དེ་རིང་ངྷ་རམ་ས་ལའི་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་གནས་ཚུལ་འབྱོར་བའི་ནང་བཀོད་དོན། ཕྱི་ཚེས་ ༡༨ ཉིན་༸གོང་ས་སྐྱབས་མགོན་ཆེན་པོ་མཆོག་གིས་ཅི་སྟེ། རྒྱ་ནག་གཞུང་གིས་ཁས་ལེན་བྱས་ཚེ། མགོན་པོ་གང་ཉིད་ས་གནས་ས་ཐོག་ཏུ་འདས་པོ་རྣམས་ལ་བསྔོ་བ་སྨོན་ལམ་དང་། གསོན་པོར་འཚོ་ཞིང་ཡོད་པའི་རང་རིགས་སྤུན་ཟླ་རྣམས་ལ་སེམས་གསོའི་འབྲུ་ཆར་སྩོལ་ཕྱིར་ཆིབས་བསྒྱུར་གནང་འདོད་ཡོད་པའི་ཞལ་བཞེས་བཟང་པོ་ཐོབ་ཡོད། དེ་ལྟར་རླབས་ཆེན་གྱི་རེ་སྐུལ་དེར་རྒྱ་ནག་གཞུང་ཕྱོགས་ནས་ཀྱང་བཟང་སྤྱོད་ཀྱིས་དོ་སྣང་སྤྲད་དེ། ཕྱི་ཚེས་ ༢༠ ཉིན་རྒྱ་ནག་སྲིད་གྲོས་ཀྱི་ཀྲུའུ་ཞི་ཇཱ་ཆིང་ལིན་གྱིས་ཡོངས་ཁྱབ་རང་བཞིན་གྱི་ཕྱི་བསྒྲགས་བྱས་གསལ་ནང་། ཕྱི་རྒྱལ་དུ་ཡོད་པའི་བོད་རིགས་ཚོས་ད་རེས་ཀྱི་ས་ཡོམ་འགོག་གེགས་སེལ་གྱི་དོན་དུ་ཞལ་འདེབས་དང་མྱ་ངན་སོགས་ལུགས་མཐུན་གྱི་རིགས་རྣམས། དང་ལེན་བྱ་རྒྱུ་ཡིན་ཞེས་བརྗོད་ཡོད་པར་བརྟེན། ངེད་ཅག་གི་རེ་བར་ཕྱོགས་གཉིས་ནས་གོམ་གང་མདུན་སྤོས་ཐོག་ཡུལ་ཤུལ་མི་དམངས་ཀྱི་རེ་འདོད་དང་། ༸གོང་ས་མཆོག་གི་ཞལ་འདེབས་དང་མྱ་ངན་སོགས་ལུགས་མཐུན་གྱི་རིགས་རྣམས། དང་ལེན་བྱ་རྒྱུ་ཞེས་བརྗོད་ཡོད་པར་བརྟེན། ངེད་ཅག་གི་རེ་བར་ཕྱོགས་གཉིས་ནས་གོམ་གང་མདུན་སྤོས་ཐོག་ཡུལ་ཤུལ་མི་དམངས་ཀྱི་རེ་འདོད་དང། ༸གོང་ས་མཆོག་གི་ཞལ་བཞེས། རྒྱ་ནག་རྒྱལ་ཁབ་ཀྱི་སྙན་གྲགས་སོགས་སྒོ་ཀུན་ལ་ཁེ་ཕན་དང་དོན་སྙིང་ཟབ་མོ་ལྡན་པའི་བྱ་བཞག་ཅིག་ལེགས་འགྲུབ་ཡོང་རྒྱུར་གོ་སྐབས་བླ་ན་མེད་པ་ཞིག་ཡིན་པར་ཡིད་ཆེས་དང་། དེ་དོན་ལམ་ལྷོང་ཡོང་རྒྱུར་སྙིང་ཁུང་རུས་པའི་གཏིང་ནས་འདུན་པ་བཅང་གི་ཡོད་ལ། ངེད་ཚོགས་པའི་ངོས་ནས་ཀྱང་འཕྲལ་དུ་རྒྱུན་ལས་ཚོགས་བསྐོང་བྱས་ཏེ། གསོན་པོར་གནས་པའི་རང་རིགས་སྤུན་ཟླ་རྣམས་ཀྱི་ཁྱིམ་གཞིས་བསྐྱར་སྐྲུན་གྱི་ཆེད་དུ་ཧིར་སྒོར་འབུམ་གསུམ་ ༣༠༠༠༠༠ ཞལ་འདེབས་སུ་འབུལ་རྒྱུའི་ཐག་གཅོད་བྱས་པ་ཡིན། ཞེས་བཀོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
very good !!!!!!!!
སྒོར་འབུམ་གསུམ་པོ་ཇི་ལྟར་འབུལ་རྩིས་རེད། རབ་ཡིན་ན་དངོས་སུ་སྐྱེལ་བར་འགྲོ་དགོས་པ་རེད། དེས་ཡུལ་ཤུལ་མི་མང་གི་སེམས་པ་གསོ་ཐུབ་པ་མ་ཟད་རྒྱ་ནག་ལའང་ལན་ཞིག་ཡོང་ངེས། མཐའ་མ་ཡིན་ནའང་ལྡི་ལི་ཡི་རྒྱ་ནག་གཞུང་ཚབ་ཁང་ལ་སྤྲོད་དེ་ཁྱབ་བསྒྲག་བྱེད་ཀ་འཇུག་དགོས་པ་རེད།
བོད་ཀྱི་དགུ་བཅུ་གསུམ་ཚོགས་པའི་ངོས་ནས་ཞལ་འདེབས་ཧིན་སྒོར་གསུམ་འབུམ་ཐམ་པ་གནང་རྒྱུ་ཐག་གཅོད་བྱུང་བར་བསྔགས་བརྗོད་ཡོད་་རྡ་སའི་སྲང་ལམ་ཡོད་ཚད་ལ་ཚོགས་པ་སྐྱིད་སྡུག་གྲངས་ཀ་རྩིས་ཐུབ་ཚད་ཞིག་ཡོད་པ་དེ་རྣམས་གཉིད་བསད་རན་འདུག་གོ་།་དཀའ་ཚེགས་ཆེ་སར་ཁྱོད་ཚོ་ཕྱིར་ཤིག་མ་རྒྱོབ་ཨང།
ནམ་ལངས་ནས་གཉིད་སད་པ་ཡིན་ནའང་རེད་ཉི་མ་ཤར་ནས་གཉིད་སད་པ་ཡིན་ནའང་རེད། གང་ལྟར་གཉིད་སད་དགོས་པས་སྙིང་ནས་སྨོན། ད་དུང་ཚོགས་པ་ཁག་ཚང་མ་གཉིད་སད་རྒྱུ་ཡིན་པ་ངེས།
རྡ་སར་རྟེན་གཞི་བྱས་པའི་དགུ་བཅུ་གསུམ་ལས་འགུལ་ཁང་ནས་ཧིན་སྒོར་འབུམ་གསུམ་གསུམ་གྱི་ཞལ་འདེབས་གནང་རྒྱུར་ཐག་གཅོད་བྱུང་བ་དེ་དངོས་འབྲེལ་བྱ་བ་བཟང་པོ་རེད།
གཞུང་དང་། ཚོགས་པ། སྒེར་བཅས་ཚང་མས་ཕྱ་བ་གྲུ་འདེགས་ཀྱིས་གདུང་སེམས་མཉམ་བསྐྱེད་དང་སྐྱིད་སྡུག་མཉམ་མྱོང་བྱེད་རྒྱུར་མ་གྲོས་བསམ་པ་གཅིག་མཐུན་བྱུང་བཞིན་ཡོད་པ་དེ་རླབས་ཆེ་བའི་བྱ་བ་ཞིག་ཡིན་པ་སྨོས་ཅི་དགོས།
ཡག་པོ་འདུག ང་ཚོ་བོད་མི་སྤྱི་བོ་གནམ་བསྟན་ཡོངས་ཀྱིས་རང་རང་གི་ནུས་པ་དང་། འཇོན་ཚོད་ལ་དཔག་པའི་ལས་འགུལ་རེ་དང་དམ་བཅའ་རེ་འཇོག་ཐུབ་ན་ཧ་ཅང་ཡག་པོ་འདུག དེ་ལས་བཟློག་སྟེ་གཞན་ཚོགས་པ་ཁག་དང་གཞུང་ཁག་གིས་ལས་འགུལ་སྤེལ་ཚད་ལ་སྐྱོན་འདོགས་རེ་དང་དོགས་པ་རེ་བྱས་པས་ཅི་ལ་ཡང་མི་ཕན་སྙམ།
འདི་ནི་ཚོགས་པ་ཁག་གི་སྣེ་འཁྲིད་དང་གཉིད་སློང་ཅོང་བརྡ་ཞིག་ཏུ་འགྱུར་བར་སྨོན།
གོང་ས་སྐྱབས་མགོན་ཆེན་པོ་མཆོག་གི་འདི་འདྲ་ཞལ་བཟང་ཞིག་གནང་རྒྱུ་ལ་སྒུགས་ནས་སྡད་འདུག ཐུགས་རྗེ་བླ་ན་མེད་པ་ཆེ། དུས་ནམ་ཡང་ཁྱོད་ནི་བོད་མིའི་དོན་དུ་འཚོ་དགོས། ཁྱོད་ནི་བོད་མི་དང་བྲལ་ཐབས་མེད་པའི་བླ་སྲོག་གཅིག་པོ་བ་དེ་ཡིན། སེམས་པ་ཡོངས་སུ་ཚིམས་བྱུང་། ད་ནི་ཞུ་རྒྱུ་གང་ཡང་མེད།
བོད་ཀྱི་དགུ་བཅུ་གསུམ་ལས་འགུལ་ཁང་གི་མཛད་སྤྱོད་ཀྱིས་བཙན་བྱོལ་ནང་གི་ཚོགས་པ་ཁག་གི་གཉིད་སློང་བར་གྱུར་ཅིག
ཡག་པོ་འདུག