ཀཾ་ཚང་གི་དགོན་པ་ཆེ་ཁག་ ༣༡ གིས་ས་ཡོམ་ཁྲོད་རྐྱེན་འདས་སོང་བ་རྣམས་ཀྱི་བདུན་ཚིགས་འཚོགས་སྟངས་གསལ་བསྒྲགས་གནང་ཡོད་པ་རེད།
ཀརྨ་པའི་སྤྱི་ལས་ཁང་གིས་དེ་རིང་གསལ་བསྒྲགས་སྤེལ་དོན། འདི་ལོའི་བཞི་བཅུ་བཞིའི་ཉིན་མོར་ཁམས་སྐྱེ་རྒུ་མདོར་ས་ཡོམ་རྒྱུག་སྟེ་བོད་ཀྱི་གྲོང་ཁྱེར་མི་ཆུང་བ་ཞིག་རྗེས་ཤུལ་ཙམ་དུ་གྱུར་པ་དེར་ཕྱི་ནང་གི་མི་རིགས་མང་པོས་གདུང་སེམས་མཉམ་བསྐྱེད་གནང་བའི་ཆ་ཤས་ཤིག་ལ། དཔལ་རྒྱལ་དབང་ཀརྨ་པ་མཆོག་གིས་གསོན་པོ་རྣམས་ལ་ཉེན་སྐྱོབ་ཀྱི་རོགས་རམ་དང་སྐྱབས་དམིགས། གཤིན་པོ་རྣམས་ལ་བསྔོ་སྨོན་གང་ཟབ་བགྱིས་ཤིང་། ལྷག་པར་གདན་ས་རུམ་བཏེག་བཤད་སྒྲུབ་ཆོས་འཁོར་གླིང་སོགས་ཀཾ་ཚང་གི་དགོན་པ་ཆེ་ཁག་ ༣༡ ལ་བདུན་ཚིགས་དང་པོ་སྟེ། ༢༠༡༠ ལོའི་ཕྱི་ཟླ་ ༤ ཚེས་ ༢༤ ཉིན་མི་འཁྲུགས་པའི་ཆོ་ག བདུན་ཚིགས་གཉིས་པ་སྟེ་ ༢༠༡༠ ལོའི་ཕྱི་ཟླ་ ༥ ཚེས་ ༡ ཉིན་འོད་ཆོག བདུན་ཚིགས་གསུམ་པ་སྟེ་ ༢༠༡༠ ལོའི་ཕྱི་ཟླ་ ༥ ཚེས་ ༨ ཉིན་རྡོར་སེམས། བདུན་ཚིགས་བཞི་པ་སྟེ། ༢༠༡༠ ལོའི་ཕྱི་ཟླ་ ༥ ཚེས་ ༡༥ ཉིན་ཀུན་རིག བདུན་ཚིགས་ལྔ་པ་སྟེ་ ༢༠༡༠ ལོའི་ཕྱི་ཟླ་ ༥ ཚེས་ ༢༢ ཉིན་ཞི་ཁྲོ། བདུན་ཚིགས་དྲུག་པ་སྟེ། ༢༠༡༠ ལོའི་ཕྱི་ཟླ་ ༥ ཚེས་ ༢༩ ཉིན་པདྨ་བཛྲ། བདུན་ཚིགས་བདུན་པ་སྟེ། ༢༠༡༠ ལོའི་ཕྱི་ཟླ་ ༦ ཚེས་ ༥ ཉིན་རྒྱལ་བ་རྒྱ་མཚོ་འཚོགས་དགོས་པའི་བཀའ་ངག་གནང་སྟེ་རོགས་སྐྱོར་ཞབས་འདེགས་ཀྱང་ཕུལ་ཡོད། སྤྱིར་བདུན་ཚིགས་ལ་ངན་སོང་སྦྱོང་རྒྱུད་ལས། ལྷ་ཡི་བུ་ནོར་བུ་དྲི་མ་མེད་པ་ཤི་ནས་ཞག་བདུན་ནས་ངན་སོང་དུ་སྐྱེ་བར་གསུངས་པ་ཁུངས་སུ་དྲངས་ཏེ་ཤི་ནས་ཞག་བདུན་གྱི་ཚེ་བདུན་དང་པོ་སོགས་རིམ་པར་འཛིན་པའི་ལུགས་ཤིག་དང་། གཞན་དག་ཤི་ནས་ཞག་གསུམ་བར་རྣམ་ཤེས་ཕུང་པོར་གནས་པས་བདུན་ཚིགས་ཀྱི་མགོ་ཞག་བཞི་པ་ནས་འཛིན་པའི་ལུགས་ཤིག་སྟེ་གཉིས་སུ་ཡོད་པ་ལས་འདི་ནི་ལུགས་ཕྱི་མ་ལྟར་དུ་བྱས་པ་ཞིག་ཡིན། བདུན་ཚིགས་བཟུང་སྟེ་ལམ་བསྟན་ན་རྡོ་རྗེ་སློབ་དཔོན་རབ་ཀྱིས་གྲོལ་བར་ནུས་པ་དང་། འབྲིང་གིས་ངན་སོང་གི་སྐྱེ་བ་ལས་ལྡོག་པར་འགྱུར་བ་དང་། ཐ་མས་ཀྱང་ཆོ་ག་ཚུལ་བཞིན་དུ་བྱས་པས་ཅི་རིགས་པའི་སྨན་ཡོན་དུ་འགྱུར་བས་ན་ཧ་ཅང་གལ་འགངས་ཆེ་བ་ཡིན་ཟེར།
བདག་མེད་རྣམ་ཤེས་རྣམས་ཀྱི་ཆེད་དུ་འདི་ལྟར་གནང་པར་བཀའ་དྲིན་ཆེ།
གཉིས་སྟོང་བརྒྱད་ལོར་བོད་མི་བརྒྱ་ཕྲག་མང་པོ་བོད་དོན་ཁོ་ནས་ཆེད་ཚེ་སྲོག་ཤོར་ཀྱང་ཀརྨ་མ་པ་མཆོག་གི་འདི་འདྲའི་བདུན་མཆོད་མི་ཚོགས་པ་ཅི་ཡིན་ནམ།ད་ཐེངས་དམིགས་གསལ་བ་ཞིག་བྱེད་གི་ཡོད་ཀྱང་ལོ་སྔོན་མ་དམར་གསོད་ཁྲག་བསྒྱུར་སྐབས་གྲགས་རྒྱུ་མེད་པ་ཡ་མཚན་ཞིག་མ་ཡིན་ནམ།ད་ལོ་ཚོགས་པ་ལ་རྗེས་སུ་ཡི་རེང་ཡོད།
སྐྱབས་སུ་མཆི་དེ་ལྟར་གཟིགས་སྐྱོངས་དང་དགོན་ཁག་རྣམས་ལ་ལམ་སྟོན་དང་བཀོད་སྒྲིག་གནང་བར་སྙིང་ནས་ཐུགས་རྗེ་ཆེ་ཞུ།
རྗེ་བཙུན་རྣལ་འབྱོར་གྱི་དབང་ཕྱུག་མི་ལ་རས་པ་བསམ་བཞིན་དུ་སྲིད་པར་སྐྱེ་བ་་བཟུང་པའི་དྲུང་རམ་རྒྱལ་སྤྲུལ་རིན་པོ་ཆེ་ཞེས་མདོ་ཁམས་སྨད་ཕྱོགས་སུ་གྲགས་ཆེ་བ། དུས་འགྱུར་སྔོན་དུ་ཀཾ་ཚང་བཀའ་བརྒྱུད་ཀྱི་བླ་མ་ཉམས་རྟོགས་གྲུབ་པའི་དབང་ཕྱུག་ཏུ་བཞུགས་པ་དེའི་ཡང་སྲིད། བལ་ཡུལ་ཤར་བའི་ཁྱིམ་ཚང་ཞིག་ཏུ་སྐུ་བལྟམས་ནས། དཔལ་རྒྱལ་བ་ཀརྨ་པ་རང་བྱུང་རིག་པའི་རྡོ་རྗེས་ངོས་འཛིན་གནང་པ་ཙམ་མ་ཟད་བདག་རྐྱེན་ཚད་མེད་ཀྱིས་སྐྱོངས་ཤིང་། དཔལ་ན་ལེནྜ་ནས་སློབ་ཐོན་ཟིན་པའི་རྗེས། ཨ་རིས་སུ་ཡོད་པའི་འཛམ་གླིང་གི་གཙུག་ལག་སློབ་གྲྭ་རྣམས་ཀྱི་རྩེ་ཕུད་དུ་གྱུར་པའི་ཧར་ཝ་གཙུག་ལག་སློབ་གྲྭ་ནས་Doctor degree བཅད་པའི་བོད་ཀྱི་སྤྲུལ་སྐུ་དང་པོ་དེ་ཆགས་ཡོད་ལ། ཁོང་གིས་ད་ལམ་སྐྱེ་རྒུ་རུ་ས་ཡོམ་གྱིས་འདས་གྲོངས་སུ་སོངས་བ་རྣམས་ལ་ཐུགས་སྨོན་ཟབ་རྒྱས་དང་། གསོན་པོར་གནས་པ་རྣམས་ལ། རྒྱ་སྒོར་ཁྲི༨༠ ཙམ་ཞལ་འདེབས་ཕུལ་བ་ཙམ་མ་ཟད། དྲུང་རམ་དགོན་པའི་བླ་གྲྭ་ཡོངས་སྐྱེ་རྒུར་འདས་པ་ལ་གཤིན་བསྔོ་དང་། གསོན་པོར་རོགས་གང་ཐུབ་བྱེད་དུ་ཁྲིད་མཛད་པ་སོགས། བརླབ་ཆེན་གྱི་མཛད་རྗེས་སྐྱོངས་འདུག གཏམ་འདི་ཐོས་པས། ཀུན་གྱི་ཤེས་ན་ཡག་པོ་ཡོང་ས་རེད་བསམ་ནས་འདིར་མཆན་དུ་བཀོད་པ་ཡིན
ཉིས་སྟོང་བཅུ་པའི་ལོ་ལ། འཇ༹མ་གླིང་ས་ཕྱོགས་གང་སར།
ཁྱད་པར་གངས་ཅན་ལྗོངས་སུ། ས་ཡོམ་གོད་ཆག་བྱུང་རྐྱེན།
ཤ་ཁྲག་གཅིག་པའི་སྤུན་ཟླ། རྐྱེན་ངན་ལམ་དུ་ཕྱིན་སོང།
སྡུག་བསྔལ་གནས་ལ་ལྷུང་ལ་ཆེ༹། དབང་མེད་སྨྲེ་ངག་ཤོར་ཐལ།།