བཙན་བྱོལ་བོད་གཞུང་དང་ལྷག་པར་དུ་བཞུགས་སྒར་ཁུལ་གྱི་གཞུང་མང་གིས། ཟླ་འདིའི་ཟླ་མཇུག་དང་ཟླ་རྗེས་མའི་ཟླ་མགོར་རྒྱ་གར་ཧི་མཱ་ཅལ་མངའ་སྡེར་ཐུགས་རྗེ་ཆེ་ཞུའི་ལས་འགུལ་སྤེལ་རྒྱུ་ཡིན་འདུག
དེ་རིང་ཞོགས་པའི་ཆུ་ཚོད་ ༡༠ སྟེང་གངས་ཅན་སྐྱིད་གཤོངས་བོད་གཞུང་ཕྱི་དྲིལ་ལས་ཁུངས་ཀྱི་ལྷག་པ་ཚེ་རིང་ཚོགས་ཁང་དུ། ཧི་མཱ་ཅལ་ལོ་ ༥༠ དུས་དྲན་ཚོགས་ཆུང་ནས་གསར་འགོད་གསལ་བསྒྲགས་ཤིག་སྤེལ་ཏེ། ཟླ་འདིའི་ཕྱི་ཚེས་ ༣༠ ཉིན་དང་ཟླ་རྗེས་མའི་ཕྱི་ཚེས་ ༡ ཉིན་ཏེ། ཉིན་གཉིས་རིང་༧གོང་ས་མཆོག་བཞུགས་སྒར་དུ་ཕྱི་ལོ་ ༡༩༦༠ ལོའི་ཟླ་ ༤ཚེས་ ༣༠ ཉིན་ཞབས་སོར་བཀོད་དེ་ལོ་ ༥༠ འཁོར་བའི་རྗེས་དྲན་དང་། ཧི་མཱ་ཅལ་མངའ་སྡེ་གཞུང་མང་ལ་ཐུགས་རྗེ་ཆེ་ཞུ་རྒྱུ་ཡིན་ཟེར།ཉིན་དེར་ཧི་མཱ་ཅལ་ལོ་ ༥༠ དུས་དྲན་ཚོགས་ཆུང་གི་ཚོགས་གཙོ་བཀྲ་ཤིས་ནོར་བུ་ལགས་ཀྱིས་གསུངས་དོན། ཉིན་དང་པོའི་མཛད་སྒོ་ངྷ་སའི་ཉེ་འཁྲིས་ངྷ་རི་ཐང་དུ་སྔ་དྲོ་ཆུ་ཚོད་ ༩ ནས་ ༡༠ དང་སྐར་མ་ ༡༥ བར་གནང་རྒྱུ་དང་། མཛད་སྒོའི་སྐབས་༧གོང་ས་མཆོག་དབུ་བཞུགས་ཐོག་སྐུ་མགྲོན་གཙོ་བོ་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས། པྲེམ་ཀུ་མར་ངྷ་ལམ་མཆོག་ཆེད་ཕེབས་གནང་རྒྱུ། ཉིན་རྒྱབ་ཆུ་ཚོད་ ༡ ནས་ ༥ བར་བོད་གཞུང་སྨན་རྩིས་ཁང་ནས་ཁོང་ལ་རིན་མེད་ཐོག་བརྟག་དཔྱད་དང་སྨན་སྦྱིན་གནང་རྒྱུ་ཡིན།
དེ་བཞིན་ཆུ་ཚོད་ ༣ ཐོག་ངྷ་ཤོད་དུ་ཡོད་པའི་ཀང་རཱའི་སྒྱུ་རྩལ་འགྲེམ་སྟོན་ཁང་དུ་མེས་པོ་དམ་པ་གྷན་ངྷི་མཆོག་དང་༧གོང་ས་མཆོག་གི་ཞི་བདེ་དང་འཆན་མཐུན་གྱི་བསླབ་བྱ་དང་འབྲེལ་བའི་སྐུ་པར་འགྲེམ་སྟོན་ཞིགམངའ་སྡེའི་བཟོ་གྲྭའི་བློན་ཆེན་ཀིར་ཤན་ཀ་པུར་མཆོག་ནས་དབུ་འབྱེད་གནང་རྒྱུ་ཡིན།
ཉིན་གཉིས་པར་ཐེག་ཆེན་ཆོས་གླིང་གཙུག་ལག་ཁང་དུ་སྔ་དྲོ་ཆུ་ཚོད་ ༡༠ ཐོག་གནང་རྒྱུ་དང་། དེའི་ཐོག་རྒྱ་གར་དབུས་གཞུང་གི་བློན་ཆེན་བྷིར་བྷ་དར་སིང་མཆོག་མཛད་སྒོ་དབུ་འབྱེད་དང་། མཛད་སྒོའི་སྐབས་ངྷ་སའི་ཡུལ་མི་རྒན་རབས་ཁག་ཅིག་ལ་གུས་བཀུར་ཆེ་བསྟོད་ཞུ་རྒྱུ་ཡིན། ཞེས་གསུངས་ཡོད།
ཁོང་གིས་ད་དུང་དེ་སྔོན་༧གོང་ས་མཆོག་ས་གནས་འདིར་ཕེབས་སྐབས་ངྷ་ས་ཁུལ་གྱི་རྒྱ་གར་གྱི་ཞི་དྲག་དཔོན་རིགས་དང་། མང་ཚོགས་ཚོས་ལག་ཏུ་མེ་ཏོག་བཟུང་ནས་མེ་ཏོག་གི་ཕྲེང་བ་ཕུལ་ཏེ་ཁོང་ལ་དགའ་བསུའི་སྣེ་ལེན་གཟབ་རྒྱས་གནང་བར་མ་ཟད།སྣེ་ལེན་སྐབས་༧གོང་ས་མཆོག་ལ་ཁོང་ཉིད་ཕྱིར་བོད་དུ་མ་ཕེབས་པར་ས་གནས་འདིར་བཞུགས་རོགས་ཞེས་སྐྱབས་འཇུག་ཀྱང་ཞུས་ཡོད།
དེ་བཞིན་ངྷ་ས་ལྟ་བུར་མཚོན་ན་ད་ལྟའི་བོད་ཀྱི་རྒྱལ་ས་གཉིས་པ་ལྟ་བུ་ཞིག་གི་ངོ་བོའི་ཐོག་བཙན་བྱོལ་བོད་གཞུང་གི་བསྟི་གནས་ཆགས་ཐུབ་པ་བྱུང་བ་དང་། མི་མང་གིས་༧གོང་ས་མཆོག་ལ་གུས་བཀུར་ཚད་མེད་བྱེད་ཀྱིན་ཡོད། ལོ་སྔོན་མའི་ཟླ་གསུམ་པ་ནས་ད་ལོའི་ཟླ་གསུམ་པ་བར་དུ་རྒྱ་གར་གཞུང་མང་ལ་ཐུགས་རྗེ་ཆེ་ཞུའི་ལས་འགུལ་གྲུབ་ཟིན་ནའང་། འདིར་བསྐྱར་དུ་ཧིམ་མཱ་ཅལ་མངའ་སྡེར་༧གོང་ས་མཆོག་བཞུགས་སྒར་དུ་ཕེབས་ནས་ལོ་ ༥༠ འཁོར་བར་རྗེས་དྲན་དང་ཐུགས་རྗེ་ཆེ་ཞུའི་ལས་འགུལ་སྤེལ་རྒྱུར་བོད་གཞུང་བཀའ་ཤག་ནས་གཏན་འབེབས་གནང་ཡོད་ཅེས་སོགས་གསུངས་ཡོད།
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
རོགས་སྐྱོར་གནང་བ།
༄༄།། ད་ལམ་ཉག་ཕྲ་བའི་དུས་སྐབས་འདིར་རང་བྱུང་ཁོར་ཡུག་ལ་ས་ཡོམ་གྱི་གནོད་འཆེ༹་འོག། འཇ༹མ་གླིང་ཕྱོགས་གང་ས་དང་ལྷག་པར་དུ་རང་རིགས་བོད་ཀྱི་ཡུལ་ཤུལ་ས་ཁུལ་སྐྱེ་རྒུ་གྲོང་སྡེ་དང། རོང་པོ་ སྐར་མདའ་ འབྲོག་མདའ་ ཁྲུན་འདུ་ ནང་ཆེན་བཅས། ས་ཕྱོགས་གང་ས་ལ་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད་པར་བརྟེན། དཔལ་ལྡན་དགོན་ར་ཉག་ཕུན་ཆོ༹གས་ཐེག་ཆེན་གླིང་གི་ཁྲི་པ་སྐྱབས་རྗེ་ལྡན་མ་ཁམས་མགྱོགས་རིན་པོ་ཆེ་མཆོག། ས་ཡོམ་གྱི་རྐྱེན་ངན་བྱུང་བ་གསོན་མ་ཐག་མྱུར་དུ་ Taiwan ནས་མཁའ་ལམ་རྒྱུད་ཟིར་ལིང་ལ་ཕེབས། དེ་ནས་ཁོང་གི་ཐབས་ཤེས་རྒྱུད་དམིགས་གསལ་སྨན་པ་ཁ་ཤས་ཁྲིད་ནས་ཡུལ་ཤུལ་ས་ཁུལ་དུ་ཕེབས་འདུག་པ་མ་ཆ༹ད། ར་ཉག་དགོན་པའི་དགེ་འདུན་པ་ ༡༧༠ དང་ལྷན་དུ་མི་རྒྱུ་གཉིས་གི་ཐོག་རོགས་རིམ་རྒྱ་ཆེར་གནང་འདུག། ལྷག་པར་དུ་ར་ཉག་དགོན་པའི་དགེ་འདུན་པ་ཆོ༹འི་ས་འོག་ནས་བོད་རིགས་ཉིས་བརྒྱ་ལྷག་གི་ཆེ༹་སྲོག་སྐྱོབ་གནང་ཡིན་པ་རེད། སྤྱིར་གནས་ཆུ༹ལ་གོ་དོན་ལྟར་ན། ཁམས་མགྱོགས་རིན་པོ་ཆེ་དགོན་པ་གསར་པ་ཧ་ཅང་གི་ལེགས་གྲུབ་བྱུང་ཡོད་ཀྱང་ཡིན་ན་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད། འོན་ཀྱང་ཁོང་གིས་གནས་ཆུ༹ལ་དེ་དག་ལ་མ་གཟིགས་ནས་རང་རིགས་སྤུན་ཟླ་ཤུལ་ལུས་རྒྱ་ཆེར་མི་དམངས་ཡོངས་ཀྱི་ཆེད་དུ་དམིགས་སྟེ། ད་ལྟ་བར་དུ་འགྲོ་སོང་གཏོང་ཆོ༹ད་བྱས་ན། གྲོ་འབྲས་རྒྱ་མ་༡༢༠༠༠ ཅ༹མ་པ་རྒྱ་མ་༡༥༠༠ མར་རྒྱ་མ་༡༠༠༠ ཐུག་པ་ཤོག་སྒམ་༡༠༠༠ ཉལ་ཆས་༣༠༠༠ གྱོན་ཆས་༢༥༠༠ རས་གུར་༡༠༠ དེ་མིན་ཟས་རིགས་འདྲ་མིནདང་ ཉམ་ཐག་དབུལ་པོ་ཁྱིམ་ཆ༹ང་རེ་ལ་སྒོར་༣༠༠ གནང་ཡོད། བསྡོམས་པས་རྒྱ་སྒོར་ཁྲི་ ༢༡༥ ལྷག་གཏོང་ཟིན་ཀྱང་ད་དུང་ཡོང་མི་མཐུད་ནས་གནང་རྩིས་ཡིན་འདུག། དེ་ཡང་མ་ཆ༹ད་རིན་པོ་ཆེ་ཁོང་གིས་ཤུལ་ལུས་ཡོངས་ཀྱི་ཆེད་དུ་དམིགས་ནས་ཕྱི་རྒྱལ་ཡུལ་གྲུ་དང་རྒྱ་ནང་གི་ཆོ༹གས་པ་ཁག་སོ་སོ་ལ་རོགས་རིམ་འབོད་བསྐུལ་གནང་འཆར་ཡིན་འདུག་པ་མ་ཆ༹ད་ཁོང་གིས་གསར་འཇུ༹གས་གནང་བ་སྨོན་ལམ་ཆོ༹གས་ཆུང་རྒྱུད། ཆེ༹་འདས་ཡོངས་ཀྱི་ཆེད་དུ་ཉིན་ལྟར་སྐྱབས་གནས་འཕགས་པའི་དགེ་འདུན་པ་རྣམས་ཀྱི་བསྔོ་བ་སྨོན་ལམ་དང་མི་དམངས་བརྒྱ་ཕྲག་དུ་མ་ནས་འཕགས་མཆོག་སྤྱན་རས་གཟིགས་ཀྱི་གཟུངས་སྔགས་འབུམ་ཆོ༹གས་ཆོ༹གས་ཀྱི་ཡོད་རེད་ཟེར། གོང་གི་གནས་ཆུ༹ལ་དེ་དག་ས་གནས་དགོན་པའི་གྲ་བློ་བཟང་གི་གསུང་པ་ལྟར་བྲིས་ཡིན། སྤྱིར་གསར་འགྱུར་རྒྱུད་ལམ་ཁག་ནས་གནས་ཆུ༹ལ་སྤེལ་བ་ལྟར་ན། རང་ཡུལ་གངས་ཅན་ལྗོངས་ནས་ཆོལ་ཁ་སོ་སོ་དགོན་སྡེ་ཁག་དང་བླ་ཆེན་རྣམ་པ་གཅོ༹ས་རང་རིགས་བོད་ཀྱི་ཡུལ་ཤུལ་ས་ཁུལ་ལ་རོགས་རིམ་རྒྱ་ཆེར་གནང་ཡོད་པ་མ་ཆ༹ད། ཕྱི་རྒྱལ་ཡུལ་གྲུ་ཁག་སོ་སོ་དང་ སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་དབུས་རིས་མིན་བླ་ཆེན་རྣམ་པ་དང་དགོན་སྡེ་ཡོངས་ཀྱི་རོགས་རིམ་གནང་ཡོད་པས་འདིར་མ་བྲིས་སོ།།
ཧིམ་ནི་གངས་ཏེ་རི་གཟུགས་སུ། །
མྰ་ནི་ཨ་མའི་ཚུལ་བཟུང་ནས། །
ཅལ་ནི་པང་བར་འཚོ་བཞུགས་པ། །
མངའ་སྡེ་དེ་ལ་ཐུགས་རྗེ་ཆེ། །
ཞུ་མཁན་ང་དགུའི་ལོ་ནས་བཟུང་། །
སྐྱབས་བཅོལ་གནས་འཁོད་བོད་ཀྱི་མི། །
ང་འདྲར་སྔར་བྱས་རོགས་ཕན་དང་། །
ཕྱི་འབྱུང་མི་རབས་རྣམས་ཀྱི་ཕྱིར། །
དྷནཡེཝཱད། ཅེས་གྲངས་མེད་ཞུ། །
བསྡོམས་འདི་བཟོ་གང་འདྲ་ཡིན་ནམ། ༢༠༡༠ལོའི་ཡིན་ནམ། ༡༩༦༠ལོའི་སྡོམ་འབོར་ཡིན། ཤེས་ཚད་དང་ལས་དོན་ཚགས་ཚུད་ཟེར་ན་ད་འདི་བཟོ་ལ་བཤད་ཀྱི་ཡོད་ནི་རེད། རྡ་ས་ལ་སློབ་ཕྲུག་མི་འདུག་ལ་ མི་འབོར་ཡང་མི་འདུག བསྡོམས་འབོར་ནི་ཐེར་ཆེན་གསུམ་ཡིན་ཞེས་འཁོད་འདུག