སྡུག་བསྔལ་ནང་ཚུད་པའི་མང་ཚོགས་ཀྱིས་༧གོང་ས་མཆོག་ཞབས་བཅག་ཐུབ་པའི་རེ་བ་འཆང་གི་ཡོད་པ་ལྟར། ང་ཚོས་གསོལ་བ་སྨོན་ལམ་བཏབ་པ་ཡིན་ན་རྟགས་དང་རྟེན་འབྲེལ་གྱི་ཁྱད་པར་ཏན་ཏན་ཡོད་འདོག་ཁ་པོ་རེད་ཅེས་བཀའ་ཁྲི་མཆོག་གིས་གསུངས་ཡོད།
ཕྱི་ཚེས་ ༡༦ཉིན་གྱི་ཞོགས་པར་བཞུགས་སྒར་ཀིརྟིའི་བྱེས་པ་གྲྭ་ཚང་གིས་བཙན་བྱོལ་བོད་མིའི་མི་ལོ་ལྔ་བཅུའི་དུས་དྲན་དང་འབྲེལ་རྩོམ་དེབ་ ༡༠༠ ལོངས་པའི་དམིགས་བསལ་མཛད་སྒོ་ཞིག་ཚོགས་ཡོད་ལ། སྐུ་མགྲོན་གཙོ་བོར་བཀའ་ཁྲི་ཟམ་གདོང་རིན་པོ་ཆེ་མཆོག་དང་དམིགས་བསལ་སྐུ་མགྲོན་བོད་མི་དམངས་སྤྱི་འཐུས་ཚོགས་གཙོས་དབུས། བཀའ་བློན་དང་སྤྱི་འཐུས། དེ་བཞིན་བཞུགས་སྒར་ཁུལ་གྱི་དགོན་སྡེ་ཁག་གི་སྐུ་ཚབ་དང་སློབ་གྲྭ་ཁག་གི་སྐུ་ཚབ། གཞུང་འབྲེལ་དང་གཞུང་འབྲེལ་མིན་པའི་ཚོགས་པ་ཁག་གི་ཚོགས་གཙོ་བཅས་ལྷན་ཞུགས་ཐོག བཀའ་ཁྲི་མཆོག་གིས་སྐྱེ་རྒུ་མདོའི་ས་ཡོམ་གྱི་དོན་རྐྱེན་ཐད་དམིགས་བསལ་གསུང་བཤད་གནང་དོན། ཉིན་གཉིས་ཀྱི་སྔོན་འདིར་བོད་ནང་ཛ་དྲག་གི་གནས་ཚུལ་བྱུང་སྟེ། ས་ཡོམ་གྱི་འཇིགས་པའི་དབང་གིས་ཚེ་སྲོག་ཤོར་བ་དང་རྨས་སྐྱོན་ཕོག་པ། འདུག་གནས་བྲལ་བ། རང་གི་ཕ་མ་སྤུན་ཉེ་འདས་གྲོངས་སུ་ཕྱིན་པ་སོགས་བོད་མི་དང་། གཞན་མི་གྲངས་འབུམ་ཕྲག་ལྷག་ལ་སྡུག་བསྔལ་སྣ་ཚོགས་འབྱུང་གིན་ཡོད་སྟབས། ༧གོང་ས་མཆོག་གིས་དེ་འཕྲལ་དམིགས་གསལ་ཐུགས་སྨོན་གནང་བ་མ་ཟད། ཆོས་རིགས་ལས་ཁུངས་ཀྱིས་སྨོན་ལམ་ཚོགས་པ་སོགས་ང་ཚོས་བྱེད་ཐུབ་པའི་ཆོས་ཕྱོགས་ཀྱི་ལས་དོན་ཞིག་རེད་ལ། དེ་རིང་འདིར་འཛོམས་པ་ཚོ་ཡང་བོད་མི་རིགས་དང་འབྲེལ་བ་ཤ་སྟག་ཡིན་པས། ང་ཚོ་ཚང་མས་མཉམ་རུབ་དང་དམ་ཚིག་འོ་ཆུ་གཅིག་ཏུ་འདྲེས་པའི་ཐོག་འདས་པོ་ཚོར་སྨོན་ལམ་རྒྱག་པ་དང་། ཤུལ་ལུས་ཚོ་དཀའ་ངལ་ལས་གྲོལ་བའི་སྨོན་ལམ་དང་སེམས་ཤུགས་ཀྱི་རྒྱབ་སྐྱོར་བྱས་པ་ཡིན་ན། མིའི་མགྲིན་པའི་ནུས་པ་དང་སྨོན་ལམ་གྱི་ནུས་པ་ལ་བརྟེན་ཏེ། ཏན་ཏན་ཕན་ཐོགས་ཡོང་གི་རེད་བསམ་གྱི་ཡོད། ༧གོང་ས་མཆོག་གིས་ཀྱང་ཐུགས་འཚབ་ཆེན་པོས་གོ་སྐབས་བྱུང་བ་ཡིན་ན་བཙན་བྱོལ་སྤྱི་ཚོགས་ནས་རོགས་པ་བྱེད་མཁན་གྱི་མི་དངོས་སུ་འགྲོ་དགོས་པ་དང་། དཔལ་འབྱོར་དང་མཐུན་རྐྱེན་གྱི་རྒྱབ་སྐྱོར་གང་ཐུབ་ཐུབ་གནང་དགོས་པའི་གནས་ཚུལ་གཟིགས་ཀྱི་ཡོད་ཀྱང་། ད་ལྟའི་གནས་བབ་ལ་བལྟས་འོང་དུས་བསམ་བློའི་ནང་ཡོད་ཀྱང་དངོས་དོན་ལག་ལེན་འཁེལ་བར་ཧ་ཅང་ཁག་པོ་ཆགས་ཡོད་པ་རེད། ༧གོང་ས་མཆོག་གིས་ཀྱང་ག་རེ་ཐུབ་ཀྱི་ཡོད་ན་ཉམས་ཞིབ་གནང་གི་ཡིན་ཞེས་གསུངས་པ་མ་གཏོགས་འདི་འདྲ་ཞིག་གནང་གི་ཡིན་གསུངས་ཐུབ་མེད་པ་རེད། ཅེས་གསུངས་བྱུང་།
ཁོང་གིས་མུ་མཐུད་གསུངས་དོན། ཁ་སང་དགོང་མོ་དང་དེ་རིང་སྔ་དྲོའི་རྒྱལ་སྤྱིའི་བརྒྱུད་ལམ་དུ། རྒྱལ་སྤྱིའི་རོགས་སྐྱོར་ཚོགས་པ་དང་བརྒྱུད་ལམ་ཁག་གི་མི་སྣ་ས་གནས་ས་ཐོག་ཏུ་སླེབས་ཁག་པའི་གནས་ཚུལ་སླེབས་ཡོང་གི་འདུག གལ་སྲིད། གནས་ཚུལ་དེ་དག་བདེན་པ་ཡིན་ན། འགྲོ་བ་མིའི་བྱེད་ཕྱོགས་དང་མི་མཐུན་པ་ཞིག་ཆགས་ཀྱི་ཡོད་པར་བརྟེན། རྒྱལ་སྤྱིའི་རོགས་སྐྱོར་མི་སྣ་དང་གསར་འགྱུར་བརྒྱུད་ལམ་གྱི་མི་དེ་དག་ངེས་པར་དུ་ས་གནས་ས་ཐོག་ཏུ་སླེབས་ཐུབ་པ་དང་ཕན་ཐོགས་ཡོང་བའི་ཐད། རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་དབུ་ཁྲིད་ཚོར་ང་ཚོས་རེ་སྐུལ་དང་རེ་བ་བྱེད་ཀྱིིན་ཡོད། ལོ་གཉིས་ཀྱི་སྔོན་ལ་སི་ཁྲོན་ཞིང་ཆེན་དུ་ས་ཡོམ་བྱུང་བའི་སྐབས། ༧གོང་ས་མཆོག་གིས་ས་གནས་ས་ཐོག་ལ་ཞབས་བཅག་ཐུབ་པའི་ཐུགས་རེ་དང་འདུན་པ་ཆེན་པོ་གནང་ཡང་། དངོས་ཡོད་གནས་ཚུལ་ཐོག་ལག་ལེན་འཁེལ་ཐུབ་ཡོད་པ་མ་རེད། ད་ལྟའི་གནས་སྐབས་ལའང་དགོངས་པ་དེ་འདྲ་བཞེད་ཀྱིན་ཡོད་པ་རེད། བརྒྱུད་ལམ་ཁག་ཏུ་གོ་བ་ལྟར་ན། ས་གནས་སུ་༧གོང་ས་མཆོག་ཆིབས་བསྒྱུར་གནང་གི་ཡོད་པའི་གནས་ཚུལ་བརྒྱུད་སྒྲོག་གནང་གི་ཡོད་ཚོད་འདུག སྡུག་བསྔལ་ནང་ཚུད་པའི་མང་ཚོགས་ཀྱིས་ག་དུས་ཡིན་ཡང་༧རྒྱལ་བ་ཡིད་བཞིན་ནོར་བུ་མཁྱེན་ཞེས་གསོལ་བ་སྨོན་ལམ་བཏབ་བསྡད་པའི་གནས་ཚུལ་གོ་དུས། དངོས་ནས་སྙིང་གི་སྟེང་ལ་ཚེར་མ་ཟུག་པ་ལྟ་བུའི་འགུལ་དཀྱོག་ཐེབས་ཀྱིན་འདུག ཕྱིའི་གནས་བབ་ཀྱི་ཐོག་ནས་གྲ་འགྲིག་པ་ཞིག་བྱུང་ཞིང་། ༧གོང་ས་མཆོག་གི་དགོངས་པར་ཏན་ཏན་གང་མྱུར་ས་གནས་ས་ཐོག་ལ་ཞབས་བཅག་ཐུབ་ན་བསམ་ཡོད་པ་རེད། སྡུག་བསྔལ་ནང་ཚུད་བསྡད་པའི་མང་ཚོགས་ཀྱི་༧གོང་ས་མཆོག་ཞབས་བཅག་ཐུབ་པའི་རེ་འདོད་བཞིན། ང་ཚོས་གསོལ་བ་སྨོན་ལམ་བཏབ་པ་ཡིན་ན་རྟགས་དང་རྟེན་འབྲེལ་གྱི་ཁྱད་པར་ཏན་ཏན་ཡོད་འདོག་ཁ་པོར་རེད་བསམ་གྱི་ཡོད། ཅེས་གསུངས་བྱུང་།
༼རྟགས་དང་རྟེན་འབྲེལ་གྱི་ཁྱད་པར་ཏན་ཏན་ཡོད་འདོག་ཁ་པོར་རེད་བསམ་གྱི་ཡོད།༽འདི་རེ་བ་ཡོད་པའི་མི་ཞིག་གི་བཤད་སྟངས་རེད། བཀའ་ཁྲིའི་གསུང་ཚིག་རེ་ཟུང་ལ་འཇུས་ནས་ལས་ཡུན་ལོ་བཅུ་ཕྱོགས་སྡོམ་བྱེད་པ་ནི་རང་ཉིད་ཀྱི་སྐུལ་སློང་གསལ་བཤད་བྱས་པ་ཙམ་རེད།
དཀོན་མཆོག་ལ་སྨོན། རེ། ཞུ་བ་འཐེན། མཐེ་བོང་སློང་། མཐར་རང་དོན་མ་འགྲུབ་དུས་དཀོན་མཆོག་ལ་མཆིལ་ཞགས་འཕེན། ཡིད་ཆེས་བརླག སྡུག་ཡུས་བགྲང་། འདི་དུས་བབ་དང་ཁ་བརྡ་ཟིན་བྲིས་པ་སྐོར་ཞིག་གི་བྱེད་སྟངས་རེད། མ་གཞི་ཁོ་ཚོ་དཀོན་མཆོག་གསུམ་ལ་ཡིད་ཆེས་ཡོད་མ་མྱོང་། དྲང་པོ་ཡིན། སུ་ཞིག་མ་འཐད་ཀྱང་ཆོག
དྲ་གྲོགས་བོད་ཀྱི་མཛེས་མ་མིང་ཅན་གྱིས་གསུང་པ་བཞིན་༼གལ་སྲིད་༸གོང་ས་མཆོག་ས་གནས་ས་ཐོག་ཏུ་ཆིབས་བསྒྱུར་གནང་མ་ཐུབ་ཚེ་བོད་ཀྱི་བླ་ཆེན་ཞིག་གིས་སྣེ་ཁྲིད་འོག་སྐུ་ཚབ་ཚོགས་པ་ཞིག་ས་གནས་ས་ཐོག་ཏུ་ཆེད་གཏོང་གནང་སྟེ་ཤུལ་ལུས་མི་སེར་རྣམས་ལ་ཐུགས་གསོའི་འཚམས་གཟིགས་དང།་ས་ཡོམ་གྱི་གོད་ཆག་བྱུང་ས་རང་དུ་ཕྱི་སྡོད་བོད་མི་རྣམས་ཀྱི་ཚབ་མཚོན་རང་བཞིན་ལྡན་པའི་ཐོག་ནས་གཞི་རྒྱ་ཆེ་བའི་མཆོད་འབུལ་བསྔོ་སྨོན་ཞུ་དགོས།དེ་ལྟར་བྱུང་ན་ཤུལ་ལུས་བོད་མིའི་རེ་བ་ཅུང་ཙམ་བསྐང་ཐུབ་པ་རེད་ལ།ང་ཚོ་བྱེས་འབྱོར་རྣམས་ཀྱིས་མ་ལེན་མ་འགྱོད་པའི་དུས་ཐོག་ཆར་པའི་བྱ་བ་་རླབས་ཆེན་གྱི་བསྒྲུབ་ཐུབ་པ་རེད།༽ཞིག་གསུང་འདུག་པའི་དེ་ནི་བློ་ཟུར་བོར་གནས་པའི་བཀའ་མོལ་རེད་སྙམ།།
སྐུ་ངོ་ཟམ་གདོང་གིས་བཀའ་ཁྲིའི་ལས་ཡུན་ལོ་བཅུའི་རིང་འདིར་རྟགས་དང་རྟེན་འབྲེལ་འདྲ་བོ་མང་པོ་བསྒྲིགས་སོང་།
སྨོན་ལམ་བཏབ་བཞིན་ལོ་ངོ་མང་པོ་ཞེ་དྲགས་ཕྱིན་སོང་ཡིན་ཡང་དགྲ་དང་འབྱུང་བས་སྡང་བ་ཇེ་མང་རེད།ད་ནི་དཀོན་མཆོག་ཟེར་བ་དེ་ལ་ཡང་ཡིད་ཆེས་མེད་པ་ལྟ་བུ་ཆགས་ཡོང་གིན།
གལ་སྲིད་༸གོང་ས་མཆོག་ས་གནས་ས་ཐོག་ཏུ་ཆིབས་བསྒྱུར་གནང་མ་ཐུབ་ཚེ་བོད་ཀྱི་བླ་ཆེན་ཞིག་གིས་སྣེ་ཁྲིད་འོག་སྐུ་ཚབ་ཚོགས་པ་ཞིག་ས་གནས་ས་ཐོག་ཏུ་ཆེད་གཏོང་གནང་སྟེ་ཤུལ་ལུས་མི་སེར་རྣམས་ལ་ཐུགས་གསོའི་འཚམས་གཟིགས་དང།་ས་ཡོམ་གྱི་གོད་ཆག་བྱུང་ས་རང་དུ་ཕྱི་སྡོད་བོད་མི་རྣམས་ཀྱི་ཚབ་མཚོན་རང་བཞིན་ལྡན་པའི་ཐོག་ནས་གཞི་རྒྱ་ཆེ་བའི་མཆོད་འབུལ་བསྔོ་སྨོན་ཞུ་དགོས།དེ་ལྟར་བྱུང་ན་ཤུལ་ལུས་བོད་མིའི་རེ་བ་ཅུང་ཙམ་བསྐང་ཐུབ་པ་རེད་ལ།ང་ཚོ་བྱེས་འབྱོར་རྣམས་ཀྱིས་མ་ལེན་མ་འགྱོད་པའི་དུས་ཐོག་ཆར་པའི་བྱ་བ་་རླབས་ཆེན་གྱི་བསྒྲུབ་ཐུབ་པ་རེད།་མདོར་ན་གོ་སྐབས་རྒྱ་གཞུང་ལ་མ་སྤྲོད་པར་ང་ཚོས་ངོ་ནས་གོ་སྐབས་སྟངས་འཛིན་བྱེད་ཐུབ་པ་དགོས་ཀྱི་འདུག
ཏན་ཏན་རྟགས་དང་རྟེན་འབྲེལ་གྱི་ཁྱད་པར་ཡོད་པ་མ་ཟད་རྒྱལ་སྤྱིའི་རྒྱབ་སྐྱོར་དང་བོད་མིའི་ཞུ་གཏུག་བཅས་ལ་རག་ལས་ཀྱི་ཡོད།
ང་ཚོས་ངེས་པར་དུ་ཐབས་ཤེས་ཡོད་རྒུ་རྩལ་སྤྲུགས་ཀྱིས་འཛམ་གླིང་རྒྱལ་ཁབ་ཁག་ལ་ཞུ་གཏུག་བྱས་ཏེ་༸གོང་ས་མཆོག་ས་ཡོམ་གྱི་གོད་ཆག་བྱུང་སའི་ས་གནས་ས་ཐོག་ཏུ་ཕེབས་ཐུབ་པ་ཞིག་ངེས་པར་བཟོ་དགོས།་འདི་ནི་གོ་སྐབས་ཤིག་རེད་སྙམ།
འདི་ནི་ཆབ་སྲིད་ལ་འབྲེལ་བ་མེད་པར་རིགས་མཐུན་མི་རིགས་གཅིག་གི་ཆག་སྒོའི་དཀའ་ཁག་ལ་ཐུག་ཡོད་སྟབས་རྒྱ་གཞུང་གིས་ཀྱས་ཁས་མ་ལེན་རང་ལེན་རེད།
བཀའ་ཁྲི་མཆོག་གིས་དབུ་ཁྲིད་དེ་ད་ལེན་གོ་སྐབས་མ་ཤོར་བ་གནོང་རོགས་ཞུ་རྒྱུ་ཡིན།
ཏན་ཏན་རྟགས་དང་རྟེན་འབྲེལ་གྱི་ཁྱད་པར་ཡོད་འདོག་ཁ་པོ་རེད། དེར་བརྟེན་བོད་གཞིས་བྱེས་ཡོངས་ནས་ཕྱི་དངོས་པོའི་རོགས་རམ་དང་། ནང་ཕྱོགས་མཐའི་བོད་རིགས་གང་མང་ས་ཡོམ་ས་ཐོག་ཏུ་བསླེབས་ཐབས་བརྩོན་དགོས།