ཆོས་ལུགས་སྤྱི་འཐུས་མེད་དུ་མི་རུང་ཚུལ་བརྒྱ་ཁ་གཅིག་གཅོག་མ། སྤོབས་པ་མཐའ་ཡས།

ཁྲ་གླག་སྤྱང་གསུམ།
གླེན་བཤད། གླེན་བཤད། གླེན་བཤད།

གསར་བརྗེ་སྐྱབས་ལགས་སུ་ཞུ་རྒྱུར། ཆོས་ལུགས་སྤྱི་འཐུས་ཀྱི་དགོས་གལ་ངོ་མ་དེ་བོད་མི་རྡོག་རྩ་ཆིག་སྒྲིལ་ཡོང་སླད་རེད། བོད་མིའི་བསམ་བློ་ལ་སྟངས་འཛིན་བྱེད་དགོས་ན་ཆོས་ལུགས་འདི་བེད་སྤྱད་དགོས་པ་རེད། ཆོས་ལུགས་ཟེར་བ་འདི་ལག་ཆ་སྟོབས་ཤུགས་ཅན་ཞིག་རེད། ལག་ཆ་འདི་བེད་སྤྱད་ཤེས་ན་ཁེ་ཕན་ཆེན་པོ་ཡོད་པ་ཞིག་རེད། བེད་སྤྱད་མ་ཤེས་ན་གནོད་སྐྱོན་ཆེན་པོ་གཏོང་སྤྱད་ཅིག་རེད། ལག་ཆ་འདི་གཞན་གྱི་ལག་ལ་མི་ཤོར་བ་དེ་ཡང་གལ་ཆེན་རེད། གནད་དོན་དེ་ཚོ་མཐོང་ནས་རྒྱ་དམར་གཞུང་གིས་ཀྱང་པཎ་རྫུན་རྒྱལ་མཚན་ནོར་བུའི་གོ་གནས་སྤར་མགོ་ཚུགས་པ་ལྟ་བུ་རེད།
རྒྱ་དམར་གྱིས་ཀྱང་ཆོས་ལུགས་མེད་པ་བཟོ་ཐབས་སུ་ཐབས་བརྒྱ་ཇུས་སྟོང་བྱས་ཀྱང་གླགས་མ་ཁེལ་ནས་ད་ཆོས་ལུགས་བེད་སྤྱོད་བྱེད་མགོ་ཚུགས་པ་རེད། ཡིན་ན་ཡང་ཁོང་ཚོས་ཡུན་རིང་པོར་ཁུངས་འཁྱོལ་གྱི་མ་རེད། གནད་དོན་དེ་ཆོས་ལུགས་བེད་སྤྱད་སྟངས་ལ་ཡག་བཙོག་གཉིས་འདུག རིགས་གཅིག་གིས་ཆོས་གཏོར་བཤིགས་ཀྱི་ཆེད་དུ་ཆོས་བེད་སྤྱད་པ་དང་རིགས་གཅིག་གིས་ཆོས་ལུགས་སྲུང་སྐྱོབ་ཀྱི་ཆེད་དུ་ཆོས་ལུགས་བེད་སྤྱད་པ་ཙམ་རེད། འདས་པའི་དུས་སུ་བོད་མིའི་ཆོས་རྒྱུད་སྟོབས་ཤུགས་ཀྱིས་སྲིད་དབང་འཛིན་པའི་དུས་སུ་ཆོས་ལུགས་དེ་བེད་སྤྱད་ཡག་པོ་ཞིག་མ་ཤེས་པ་རེད། བཙན་བྱོལ་དུ་འབྱོར་བའི་དུས་སུ་ཐོག་མའི་ཆར་ཆོས་རྒྱུད་ཀྱི་བར་དུ་རྩོད་རྙོགས་ལངས་མྱོང་བ་རེད། ལངས་དོན་དེ་ཡང་དམངས་གཙོའི་ལུང་པ་ཞིག་ཏུ་སྒེར་གཅོད་ཀྱི་གཞུང་ཞིག་ལ་ངོས་ལེན་བྱེད་མ་ཐུབ་པས་རེད། བཙན་བྱོལ་བོད་མི་རྒན་རབས་པ་ཞིག་ལ་སྐད་ཆ་ཞིག་འདྲི་ཙམ་གྱིས་དང་ཧ་གོ་གི་རེད། ང་ཚོར་གྲོས་ཚོགས་ཆོལ་ཁ་ཆོས་རྒྱུད་ཆ་འཛོམ་དུ་གྱུར་པ་ནས་བཟུང་ཆོས་རྒྱུད་བར་གྱི་རྩོད་རྙོགས་དང་ནང་འཁྲུགས་ཇེ་ཉུང་དུ་སོང་བ་དངོས་ཡོད་གནས་ཚུལ་རེད། འདི་ལྟ་བུའི་གྲོས་ཚོགས་ཤིག་ཚུགས་པའི་ཉིན་ནས་ལྟོས་འཇོག་གིས་བཤད་ན་ང་ཚོའི་སྟོབས་ཤུགས་ཀྱང་གོང་དུ་འཕེལ་བ་རེད། ངས་འདི་འདྲ་བཤད་རུང་མིན་མི་ཤེས་ཏེ་ངའི་བསམ་ཚོད་ལྟར་ན་ང་ཚོར་ཆོས་རྒྱུད་ཡོངས་སུ་རྫོགས་པའི་སྐུ་ཚབ་མེད་ན་མེད་ན་ལོ་ཁ་ཤས་ཤིག་གི་སྔོན་ནས་ཤུགས་ལྡན་ཚོགས་པས་བཙན་བྱོལ་བོད་གཞུང་རྒྱ་དམར་གྱི་ལག་ཏུ་བརྫངས་ཚར་ཡོད་རྒྱུ་རེད་བསམ་གྱིན་འདུག འདས་པའི་དུས་སུ་ཡང་ཆོས་རྒྱུད་རིས་མེད་མ་བྱུང་བས་འདི་ལྟ་བུའི་གྱོང་གུད་མས་བྱུང་མྱོང་ཡོད་པ་རེད། མ་གཞི་ཁྱེད་ཚོས་བོད་མིའི་སེམས་ཁམས་ངོ་མ་ཞིག་ཡིན་མིན་ངོས་ཟིན་དགོས་དགོས་པ་གལ་ཆེན་རེད། དཔེར་ན་ང་ལྟ་བུ་ཞིག་གིས་བལྟས་ན་པན་ཇབ་སྐྱེས་པའི་མགོ་དཀྲིས་འཐུག་པོ་དེ་ཡང་མི་དགོས་པའི་ཁུར་ཞིག་རེད་མོད་ཁོ་རང་ཚོས་དེའི་དོན་དུ་བློས་བཏང་མང་པོ་བྱེད་ཐུབ་ཀྱིན་འདུག

གསར་རྗེ་སྐྱབས་ནས་གལ་བོ་ཆེ་ལ་ནན་ཏན་དང༌། གནད་དོན་འདིའི་ཐད་སེམས་ཁུར་དང་ཐུགས་བརྩི་གནང་བར་ཐུགས་རྗེ་ཆེ་ཞུ་བ་ཡིན། ངས་ཀྱང་ཡལ་ག་བཞག་ནས་རྩ་བའི་གནད་དོན་འགའ་ཞིག་གླེང་འདོད་བྱུང༌།

ཆོས་རྒྱུད་སྤྱི་འཐུས་དགོས་གལ་ཆེ་བ་དེ་ཆོས་རྒྱུད་གྲུབ་མཐའ་ཁག་གཞུང་གཅིག་གི་འོག་ཏུ་གནས་ཐབས་དང་། ཆོས་རྒྱུད་རྣམས་འདྲ་མཉམ་གྱི་མཉམ་གནས་ཡོང་ཐབས་གཙོ་བོ་ཡིན་ཚུལ་གསུངས་འདུག འདིའི་ནང་ཆིག་སྒྲིལ་གནད་དུ་བཟུང་ཚུལ་གསུངས་འདུག ད་ལྟའི་ཆར་བཙན་བྱོལ་བོད་གཞུང་འདི་ཆོས་རྒྱུད་གཅིག་གི་གཞུང་ཡིན་ནམ། འདི་བོད་མི་མང་གི་གཞུང་ཡིན། འདི་སྔོན་མ་ནང་བཞིན་ཆོས་རྒྱུད་དང་གྲུབ་མཐའ་གང་རུང་གིས་བཀས་བཀོད་རྒྱུད་འཛིན་བྱེད་པའི་གཞུང་ཞིག་ཡིན་ནམ། འདི་རང་དབང་དང་དམངས་གཙོའི་གཞུང་ཞིག་ཡིན། ཆོས་རྒྱུད་སྤྱི་འཐུས་མེད་པའི་སྔོན་དུ་གྲུབ་མཐའ་ཁག་གཞུང་འོག་ཏུ་གནས་མེད་པར་རང་དབང་དང་སྒེར་ཚུགས་ཡིན་ནམ། ཆོས་རྒྱུད་སྤྱི་འཐུས་ཞབས་སྟེགས་ཟུར་འདོན་གནང་བ་ནས་ཆོས་རྒྱུད་རྣམས་གཞུང་འོག་ཏུ་ཕེབས་པ་ཡིན་ནམ། མ་གཞི་ཆོལ་ཁ་དང་ཆོས་རྒྱུད་ཀྱི་ཞབས་སྟེགས་འདི་བརྒྱད་ཅུ་གྱ་གྲངས་ཀྱི་འགོ་སྟོད་ཙམ་ལ་གཏན་འབེབས་གནང་བ་ཞིག་རེད། ལོ་རྒྱུས་ཐོག་ཆོས་ལུགས་གཅིག་གིས་དབང་བསྒྱུར་བའི་བོད་ཀྱི་ཆབ་སྲིད་གནས་སྟངས་དེ་དྲུག་ཅུའི་འགོ་སྟོད་ནས་མཇུག་རྫོགས་ཡོད་པ་རེད། གནས་སྟངས་དང་བརྒྱུད་རིམ་འདི་ཐུགས་ལ་ངེས་རྒྱུ་གལ་ཆེན་པོ་རེད།
ལན། དེའི་སྐོར་ངས་ཚར་བརྒྱ་ཐམ་པ་བཤད་པ་ཡིན། གཞན་གྱིས་ཀྱང་བཤད་འདུག ད་དུང་མ་གོ་མ་ཤེས་ན་དེ་མ་ཤེས་དགོས་པའི་རྒྱུ་མཚན་གཞན་ཞིག་ཡོད་པ་རེད། ཅེས་བསྐྱར་བརྡབ་ཞུ་རྒྱུ་དང༌། ངས་སྔོན་དུ་བཀོད་པའི་མཆན་ནས་ལུང་དྲངས་ཀྱི་ཡོད།

ང་ཚོའི་ལོ་རྒྱུས་ཀྱི་ཐོག་ལ་ཁམས་པ་དང་དབུས་པ། དབུས་པ་དང་གཙང་པ་ཟེར་ནས་རིས་སུ་བཅད་པ་དང༌། བཀར་རྙིང་བོན་བཅས་ནས་བོད་གཞུང་ཟེར་ན་ཆོས་ཀྱི་ཆ་ནས་དགེ་ལུགས་ཡིན་པ་དང༌། དེ་ཡང་ཆོས་བརྒྱུད་གཞན་ལ་འདྲ་མཉམ་ཀྱི་ལྟ་ཚུལ་མེད་པའི་ལོ་རྒྱུས་ཀྱི་བག་ཆགས་མཐུག་པོ་ཡོད་ཅིང༌། དེས་ང་ཚོའི་ཆིག་སྒྲིག་ལ་འགོག་རྐྱེན་ཆེན་པོ་བཟོས་ཡོད། ལོ་རྒྱུས་ཐོག་ཡོད་པའི་བག་ཆགས་དེ་མེད་པར་བཟོ་དགོས་ན་ད་ལྟའི་ཐབས་ལམ་འདི་ནི་ཡག་ཤོས་ཡིན་པ་སྟེ། གལ་ཏེ་རྐྱེན་ཕྲན་བུ་ཞིག་དང་འཕྲད་ན་མངོན་དུ་གྱུར་ཆོག་ཆོག་ཡིན་པའི་བག་ཆགས་དེའི་སྟེང༌། ལོ་རྒྱུས་ཀྱི་འཁོན་རྩོད་ཀྱི་མེ་འབར་བའི་སྟེང་དགྲ་ཕྱོགས་ནས་ཀྱང་དབྱེན་སྦྱོར་གྱི་ཤིང་གཤག་པ་བསྣན་ཏེ། ང་ཚོའི་སྤྱི་ཚོགས་འདི་ཐེར་ཚར་སྦར་ཚར་ཆགས་ངེས་རེད། རྒྱུ་མཚན་དེ་དགལ་བརྟེན་ནས་༧་གོང་མཆོག་གིས་སྟབས་ཉེས་པའི་ཚོད་ལ་ཡག་པོ་ཞིག་ཀྱང་བྱུང་ཡོད་པ་ནི། ལོ་རྒྱུས་ཐོག་དུས་ཡུན་རིང་པོར་ཁ་འཐོར་བའི་བོད་རིགས་ཡོངས་རྫོགས་ཆིག་སྒྲིལ་བྱེད་པ་དེ་ཡིིན་ཞེས་ཡང་ཡང་གསུངས་པ་ལྟར། རྨད་བྱུང་གི་ཐབས་ལམ་འདི་འདྲ་ཞིག་སྤྱོད་གནང་བ་རེད། དེས་ན་ད་ལྟའི་ལམ་ལུགས་འདི་མི་དགོས་ཟེར་མཁན་འགའ་ནས་༧གོང་ས་མཆོག་གིས་ཆབ་སྲིད་དགོངས་ཀྱི་མ་རེད་མདོག་མདོག་བྱེད་སྐབས། ཁ་མ་དགོས་རྐུབ་ནས་གད་མོ་ཤོར་གས། ལུང་རྫོགས་པ་ཡིན།

གཞན་ཤཀྱ་མི་བོ་ཟེར་བས་གསུང་པའི་ལུང་ཅིག་དྲང་གི་ཡིན། ལྷག་པར་དུ་”ལོ་རྗེས་མ་ལ་དེ་ལ་ལུང་ཚན་དང་ཆོས་ལུགས་གང་ཞིག་མེད་པ་དེའི་མི་མང་ནས། ང་ཚོའི་འཐུས་ཚབ་སུ་ཡང་མེད་པའི་གཞུང་ཞིག་ངོས་ལེན་གྱི་མིན་ཟེར་ན། སྐབས་དེར་ལན་ག་རེ་རྒྱག་གམ། དེ་ལྟར་མི་ཡོང་བའི་གདེང་ཚོད་ཇི་ལྟར་ཡོད་དམ། ལོ་རྒྱུས་ཐོག་བྱུང་མ་མྱོང་བ་རེད་ཟེར་རམ། ག་རེ་བྱས་ན་བྱས་ཟེར་རྒྱུ་ཡིན་ནམ།” ཞེས་གསུངས་པ་དེ་དངོས་གནས་བསམ་ཤེས་མཛད་དེ་གསུངས་འདུག་ལ། དངོས་ཡོད་དུ་དེ་ལྟར་མ་བྱུང་བ་ཡང་མིན་ཏེ། ཚོགས་པ་བཅུ་གསུམ་ཟེར་བ་དེ་གནད་དོན་དེ་ལ་ཐུག་ནས་བྱུང་བ་ཡིན་ཞིང་། ༦༠ནང་དུ་སྐྱབས་བཅོལ་གཞུང་འདི་ཆོས་བརྒྱུད་གཅིག་སྟེ་དགེ་ལུགས་དང་། ཆོལ་ཁ་གཅིག་སྟེ་དབུས་གཙང་དུ་བྱུང་བས་དེའི་ཁ་ཐད་དུ་ཚོགས་པ་བཅུ་གསུམ་ཟེར་བ་དེ་ལངས་པ་མིན་ནམ། འདིར་དོན་མེད་ཀྱི་ཅ་ཅོ་སྒྲོག་པའི་གསར་བུ་ཅོལ་ཆུང་ཚོས་འདི་ཡི་སྐོར་ལ་སློབ་སྦྱོང་བྱོས་ལ། དེ་ནས་མ་འོངས་པའི་སྐོར་གྱི་སྐད་ཆ་ཤོད། ལུང་རྫོགས་པ་ཡིན།

ཨ་རིའི་མི་འབོར་ལ་མི་བལྟ་བར་ཞིང་ཆེན་རེ་ནས་འཐུས་མི་གྲངས་སྙོམ་གྱིས་འདེམས་པ་དེ་ས་གནས་སྤྱི་འཐུས་འདེམས་སྟངས་རེད། འདིས་གང་ཉིད་ཀྱི་གསུངས་པ་ནང་བཞིན་ས་གནས་གཅིག་ནས་འགྲོ་ལུགས་གཉིས་དང་འདེམས་ལུགས་གཉིས་ཀྱི་དགོངས་ཚུལ་དེར་རྒྱབ་གཉེར་གང་ཡང་རེག་གི་མ་རེད། ཞིང་ཆེན་རྣམས་ལ་མི་འབོར་མང་ཉུང་མི་འདྲ་ནའང་འོས་བསྡུའི་འགྲོ་ལུགས་དང་འདེམས་ལུགས་གཅིག་ལས། ཁྱེད་ཀྱིས་གསུངས་པ་བཞིན་ས་གནས་གཅིག་ནས་མི་སྐྱ་ཚོས་ཆོལ་ཁ་དང་ས་གནས་ཀྱི་སྤྱི་འཐུས་འདེམས། གྲྭ་བ་དང་ཨ་ནེ་ཚོས་ཆོས་རྒྱུད་ཀྱི་སྤྱི་འཐུས་འདེམས་པའི་འགྲོ་ལུགས་གཉིས་དང་འདེམས་ལུགས་གཉིས་ཡོད་པ་མ་རེད། འདིའི་བར་ཁྱད་ཀྱང་མཁྱེན་གལ་ཆེ་བར་འདོད།

ལན། མི་འབོར་ལ་མི་ལྟ་བར་འདྲ་མཉམ་འདེསམ་དགོས་པའི་དམིགས་ཡུལ་ག་རེ་རེད་ལྟོས་ཅེས་པ་ཡིན། དེ་འདི་དག་སྐོར་དགོངས་པ་རེ་བཞེས་ནས་ལན་རེ་ཁུར་ཤོག ཡང་ལུང་དྲངས་ཀྱི་ཡིན།

དེང་སྐབས་མཉམ་འབྲེལ་རྒྱལ་ཚོགས་དང་ཨ་རི་སོགས་མང་གཙོའི་རྒྱལ་ཁབ་རྣམས་ཀྱིས། དབྱི་རག་ནང་རིགས་རྒྱུད་དང་ཆོས་ལུགས་མཉམ་འབྲེལ་གྱི་གཞུང་འཛུགས་རྒྱུའི་རེ་བ་བྱེད་བཞིན་ཡོད། དབྱི་རག་ནང་ཁ་ཆེ་ཤི་ཡ་དང་སོ་ནི་གཉིས་བར་མི་གསོད་ཁྲག་སྦྱོར་དང༌། ལྷོ་བྱང་མི་རིགས་བར་འགའ་ཟླ་ཤུགས་ཆེན་པོ་ཡོད་ཙང༌། ཚང་མའི་འཐུས་ཚབ་ཡོད་པའི་གཞུང་ཞིག་འཛུགས་ཐབས་བྱེད་པ་རེད། དེ་མ་བྱུང་ན་སྔོན་ས་དམ་སྐབས་ལྟར་རིགས་གཅིག་གིས་དབང་སྒྱུར་བྱས་ན་ཆོས་ལུགས་དང་རིགས་རྒྱུད་གཞན་ཚོས་ངོ་རྒོལ་དང༌། དེ་ལ་གཞུང་ནས་དྲག་གནོན་དམར་གསོད་བྱེད་རྒྱུ་ལས་གཞན་བསྡད་མེད་པ་རེད། དེ་ག་ནང་བཞིན་ཨ་ཕི་ཧན་ནང་རེད། ཏ་ལི་བང་ཆོས་བརྒྱུད་ཅིག་དང་རིགས་རྒྱུད་གཅིག་གི་དབང་བསྒྱུར་ནས་ག་འདྲ་ཆགས་ཡོད་རེད། དང་པོ་གཞན་ལ་དྲག་གནོན་དང་འགྲོ་བ་ཉམས་ཆུང་མང་པོ་བསད་བཟུང་སྡུག་སྦྱོང་བཏང༌། མཐའ་མ་དེ་ལ་རང་ཡང་མེད་པ་ཆགས་པ་རེད། ལུང་པ་དེར་ད་སྐབས་ཡང་དེ་འདྲ་མི་འབྱུང་བའི་ཆེད་ཆོས་རྒྱུད་དང་རིགས་རྒྱུད་ཚང་མ་ཡོད་པའི་གཞུང་ཞིག་འཛུགས་བཞིན་ཡོད།་ ལུག་རྫོགས་པ་ཡིན། དེ་འདྲ་བྱེད་དགོས་པའི་རྒྱུ་མཚན་ག་རེ་རེད། དགོངས་པ་བཞེས་ནས་ལན་རེ་ཁུ་ཤོགས།

བཙན་བྱོལ་ནང་ས་གནས་ཀྱི་སྤྱི་འཐུས་འདེམས་པ་ཡིན་ན་རྒྱ་ནག་གཞུང་གི་བཤད་པ་ལྟར་ཡུལ་གྱར་གྱི་ཚོགས་པ་གཅིག་དང་འགོ་ཁྲིད་གཅིག་གི་གནས་སྟངས་ཆགས་མིན་རང་གིས་བསམ་བློ་གཏོང་རྒྱུ་རེད། རྒྱ་ནག་གཞུང་གིས་ག་རེ་ཡིན་ཡང་བཤད་ཀི་རེད། རྒྱ་ནག་གཞུང་གི་བཤད་པ་ལྟར་ཡིན་མིན་དངོས་ཡོད་ལ་བལྟ་དགོས་པ་རེད། རྒྱ་ནག་གིས་སྐུ་མདུན་ཁ་བྲལ་གྱི་གཏེ་བོ་དང་གཟིགས་སྤགས་གྱོན་པའི་བོང་བུ་ཞིག་ཡིན་ཚུལ་གཅིག་མིན་གཉིས་དུ་བསྒྲགས་ཡོད་པ་རེད། འདི་དངོས་ཡོད་ཡིན་མིན་ཚང་མས་ཤེས་གསལ་རེད། མདོ་དོན་གཙོ་བོ་དེ་སྐུ་མདུན་ཁོང་བོད་མིའི་སྐུ་ཚབ་ཡིན་ན་ཁོང་གིས་དབུ་འཁྲིད་པའི་གཞུང་དེ་ལ་ཆོལ་འཐུས་དང་ཆོས་འཐུས་ཀྱི་ཞབས་སྟེགས་ཟུར་འདོན་གནང་མིན་ལ་མ་བལྟོས་པར་བོད་མི་ས་ཡ་གཅིག་སྐུ་ཚབ་མཚོན་པའི་གཞུང་ཡིན་ཡིན་པ་རེད། གནད་དོན་འདི་རྙོག་དྲ་ཚ་བོ་མ་རེད། ལས་སླ་བོ་རེད།

ལན། དོན་དངོས་ཟེར་བ་དེ་རྒྱལ་སྤྱིའི་ནང་བསྟན་ཐུབ་པ་ཞིག་དགོས་པ་རེད། མིས་བལྟས་ཀྱང་རེད་འདུག་དང༌། རང་གིས་བལྟས་ཀྱང་ཡིན་བསམ་པ་ཞིག་དགོས་པ་རེད། གནད་དོན་དེ་ལས་སླ་པོ་ཡིན་ན། རྒྱ་ནག་གཞུང་གིས་བོད་གཞུང་ངོས་ལེན་ཡོད་པ་ཞིག་བཟོ་རོགས་གནང༌། རྒྱལ་བ་རིན་པོ་ཆེ་བོད་མི་སྐུ་ཚབ་ཡིན་པར་ཁས་ལེན་ནས་གསལ་བསྒྲགས་བྱེད་པ་ཞིག་བཟོ་རོགས་གནང༌།

ཡལ་ག་ནས་ཡལ་གར་མ་འཕྲོས་པར་རྩ་བར་ཐུགས་དགོངས་གནང་རྒྱུ་གལ་ཆེན་པོ་རེད། གྲོས་ཚོགས་དང་འོས་བསྡུའི་སྐོར་འདི་ཆབ་སྲིད་ཀྱི་གནས་དོན་ཞིག་རེད། དེ་ཡང་གཙོ་བོ་དམངས་གཙོའི་གནས་དོན་ཞིག་རེད། འདིའི་སྐོར་གྱི་དགོངས་ཚུལ་གནང་སྐབས་སྲིད་ལུགས་འགྲོ་སྟངས་ལ་དང་པོ་ཐུགས་བསམ་བཞེས་རྒྱུ་ལས། ཆོས་ལུགས་དང་དད་འདུན། མི་སྒེར་དང་དོགས་པ་རྣམ་རྟོགས་ལ་གཞིར་བཞག་གི་དགོངས་ཚུལ་གནང་ན་འོས་མཐུན་མ་རེད་འདོད།

ལན། ངའི་ངོས་ནས་བཤད་ན་ཡལ་ག་ནས་རྩ་བ་ལ་འགྲོ་ཡི་ཡོད། དམངས་གཙོ་དང་སྤྱི་འཐུས་དང་ཆབ་སྲིད་དེ་ཡལ་ག་འདྲ་པོ་རེད། རྩ་བ་དེ་བོད་ཀྱི་རྩ་དོན་དང་། དེའི་ནང་ནས་ཆིག་སྒྲིལ་གྱི་སྟོབས་ཤུགས་དེ་ཡིན། ཁྱེད་ཀྱིས་གསུང་པ་དེས་ང་ལ་བློ་སྐྱེད་ཅིག་བྱུང༌། ང་ཚོ་གནད་དོན་འདི་ལ་མི་མཐུན་པ་ཡོང་དོན་ནི་རང་རང་གིས་གཙོ་བོར་དོན་གནད་ག་རེ་གལ་ཆེ་བ་འཛིན་གྱི་ཡོད་པ་དེ་ལ་ཐུག་འདུག་སྐམ། ཡང་ལུང་ཅིག་དྲངས་ཀྱི་ཡིན། རྩ་བའི་གནས་ལུགས་ལ་ལྟོས། ང་ཚོ་ལ་ག་རེ་དགོས་ཀྱི་ཡོད་རེད། མང་གཙོ་དགོས་ཀྱི་ཡོད་རེད་ཅེས་ལབ་སྲིད། དེ་བདེན་པ་རེད། འོན་ཀྱང་མང་གཙོ་དེ་མཐའ་ཐུག་གི་འབྲས་བུ་རེད་དམ། དེ་མ་རེད། མང་གཙོ་དེ་བདེ་སྐྱིད་འབྱུང་ཐབས་ཤིག་རེད། མཐའ་ཐུག་གི་བསྒྲུབ་བྱ་དེ་བདེ་སྐྱིད་རེད། མི་ཚོས་བདེ་སྐྱིད་ཀྱི་ཆེད་དུ་ལམ་སྲོལ་དེ་དག་དང་ཁྲིམས་ལུགས་སོགས་བཟོས་པ་རེད། ཐབས་ལམ་དེ་ནང་འཁྲུག་དང་འཐོར་ཞིག་གི་རྒྱུར་སོང་བ་ཡིན་ན་བདེ་སྐྱིད་ཐོབ་ཐུབ་བམ། ལུང་གྲུབ་པ་ཡིན།

དེ་རིང་འདི་ཙམ་ཞུ། ཐུགས་རྗེ་ཆེ།

ཁྲ་གླག་སྤྱང་གསུམ་ལགས་ཀྱིས་གལ་བོ་ཆེ་ལ་ནན་ཏན་ཚུལ་དུ་མཆན་བུ་གཅིག་ལ་ཞིབ་དག་དང་འབྲེལ་ལན་གཉིས་ལ་བཀོད་འདུག གནད་དོན་འདིའི་ཐད་སེམས་ཁུར་དང་ཐུགས་བརྩི་གནང་བར་ཐུགས་རྗེ་ཆེ་ཞུ་བ་ཡིན། ད་ངས་ཀྱང་རེ་ཞིག་རྩ་བ་བཞག་ནས་ཡག་ག་གླེང་དགོས་པར་ཐུག་སོང་། གཤམ་ལ་རེ་རེ་བཞིན་རང་གི་བསམ་ཚུལ་འགའ་འབུལ་བར་བརྩོན།

༡༽ ཆོས་རྒྱུད་སྤྱི་འཐུས་དགོས་གལ་ཆེ་བ་དེ་ཆོས་རྒྱུད་གྲུབ་མཐའ་ཁག་གཞུང་གཅིག་གི་འོག་ཏུ་གནས་ཐབས་དང་། ཆོས་རྒྱུད་རྣམས་འདྲ་མཉམ་གྱི་མཉམ་གནས་ཡོང་ཐབས་གཙོ་བོ་ཡིན་ཚུལ་གསུངས་འདུག འདིའི་ནང་ཆིག་སྒྲིལ་གནད་དུ་བཟུང་ཚུལ་གསུངས་འདུག ད་ལྟའི་ཆར་བཙན་བྱོལ་བོད་གཞུང་འདི་ཆོས་རྒྱུད་གཅིག་གི་གཞུང་ཡིན་ནམ། འདི་བོད་མི་མང་གི་གཞུང་ཡིན། འདི་སྔོན་མ་ནང་བཞིན་ཆོས་རྒྱུད་དང་གྲུབ་མཐའ་གང་རུང་གིས་བཀས་བཀོད་རྒྱུད་འཛིན་བྱེད་པའི་གཞུང་ཞིག་ཡིན་ནམ། འདི་རང་དབང་དང་དམངས་གཙོའི་གཞུང་ཞིག་ཡིན། ཆོས་རྒྱུད་སྤྱི་འཐུས་མེད་པའི་སྔོན་དུ་གྲུབ་མཐའ་ཁག་གཞུང་འོག་ཏུ་གནས་མེད་པར་རང་དབང་དང་སྒེར་ཚུགས་ཡིན་ནམ། ཆོས་རྒྱུད་སྤྱི་འཐུས་ཞབས་སྟེགས་ཟུར་འདོན་གནང་བ་ནས་ཆོས་རྒྱུད་རྣམས་གཞུང་འོག་ཏུ་ཕེབས་པ་ཡིན་ནམ། མ་གཞི་ཆོལ་ཁ་དང་ཆོས་རྒྱུད་ཀྱི་ཞབས་སྟེགས་འདི་བརྒྱད་ཅུ་གྱ་གྲངས་ཀྱི་འགོ་སྟོད་ཙམ་ལ་གཏན་འབེབས་གནང་བ་ཞིག་རེད། ལོ་རྒྱུས་ཐོག་ཆོས་ལུགས་གཅིག་གིས་དབང་བསྒྱུར་བའི་བོད་ཀྱི་ཆབ་སྲིད་གནས་སྟངས་དེ་དྲུག་ཅུའི་འགོ་སྟོད་ནས་མཇུག་རྫོགས་ཡོད་པ་རེད། གནས་སྟངས་དང་བརྒྱུད་རིམ་འདི་ཐུགས་ལ་ངེས་རྒྱུ་གལ་ཆེན་པོ་རེད།

༢༽ ཨ་རིའི་མི་འབོར་ལ་མི་བལྟ་བར་ཞིང་ཆེན་རེ་ནས་འཐུས་མི་གྲངས་སྙོམ་གྱིས་འདེམས་པ་དེ་ས་གནས་སྤྱི་འཐུས་འདེམས་སྟངས་རེད། འདིས་གང་ཉིད་ཀྱི་གསུངས་པ་ནང་བཞིན་ས་གནས་གཅིག་ནས་འགྲོ་ལུགས་གཉིས་དང་འདེམས་ལུགས་གཉིས་ཀྱི་དགོངས་ཚུལ་དེར་རྒྱབ་གཉེར་གང་ཡང་རེག་གི་མ་རེད། ཞིང་ཆེན་རྣམས་ལ་མི་འབོར་མང་ཉུང་མི་འདྲ་ནའང་འོས་བསྡུའི་འགྲོ་ལུགས་དང་འདེམས་ལུགས་གཅིག་ལས། ཁྱེད་ཀྱིས་གསུངས་པ་བཞིན་ས་གནས་གཅིག་ནས་མི་སྐྱ་ཚོས་ཆོལ་ཁ་དང་ས་གནས་ཀྱི་སྤྱི་འཐུས་འདེམས། གྲྭ་བ་དང་ཨ་ནེ་ཚོས་ཆོས་རྒྱུད་ཀྱི་སྤྱི་འཐུས་འདེམས་པའི་འགྲོ་ལུགས་གཉིས་དང་འདེམས་ལུགས་གཉིས་ཡོད་པ་མ་རེད། འདིའི་བར་ཁྱད་ཀྱང་མཁྱེན་གལ་ཆེ་བར་འདོད།

༣༽ བཙན་བྱོལ་ནང་ས་གནས་ཀྱི་སྤྱི་འཐུས་འདེམས་པ་ཡིན་ན་རྒྱ་ནག་གཞུང་གི་བཤད་པ་ལྟར་ཡུལ་གྱར་གྱི་ཚོགས་པ་གཅིག་དང་འགོ་ཁྲིད་གཅིག་གི་གནས་སྟངས་ཆགས་མིན་རང་གིས་བསམ་བློ་གཏོང་རྒྱུ་རེད། རྒྱ་ནག་གཞུང་གིས་ག་རེ་ཡིན་ཡང་བཤད་ཀི་རེད། རྒྱ་ནག་གཞུང་གི་བཤད་པ་ལྟར་ཡིན་མིན་དངོས་ཡོད་ལ་བལྟ་དགོས་པ་རེད། རྒྱ་ནག་གིས་སྐུ་མདུན་ཁ་བྲལ་གྱི་གཏེ་བོ་དང་གཟིགས་སྤགས་གྱོན་པའི་བོང་བུ་ཞིག་ཡིན་ཚུལ་གཅིག་མིན་གཉིས་དུ་བསྒྲགས་ཡོད་པ་རེད། འདི་དངོས་ཡོད་ཡིན་མིན་ཚང་མས་ཤེས་གསལ་རེད། མདོ་དོན་གཙོ་བོ་དེ་སྐུ་མདུན་ཁོང་བོད་མིའི་སྐུ་ཚབ་ཡིན་ན་ཁོང་གིས་དབུ་འཁྲིད་པའི་གཞུང་དེ་ལ་ཆོལ་འཐུས་དང་ཆོས་འཐུས་ཀྱི་ཞབས་སྟེགས་ཟུར་འདོན་གནང་མིན་ལ་མ་བལྟོས་པར་བོད་མི་ས་ཡ་གཅིག་སྐུ་ཚབ་མཚོན་པའི་གཞུང་ཡིན་ཡིན་པ་རེད། གནད་དོན་འདི་རྙོག་དྲ་ཚ་བོ་མ་རེད། ལས་སླ་བོ་རེད།

༤༽ཡལ་ག་ནས་ཡལ་གར་མ་འཕྲོས་པར་རྩ་བར་ཐུགས་དགོངས་གནང་རྒྱུ་གལ་ཆེན་པོ་རེད། གྲོས་ཚོགས་དང་འོས་བསྡུའི་སྐོར་འདི་ཆབ་སྲིད་ཀྱི་གནས་དོན་ཞིག་རེད། དེ་ཡང་གཙོ་བོ་དམངས་གཙོའི་གནས་དོན་ཞིག་རེད། འདིའི་སྐོར་གྱི་དགོངས་ཚུལ་གནང་སྐབས་སྲིད་ལུགས་འགྲོ་སྟངས་ལ་དང་པོ་ཐུགས་བསམ་བཞེས་རྒྱུ་ལས། ཆོས་ལུགས་དང་དད་འདུན། མི་སྒེར་དང་དོགས་པ་རྣམ་རྟོགས་ལ་གཞིར་བཞག་གི་དགོངས་ཚུལ་གནང་ན་འོས་མཐུན་མ་རེད་འདོད།

དེ་རིང་འདི་ཙམ་ཞུ། ཐུགས་རྗེ་ཆེ།

ཆོས་བརྒྱུད་སྤྱི་འཐུས་དགོས་རབས་ཀྱི་གནད་དོན་དངོས་རྣམས་གླེང་དུས་ཁ་སང་གི་ཐོག་མའི་ཁ་ཕོ་འཐེན་མཁན་གྲྭ་སའི་གསར་བུ་དེ་ཚོ་ད་ག་བར་ཕྱིན་སོང་།

གསར་བརྗེ་སྐྱབས་ཁྱོད་དངོས་གནས་རིག་གསར་གྱིས་སྐྱབས་པ་རང་ཡིན་ས་རེད། ཆོས་ལུགས་དང་ཆོལ་ཁའི་རྩོད་རྙོག་འདུམ་འགྲིག་ལ་གྲོས་ཚོགས་ཀྱི་ཞབས་སྟེགས་བེད་སྤྱོད་བྱ་དགོས་པ་ནི་ལོས་ཡིན་དགོས་ཏེ། དེ་དག་བོད་དོན་དངོས་ཡིན་ཞིང་། དེ་མིན་ན་བོད་ཡུལ་ཐོར་ཞིག་ཏུ་འགྲོ་ཉེན་ཡོད། འདི་ལས་ལྷག་སྟེ་ཁྱིམ་ཚང་གི་རྩོད་རྙོད་ཀྱང་འདུམ་འགྲིག་བྱ་དགོས་ཐུག་ཀྱང་དགོས་པར་སེམས་ཏེ་དམངས་གཙོ་རྒྱལ་ཁབ་གཞན་གྱི་གྲོས་ཚོགས་ལའང་ལྟོས།

རིག་གསར་གྱི་གཅེས་ཕྲུག་ཁྱོད་ལ་དགོས་པའི་གྲོས་ཚོགས་ནི་རྒྱ་ནག་གི་གྲོས་ཚོགས་ལྟར་བཤད་ལབ་ཅི་ཡང་མེད་ཅིང་། གཅིག་གིས་བཤད་ནས་ལྷག་མས་ཉན་དགོས་པ་ཞིག་ཨེ་དགོས། ཆོས་བརྒྱུད་སྤྱི་འཐུས་མ་གླེང་སྔོན་དུ་ཁྱོད་རང་དང་པོ་རིག་གསར་གྱི་ལྟ་བ་དེ་དོར་ཞིག

ད་དུང་འོས་ཤོག་སྐོར་ལ་རིག་པ་གསར་པ་ཡིན་ན་གཅིག དེ་ནི་ཁྱོད་རང་ཤིན་ཏུ་ནོར་བ་རེད། ཆོས་བརྒྱུད་སོ་སོའི་སྤྱི་འཐུས་དེ་ཆོས་བརྒྱུད་སོ་སོའི་གྲྭ་བཙུན་ལ་འདེམས་བཅུག་པ་དེ་བོད་གཞུང་གིས་གནད་འགག་ཏུ་མཛད་འདུག དེ་མིན་ཁྱོད་ཀྱིས་རིག་པ་གསར་པ་ཡིན་ཟེར་བ་དེ་དག་ལ་བསྟུན་ན། ད་ཅི་ཤེས། དགོན་འོག་ཏུ་གི་གྲྭ་བཙུན་དེ་ཚོ་ཆོས་བརྒྱུད་གང་གི་ཁོངས་སུ་གཏོགས་མིན་ཧ་ལམ་གསལ་པོ་དང་གཏན་པོ་ཡིན་ཡང་། མི་དམངས་སྐྱ་བོ་རྣམས་ལ་དེ་ཙམ་ཁག་པོ་ཡིན་པས། བྱ་སྟབས་བདེ་བོ་ཞིག་མིན། ཁྱོད་ལྟ་བུ་འགའ་ཞིག་ནི་ཆོས་མི་དགོས་མདོག་མདོག ད་དུང་གང་འོས་སུ་འདེམས་བཙུག་ཚེ་རྙིང་མ་དང་བཀའ་བརྒྱུད་ས་སྐྱ་བོན་དང་བཅས་པའི་ཆོས་བརྒྱུད་སྤྱི་འཐུས་ཆ་ཚང་དགེ་ལུགས་པ་ཤ་སྟག་གམ་ཡང་ན་དབུས་གཙང་ཤ་སྟག་ཏུ་མི་འགྱུར་བའི་ངེས་པའང་མེད། འདི་ཁྱོད་ཀྱི་རིག་པ་གསར་པའི་འབྲས་གསར་དུ་བདག་གིས་དོགས་ཀྱིན་ཡོད། དེ་ནས་གང་ཞིག་ཡོང་ངེས་པ་ནི་ཁྱོད་ཀྱིས་ཤེས་པར་བགྱིས།

སྤོབས་པ་མཐའ་ཡས་ལགས། བདེ་མོ། ང་ནི་ཁྱོད་ཀྱི་དྲ་གྲོགས་གསར་བ་ཞིག་ཡིན། ངའི་ཁྱོད་ཀྱི་མིང་རྩོམ་ཡིག་གི་ཁྲོད་ནས་ཤེས་པ་ལས་ཁྱོད་ངོ་ཤེས་ཀྱིན་མེད། དེ་རིང་ངས་ཁྱོད་ཀྱི་རྩོམ་ཡིག་ཕྱེད་ཙམ་ཀློག་པ་ཡིན། ཡག་པོ་བྲིས་འདུག འཕྲོས་རྗེས་མར་ཀློག་ནས་བསམ་ཚུལ་འབྲི་འདོད་ཡོད།

ངས་ཀྱང་གཅིག་བརྗེད་འདུག བཙན་བྱོལ་ས་གནས་ཀྱི་འོས་བླུག་པ་ཡིན་ན། དེས་བཙན་བྱོལ་ས་གནས་རང་གི་འཐུས་ཚབ་མཚོན་པ་ལས། གཞིས་ལུས་བོད་རྒྱ་ཆེ་མི་མང་གི་ཚབ་ག་འདྲ་མཚོན་གྱི་རེད། རྒྱ་མིས་བཤད་པ་ལྟར་ཡུལ་གྱལ་གྱི་ཚོགས་པ་གཅིག་དང་རུ་ཚོགས་གཅིག་གི་མགོ་ཁྲིད་ཟེར་བ་འདྲ་པོ་ཆགས་པ་མ་རེད་དམ། བོད་མི་ཡིན་པ་ཙམ་གྱིས་ཆག་ག་ཡོད་ན། བྱམས་པ་ཕུན་ཚོགས་དང་ལེགས་མཆོག་དེ་ཚོ་ཡང་བོད་པ་རེད། དེས་བོད་རྒྱ་ཆེ་མི་མང་གི་ཚབ་མཚོན་གྱི་ཡོད་རེད་པས།