཏུ་ནང་ཆེན་ས་ཁུལ་གྱི་བོད་རིགས་ཚོང་པ་ཐུན་མོང་གིས་འགྲོ་སོང་བཏང་སྟེ། སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་ཞབས་བརྟན་བསྒྲུབ་རྒྱུ་དང་། བོད་རིགས་ཡོངས་ཀྱིས་མཐུན་ལམ་ལྡོག་རྩ་གཅིག་སྒྲིལ་བྱ་དགོས་སྐོར་སོགས་བཀོད་ཡོད་འདུག སྦྱར་ཡིག་དེའི་མཇུག་ཏུ་ཟླ་ ༢ ཚེས་ ༢ ཞེས་བཀོད་ཡོད་འདུག་ཀྱང་། དངོས་སུ་སྦྱར་འགྲེམས་བྱས་པའི་དུས་ཚོད་གསལ་བོ་ཤེས་རྟོགས་བྱུང་མི་འདུག་ལ། དེ་བཞིན་འཛིན་བཟུང་བྱས་པའི་ཚོང་བ་དེ་དག་གི་མིང་དང་ད་ལྟའི་གནས་སྟངས་སོགས་ཀྱང་ཁ་གསལ་མི་འདུག