ལོ་འདི་འགར་བཙན་བྱོལ་བོད་མིའི་སྤྱི་ཚོགས་ཁྲོད་ཕྱི་ལོ་ ༢༠༡༡ ལོའི་བཀའ་ཤག་སྐབས་བཅུ་བཞི་བའི་བཀའ་བློན་ཁྲི་པའི་ཐད་གླེང་སློང་ཤུགས་ཆེན་ཡོང་གིན་ཡོད་ལ། ས་གནས་ཁག་ཅིག་ནས་བོད་མི་མང་སྤྱི་འཐུས་ལྷན་ཚོགས་ལ་སྙན་ཞུ་ཕུལ་ཏེ། བཀའ་བློན་ཁྲི་པའི་འོས་བསྡུའི་སྒྲིག་གཞིའི་ནང་། བཀའ་བློན་ཁྲི་པ་བསྟུད་མར་ཐེངས་གསུམ་ལ་བཞུགས་མི་ཆོག་པ་དེར་འགྱུར་བ་བཏང་སྟེ། ད་ལྟའི་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་བསྐྱར་དུ་བཀའ་ཁྲིར་ཕེབས་རྒྱུར་ལམ་ཁ་བཟོ་དགོས་ཚུལ་ཡང་བཤད་ཡོད།
གོང་གི་མི་མང་གི་བསམ་ཚུལ་དེའི་ཐད་ཐེངས་འདིའི་གྲོས་ཚོགས་མཇུག་སྡོམ་ཐོག སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་གསལ་བཤད་གནང་དོན། མི་
བཀའ་བློན་ཁྲི་པ་འོས་འདེམས་བྱེད་ཕྱོགས་སྐོར་ལ་འགྱུར་བ་ཞིག་ཕྱིན་ཡོད་པ་ནི། སྔར་བཀའ་བློན་ཁྲི་པའི་འོས་བསྡུའི་སྒྲིག་གཞིའི་ནང་། བཀའ་བློན་ཁྲི་པའི་དངོས་གཞིའི་འོས་གཞིར་གཉིས་ལས་མི་ཉུང་བ་གསལ་བསྒྲགས་བྱ་དགོས་སྐོར་བཀོད་ཡོད་ཀྱང་། ཐེངས་འདིའི་གྲོས་ཚོགས་ནང་དེ་ལ་འགྱུར་བ་བཏང་སྟེ། འོས་བསྡུ་ལས་ཁང་ནས་སྔོན་འགྲོའི་འོས་གཞིར་བརྟག་ཞིབ་བརྩད་གཅོད་དང་། དགོངས་ཞུའི་རིགས་གྲུབ་རྗེས་བཀའ་བློན་ཁྲི་པའི་དངོས་གཞིའི་འོས་གཞིར་གཉིས་ལས་མི་ཉུང་བ་གསལ་བསྒྲགས་བྱ་དགོས། གལ་སྲིད་འོས་གཞི་གཅིག་ལས་མ་བྱུང་ཡང་། དེ་ལ་འོས་གྲངས་བརྒྱ་ཆ་ ༥༡ ལོངས་པ་ཡིན་ན། ཁ་གཏད་མེད་པའི་བཀའ་བློན་ཁྲི་པར་འདེམས་ཐོན་བྱུང་བར་ངོས་འཛིན་གསལ་བསྒྲགས་བྱ་དགོས། འོས་གྲངས་ ༥༡ མ་ལོངས་ཚེ་བསྐྱར་དུ་འོས་ཤོག་དགྲེམ་དགོས་ཞེས་གཏན་འབེབས་བྱུང་ཡོད།
རྒྱ་ནག་གིས་དགག་པ་གནད་དུ་སྨིན་འདུག བཀའ་བློན་ཁྲི་བ་བསྐྱར་དུ་བསྐོས་བཞག་བྱེད་དགོས་ཟེར་བ་དེ་ཚོའི་བོད་མི་ངོ་མ་ཤེས་པ་དང་གཅིག་པ་རེད ་