རྒྱ་ནག་དབུས་རྒྱལ་སྲིད་སྤྱི་ཁྱབ་གསར་འགྱུར་གཞུང་སྒྲུབ་ཁང་གི་གོ་སྒྲིག་འོག ཁ་སང་ཕྱི་ཚེས་ ༢ ཉིན་ཨ་རི་དང་ཉི་ཧོང་། ཨབ་གྷ་ནི་སི་ཐན། ཧོང་ཀུང་། ཨའོ་མིན། དེ་བཞིན་རྒྱ་ནག་ནང་ལོགས་བཅས་ཀྱི་གསར་འགོད་པ་ ༡༥ ཙམ་བོད་ཀྱི་རྒྱལ་ས་ལྷ་སར་གནས་ཚུལ་རྟོག་ཞིབ་ཆེད་འཁྲིད་ཡོད་འདུག ཁོང་ཅག་ཐེངས་འདིར་ལྷ་ས་དང་ཉིང་ཁྲི་བཅས་སུ་བསྐྱོད་དེ་དགོན་པ་དང་མང་ཚོགས་ཀྱི་སྡོད་ཁང་། སྐྱེ་ཁམས་ཁོར་ཡུག་བཅས་ཀྱི་ཐད་རྟོག་ཞིབ་བཅར་འདྲི་བརྒྱུད་དེ། ཉེ་ལམ་རྒྱ་ནག་དབུས་གཞུང་གིས་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་ ༥ ཚོགས་པའི་གྲོས་དོན་ཁག་ལག་བསྟར་བྱེད་ཀྱིན་ཡོད་མེད་རྒྱུས་ལོན་བྱ་རྒྱུ་ཡིན་སྐོར་སོགས་ཀྱི་གནས་ཚུལ་ཐོན་འདུག
དེ་རིང་ཞོགས་པར་བོད་ལྗོངས་ཆ་འཕྲིན་ལྟེ་གནས་སུ་གོང་གི་གནས་ཚུལ་དེའི་སྐོར་བཀོད་དོན། རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་ལས་ཁང་གིས་སྒྲིག་འཛུགས་བྱས་པའི་རྒྱལ་ཁབ་ཕྱི་ནང་གི་གསར་འགོད་པའི་བོད་སྐྱོད་མཉམ་འབྲེལ་བཅར་འདྲི་ཚོགས་པས་སྤྱི་ཚེས་ ༢ ཉིན་ནས་ལྷ་སར་བཅར་འདྲིའི་ལས་དོན་སྤེལ་མགོ་བརྩམས་ཤིང་། ཁོང་ཚོས་རང་ཉིད་ཀྱི་མཐོང་ཐོས་མྱོང་གསུམ་གྱི་ལམ་ནས་བོད་ལྗོངས་ཀྱི་འཕེལ་འགྱུར་ཉམས་སུ་མྱོང་རྒྱུ་རེད། ད་ཐེངས་ཀྱི་བོད་སྐྱོད་བཅར་འདྲི་ཚོགས་པའི་ནང་ལྗར་པན་རྒྱང་བསྒྲགས་མཐུན་ཚོགས། ཨ་རིའི་མཉམ་འབྲེལ་རྒྱལ་ཁམས་ཀུན་གསལ་བརྙན་འཕྲིན། ཕ་ཁི་སི་ཐན་མཉམ་འབྲེལ་འཕྲིན་གཏོང་ཁང་། ཞང་ཀང་ཡ་གླིང་བརྙན་འཕྲིན་ཁང་། ཨའོ་མོན་ཉིན་རེའི་ཚགས་པར་སོགས་རྒྱལ་ཁབ་ཕྱི་ནང་ནས་ཕེབས་པའི་གསར་འགོད་པ་ ༡༥ ཙམ་ཡོད། བཅར་འདྲི་ཚོགས་པའི་གསར་འགོད་པས་ལྷ་ས་དང་ཉིང་ཁྲི་ས་ཁུལ་དུ་མང་ཚོགས་ཀྱི་སྡོད་ཁང་དང་། དགོན་པ། སྐྱེ་ཁམས་འདམ་ར་བཅས་ཀྱི་ཐད་ལ་བཅར་འདྲི་བྱ་རྒྱུ་ཡིན་པ་མ་ཟད། ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་ལྔ་པ་འཚོགས་རྗེས་སུ་བོད་ལྗོངས་ཀྱི་དཔལ་འབྱོར་སྤྱི་ཚོགས་ཀྱི་འཕེལ་རྒྱས་དང་། དམངས་འཚོའི་ལེགས་བཅོས་ཐད་འགྱུར་ལྡོག་གང་འདྲ་བྱུང་མིན་སྐོར་ལ་ཤེས་རྟོགས་བྱ་རྒྱུ་ཡིན་པ་རེད། ཅེས་བཀོད་འདུག
ཡང་རྒྱ་ནག་གཞུང་གི་སྐྱག་རྫུན་བཤད་གི་འདུག་ག
བོད་ཀྱི་རྒྱལ་ས་ལྷ་སར་གནས་ཚུལ་རྟོག་ཞིབ་ཆེད་དུ་འཁྲིད་པ་དང་། རང་དབང་གིས་འགྲོ་ཆོག་པ་གཉིས་ལ་ཁྱད་པར་ཅུང་ཟད་ཡོང་ངེས།
ཁོང་རྣམས་དངོས་ཡོད་ཀྱི་གནས་ཚུལ་རྒྱུས་ལོན་མི་ཐུབ་པ་མ་ཚད་ཁོང་རྣམས་ལ་མགོ་བསྐོར་ཐེབ་སྲིད་པ་ཞིག་རེད།
ཕྱི་ཡི་རྒྱལ་ཁབ་ཁག་ནས་ཕེབས་པའི་གསར་འགོད་པ་ཚོ་ལ་རང་དབང་མེད་པའི་ཐོག་ནས་བོད་ཁུལ་ལ་བལྟ་སྐོར་བྱས་ན་གྲུབ་འབྲས་གང་ཡང་མི་ཐོན་པ་ཡིད་ཆེས་ཡོད།
གསར་འགོད་པ་ཚོ་སྙིང་རེ་རྗེ།
རྒྱལ་ནག་གི་བཙན་གནོན་འོག
ཨ་ཁ་ཡང་དེ་བའི་རིང་བོད་མི་རྣམས་ལ་སྡུག་པོ་ག་ཚད་བཏང་ཡོ་མ་རེད་པ་མགོ་
རྣམས་གཙན་པའི་བཀག་ཉར་བྱས་ནས་སྦས་ཡོད་མཐད་བཅོད་རེད།སུམ་ཅུ་དུས་
སླེབས་ལ་ཉེ་བའི་སྐབས་བོད་མི་རྣམས་སྲིན་བུ་ངན་པ་ཞིག་གི་ཁ་ལ་སླེབས་པ་ལྟ་བུ་
འཇིགས་སྣང་འོག་གནས་ཀྱི་ཡོད་རེད་དངོས་ནས་བོད་མི་རྣམས་སྡུག་པོ་མཐོང་
སོང
གསར་འགོད་པ་རྣམས་ཙ་ཡག་ས་ཆུ་ཡོད་ས་ཉི་མ་དྲོ་ས་འཁྲིད་འགྲོ་གི་ཡོད་གྱི་
རེད།
ཁཽང་ཚོའི་མི་བའི་ངོས་སུ་འདྲ་ཆག་འདོག་བྱེད་ཀྱང་རུང་མ་བྱེད་རུང་འཛམ་གླིང་
སྟེ་ཚོའི་ལ་ཡིད་ཆས་མི་དཀོན་པོ་རེད།
ཡང་འདི་བ་ཚང་གིས་ཟློས་གར་ཆུང་ཆུང་ཞིག་གི་མགོ་བཟུང་འདུག ངོ་མའི་ཞེན་པ་ལོག་གི་ཡ།
ཡང་འཁྲབ་སྟོན་གསར་བ་ཞིག་ལས་དོན་དངོས་ཀྱི་འབྲས་བུ་སུས་ཀྱང་བརྗོད་མི་ཐུབ་པ་ཞིག་རེད། ཡིད་ཆེས་མེད།
དེང་སྐབས་ཡར་འཐོན་ཅན་གྱི་རྒྱལ་ཁབ་ཁག་ནས་མི་མིག་ཞར་བོ་ཡང་འཁྲིད་དགོས་ཀྱི་མི་འདུག ཡར་འཐོན་ཅན་གྱི་རྒྱལ་ཁབ་གྱི་གསར་འགོད་པ་རྣམས་ཅི་ཕྱིར་འཁྲིད་དགོས་ནི་རེད རྒྱ་གང་ཁྲན་ལ་ཞན་པ་ལོག་གི་
རྒྱ་ནག་གི་བཀོད་སྒྲིག་འོག་ནས་བོད་དུ་ཇི་ཙམ་རུང་། གནས་ཚུལ་ཇི་ཙམ་སྤེལ་རུང་ཡིད་ཆེས་རྩ་བ་ནས་མེད།