རྒྱ་གཞུང་གིས་རྨ་ཆུ་རྫོང་བོད་རིགས་སློབ་ཆུང་གི་བོད་ཡིག་དགེ་རྒན་དངུལ་རྭའི་སྟོབས་ལྡན་ལགས་འཛིན་བཟུང༌བྱས་ཡོད་འདུག
རྨ་ཆུའི་སྒྲོལ་དཀར་སྐྱབས་ལགས་ཀྱིས་འདི་གར་གནས་ཚུལ་མཁོ་སྤྲོད་གནང་བ་ལྟར་ན། རྨ་ཆུ་རྫོང་བོད་ཡིག་སློབ་འབྲིང་གི་སློབ་མ་ཚོས་ངོ་རྒོལ་སྐད་འབོད་བྱས་རྗེས་ཀྱི་ཕྱི་ཟླ་ ༣ པའི་ཚེས་ ༢༨ ཉིན་ས་གནས་ཉེན་རྟོག་པས་རྨ་ཆུ་རྫོང་མི་རིགས་སློབ་ཆུང་གི་དགེ་རྒན་དངུལ་རྭའི་སྟོབས་ལྡན་ལགས་རྒྱུ་རྐྱེན་ཅི་ཡིན་གསལ་ཁ་ཅི་ཡང་མེད་པའི་ཐོག་འཛིན་བཟུང་བྱས་ཡོད་འདུག་ལ། ད་ལྟའི་ཆར་ནང་མི་གཉེན་འབྲེལ་སུས་ཀྱང་ཁོ་རང་འཛིན་བཟུང་གི་རྒྱུ་རྐྱེན་དང་གར་ཡོད་དང་གནས་སྟངས་ཇི་ཆགས་སོགས་ཤེས་རྟོགས་ཐུབ་མི་འདུག་ཅེས་བརྗོད་གནང་བྱུང།
དངུལ་རྭའི་སྟབས་ལྡན་ལགས་ནི། ཕྱི་ལོ་ ༡༩༧༡ ལོར་རྨ་ཆུ་རྫོང་དངུལ་རྭ་ཞང་ཞོགས་ཆུ་རྔ་སྐོར་སྡེ་བ་རུ་སྐྱེས་ཤིང༌། སློབ་ཆུང་འགྲིམས་རྗེས་དངུལ་རྭ་གཉན་ཐོགས་དགོན་དུ་ཆོས་སྒོར་ཞུགས་ཡོད་པ་རེད། ཕྱི་ལོ་ ༡༩༩༩ ལོར་དགོན་པར་རྒྱལ་གཅེས་ཆོས་གཅེས་ཀྱི་སློབ་གསོ་སྤེལ་སྐབས་༧རྒྱལ་བ་རིན་པོ་ཆེར་མཚན་དམོད་དང་བསྐུར་འདེབས་བྱེད་དགོས་པའི་བཙན་བཀའ་བཏང་བ་ངོས་ལེན་མ་བྱས་པར། ༢༠༠༠ ལོར་རྒྱ་གར་ལ་སྐྱབས་བཅོལ་དུ་ཡོང་དགོས་བྱུང་ཡོད་པ་དང་། བཙན་བྱོལ་ནང་འབྱོར་རྗེས་ཤེས་རབ་དགའ་ཚལ་སློབ་གླིང་དུ་སློབ་གཉེར་མཐའ་འཁྱོངས་བྱས་ཏེ། ༢༠༠༦ ལོའི་ལོ་མཇུག་ཏུ་ཨ་མའི་རེ་བ་ལྟར་ཕྱིར་བོད་ནང་ལོག་སྟེ་ད་ལྟའི་བར་རྨ་ཆུ་རྫོང་བོད་རིགས་སློབ་ཆུང་གི་བོད་ཡིག་དགེ་རྒན་གྱི་ཕྱག་ལས་གནང་ཡོད་པ་རེད།
༄༅།། གནས་ཚུལ་མཁོ་སྤྲོད་པ་ལ་ཐུགས་རྗེ་ཆེ་ཞུ
ད་རྨ་ཆུའི་སློབ་འབྲེང་འདི་སྒོ་བརྒྱབ་སོང་ན་་ང་ཚོའི་གྱོང་གུན་རེད
འདིའི་ཐོག་ལ་ཚོགས་པ་ཁག་གིས་གང་ཞིག་བྱེད་དགོས་འདུག་
ཁྱེད་ཅག་གི་དབུ་ཁྲིད་ན་ང་ཚོ་མི་མང་ཚོ་ཁྱེད་ཅག་གི་རྒྱབ་ལ་ཡོད་ཡོད་པ་རེད