༧གོང་ས་མཆོག་སྐུ་བདེ་བར་གཤེགས་ཀྱང་བོད་ཀྱི་གནད་དོན་དེ་དུས་ནམ་ཡང་བརླག་གི་མ་རེད་ཅེས་༧གོང་ས་མཆོག་གི་ལྡི་ལི་གསར་པའི་སྐུ་ཚབ་བཀའ་བློན་བསྟན་པ་ཚེ་རིང་ལགས་ཀྱིས་ཉི་ཧོང་དུ་གསུངས་ཡོད་པ་རེད། 
ཕྱི་ཚེས་ ༡ ཉིན་༧གོང་ས་མཆོག་གི་ལྡི་ལི་གསར་པའི་སྐུ་ཚབ་བཀའ་བློན་བསྟན་པ་ཚེ་རིང་ལགས་ཀྱིས་རྒྱ་ནག་གི་དབང་སྒྱུར་འོག་བོད་ཀྱི་ཐོབ་ཐང་རྩོད་རྒྱུ་དེ་༧གོང་ས་མཆོག་སྐུ་གཤེགས་པ་ཡིན་ནའང་མུ་མཐུད་དུ་མཇུག་བསྐྱལ་གྱི་རེད་ཅེས་གསུངས་ཤིང་། ཁོང་གིས་ང་ཚོར་ཡིད་ཆེས་ཆེན་པོ་ཞིག་ཡོད་པ་ནི་བོད་ཀྱི་གནད་དོན་དེ་དུས་ནམ་ཡང་བརླག་གི་མ་རེད། ༧གོང་ས་མཆོག་སྐུ་གཤེགས་ཀྱང་ཁོང་གི་རྣམ་ཤེས་སྔར་བཞིན་གནས་པར་མ་ཟད། ཁོང་གིས་ཇི་ལྟར་ལམ་སྟོན་གནང་བ་བཞིན་བོད་མི་ཚོས་དེ་ལྟར་རྗེས་མཇུག་བྱེད་ངེས་རེད་ཅེས་གསུངས་ཡོད་འདུག
རྒྱ་ནག་གིས་འདི་ལོའི་ཟླ་ ༣ པའི་ནང་༧གོང་ས་མཆོག་གི་ཡང་སྲིད་སྐོར་ལ་ཐེ་བྱུས་བྱ་རྒྱུའི་རྣམ་འགྱུར་བསྟན་ཡོད་ལ། སྐབས་དེར་བོད་རང་སྐྱོང་ལྗོངས་ཀྱི་སྲིད་སྐྱོང་ཟུར་པ་བྱམས་པ་ཕུན་ཚོགས་ཀྱིས་བོད་ཀྱི་བླ་ཆེན་ཚོའི་ཡང་སྲིད་སྐོར་གྱི་མཐའ་མའི་ཐག་གཅོད་དེ་ཀྲུང་དབྱང་སྲིད་གཞུང་གིས་ཐག་གཅོད་བྱ་དགོས་ཀྱི་རེད་ཅེས་ཨུ་ཚུགས་ཀྱིས་ནན་བརྗོད་བྱས་པ་རེད།
ཆོས་ལུགས་ཀྱི་སྲོལ་རྒྱུན་ཆ་ནས་༧གོང་ས་མཆོག་གི་ཡང་སྲིད་བརྩད་གཅོད་བྱ་རྒྱུ་དེར་བོད་ཀྱི་བླ་ཆེན་ཚོས་གཙོ་འགན་བཞེས་དགོས་པ་ཞིག་ཆགས་ཡོད་མོད། ཡིན་ནའང་། ལྷ་མེད་སྨྲ་བའི་རྒྱ་དམར་གཞུང་གིས་བཙན་པོའི་སྐབས་སུའང་ཁོང་ཚོར་ཡང་སྲིད་ངོས་འཛིན་ཐད་བྱུས་གཏོཊ་བྱ་ཆོག་པའི་ཐོབ་ཐང་ཡོད་ཚུལ་བརྗོད་ཡོད་པ་རེད།
ཕྱི་ལོ་ ༢༠༠༨ ལོར་བོད་ནང་གློ་བུར་དུ་རྒྱ་དམར་ལ་ངོ་རྒོལ་ལས་འགུལ་སྤེལ་བ་ནས་བཟུང་༧གོང་ས་མཆོག་གི་ཡང་སྲིད་ཀྱི་གནད་དོན་སྐོར་ལ་གླེང་སློང་ཤུགས་ཆེས་བྱེད་མགོ་ཚུགས་ཡོད་པ་རེད། རྒྱ་དམར་གྱིས་༧གོང་ས་མཆོག་ནི་ཁ་བྲལ་རིང་ལུགས་པ་ཞིག་ཡིན་པའི་བསྙོན་འཛུགས་བྱེད་ཀྱིན་ཡོད་ནའང་། ཁོང་གིས་མུ་མཐུད་དེ་རྒྱ་ནག་གི་ཁྲིམས་འོག་ནས་བོད་ལ་དོན་དམ་རང་སྐྱོང་ཞིག་འཐོབ་ཐབས་ལ་འབད་བརྩོན་གནང་གིན་ཡོད་པ་རེད། དེའི་སྟབས་ཀྱིས་དེང་སྐབས་བོད་དོན་སྐོར་གྱི་ཆེད་མཁས་པ་གང་མང་ཞིག་གིས་རྒྱ་ནག་གིས་༧གོང་ས་མཆོག་གི་སྐུ་ཚེ་ནམ་རྫོགས་ལ་རེ་སྒུག་བྱེད་ཀྱིན་ཡོད་པར་མ་ཟད། དགོངས་པ་རྫོགས་མཚམས་བོད་མི་ཚོར་ཆོས་ཕྱོགས་ཀྱི་དབུ་ཁྲིད་གཞན་ཞིག་བསྐོ་འདོད་ཡོད་པའི་སྔོན་དཔག་བྱེད་ཀྱིན་ཡོད་པ་རེད།
རྒྱ་ནག་གི་བཤད་ཡམས་ལ་ནན་བརྗོད་ཀྱི་ཚུལ་དུ་བཀའ་བློན་བསྟན་པ་ཚེ་རིང་ལགས་ཀྱིས་༧གོང་ས་མཆོག་གིས་ཁོང་གི་ཡང་སྲིད་ནི་རང་དབང་གི་སྤྱི་ཚོགས་ཤིག་ནས་ཡོང་བ་ལས་བཀག་སྡོམ་ཡོད་པའི་སྤྱི་ཚོགས་ཞིག་ནས་ནམ་ཡང་ཡོང་གི་མ་རེད་ཅེས་བཀའ་གསུང་གནང་ཡོད་པ་ལུང་འདྲེན་ཞུས་ཡོད་པ་རེད། ཡང་ཁོང་གིས་བོད་ཕྱི་ནང་གི་བོད་རིགས་གཞོན་སྐྱེས་ཚོས་ཧི་མ་ལ་ཡའི་རི་རྒྱུད་དུ་བོད་རིགས་ཚོའི་ཆོས་རིག་གི་ངོ་རྟགས་སྲུང་ཆེད་འཐབ་རྩོད་མུ་མཐུད་བྱེད་ངེས་རེད་ལ་གཞོན་སྐྱེས་དེ་ཚོས་རང་གི་མི་རིགས་ཀྱི་ཆེད་དུ་ཅི་ཡང་བློས་གཏོང་ཐུབ་ཀྱི་རེད་ཅེས་ནན་བརྗོད་ཞུས་འདུག
གཞན་ཡང་ཁོང་གིས་གསུངས་དོན། རྒྱ་ནག་གཞུང་གིས་བོད་ཀྱི་ཞིང་བྲན་ལམ་ལུགས་ཀྱི་སྤྱི་ཚོགས་དེ་སྤྱི་ཚོགས་རིང་ལུགས་ཀྱི་དག་ཞིང་ཞིག་ལ་བསྒྱུར་ཡོད་པར་བཤད་ཀྱིན་པ་རེད། གལ་སྲིད་དེ་ལྟར་ཡིན་ན་ཁོང་ཚོས་ཕྱི་རོལ་འཛམ་བུ་གླིང་ལ་དག་པའི་ཞིང་དེ་གང་འདྲ་ཞིག་ཡིན་མིན་མཐོང་འཇུག་དགོས་པ་རེད་ཅེས་དང་། དོན་དངོས་ཐོག་དུས་དེང་སང་ཡང་བོད་མི་རྣམས་ཀྱིས་ཧི་མ་ལ་ཡའི་གངས་འཁྱག་དག་བརྒྱུད་ནས་སྐྱབས་བཅོལ་ལ་ཡོང་བཞིན་པ་དེས་གང་སྟོན་གྱིན་ཡོད་པ་རེད་ཅེ་ན། སྤྱི་ཚོགས་རིང་ལུགས་ཀྱི་དག་ཞིང་དེར་འདུག་པ་ལས་རང་གི་སྲོག་དོར་ན་དགའ་བ་དེ་རེད།
དེ་ཡིན་ཡིན་པ་རེད། བསྟན་པ་ཚེ་རིང་ལགས་ལ་བསམ་གསར་དང་འཇོན་ཐང་གང་ཡང་མེད་པ་ཚང་མས་མཁྱེན་གསལ་རེད་བ།
བོད་དོན་ཆེད་གཞོན་སྐྱེས་ཚོ་ངར་ཤོག
བཀའ་བློན་བསྟན་པ་ཚེ་རིང་ལགས་ཀྱིས་གཞོན་སྐྱེས་ཚོའི་བསམ་བློ་དང་སྙིང་སྟོབས་ཤེས་ཡོད་པ་དགའ་ནས་ཡོད། གང་ཡིན་ཟེར་ན། དེང་སང་དབུ་མའི་ལམ་ལ་འགྲོ་དགོས་པའི་སྒྲུབ་བྱེད་དུ་བོད་ཀྱི་མི་རབས་གསར་པ་ཚོར་མཐོང་ཆུང་བྱེད་མཁན་མི་ཉུང་བ་ཞིག་ཡོད། དེ་ཡང་མི་རབས་གསར་པ་ཚོར་འཇོན་ཐང་མི་འདུག་ཟེར་བ་དང་། གཞོན་སྐྱེས་ཚོར་རེ་བ་མི་འདུག་ཟེར་བ་སོགས་རེད། སྐད་ཆ་འདི་ཚོ་ནང་ཁུལ་ཉམས་བྱེད་དང་དགྲ་དགའ་སྐྱེད་ཀྱི་གཏམ་ཡན་རེད། དོན་དངོས་སུ་གཞོན་སྐྱེས་ཀྱིས་འཐབ་རྩོད་བྱེད་ཕྱོགས་དེ་རྒན་རབས་པ་མང་པོ་ཞིག་གི་འདོད་པ་དང་མ་མཐུན་པ་དེ་རེད།
བསྟན་པ་ཚེ་རིང་ལགས་ཀྱི speech is just copy from HH the Dalai Lama.