ལྡེར་ལྡུན་ཁུལ་གྱི་བོད་མི་རྣམས་ཀྱིས་སྐྱེ་རྒུ་མདོའི་ཚེ་སྲོག་ཤོར་མཁན་རྣམས་ལ་བདུན་ཚིགས་དང་པོའི་མཆོད་འབུལ་བྱས་ཡོད་པ་རེད།
འབྲེལ་ཡོད་ཀྱིས་འདི་གར་བཏང་གནས་ལྟར་ན། དཔལ་ས་སྐྱ་༧གོང་མ་བདག་ཁྲི་རིན་པོ་ཆེའི་བཀའ་དགོངས་འོག་ས་སྐྱ་སྒྲོལ་མ་ཕོ་བྲང་དང་ངོར་ཀླུ་ལྡིང་བླ་བྲང་གཉིས་ཀྱི་མཐུན་འགྱུར་འོག ཉེ་ཆར་ཁམས་སྐྱེ་དགུ་མདོར་ས་ཡོམ་གྱི་གོད་ཆག་འོག་བོད་མི་བརྒྱ་ཕྲག་མང་པོ་ཚེ་སྲོག་ཤོར་བ་རྣམས་ཀྱི་ཆེད།
བདུན་ཚིགས་དང་པོ་དང་སྟབས་སྟུན་དྷེ་ར་དུན་མངའ་ཁུལ་དུ་ཡོད་པའི་ས་དགོན་ཡོངས་རྫོགས་ལྷན་འཛོམས་ཐོག་ཉིན་གསུམ་རིང་མཆོད་འབུལ་ཟབ་རྒྱས་ཤིག་ཚོགས་གནང་སོང་།
དེ་ཡང་ངོར་མ་དགོན་དུ་དགེ་འདུན་པ་བགྲེས་པ་སུམ་བརྒྱ་ལྷག་གིས་ཚོགས་མགོན་དུ་དཔལ་ས་སྐྱའི་༧བདག་ཆེན་འཁོན་གདུང་སྐུ་བགྲེས་རིན་པོ་ཆེ་མཆོག་དང་ངོར་༧ཤར་ཆེན་ཀླུ་ལྡིང་མཁན་ཆེན་རིན་པོ་མཆོག་དང་ངོར་ཁྲི་པ་ཀླུང་ལྡིང་མཁན་པོ་ཞབས་དྲུང་རྣམ་པ་བཅས་དབུ་བཞུགས་ཐོག་ཀུན་རིག་བྱང་ཆོག་ཉིན་གསུམ་རིང་ཚོགས་ཏེ་ཉིན་མཐའ་མར་གཤིན་པོ་རྣམས་ཀྱི་མིང་བྱང་ཡང་སྲེགས་གནང་སོང་།
གཞན་ཡང་ངོར་གསང་ཆེན་བརྒྱུད་གྲྭ་རུ་༧སྐྱབས་རྗེ་བདག་ཆེན་འཁོན་གདུང་སྐུ་གཞོན་རིན་པོ་ཆེ་དབུ་བཞུགས་ཐོགས་མཁན་པོ་བླ་སྤྲུལ་དང་གྲྭ་བཙུན་བདུན་བརྒྱ་ལྷག་གིིས་ཉིན་གསུམ་རིང་སྨོན་ལམ་ཚོགས་གནང་སོང་།
ཕྱི་ཚེས་ཉེར་གསུམ་ཉིན་དཔལ་ས་སྐྱའི་མཐོ་རིམ་སློབ་གྲྭའི་གོ་སྒྲིག་འོག བླ་ཆེན་རྣམ་པ་དབུ་བཞུགས་ཐོག་བཙུན་མའི་མཐོ་སློབ་བརྩེ་ཆེན་བཤད་སྒྲུབ་བསམ་གཏན་ཕུན་ཚོགས་གླིང་དུ་མཁན་པོ་བླ་སྤྲུལ་དང་གྲྭ་བཙུན། གཞན་ཡང་དེར་བཞུགས་གླིང་ཚང་གཞིས་ཆགས་ཀྱི་གཞིས་མི་མང་ཚོགས་དང་། ཐེ་ཝན་སོགས་ནས་ཕེབས་པའི་ཕྱི་རྒྱལ་བ་ཁག་ཅིག་ཏེ་ཁྱོན་མི་དམངས་སྟོང་ཚོ་གཅིག་དང་ཕྱེད་ལྷག་འདུ་འཛོམས་ཐོག་ཚེ་སྲོག་ཤོར་བ་རྣམས་ཀྱི་ཆེད་ཉིན་གཅིག་སྨོན་ལམ་དང་མཆོད་འབུལ་ཟབ་རྒྱས་ཤིག་གནང་སོང་། སྤུ་རུ་ཝ་ལ་མ་དགོན་བཤད་གྲྭ་ནས་དགྲ་བཅོམ་པ་ཆོས་སྐྱབས་ཀྱིས་གནས་ཚུལ་མཁོ་འདོན་བྱས།
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
སྐྱོ་བ་ལ་བོད་མི་བདེ་སྡུག་ལ་བོད་གཞུང་གིས་མི་གཟིགས་པར། ཆོས་ལུགས་ག་གེ་མོས་གཟིགས་དགོས་འཁེལ་འདུག དངོས་གནས་དགའ་ལྡན་ཕོ་བྲང་འདི་ཉིད་དོན་གྱི་དགའ་ལྡན་བླ་བྲང་ཚང་རེད་འདུག ཧཧཧཧཧཧཧཧཧཧཧཧཧཧཧཧཧཧ
thank you so much sakya committe.
Long live the His Holiness the Sakya Trizing Rinpoche.
To Bliss your wishes for people of yulshul.