འོད་ཟེར་པོད་ཁུག་ལས་བསྒྱུར། ནགས་ཤོད་སད་མི།
ཐོག་མའི་བསམ་ཚུལ་ལྟར་ན། རྩོམ་པ་པོ་དང་། གསར་འགོད་པ་ཙི་ཁྲུན་ཡ་ནས་ཡུལ་ཤུལ་གནོད་ཁུལ་དུ་བཅར་འདྲི་ཞུས་པའི་སྐོར་གྱི་རྩོམ་ཡིག་ཞིག་《 ཀྲུང་གོའི་བདུན་རེའི་ཚགས་པར 》དུ་འགོད་རྒྱུ་རེད་མོད། ཡིན་ནའང་། རྩ་བ་ནས་འགོད་ཐུབ་མེད། དེ་ནི་ཁོང་གིས་དགེ་འདུན་པ་དང་བོད་ཀྱི་མི་སེར་ཚོའི་སྐོར་བཀོད་ཡོད་པས་རེད།
དཔེར་ན།“ཉིན་དེ་རང་གི་ཆུ་ཚོད་ ༡༢ ཡོལ་ཙམ་ཞིག་ནས། དགེ་འདུན་པ་ ༩༠༠ ཙམ་གནོད་ཐེབས་ས་གནས་སུ་འབྱོར་སོང་། བཀྲ་ཤིས་རྟ་རྒྱུག་ཐང་ཉེ་འཁྲིས་ཀྱི་ས་རོ་རྡོ་རོའི་ཁྲོད་ནས་དགེ་འདུན་པ་ཚོས་མི་ ༧༠༠ ལྷག་ས་འོག་ནས་བསློགས་སོང་། གཉིད་ལམ་ནང་གོད་ཆག་ཕོག་པའི་མི་འདི་ཚོ་དགེ་འདུན་པ་ཚོས་ཀམ་པ་ལི་དང་རས་ཆ་སོགས་ཀྱིས་འཐུམ་གྱིན་རེ་རེ་བྱས་ནས་བཀྲ་ཤིས་རྟ་རྒྱུག་ཐང་དུ་བསྐྱལ་སོང་། མི་མགོ་དྲུག་བརྒྱ་ལྷག་རྨས་ཕོག་ཡོད་ན་ཡང་། འཆི་སྐྱོན་ལས་ཐར་ཡོད་པ་རེད།”
“རི་ཁུག་འདིའི་ཁ་སྤྲོད་ཀྱི་རི་སྡེབ་ན། དགོན་པ་ ༡༠༠ ལྷག་ནས་འབྱོར་བའི་བོད་བརྒྱུད་ནང་བསྟན་གྱི་ཆོས་བརྒྱུད་ཆེན་མོ་བཞི་སྟེ། རྙིང་མ་པ་དང་། ས་སྐྱ་པ། བཀའ་བརྒྱུད་པ། དགེ་ལུགས་པ་བཅས་ཀྱི་སེར་མོ་བ་ ༧༠༠༠ ལྷག་དམར་སྨུག་གི་ཆོས་གོས་མནབས་ཏེ། གྲལ་འགྲིག་པོའི་སྒོ་ནས་སྤྱན་རས་གཟིགས་ཀྱི་གཟུངས་སྔགས་དང་། བྱང་ཆུབ་སྙིང་པོ། བཟང་སྤྱོད་སོགས་འུར་འདོན་བྱས། ཕུང་པོ་ཞུགས་འབུལ་བྱ་སའི་རི་སྡེབ་ཀྱི་ཐོད་དུ་སྐྱེ་རྒུ་དགོན་པའི་བསྟན་པ་རིན་པོ་ཆེས་དབུ་ཁྲིད་དེ་དགེ་འདུན་པ་བདུན་གྱིས་མེ་མཆོད་གྱི་ཆོ་ག་ཕྱག་ལེན་མཛད། དེ་སྔོན་ལྷའི་དཀྱིལ་འཁོར་བཞེངས་གནང་སྐབས་གསོག་ཉར་བྱས་པའི་རྡུལ་མཚོན་དག་ཀྱང་དགེ་འདུན་པ་ཚོས་མེ་ལྕེ་འུར་འུར་དུ་འབར་ཞིང་། དུ་ལོང་ནམ་མཁར་འཕྱུར་བའི་ཁོག་གསེང་དུ་གཏོར། ”
ཁོང་གིས་ང་ལ་རྩོམ་ཡིག་མཁོ་འདོན་གནང་བ་ཐུགས་རྗེ་ཆེ། དེ་དང་མཉམ་དུ་ཁྱེད་རྣམ་པས་ཀྱང་རྒྱུ་ཆ་འདི་ཚོ་བརྒྱུད་འགོད་དང་། ཁྱབ་བསྒྲགས་བྱ་རོགས་གྱིས། དེ་ལྟར་མ་བྱས་ཚེ།“དགེ་འདུན་པ་འདི་ཚོ་ལ་ཧ་ཅང་གིས་འདྲ་མཉམ་མ་བྱས་པ་རེད། བརྒྱུད་ལམ་འདི་ཚོས་བོད་མིའི་སེམས་ནང་གི་ཚོར་བ་ངོ་མར་སྣང་ཆུང་བྱེད་རྐྱང་བྱེད་ཀྱི་འདུག་ལ། སྲིད་གཞུང་གིས་ནི་གཅིག་མིན་གཉིས་མིན་གྱིས་རང་ཉིད་མཛེས་བཟོ་ལ་རེམ་གྱིན་འདུག་ཟེར།
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
རྒྱ་ཡི cctv དོ་ཡ་ལ། འོད་ཟེར་ལགས་ཀྱི་ཟིན་བྲིས་འདི་ཚོ་ལས་གཞུང་སྒེར་སུའི་དྲ་རྒྱས་ཀྱང་ནུས་པ་ཐོན་མེད།
བོད་མི་རིག་ལ་ལྷག་བསམ་རྣམས་དག་བྱེད་མཁན་ནི་དགེ་འདུན་རྣམས་པ་རེད་
བོད་ལ་བསྡུག་གྱོང་མནར་བཅོད་བཏང་མཁན་ནི་རྒྱ་ནག་གཞུང་རེད་
དེས་ན་བཟང་ངན་མ་ནོར་བ་གྱིས་ཤིག་རྩམ་པ་ཟ་མཁན་ཚོ།
ནམ་ཀུན་གྲྭ་བར་བོད་ཕྱི་ནང་གཉིས་ཀས་སྡང་ས་ཞིག་ཡིན་ཀྱང༌། ད་རེས་ཀྱི་དོན་རྐྱེན་འདིའི་བོད་ཕྱི་ནང་གཉིས་སུ་དད་པའི་ས་བོན་ཅུང་ཟད་སྐྱེ་བའི་དགེ་བ་ཡང་ཡུལ་ཤུལ་གྱི་སྤུན་ཟླ་འདས་སོན་རྣམས་ལ་བསྔོ་བ་བྱའོ།
དུས་སུ་བབ་པའི་ཆར་དང་སྐབས་སུ་བབ་པའི་གཏམ་གྱི་དཔེ་ལྟར་ནགས་ཤོད་སད་མི་མཆོག་ནས་དུས་ཐོག་ཏུ་བསྒྱུར་བར་བཀའ་དྲིན་ཆེ་ཞུ།
ང་ཚོ་བོད་པར་འུ་ཐུག་དུས་བླ་མ་དང་། གྲྭ་པ་གཉིས་ལས་རེ་ས་སུ་ཡང་མི་འདུག ཁོང་རྣམས་ལ་རྗེས་སུ་ཡིད་རང་ཡོད། སྔོན་ཆད་ཚིག་ངན་ཤོར་བར་སྙིང་ནས་བཟོད་པར་གསོལ།
སྐྱོན་ངན་མང་པོ་ཞིག་ནི་ཡོང་ཚར། དེ་ལ་བཟོ་བཅོས་བཏང་རྒྱུ་གང་ཡང་ལྷག་མེད། བོད་ཀྱི་དྭ་ཕྲུག་རྣམས་ལ་སྤྱི་སྒེར་མང་པོས་ཐུགས་བསམ་བཞེས་ཏེ། བོད་པའི་སློབ་གྲྭ་ཞིག་ནང་དུ་བསྐྱེལ་ཐུབ་ན་ཡག་པོ་རེད།
བྱས་ཙང་། ངས་དགྱ་ནག་གིས་ད་རེར་གོ་སྐབས་ཤིག་དམ་འཛིན་བྱེད་ཀྱི་འདུག་ཅེས་བཤད་པ་ཡིན།
བོད་མིར་ཕན་ཐོགས་མཁན་ཚང་མ་དགྲ་དམར་གཞུང་གིས་དགྲ་བོར་བརྩི་གི་རེད། བོད་མི་རིགས་དགའ་ས་ཡོད་ཚད་རྒྱ་དམར་གཞུང་གིས་དུག་ནང་བཞིན་བརྩི་གི་རེད། རྒྱ་ནག་གི་བྱེད་སྤྱོད་མ་རབས་འདིས་བོད་མི་རིགས་ལ་མནར་གཅོད་ཚད་མེད་ཕོགས་ཀྱིན་ཡོད་པ་མ་ཟད། རྒྱ་ནག་གཞུང་དང་རྒྱ་མི་རིགས་ལ་ཡང་རྒྱལ་སྤྱིའི་ཐོག་མཛེ་ནད་ཅན་ནང་བཞིན་ལྟ་ཚུལ་ངན་པ་བསྐྲུན་ཡོད།
ངས་ཚེས་ ༢༠ ཉིན་སྐྱེ་རྒུ་མདོ་ས་ཁུལ་ལ་ཉིན་རེར་ཐེངས་ཉི་ཤུ་ནས་སུམ་བཅུ་བར་འབྲེལ་བ་བྱེད་མཁན་ཞིག་ལ་བཅར་འདྲི་ཞིག་བྱས་པ་ཡིན། སྐབས་དེར་བཅར་འདྲི་བྱེད་ཡུལ་དེས་བརྗོད་དོན་ལ། སྐྱེ་རྒུ་མདོ་ས་ཁུལ་གྱི་དྭ་ཕྲུག་སྟོང་ཕྲག་གཅིག་པེ་ཅིང་གི་སློབ་གྲྭ་གྲགས་ཆེ་བ་ཞིག་གིས་ལེན་རྒྱུ་ཡིན་པའི་ཁས་ལེན་བྱས་ཡོད་འདུག་ལ། མགྱོགས་མྱུར་དྭ་ཕྲུག་དེ་དག་བསྡུ་བར་ཡོང་གི་ཡོད་འདུག་པའི་གླེང་གི་འདུག དྭ་ཕྲུག་ཚོ་ལ་སློབ་སྦྱོང་སྤྲོད་རྒྱུའི་བསམ་བློ་གཏོང་བར་ཡག་པོ་ཡིན་པའི་ངོས་འཛིན་བྱེད་བཞིན་འདུག་ཀྱང་། སྐྱེ་རྒུ་མདོ་ས་ཁུལ་གྱི་བོད་མི་ཚོའི་སེམས་ཁྲལ་ཆེ་ཤོས་ནི་བོད་ཕྲུག་དེ་དག་མ་འོངས་པར་སོ་སོ་བོད་མི་ཡིན་པ་མི་ཤེས་མཁན་ཞིག་དང་། བོད་ཀྱི་ཐུན་མིན་རིག་གཞུང་གི་དྲི་མ་མེད་པའི་མི་རབས་ཤིག་ཏུ་འགྱུར་བར་སེམས་ཁྲལ་བྱེད་བཞིན་འདུག དེར་བརྟེན་སྐྱེ་རྒུ་མདོ་ས་ཁུལ་རང་དུ་སློབ་གྲྭ་རྒྱག་ཐབས་སམ་ཡང་ན་བོད་མི་འདུས་སྡོད་ཀྱི་ས་ཁུལ་ཁག་གི་སློབ་གྲྭར་གཏོང་བའི་རེ་བ་བྱེད་བཞིན་འདུག འདིའི་སྐོར་ཚེས་ ༢༠ ཉིན་གྱི་ཨ་རིའི་རླུང་འཕྲིན་དུ་བཏང་ཡོད་པས་དེ་ནས་ཆ་ཚང་གསན་ཐུབ།
ཆོས་བྱེད་མི་ཡིན་ཁ་ལ།།
སངས་རྒྱས་སྟོང་རྩ་ཡོད་ཀྱང་།།
འགག་རྩ་སྡུག་ལ་ཐུག་དུས་།།
འདེ་འདུན་པ་ལས་མི་འདུག།
དེ་ད་ལོས་ཡིན། སེམས་ཅན་གྱི་དོན་དུ་འཁོར་བར་བསམ་བཞིན་དུ་སྐྱེས་པ་བཞེས་པ་རེད།
ང་ཚོའི་བོད་པའི་གྲྭ་པ་དེ་ཚོས་དངོས་གནས་ཕན་ཐཽག་ཀྱིན་འདུག་ག་
དགེ་འདུན་པ་ལ་ཕྱག་འཚལ་ལོ།
ང་ཚོ་སྒང་བ་ཚང་སྡུག་ཐུག་དུས་དགེ་འདུན་པ་མ་གཏོགས་སྐྱོབ་མཁན་མེད་པ་ཤེས་པར་གྱུར་ཅིག།
བླ་མ་ལ་སྐྱབས་སུ་མི་འཆི། ཆོས་ལ་སྐྱབས་སུ་མི་འཆི།
དགེ་འདུན་ལ་སྐྱབས་སུ་འཆིའོ།།