ཕྱི་ཚེས་ ༥ ཉིན་རྒྱལ་སྤྱིའི་གཞུང་འབྲེལ་མ་ཡིན་པའི་ཚོགས་པ་ཁག་གི་རྩ་འཛུགས་འོག་ཇེ་ནེ་ཝ་རུ་རྒྱལ་སྤྱིའི་སྲོག་ཁྲིམས་བཀག་སྡོམ་སྐོར་གྱི་ཚོགས་ཆེན་ཞིག་ཚོགས་ཏེ་རྒྱལ་ཁབ་སོ་སོའི་ནང་སྲོག་ཁྲིམས་བཀག་སྡོམ་ཡོང་ཐབས་ལ་བགྲོ་གླེང་གནང་ཡོད་པ་རེད། ད་ལྟ་རྒྱལ་ཁབ་ཡོངས་ཀྱི་བརྒྱ་ཆའི་ ༧༠ ཡན་གྱིས་སྲོག་ཁྲིམས་བཀག་སྡོམ་བྱས་ཡོད་པ་དང་། ད་དུང་རྒྱལ་ཁབ་ ༥༨ ཀྱིས་སྔར་བཞིན་སྲོག་ཁྲིམས་ལག་བསྟར་བྱེད་བཞིན་ཡོད་འདུག དེ་དག་གི་ཁྲོད་རྒྱ་ནག་ནི་སྲོག་ཁྲིམས་བཏང་བའི་མི་འབོར་ཆེས་མང་བའི་རྒྱལ་ཁབ་དེ་ཆགས་ཡོད། ལོ་ལྟར་རྒྱ་ནག་དུ་མི་གྲངས་ ༢༠༠༠ ནས་ ༥༠༠༠ བར་སྲོག་ཐོག་ལ་གཏོང་བཞིན་པ་རེད། དེར་བརྟེན་རྒྱ་ནག་ཏུ་སྲོག་ཁྲིམས་བཀག་སྡོམ་བྱ་རྒྱུ་དེ་ནི་འཛམ་གླིང་ཧྲིལ་བོར་སྲོག་ཁྲིམས་བཀག་སྡོམ་བྱ་ཐབས་ཀྱི་གཞི་རྩ་ལྟ་བུ་ཆགས་ཡོད་པར་ངོས་འཛིན་གནང་ཡོད་པ་རེད། རྒྱ་ནག་ནང་ལོག་ནས་ཚོགས་འདུ་དེར་སླེབས་པའི་ཁྲིམས་རྩོད་པ་ཅཱང་ཐེན་ཡུང་དང་། ཇེ་ནེ་ཝ་སློབ་གྲྭ་ཆེན་མོའི་དགེ་རྒན་ཧྲིག་ཀྲང་ཉུན་གཉིས་ཀྱིས་རྒྱ་ནག་གི་སྲོག་ཁྲིམས་གནད་དོན་སྐོར་ནས་གཏམ་བཤད་སྤེལ་ཡོད་པ་རེད། ཅཱང་ཐེན་ཡུང་གིས་རྒྱ་ནག་ཏུ་སྲོག་ཁྲིམས་བཀག་སྡོམ་ཡོང་བར་ཆེས་ཆེ་བའི་འགལ་རྐྱེན་གཙོ་བོ་ནི། རྒྱ་ནག་གི་ཆབ་སྲིད་ལམ་ལུགས་ཁྲོད་སྲོག་ཁྲིམས་ནི་སྲིད་གཞུང་གི་བདག་དབང་སྲུང་སྐྱོབ་དང་སྤྱི་ཚོགས་བདེ་འཇགས་ཡོང་ཐབས་ཀྱི་ནུས་ལྡན་གྱི་ལག་ཆ་ཞིག་ཏུ་ངོས་འཛིན་བྱེད་བཞིན་པ་དེ་རེད་ཅེས་འགྲེལ་བརྗོད་བྱས་ཡོད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
རྒྱ་ནག་གི་ཆབ་སྲིད་ལམ་ལུགས་ཁྲོད་སྲོག་ཁྲིམས་ནི་སྲིད་གཞུང་གི་བདག་དབང་སྲུང་སྐྱོབ་དང་སྤྱི་ཚོགས་བདེ་འཇགས་ཡོང་ཐབས་ཀྱི་ནུས་ལྡན་གྱི་ལག་ཆ་ཞིག་ཏུ་ངོས་འཛིན་བྱེད་བཞིན་པ་འདི་ནི་ཆེས་སྡིག་ཚུབ་དང་མིའི་ཚེ་སྲོག་གི་རིན་ཐང་ལ་མ་བསམ་པ་རེད་ལ་དེ་ཆབ་སྲིད་གྱི་ལག་ཆ་ནུས་ལྡན་ཞིག་དུ་ངོས་འཛིན་བྱས་པ་ནོར་འཁྲུལ་ཆེ་ཤོས་ཞིག་རེད་འདོད་
འདིའི་རྒྱལ་ཁབ་གྱི་བདག་དབང་སྲུང་སྐྱོབ་ལ་ཕན་པ་ལས་གནོད་ཆེ་བ་མ་ཤེས་པ་རེད་དམ
ཡང་ན་ཉེས་ཅན་མེད་པར་བཟོ་བས་ཐབ་ཤེས་ཞིག་དུ་ངོས་འཛིན་བྱས་པ་རེད་
རྒྱ་ནག་གི་ཆབ་སྲིད་ལམ་ལུགས་ཁྲོད་སྲོག་ཁྲིམས་ནི་སྲིད་གཞུང་གི་དབང་ཆ་སྲུང་སྐྱོབ་དང།ཚོགས་སྤྱི་བདེ་འཇགས་ཡོང་ཐབས་ཀྱི་ནུས་ཤུགས་ཅན་གྱི་ལག་ཆར་ངོས་འཛིན་བྱེད་པ་ནི་ཆེས་ནོར་འཁྲུལ་་འགལ་འདུ་ཅན་དང་འགྲོ་བ་མིའི་སྲོག་གི་རིན་ཐང་ལ་གཏན་ནས་མ་བསམ་པར་མིག་བཙུམ་ནས་སྡིག་པའི་ལས་བྱེད་པ་ཞིག་མ་རེད་དམ།