གོ་དོན་མ་ལོན་པའི་ཀ་རྩོམ། ཟླ་བ་ཚེ་རིང་། ༼ ཧྥ་རན་སི ༽
ཉིན་འགའི་སྔོན་གྲོགས་པོ་ཞིག་གི་བུའི་སྐྱེས་སྐར་ཕ་རི་སིའི་ཉེ་འཁོར་གྱི་གླིང་ག་ཞིག་ནང་བཏང་སོང་། དེར་རྒན་ཆབ་བྲག་ལྷ་མོ་སྐྱབས་ལགས་དང་མཉམ་དུ་ཕྱིན་པ་ཡིན། ལམ་བར་ནས་ཁོང་གིས་ང་ལ་སྤྱི་ཚོགས་མེ་ལོང་འདོན་ཐེངས་ཤིག་གནང་སོང་། ནམ་རྒྱུན་དུས་བབ་དང་ཁ་བརྡ་གཙོས་པའི་བོད་ཕྱི་ནང་གི་བོད་ཡིག་དྲ་རྒྱ་ཁག་ལ་ཁོམ་སྐབས་དང་བསྟུན་ནས་འཛུལ་གི་ཡོད་ནའང་། དངོས་སུ་བོད་ཡིག་ཚགས་པར་ཞིག་ཐོབ་པ་ནི་ལོ་སར་རྗེས་ནས་ཐེངས་དང་པོ་ཡིན། ཚགས་པར་འདོན་ཐེངས་གསར་པ་འདི་བཀླགས་རྗེས་སེམས་ནང་མ་སྐྱིད་པ་ཞིག་བྱུང་ལ། དེ་བཞིན་བསམ་བློ་གཏོང་ཚོད་མི་ཐིག་པའི་ཚོར་བ་ཞིག་ཀྱང་བྱུང་།
ཚགས་པར་དེའི་མཇུག་ཤོག་གི་ཟུར་ཁ་ཞིག་ན་༼ཀ་ཕྲེང་དུ་བསྡེབས་པའི་རང་བྱུང་སེམས་ཀྱི་རི་མོ།༽ཞེས་པའི་ཀ་རྩོམ་འདི་འདུག འདིའི་རྩོམ་པ་པོ་ནི་ནོར་གླིང་ངེས་སྟོན་པ་བཀའ་ཟུར་སྐལ་བཟང་ཡེ་ཤེས་མཆོག་རེད། ཀ་རྩོམ་འདི་ངས་ཡང་ནས་བསྐྱར་དུ་བཀླགས་པ་ཡིན། རང་ཉིད་ལ་དོགས་པ་དང་བཅས་ཡང་བསྐྱར་ཨུ་ཚུགས་བརྒྱབས་ནས་བཀླགས་པ་ཡིན། འོན་ཀྱང་ངས་ཀ་རྩོམ་འདི་ལ་གོ་བ་ཞིག་ལོན་མ་སོང་། གསལ་བཤད་སུམ་ཅུ་ལ་ཚིག་གྲོགས་བཙལ་ནས་ཚིགས་བཅད་དུ་བསྡེབས་པ་ཙམ་ལས་ངེས་གཏན་གྱི་གོ་དོན་ཞིག་ལོན་མ་སོང་། མ་གཞི་ཀ་རྩོམ་འདིའི་སྤྱི་ཁོག་གི་བརྗོད་དོན་གང་ཡིན་པའི་ཕྱོགས་དེ་ཡང་བརྙེད་མ་སོང་། དྲ་གྲོགས་ཚོས་ཀ་རྩོམ་འདི་སྔ་ས་ནས་མཐོང་སྟེ་བཀླགས་ཚར་ཡོད་སྲིད་ལ། རེ་འགས་ད་དུང་བཀླག་མེད་པའམ། འདི་འདྲའི་ཀ་རྩོམ་ཞིག་ཡོད་པ་ཡིད་ལའང་འཁོར་མེད་སྲིད། འོན་ཀྱང་འདི་ཏག་ཏག་ཉིས་སྟོང་བཅུ་ལོའི་ཕྱི་ཟླ་བཞི་བའི་སྤྱི་ཚོགས་མེ་ལོང་འདོན་ཐེངས་སམ་སྤྱིའི་འདོན་ཐེངས་བརྒྱ་དང་བཞི་བའི་མཇུག་ཤོག་ནང་བཀོད་དེ་སྤྱི་ཚོགས་ལ་བཀྲམས་ཡོད།
བཀའ་ཟུར་སྐལ་བཟང་ཡེ་ཤེས་མཆོག་ནི་བོད་མི་མང་སྤྱི་ཟུར་དང་། བཀའ་ཟུར། བཀའ་བློན་ཁྲི་ཟུར། དེ་ཙམ་དུ་མ་ཟད་ནོར་གླིང་གསར་འཛུགས་གནང་ནས་བོད་པའི་སྤྱི་ཚོགས་སྟེང་གཞུང་སྒེར་གཉིས་ལ་ཕྱག་རྗེས་དང་བཀའ་དྲིན་ཅན་ཞིག་ཡིན་ལ། ང་རང་སྒེར་ལ་མཚོན་ནའང་སེམས་ནང་གུས་བརྩི་ཆེ་བའི་རྒན་རབས་པ་ཞིག་ཀྱང་ཡིན། ངས་གསལ་བོར་བཤད་འདོད་པ་ནི་ཀ་རྩོམ་འདི་ཁོང་གི་ཕྱག་རྗེས་འདི་དག་དང་འབྲེལ་བ་གང་ཡང་མེད། ཡིན་ཡང་། ཁོང་ནི་རང་རེའི་རིག་གཞུང་གི་འབྱུང་ཁུངས་གྲྭ་ས་ནས་གཞུང་ལུགས་ཁག་ལ་གསན་བསམ་བཞེས་གནང་མྱོང་མཁན་ཞིག་དང་། ལྷག་པར་དུ་སྐབས་དང་པོའི་བཙན་བྱོལ་བོད་མིའི་དགེ་རྒན་འོས་སྦྱོང་གནང་མཁན། དེ་བཞིན་མ་སུ་རི་དང་མན་པར་གཞིས་ཆགས་གཉིས་ནང་དུས་ཡུན་ལོ་ལྔའི་རིང་བོད་དགེ་གནང་མྱོང་མཁན། ཝ་ར་ན་སིའི་ཨ་ཙརྱ་ཕྱག་འཁྱེར་བཞེས་མཁན་བཅས་བོད་ཀྱི་ཤེས་ཡོན་ཅན་ཞིག་གི་ངོས་ནས་ཀ་རྩོམ་འདིའི་སྐོར་མ་གླེང་ཐབས་མེད་ཆགས།
ད་དུང་ཕྱོགས་གཞན་སྟེ། འདས་པའི་ལོ་ཤས་ནས་རྩོམ་པ་པོའི་མཐུན་ཚོགས་ཀྱིས་ཚོགས་མི་ཁག་ལ་དག་ཐེར་གནང་ནས་སྤུས་ཀ་ཇེ་བཟང་དུ་བཏང་ཡོད། སྐབས་དེ་ཙམ་དུ་༼ བོད་ཀྱི་རིག་གཞུང་གི་ཕྱུག་ཚད། ༽ཅེས་པའི་དེབ་འབྲི་མཁན་དོར་ཞི་རྒྱ་མཚོ་ཡང་ཚོགས་མིའི་ཁྲོད་ནས་ཕྱིར་འབུད་བཏང་ཡོད། ཕྱག་ལས་གནང་སྟངས་འདི་ལ་མང་པོ་ཞིག་གིས་རྒྱབ་སྐྱོར་དང་རྗེས་སུ་ཡི་རངས་ཞུས་ཡོད། དོན་དངོས་སུ་ཡང་དེ་ལྟར་ཆགས་ཡོད། ངའི་ཤེས་ཚད་ཀྱིས་མ་འདང་བ་ཡིན་ནམ། གང་ལྟར་ཀྱང་། ༼ ཀ་ཕྲེང་དུ་བསྡེབས་པའི་རང་བྱུང་སེམས་ཀྱི་རི་མོ། ༽དང་༼ བོད་ཀྱི་རིག་གཞུང་གི་ཕྱུག་ཚད།༽གཉིས་ལ་ལེགས་ཉེས་ཀྱི་ཁྱད་པར་གང་ཡང་མ་མཐོང་། དེ་ལས་ཀྱང་འདི་གཉིས་ལ་གོ་དོན་མི་ལོན་པའི་ཐོག་མིང་ཚིག་སྤྱོད་སྟངས་སོགས་ནས་ཆ་འདྲ་ས་ཤིན་ཏུ་མང་། དེ་ལྟར་ཀྱང་སྤྱི་ཚོགས་མེ་ལོང་གི་སློབ་སྟོན་པ་ཆབ་བྲག་ལྷ་མོ་སྐྱབས་དང་ཀུན་ཐར་དོན་གྲུབ། སྤྱི་ཁྱབ་རྩོམ་སྒྲིག་པ་གངས་དཀར་རྒྱལ་སྲས། ལག་བསྟར་རྩོམ་སྒྲིག་པ་ཨ་འཇམ་དབྱངས་ཚུལ་ཁྲིམས། རྩོམ་སྒྲིག་ལས་རོགས་བསྟན་འཛིན་ཆོས་དབྱིངས་བཅས་ཀྱིས་ཀ་རྩོམ་འདི་ལ་ཁྱད་འཕགས་ཀྱི་གོ་དོན་ཞིག་ལོན་པའམ། ཡང་ན་རྩོམ་པ་པོ་མཐུན་ཚོགས་ཀྱི་ཁྱབ་ཁོངས་རྩོམ་པ་པོ་དང་བརྩམས་ཆོས་ལ་ཡང་བསྐྱར་ཁ་ཕྱོགས་སམ་དག་ཐེར་གསར་པ་ཞིག་གནང་འཆར་ཡིན་ནམ། དེ་མིན་ན་བཀའ་ཟུར་སྐལ་བཟང་ཡེ་ཤེས་མཆོག་མཐུན་ཚོགས་ཀྱི་སྤྱི་ཁྱབ་སློབ་སྟོན་པ་ཡིན་པར་དམིགས་བསལ་ཕུལ་བ་ཡིན། གང་ལྟར་ལེགས་ཉེས་ཀྱི་ཆ་འདྲ་བའི་ཀ་རྩོམ་ཞིག་དང་དེབ་གཉིས་ཀྱི་གཅིག་ཚོགས་མིའི་ནང་ནས་ཕྱིར་འབུད་བཏང་ཞིང་། གཅིག་ཤོས་ཚོགས་པའི་གཞུང་འབྲེལ་ཚགས་པར་སྟེང་བཀོད་ཡོད།
གཤམ་ལ་ངས་གོ་དོན་མ་ལོན་པའི་ཀ་རྩོམ་འདི་ཚགས་པར་སྟེང་ཇི་ལྟར་བཀོད་ཡོད་པ་ལྟར་འདིར་བསྐྱར་འགོད་བྱ་རྒྱུ་ཡིན། ཀློག་མཁན་ཚོས་འདིའི་གོ་དོན་ལ་འགྲེལ་བ་གནང་བའམ། ཡང་ན་དགོངས་ཚུལ་ལྷུག་པོ་ཡོང་བའི་རེ་འདུན་ཞུ།
ཀ་ཕྲེང་དུ་བསྡེབས་པའི་རང་བྱུང་སེམས་ཀྱི་རི་མོ།
ནོར་གླིང་ངེས་སྟོན་པ་བཀའ་ཟུར་སྐལ་བཟང་ཡེ་ཤེས།
ཀ་བ་རིང་པོ་བཙུགས་པའི་ཀ་ཕན་ལ།། ག་ལེར་བསྟན་པའི་བསྟན་དོན་ག་ལ་པས།།
ཅ་ག་བྱས་པའི་ནོར་གྱི་ཅ་ལག་མཛོད།། ཇ་རོར་ཉིད་ཁུ་ཕྱུང་རེའི་ཇ་མ་ལྟར།།
ཏ་ལའི་འདབ་མ་ཡངས་པའི་ཏ་ལ་ལ།། ད་ལོའི་ལོ་ཐོག་ལེགས་པའི་དར་ལྕེ་འདི།།
པ་ཊ་ལེགས་པའི་ཤིང་གི་པ་ཊ་དེར།། བ་ལང་བདག་པོ་དགྱེས་པའི་བ་དན་ལྟར།།
ཙ་རིའི་གནས་ཆེན་ལས་བྱུང་ཙ་རིའི་ཤིང་།། ཛ་དྲག་གདུང་བ་སེལ་བར་ད་ཡན་དུ།།
ཞྭ་ལྟར་འཁྱིལ་བའི་གདུགས་མཛེས་ཞྭ་སེར་ལ།། འ་འུར་ང་རོ་འབྱིན་པ་འ་ཅག་གི།
རྭ་ཅན་མགོ་བོ་ཟིང་བའི་རྭ་རྩེ་ལ།། ཤ་བའི་རྒྱན་བཟང་མཛེས་པ་ཤ་སྟག་གིས།།
ཧ་ཅང་སྙིང་བོ་མེད་པའི་ཧ་ལོ་ལྟར།། གང་དྲན་གང་བྲིས་སུག་རིས་གང་བྱུང་འདི།།
ཁ་བཏགས་དར་དཀར་བརྐྱངས་པའི་ཁ་རིས་ཀྱིས།། ང་ལ་ཤིས་པའི་དགེ་མཚན་ང་ཡིས་བཟུང་།།
ཆ་ཤས་ཙམ་ཡང་མི་གཏོང་ཆ་ལུགས་འདི།། ཉ་ཤ་སྐམ་པོར་རེ་བའི་ཉ་ཕྱིས་ལགས།།
ཐ་མལ་འབྲས་བུས་སྟོང་པ་ཐ་མས་དབེན།། ན་བཟང་བུ་མོས་སྒྲོན་པའི་ན་མོའི་རྒྱན།།
མ་ལུས་ཡོངས་ཀྱིས་བཀུར་བའི་མ་ཟླུམ་འཚེར།། ཚ་ཟེར་འཇོམས་པའི་གྲིབ་བསིལ་ཚ་གདུང་གི།
ཝ་ལེར་ཐོན་པའི་གྲིབ་བསིལ་ཝ་ལྟར་འཁྱུག། ཟ་འོག་གོས་བཟང་ཀླུབ་པའི་ཟ་བྱེད་ཀྱིས།།
ཡ་བཤའ་ཤོར་བའི་ཚུལ་འདི་ཡ་མ་རླ།། ལ་འུར་སྒྲོག་པའི་ཁ་དཀར་ལ་བའི་དར།།
ས་ལ་མྱུར་སྟབས་རྒྱུ་བ་ས་ཡི་རྒྱན།། ཨ་ཙི་ཀུ་རེ་ཞུས་པར་ཨ་དོན་དབེན།།
གང་དག་བཤད་གད་ཤོར་ལ་གང་དགའ་མཛོད།།
དུས་བབས་བྱེའུ་ཚང་ལ་ཞུ་རྒྱུ་ནི། ད་ཁྱོད་ཚོའི་བྱེའུ་ཚང་གིས་ཕྱོགས་ཞེན་དང་ལུང་མཚན་གྱི་རྫུན་གཏམ་དག་ག་དུས་མཚམས་བཞག་གོ།
ཀ་རྩོམ་སྐུ་ངོའི་ཡིན་པ་བདེན་ན།
ཁ་བཤད་ཙམ་ལས་གོ་རྒྱུ་མི་འདུག
ག་ལེར་བསམ་ན་འདི་དང་དེ་འདྲའི།
ང་ངོ་ཤེས་མཁན་ཡོད་ཚོད་མི་འདུག
ཀ་བ་འདྲ་བའི་དམ་ཆོས་སྙིང་བཅང་ཏེ།
ཁ་བའི་ལྗོངས་གི་ལས་དབང་འཚོལ་དགོས་འདུག
ག་བར་ཕྱིན་ཀྱང་གཞན་ཡུལ་མི་སྐྱིད་འདུག
ང་ཚོ་རང་དགའ་བྱེད་ནས་བསྡོད་ཐུབ་བམ།
ཀ་ནས་ཨ་བར་བཤད་པའི་སྐད་ཆ་ལ་།
ཁ་དོག་མ་འདྲེས་དོན་ཞིག་གསུངས་རོགས་མཛོད་།
ག་ས་ག་ལ་བསྐུར་འོས་སྐུ་ངོ་ལ།
ང་དང་ང་འདྲ་རྣམས་ཀྱི་རེ་ཞུ་ཡིན་།
བོད་མི་རིགས་རང་རྩ་དོན་ལ་ཕན་པའི་ཀ་བརྡ་རེ་ཡོད་ན་ཤོད་དང་།
ཀ་རྩོམ་ཐུང་ངུ་ཞིག་ལ་རྩོད་པས་རྩོད་འབྲས་གང་ཡང་མེད་།
དྲ་གྲོགས་ཚོས་འབྱུང་འགྱུར་གྱི་བཀའ་ཁྲི་སྐོར་སྐད་ཆ་རེ་ཤོད་དང་།
ཀ་ཡེ་གྲོགས་པོ་རྩོད་ལ་དགའ་བ་དེ།
ཁ་ལ་ཟས་ཞིམ་ཐོབ་པའི་འབྲས་རྟགས་ངེས།
ག་ནས་བལྟས་ཀྱང་གཞན་སྐྱོན་མཐོང་བ་དེ།
ང་ཞེན་ཆེ་བས་ཁོག་པ་རུལ་བ་ངེས།
ཀ་ཁ་སེམས་ལ་ཡོད་པ་ཞིག་ཡིན་ན།།
ཁ་དོན་མཚུངས་པའི་མི་ཞིག་རེད་བསམ་ཡོད།།
ག་ན་བལྟས་ཀྱང་དེང་སང་བཀའ་ཟུར་ཁྲོད།།
ང་ཚོའི་བོད་ཡིག་འབྲི་མཁན་འདི་བ་ཙམ།།
དྲ་གྲོགས་ཚོ། ངའི་ནང་ལ་ཅིག་ཤོག་དང་། ངས་རྩོམ་ཡིག་འདི་དང་འབྲེལ་བའི་༈ <<གོ་དོན་མ་ལོན་པའི་ཀ་རྩོམ་>>ལས་འཕྲོས་པའི་གཏམ་ཞེས་པ་ཞིག་འབྲི་ཁུལ་བྱས་ཡོད། ནང་དོན་དང་ཚིག་སྦྱོར། དག་ཆ་སོགས་གང་ཅིའི་ཐད་ནས་ཕུན་སུམ་ཚོགས་པ་ཞིག་མིན་མོད། སེམས་ཀྱི་ན་ཚ་ཞིག་ཕྱིར་བཏོན་པ་ཡིན་པས་སྐྱིད་པོ་ཞིག་རེད།
ངའི་དྲ་བྱང་https://tibettimes.net/wordpress/blogs.php?id=305ཡིན།
ཀ་ཡེ་སྐལ་ལྡན་གྲོགས་པོ་གྲོགས་མོ་ཚོ།
ཁ་ཞེ་གཉིས་མེད་བོད་ཀྱི་དོན་ལ་སོམས།
ག་ནས་བལྟས་ཀྱང་ཕ་ཡུལ་ཡིད་ལ་འཁོར་།
ང་ཁྱོད་དོར་ནས་སྤྱི་དོན་སྒྲུབ་ན་སེམས།
ཀ་ཡེ་རིགས་མཐུན་གྲོགས་པོ་ཚོར།། ཁ་ལ་ཡོད་ཀྱང་དོན་ལ་མེད།། ག་ན་འགྲོ་ཡང་རྩོད་ཅིང་འཐབ།། ང་ཚོ་ཁྱོད་ཚོ་དགྲ་རུ་འཛིན།།
ཀ་ཡེ་གསོན་རོགས་ཆོལ་གསུམ་སྤུན་ཟླ་རྣམས།
ཁ་བཤད་དོན་ལ་གནས་ནས་ལས་དོན་བྱོས།
ག་འགྲོ་ས་ལ་གཞན་སྐྱོན་འཚོལ་མི་རུང་།
ང་ཚོ་རྩ་ཆེན་ཕ་ཡུལ་དོར་མི་རུང་།
ཀ་རྩོམ་གོ་རིམ་ལྟར་དུ་མེད་ཀྱང་རུང་།
ཁ་བ་རི་པའི་སྐལ་ལྡན་གསར་བུ་ལ།
ག་བདེ་གོ་བདེ་ལམ་སྟོན་བཀའ་སློབ་སོགས།
ང་དང་ང་འདྲ་རྣམས་ལ་གསུངས་ན་མཛེས།
ཀ་རྩོམ་གོ་རིམ་ལྟར་དུ་བསྒྲིགས་ཀྱང་།།
ཁ་བ་ཅན་གྱི་བཀའ་ཟུར་དེ་ལ།།
ག་འདྲའི་ཀ་རྩོམ་འབྲི་རྩལ་ཡོད་མེད།།
ང་ལས་ལྷག་ཅིག་མེད་པ་ཤེས་སོང་།།
སྤུན་གྲོགས་ཟླ་བ་ལགས། ཁྱེད་ཀྱིས་གསུངས་པ་ཤིན་ཏུ་བདེན། སྐུ་ངོ་རང་ཉིད་ཀྱིས་ཀྱང་ཀ་རྩོམ་འདི་ལ་ནང་དོན་ཅི་ཡང་གོ་བ་ལེན་རྒྱུ་མེད་པར་ཞལ་གྱིས་བཞེས་འདུག དཔེར་ན་སྐུ་ངོ་རང་ཉིད་ཀྱིས། ཨ་ཙི་ཀུ་རེ་ཞུས་པར་ཨ་དོན་དབེན།།
གསུངས་པ་ལྟར་རོ།
ཆབ་བྲག་ལྷ་མོ་དང་ལྷན་དུ་ཕྱིན་པ་ཡིན་ན་དེ་མ་ཐག་ཁོང་ལ་བཀའ་འདྲི་ཙམ་ཡང་མ་ཞུ་པར་ཅི་ཡིན་ནམ།
པ་ཊ་ལེགས་པའི་ཤིང་གི་པ་ཊ་དེར།།
༼ཕ་ཡིག་ལས་བྲིས་པའི་རྐང་བ་ཆད་འདུག ༽
“ཕ་བཟང་བུ་ཡི་ཀ་རྩོམ་བཟང་པོ་འདི། །”
བ་ལང་བདག་པོ་དགྱེས་པའི་བ་དན་ལྟར།།
མ་ལུས་ཡོངས་ཀྱིས་བཀུར་བའི་མ་ཟླུམ་འཚེར།།
ཡང་།
ཀ་རྩོམ་ཡིན་ཕྱིར་ཀ་མད་སྒྲིགས། །
ཆད་པ་མ་ཕྱིས་ཁ་སྐོངས་ལ། །
རྩ་ཆད་སོང་ན་གོང་གསལ་ལྟར། །
གསར་བསྣོན་བགྱིས་ན་མི་འཐུས་ཅི། །
ཟླ་བ་ཚེ་རིང་ལགས།
དོགས་པ་བྱ་རྒྱུ་གལ་ཆེ་ལ། དོགས་པ་སེལ་རྒྱུ་དེ་བས་ཀྱང་གལ་ཆེ། སུ་འདྲ་ཞིག་ཡིན་རུང་ནོར་བ་འདུག་ན་ཐད་ཀར་བཏོན་དགོས་ལ། དེ་ནི་༸གོང་ས་མཆོག་གིས་བོད་མི་ཚོར་མ་རྩོད་གསོལ་རྩལ་གནང་བའི་མང་གཙོའི་དོན་གནད་གལ་ཆེ་ཞིག་ཡིན། ཁྱེད་རང་ལ་སེམས་དབུས་ནས་མངགས་བརྗོད་དང་ཡིད་རངས་ཡོད།
དྲ་གྲོགས་གང་མང་ཞིག་གིས་དགོངས་ཚུལ་གནང་ནས་ད་ལྟ་ཀ་རྩོམ་འདིའི་གོ་རིམ་འཁྲིག་ཡོད་པའི་བརྡར་ཤ་ཆོད་སོང་། དེ་དག་ལ་ཐུགས་རྗེ་ཞུས་བ་ཡིན།
བཀུར་འོས་ཆོས་ཚང་བཀྲིས་ལགས་ཀྱི་དགོངས་ཚུལ་ལ་གསལ་བཤད་ཅིག་ཞུ་བསམ་པ་བྱུང་། ཞི་རྒོལ་ཆེན་མོ་དང་། གྲོས་ཚོགས་གླེང་རྙོག ཡུལ་ཤུལ་ས་འགུལ་བཅས་ལ་དམིགས་པའི་རྩོམ་ཐུང་དང་ཟིན་བྲིས་གང་ཡང་སྤེལ་མེད། འདི་དག་གི་སྐོར་ལ་རྩོམ་ཡིག་སྤེལ་མཁན་ཧ་ལས་པའི་མང་པོ་རེད་ལ། དེ་དག་གི་བར་གསེང་དུ་འཚང་ནས་དམིགས་བསལ་བ་ཞིག་བཤད་རྒྱུ་ཡང་ཅང་མི་འདུག རྩ་བའི་འདི་དག་གལ་ཆེན་པོ་ཡིན་ནའང་ངས་གླེང་བའི་དོན་དག་རིགས་ཀྱང་མི་ཆེ་ན་མི་ཆུང་བར་འདོད་ཡོད།
དྲང་བོ་བཤད་ན་མི་དགའ། རྒྱུག་པ་འཁྱེར་ན་ཁྱི་མི་དགའ། གཏམ་དཔེ་འདིའི་བསླབ་བྱ་མ་ཤེས་པ་མིན། དེ་བཞིན་ཐག་ཉེ་རིང་ནས་རང་ལ་སེམས་ཁུར་གནང་མཁན་གྱི་གྲོགས་པོ་གྲོགས་མོ་ཚོས་ཀྱང་རྩོམ་ཡིག་དང་ཟིན་བྲིས་སྤེལ་སྐབས་ཐད་ཀར་ཚོགས་སྡེ་དང་མི་སྒེར་གྱི་མིང་འདོན་པ་མི་ལེགས་པའི་དགོངས་ཚུལ་གཅིག་མིན་གཉིས་མིན་དུ་གནང་མྱོང་ཡོད། མི་སྒེར་རང་གི་སྤྱི་ཚོགས་འབྲེལ་ལམ་ལའང་བར་ཐག་དང་གོ་ལོག་བྱུང་དང་འབྱུང་གི་ཡོད་པའང་ཤེས་ཀི་ཡོད། ལྷག་པར་དུ་༼ ཏྰ་ལའི་བླ་མའི་ཡིག་ནོར། ༽ཞེས་པ་བྲིས་རྗེས་དངོས་ཤུགས་གང་རུང་དང་གཞུང་སྒེར་གཉིས་ཐད་ནས་གནོན་ཤུགས་གང་མང་སླེབས་མྱོང་། གནོན་ཤུགས་དེ་དག་གླེང་དགོས་བྱུང་ན་ང་ཚོའི་སྤྱི་ཚོགས་ནང་བཀུར་གཟོ་ཆེ་བའི་བླ་དཔོན་གང་མང་ཞིག་གི་མཚན་གནས་རྗེས་འབྲེལ་གྱི་སྣང་བརྙན་ལའང་དོ་ཕག་འབྱུང་སྲིད་པས་ངས་དེ་ལ་འགན་ཞིག་འཁུར་ཁུལ་གྱིས་དེ་སྐོར་འདི་ནས་མི་གླེང་། དེ་རིང་སྐུ་ཉིད་ལ་མཚོན་ནའང་རྩོམ་རྙིང་དེ་དག་གདོང་ལ་འཁྱེར་ནས་ནག་ཉེས་འཛུགས་བཞིན་དང་གནོན་ཤུགས་སྤྲོད་བཞིན་པ་འདི་རེད།
སྨྱུག་མིང་འོག་བཀབ་ནས་དོན་དག་གླེང་བའམ། དངོས་མིང་བཀོད་ནས་སྤྱི་བམ་ཙམ་དང་། རྒྱུགས་པ་ལེབ་རྡུང་ལྟ་བའི་དོན་དག་གླེང་སྟངས་ལ་ངས་སྨྲ་བརྗོད་རང་དབང་གི་ཆེ་མཐོང་འདི་འབུལ་མི་ཐུབ། དགོས་གལ་ཡོད་པའམ་དངོས་ཡོད་ཡིན་ཚེ་ནོར་འཁྲུལ་ཤོར་མཁན་གྱི་ཚོགས་སྡེ་དང་མི་སྒེར་གྱི་མིང་གིས་བོས་ནས་སྐད་ཆ་བཤད་རྒྱུ་ནི་ཞེད་སྣང་འཚེར་སྣང་གིས་རྩ་འགོག་ཐུབ་པ་ཞིག་ཀྱང་མ་རེད། འདི་ངེས་ཤེས་ཤིག་གི་སྟེང་ནས་ཡིན་སྲིད་ལ། དྲིན་ཅན་ཕ་མས་གནང་བའི་རང་ཉིད་མི་སྒེར་གྱི་གཤིས་ཀའི་སྒང་ནས་ཀྱང་ཡིན་སྲིད། གང་ལྟར་༼ ཏྰ་ལའི་བླ་མའི་ཡིག་ནོར། ༽ཡིན་ན་རེད། དེ་རིང་གི་རྩོམ་ཐུང་འདི་ཡིན་ནའང་རེད། དེ་མིན་གང་ཡིན་ཡང་། རང་ངོས་ནས་དངོས་སུ་གང་མཐོང་ཞིང་མྱངས་པ་དེ་གསལ་བོ་བྱས་ནས་བྲིས་ཡོད་པ་ལས། དོན་མེད་སྐུ་མདུན་དང་སྐུ་སྒེར་ཡིག་ཚང་ལ་བསྐུར་འདེབས་བྱས་མེད་བསམ་ཡོད་ལ། སྤྱི་ཚོགས་སྟེང་བོད་མི་ཚོས་བཀུར་གཟོ་ཆེ་བའི་བཀའ་ཟུར་མཆོག་ལའང་ཟུར་མདའ་འཕངས་མེད། ཀ་རྩོམ་འདིའི་གོ་རིམ་སྒྲིག་ཀྱང་རྩོམ་ཡིག་ཡག་པོ་ཞིག་ཡིན་མིན་ང་ཙམ་མིན་པར་དྲ་གྲོགས་འགས་ཀྱང་གསུངས་པ་དེ་ག་རང་རེད། བསམ་བཞིན་ནག་ཉེས་བཀེལ་ནས་གནོན་ཤུགས་སྤྲོད་བསམ་ན་གང་དགའ་ཇི་དགེ་གནང་རོགས། ང་རང་ལ་ནི་ཁྱད་པར་གང་ཡང་མི་འདུག
ཡིག་ནོར་དང་གཏེགས་ཡོད་ཚེ་གུ་ཡངས་གནང་རོགས།
ངས་ཀ་རྩོམ་འདི་ཚགས་ཤོག་སྟེང་དང་པོར་མཐོང་རྗེས་རང་ཉིད་ཀྱི་ཤེས་ཚད་ལ་ཐེ་ཚོམ་སྐྱེས་པ་ལས་རྩོམ་པ་པོར་དོགས་པ་བྱེད་ནུས་མེད་པར་གྱུར་ཡང་། དེ་རིང་འདིའི་ཐད་མཆན་གང་མང་ཞིག་ཡོད་པ་མཐོང་རྗེས་ངའི་སེམས་པར། རྩོམ་ཡིག་དང་། རྩོམ་པ་པོ། རྩོམ་པ་པོ་མཐུན་ཚོགས། རྩོམ་སྒྲིག་པ་བཅས་ལ་ང་རང་གི་ཤེས་ཚད་ལ་ཐེ་ཚོམ་སྐྱེས་པ་ལས་ལྷག་པའི་ཐེ་ཚོམ་ཆེན་པོ་ཞིག་བྱུང་། རྩོམ་ཡིག་འབྲི་བ་ནི་ཡི་གེ་སྒྲིག་སྦྱོར་གྱི་རྩེད་མོ་ཅིག་ཡིན་ནམ། རྩོམ་པ་པོར་རྒྱུ་དབང་སྙན་གྲགས་ཡོད་ཚེ་ཇི་ལྟར་བྲིས་ཀྱང་རྩོམ་ཡིག་ཡིན་དགོས་སམ། རྩོམ་པ་པོ་མཐུན་ཚོགས་ཀྱིས་རྩོམ་རིགས་ལ་འགན་འཁུར་བའི་གོ་རིམ་ཁྲོད་ཀ་རྩོམ་ཁྱིའི་རྔ་མར་བཏགས་ཀྱང་འགྲིག་པ་འདི་འདྲ་བྱུང་པར་རྩོམ་རིགས་ཚོགས་སྡེ་གཞན་དང་། བོད་ཕྱིའི་རྩོམ་རིགས་ལོ་རྒྱུས་ལ་འགྲེལ་བཤད་ཇི་ལྟར་བྱེད་རྒྱུ་ཡིན་ནམ། རྩོམ་སྒྲིག་པས་རྩོམ་གྱི་དོན་གནད་ཕར་ཞོགས་ཐ་ན་གོ་རིམ་སོགས་ལ་ཞུ་དག་ཙམ་བྱས་མེད་ན་རྩོམ་སྒྲིག་པ་ཚོས་ག་རེ་བྱེད་དགོས་སམ།
ཟླ་ཚེས་ལགས་ཀྱིས་སྐུ་ངོ་རྣམ་པའི་བྲིས་པའི་ཀ་རྩོམ་གོ་གི་མེད་ཚོད་རེད། ང་སྐུ་ངོ་ཚོའི་གྲིབ་འོག་ནས་ལོ་འདི་ཙམ་ཞིག་བསྡད་ཀྱང་། ངས་སྐུ་ངོ་ཚོའི་ཀ་རྩོམ་ཕར་ཞོག སྤྱིར་སྐུ་ངོ་ཟེར་བ་འདི་མ་གཞི་ནས་གོ་ཐུབ་ཀྱི་མི་འདུག
ཟླ་བ་ཚེ་རིང༌ཁྱེད་རང་ལ་ས་བྱི་ཞི་རྒོལ་ཆེན་མོར་གདུང་སེམས་མཉམ་སྐྱེ་དང་སྐྱིད་སྡུག་མཉམ་མྱོང་གི་དཔྱད་རྩོམ་མི་འདུག་ལ། སྤྱི་འཐུས་ཀླད་མེད་ཚོས་ཕྱི་ནང་མགོ་མཇུག་སློག་སྐབས་ཀྱང་ཟུར་ཟའི་དཔྱད་རྩོམ་མི་འདུག ད་ལོ་བོད་མདོ་ཁམས་སྐྱེ་རྒུ་མདོར་ས་འགུལ་བྱུང་ནས་སྤུན་ཟླ་ཁྲི་སྟོང་མང་པོར་རྐྱེན་ངན་བར་ཆད་འཕྲད་སྐབས་ཀྱང་མྱ་ངན་གྱི་རྩོམ་དེ་བས་མི་འདུག འོན་ཀྱད་ཁྱེད་རང་ལ་ཡོད་པ་ནི་ལོ་ཤས་གོང་༸རྒྱ་བ་རིན་པོ་ཆེ་དང་སྐུ་སྒེར་ཡིག་ཚང་ལ་བཀུར་འདེབས་ཀྱི་རྩོམ། ད་རེས་ཡང་བསྐྱར་སྐྱབས་བཅོལ་བོད་མི་སྟོང་ཕྲག་མང་པོས་བཀུར་གཟོ་བྱེད་སའི་མི་ཞིག་ལ་ཟུར་མདའ་འཕེན་རྒྱུའི་རྩོམ་ཙམ་མོ། དུག་མདའ་ནང་ལ་འཁོར་བ་ངོ་མ་ཡ་མཚན་ནམ་ལྟས་ངན་རང་རེད།
ཟླ་ཚེས་ལགས་ཀྱིས་སྐུ་ངོ་རྣམ་པའི་བྲིས་པའི་ཀ་རྩོམ་གོ་གི་མེད་ཚོད་རེད། ང་སྐུ་ངོ་ཚོའི་གྲིབ་འོག་ནས་ལོ་འདི་ཙམ་ཞིག་བསྡད་ཀྱང་། ངས་སྐུ་ངོ་ཚོའི་ཀ་རྩོམ་ཕར་ཞོག སྤྱིར་སྐུ་ངོ་ཟེར་བ་འདི་མ་གཞི་ནས་གོ་ཐུབ་ཀྱི་མི་འདུག
མ་གཞི་ནས་ཀ་རྩོམ་འདི་ལ་ཅིག་འགྲིག་མེད་ནོ་ཁོ་ཐག་རེད།
ཀ་རྩོམ་འདི་གོ་རིམ་འགྲིག་པར་བཞག་ཀྱང་ནང་དོན་དང་སྡེབ་སྦྱོར་གྱི་ཆ་ལ་བཙན་ཚུགས་ཆེ་བར་འདོད།
ང་རང་གིས་རྟག་པར་ཀ་རྩོམ་དང་མིང་སྦྱོར་སྒྲ་རྒྱན༼དགེ་རབ་ཀྱི་ཚིག༽སོགས་འབྲི་བ་ནི། རྣོ་སྐུད་སྟེང་གོམ་པ་བགྲོད་པའི་རྩེད་སྟོན་པ་ལྟར་འདོད་ཡོད། ཇི་ལྟར་རྩེད་སྟོན་པ་ཁོང་མ་ཡོ་མ་གསེག་མ་ལྷུང་བར་རྣོ་སྐུད་ཀྱི་སྟེང་མགོ་ནས་མཇུག་བར་དུ་འགྲོ་ཐུབ་ན་ཁོང་གི་ནུས་རྩལ་དང་གཟུགས་པོའི་ཡང་ཆའི་ཁྱད་ཆོས་བཟང་བོ་ཡིན་པ་སྟོན་ཐུབ་པར་མ་ཟད། གཅིག་ནས་དཀའ་ཚེགས་ཆེ་ལ་གཉིས་ནས་བསྒྲུབ་ཐུབ་ན་ནུས་ཚད་སྟོན་ཤུགས་ཆེ་བ་བཞིན། ཀ་རྩོམ་སོགས་ཀྱང་ཚིག་རྐང་གི་གོ་རིམ་སོགས་ཐོག་མ་ནས་ངེས་ཚར་བས་དེ་དང་སྦྲགས་ཏེ་རང་གི་གང་བརྗོད་འདོད་ཀྱི་དོན་དེ་སྙན་རྩོམ་སོགས་སུ་དོན་དང་ལྡན་པ་ཞིག ལྷོད་ཆགས་པོ་དང༌། བཅོས་མ་མིན་པའི་སྣང་བ་རེ་འཆར་དུ་འཇུག་ཐུབ་ན་རྩོམ་པ་པོའི་རྩོམ་གྱི་འཇུག་པ་ཡངས་པ་སྟོན་ཐུབ་པ་ཞིག་ཏུ་འདོད།
དེ་མ་ཐུབ་ན་ཏ་སློབ་དཔོན་དབྱུག་པ་ཅན་གྱིས་གསུངས་པ་བཞིན། ༼སྦྱོར་པོ་བ་གླང་ཉིད་བརྗོད་བྱེད༎ ༽ཅེས་པ་ལྟར་རོ༎
འོག་གི་འདི་ཚགས་པར་སྟེང་ཇི་ལྟར་བཀོད་པ་ལྟར་ཡིན།
ཀ་བ་རིང་པོ་བཙུགས་པའི་ཀ་ཕན་ལ།།
ག་ལེར་བསྟན་པའི་བསྟན་དོན་ག་ལ་པས།།
ཅ་ག་བྱས་པའི་ནོར་གྱི་ཅ་ལག་མཛོད།།
ཇ་རོར་ཉིད་ཁུ་ཕྱུང་རེའི་ཇ་མ་ལྟར།།
ཏ་ལའི་འདབ་མ་ཡངས་པའི་ཏ་ལ་ལ།།
ད་ལོའི་ལོ་ཐོག་ལེགས་པའི་དར་ལྕེ་འདི།།
པ་ཊ་ལེགས་པའི་ཤིང་གི་པ་ཊ་དེར།།
བ་ལང་བདག་པོ་དགྱེས་པའི་བ་དན་ལྟར།།
ཙ་རིའི་གནས་ཆེན་ལས་བྱུང་ཙ་རིའི་ཤིང་།།
ཛ་དྲག་གདུང་བ་སེལ་བར་ད་ཡན་དུ།།
ཞྭ་ལྟར་འཁྱིལ་བའི་གདུགས་མཛེས་ཞྭ་སེར་ལ།།
འ་འུར་ང་རོ་འབྱིན་པ་འ་ཅག་གི།
རྭ་ཅན་མགོ་བོ་ཟིང་བའི་རྭ་རྩེ་ལ།།
ཤ་བའི་རྒྱན་བཟང་མཛེས་པ་ཤ་སྟག་གིས།།
ཧ་ཅང་སྙིང་བོ་མེད་པའི་ཧ་ལོ་ལྟར།།
དྲན་གང་བྲིས་སུག་རིས་གང་བྱུང་འདི།།
ཁ་བཏགས་དར་དཀར་བརྐྱངས་པའི་ཁ་རིས་ཀྱིས།།
ང་ལ་ཤིས་པའི་དགེ་མཚན་ང་ཡིས་བཟུང་།།
ཆ་ཤས་ཙམ་ཡང་མི་གཏོང་ཆ་ལུགས་འདི།།
ཉ་ཤ་སྐམ་པོར་རེ་བའི་ཉ་ཕྱིས་ལགས།།
ཐ་མལ་འབྲས་བུས་སྟོང་པ་ཐ་མས་དབེན།།
ན་བཟང་བུ་མོས་སྒྲོན་པའི་ན་མོའི་རྒྱན།།
མ་ལུས་ཡོངས་ཀྱིས་བཀུར་བའི་མ་ཟླུམ་འཚེར།།
ཚ་ཟེར་འཇོམས་པའི་གྲིབ་བསིལ་ཚ་གདུང་གི།
ཝ་ལེར་ཐོན་པའི་གྲིབ་བསིལ་ཝ་ལྟར་འཁྱུག།
ཟ་འོག་གོས་བཟང་ཀླུབ་པའི་ཟ་བྱེད་ཀྱིས།།
ཡ་བཤའ་ཤོར་བའི་ཚུལ་འདི་ཡ་མ་རླ།།
ལ་འུར་སྒྲོག་པའི་ཁ་དཀར་ལ་བའི་དར།།
ས་ལ་མྱུར་སྟབས་རྒྱུ་བ་ས་ཡི་རྒྱན།།
ཙི་ཀུ་རེ་ཞུས་པར་ཨ་དོན་དབེན།།
གང་དག་བཤད་གད་ཤོར་ལ་གང་དགའ་མཛོད།།
ཁང་གསར་ལགས་དང་ལུང་རིགས་གཉིས་ཀྱི་གསུང་སྟངས་ལ་ལྟོས་ན་བཀའ་ཟུར་མཆོག་གི་མ་རྩོམ་འདི་ལྟར་ཡིན་སྲིད་ལ། རྩོམ་སྒྲིག་པས་གསར་ཤོག་སྟེང་འགོད་སྐབས་གཏེགས་ནོར་བྱུང་བ་ཡིན་སྲིད། དཔེ་མཚོན་གཤམ་གྱི་འདི་ཡིན།
ཀ་བ་རིང་པོ་བཙུགས་པའི་ཀ་ཕན་ལ།། ཁ་བཏགས་དར་དཀར་བརྐྱངས་པའི་ཁ་རིས་ཀྱིས།།
ག་ལེར་བསྟན་པའི་བསྟན་དོན་ག་ལ་པས།། ང་ལ་ཤིས་པའི་དགེ་མཚན་ང་ཡིས་བཟུང་།།
ཅ་ག་བྱས་པའི་ནོར་གྱི་ཅ་ལག་མཛོད།། ཆ་ཤས་ཙམ་ཡང་མི་གཏོང་ཆ་ལུགས་འདི།།
ཇ་རོར་ཉིད་ཁུ་ཕྱུང་རེའི་ཇ་མ་ལྟར།། ཉ་ཤ་སྐམ་པོར་རེ་བའི་ཉ་ཕྱིས་ལགས།།
ཏ་ལའི་འདབ་མ་ཡངས་པའི་ཏ་ལ་ལ།། ཐ་མལ་འབྲས་བུས་སྟོང་པ་ཐ་མས་དབེན།།
ད་ལོའི་ལོ་ཐོག་ལེགས་པའི་དར་ལྕེ་འདི།། ན་བཟང་བུ་མོས་སྒྲོན་པའི་ན་མོའི་རྒྱན།།
པ་ཊ་ལེགས་པའི་ཤིང་གི་པ་ཊ་དེར།། xxxxxxxxxxx
བ་ལང་བདག་པོ་དགྱེས་པའི་བ་དན་ལྟར།། མ་ལུས་ཡོངས་ཀྱིས་བཀུར་བའི་མ་ཟླུམ་འཚེར།།
ཙ་རིའི་གནས་ཆེན་ལས་བྱུང་ཙ་རིའི་ཤིང་།། ཚ་ཟེར་འཇོམས་པའི་གྲིབ་བསིལ་ཚ་གདུང་གི།
ཛ་དྲག་གདུང་བ་སེལ་བར་ད་ཡན་དུ།། ཝ་ལེར་ཐོན་པའི་གྲིབ་བསིལ་ཝ་ལྟར་འཁྱུག།
ཞྭ་ལྟར་འཁྱིལ་བའི་གདུགས་མཛེས་ཞྭ་སེར་ལ།། ཟ་འོག་གོས་བཟང་ཀླུབ་པའི་ཟ་བྱེད་ཀྱིས།།
འ་འུར་ང་རོ་འབྱིན་པ་འ་ཅག་གི། ཡ་བཤའ་ཤོར་བའི་ཚུལ་འདི་ཡ་མ་རླ།།
རྭ་ཅན་མགོ་བོ་ཟིང་བའི་རྭ་རྩེ་ལ།། ལ་འུར་སྒྲོག་པའི་ཁ་དཀར་ལ་བའི་དར།།
ཤ་བའི་རྒྱན་བཟང་མཛེས་པ་ཤ་སྟག་གིས།། ས་ལ་མྱུར་སྟབས་རྒྱུ་བ་ས་ཡི་རྒྱན།།
ཧ་ཅང་སྙིང་བོ་མེད་པའི་ཧ་ལོ་ལྟར།། ཨ་ཙི་ཀུ་རེ་ཞུས་པར་ཨ་དོན་དབེན།།
གང་དྲན་གང་བྲིས་སུག་རིས་གང་བྱུང་འདི།། གང་དག་བཤད་གད་ཤོར་ལ་གང་དགའ་མཛོད།།
དེ་ལྟར་ཀྱང་ཀ་སྡེ་དང་ཅ་སྡེ་སོགས་རེ་འགའ་ལ་གོ་དོན་ཞིག་ལོན་ནའང་། གཞན་འགའ་ལ་ད་དུང་གོ་བ་ལོན་ཁག་སེ་འདུག་ཐོག རྩོམ་ཡིག་སྤྱི་ཁོག་གི་བརྗོད་བྱ་ནི་དེ་བས་ཀྱང་འདི་རེད་ཟེར་བ་མི་འདུག་སྙམ། དགོངས་འཆར་གནང་རོགས།
ཀ་རྩོམ་འདི་ནི། འབྲི་མཁན་གྱིས་མ་འགྲིག་པ་གང་ཡང་མ་རེད། འགོད་མཁན་ཚགས་པར་གྱི་རྩོམ་སྒྲིག་པས་འགོད་ནོར་དེ་ལྟར་བྱས་པ་ཞིག་ཡིན་འདུག འགོད་ནོར་དེ་ཡང༌། ཤོག་ངོས་གཅིག་དུམ་བུ་གཉིས་སུ་བྱས་པའི་གཡས་ནས་མགོ་བཙུགས་ཏེ་གཡོན་དུ་བཀོད་ཡོད་པ་ཞིག གཡས་ཀྱི་ཡིག་ཕྲེང་གི་མཇུག་དེ་གཡོན་གྱི་ཡིག་ཕྲེང་ལ་མཐུད་ནས་གློག་ཀླད་ནང་བཀོད་པས་མ་འགྲིག་པ་ཡིན་རྒྱུ་རེད་དྲན། ཟླ་འདིའི་སྤྱི་ཚོགས་མེ་ལོང་འདོན་ཐེངས་ནང༌། ཀ་རྩོམ་དེ་འགོད་ནོར་བྱས་འདུག་པར་དགོངས་དག་ཞུ་ཡུལ་ན་བཞུགས་པའི་རྩོམ་པ་པོ་དང་ཀློག་མཁན་ཡོངས་ལ་དགོངས་དག་ཟེར་བ་ཞིག་བཀོད་འདུག་པ་མཐོང་སོང༌། སྤྱི་ཚོགས་མེ་ལོང་སྟེང་བསྐྱར་འགོད་བྱས་ཏེ་ཡོད་པ་ནི། ད་ལྟ་ལུང་རིགས་ལགས་ཀྱིས་བསྐྱར་འགོད་བྱས་འདུག་པ་འདི་ལྟར་འདུག་གོ།
ཀ་བ་རིང་པོ་བཙུགས་པའི་ཀ་ཕན་ལ།།
ཁ་བཏགས་དར་དཀར་བརྐྱངས་པའི་ཁ་རིས་ཀྱིས།།
ག་ལེར་བསྟན་པའི་བསྟན་དོན་ག་ལ་པས།།
ང་ལ་ཤིས་པའི་དགེ་མཚན་ང་ཡིས་བཟུང་།།
ཅ་ག་བྱས་པའི་ནོར་གྱི་ཅ་ལག་མཛོད།།
ཆ་ཤས་ཙམ་ཡང་མི་གཏོང་ཆ་ལུགས་འདི།།
ཇ་རོར་ཉིད་ཁུ་ཕྱུང་རེའི་ཇ་མ་ལྟར།།
ཉ་ཤ་སྐམ་པོར་རེ་བའི་ཉ་ཕྱིས་ལགས།།
ཏ་ལའི་འདབ་མ་ཡངས་པའི་ཏ་ལ་ལ།།
ཐ་མལ་འབྲས་བུས་སྟོང་པ་ཐ་མས་དབེན།།
ད་ལོའི་ལོ་ཐོག་ལེགས་པའི་དར་ལྕེ་འདི།།
ན་བཟང་བུ་མོས་སྒྲོན་པའི་ན་མོའི་རྒྱན།།
པ་ཊ་ལེགས་པའི་ཤིང་གི་པ་ཊ་དེར།།
༼ཕ་ཡིག་ལས་བྲིས་པའི་རྐང་བ་ཆད་འདུག༽
བ་ལང་བདག་པོ་དགྱེས་པའི་བ་དན་ལྟར།།
མ་ལུས་ཡོངས་ཀྱིས་བཀུར་བའི་མ་ཟླུམ་འཚེར།།
ཙ་རིའི་གནས་ཆེན་ལས་བྱུང་ཙ་རིའི་ཤིང་།།
ཚ་ཟེར་འཇོམས་པའི་གྲིབ་བསིལ་ཚ་གདུང་གི།
ཛ་དྲག་གདུང་བ་སེལ་བར་ད་ཡན་དུ།།
ཝ་ལེར་ཐོན་པའི་གྲིབ་བསིལ་ཝ་ལྟར་འཁྱུག།
ཞྭ་ལྟར་འཁྱིལ་བའི་གདུགས་མཛེས་ཞྭ་སེར་ལ།།
ཟ་འོག་གོས་བཟང་ཀླུབ་པའི་ཟ་བྱེད་ཀྱིས།།
འ་འུར་ང་རོ་འབྱིན་པ་འ་ཅག་གི།
ཡ་བཤའ་ཤོར་བའི་ཚུལ་འདི་ཡ་མ་རླ།།
རྭ་ཅན་མགོ་བོ་ཟིང་བའི་རྭ་རྩེ་ལ།།
ལ་འུར་སྒྲོག་པའི་ཁ་དཀར་ལ་བའི་དར།།
ཤ་བའི་རྒྱན་བཟང་མཛེས་པ་ཤ་སྟག་གིས།།
ས་ལ་མྱུར་སྟབས་རྒྱུ་བ་ས་ཡི་རྒྱན།།
ཧ་ཅང་སྙིང་བོ་མེད་པའི་ཧ་ལོ་ལྟར།།
ཨ་ཙི་ཀུ་རེ་ཞུས་པར་ཨ་དོན་དབེན།།
གང་དྲན་གང་བྲིས་སུག་རིས་གང་བྱུང་འདི།།
གང་དག་བཤད་གད་ཤོར་ལ་གང་དགའ་མཛོད།།
ད་གོ་རྒྱུ་འདྲ་འདུག་གམ། སྤྱི་ཚོགས་མེ་ལོང་རྩོམ་སྒྲིག་པའི་ཇུས་འགོད་སྐབས་ནོར་འཁྲུལ་ཤོར་བ་ཡིན་པར་སྣང་།
ཁང་གསར་ལགས་ཀྱིས་བཤད་པ་འདི་བདེན་པར་སྣང་། དེའི་ཁུངས་གསལ་ཤོས་དེ་ཙ་སྡེ་ནས་ཤེས་ཐུབ་གི། ༼ཙ་རིའི་གནས་ཆེན་ལས་བྱུང་ཙ་རིའི་ཤིང་།།
ཚ་ཟེར་འཇོམས་པའི་གྲིབ་བསིལ་ཚ་གདུང་གི།
ཛ་དྲག་གདུང་བ་སེལ་བར་ད་ཡན་དུ།།
ཝ་ལེར་ཐོན་པའི་གྲིབ་བསིལ་ཝ་ལྟར་འཁྱུག།༽ཅེས་པ་ནས་གསལ་བོར་གྱུར་འདུག
སྙན་རྩོམ་འདིར་བལྟས་པ་ཙམ་གྱིས། སྒྲིག་སྟངས་འཁྲུག་པ་ཤེས་ཐུབ། དེ་ཡང་རྩོམ་སྒྲིག་པའི་སྐྱོན་དུ་ངེས། དོན་ངོ་མར་འདི་ལྟར་ཡིན་ས་རེད།
ཀ་བ་རིང་པོ་བཙུགས་པའི་ཀ་ཕན་ལ།། ཁ་བཏགས་དར་དཀར་བརྐྱངས་པའི་ཁ་རིས་ཀྱིས།། ག་ལེར་བསྟན་པའི་བསྟན་དོན་ག་ལ་པས། །ང་ལ་ཤིས་པའི་དགེ་མཚན་ང་ཡིས་བཟུང་།།
ཅ་ག་བྱས་པའི་ནོར་གྱི་ཅ་ལག་མཛོད།། ཆ་ཤས་ཙམ་ཡང་མི་གཏོང་ཆ་ལུགས་འདི།། ཇ་རོར་ཉིང་ཁུ་ཕྱུང་རེའི་ཇ་མ་ལྟར།། ཉ་ཤ་སྐམ་པོར་རེ་བའི་ཉ་ཕྱིས་ལགས།།
ཏ་ལའི་འདབ་མ་ཡངས་པའི་ཏ་ལ་ལ།། ཐ་མལ་འབྲས་བུས་སྟོང་པ་ཐ་མས་དབེན།། ད་ལོའི་ལོ་ཐོག་ལེགས་པའི་དར་ལྕེ་འདི།། ན་བཟང་བུ་མོས་སྒྲོན་པའི་ན་མོའི་རྒྱན།།
ཞེས་བསྒྲིགས་དགོས་སྙམ། མ་དཔེ་མ་མཐོང་སྟབས་ཚགས་ཤོག་ནང་ཡང་སྙིང་ཇི་ལྟར་བཀོད་ཡོད་མེད་མ་ཤེས། གོང་དུ་བཀོད་པ་དེ་ལ་བལྟས་ན། ཡིག་ནོར་དང་ཆད་ལྷག་མང་ཙམ་འདུག་སྙམ།
ཁོང་གིས་རྟགས་འཇུག་གི། ཀ་ཅ་ཏ་པ་ཙ་རྣམས་ཕོ། ཁ་ཆ་ཐ་ཕ་ཚ་མ་ནིང་ཞེས་པ་ལྟར་སྒྲིག་ནས་བྲིས་པ་རེད།
ཁོང་གིས་ང་ཚོར་སྐུ་རྩེད་གནང་བ་རེད། སྙན་ངག་འབྲི་མཁན་གཞན་པ་དག་ལའང་གོ་བརྡ་ཞིག་སྤྲད་པ་རེད། དཔེར་ན། ཁོང་གིས་ང་ཚོར་སྙན་ངག་འདི་ལ་གོ་རྒྱུ་འདྲ་འདུག་གམ། མི་འདུག་ན་ཁྱོད་ཚོས་དེང་སྐབས་ཤོག་ངོས་དང་དྲ་ངོས་ན་ཀློག་བཞིན་པའི་སྙན་ངག་ཐམས་ཅད་འདི་འདྲ་བ་རྐྱང་རེད་ཅེས་གསུངས་པ་ཡིན་སྲིད།
དེ་བཞིན་དུ། འདི་ནི་ཀ་རྩོམ་ངོ་མ་ཞིག་ཀྱང་མ་རེད། མགོ་རྔ་དང་ནང་དོན་མེད་པའམ། ཧ་ཅང་གོ་དཀའ་བའི་ཚུལ་དུ་བྲིས་པ་འདི་ནི་རྐང་བཙུགས་ནས་བྲིས་པ་རེད་མ་གཏོགས། ཁོང་གི་ཤེས་ཡོན་གྱི་ཚད་གཞི་ནི་འདི་ལྟ་བུ་ཞིག་ག་ལ་ཡིན། ལྷག་པར་དུ་ཁོང་ནི་སྲོལ་རྒྱུན་སྙན་ངག་ལ་ཧ་ཅང་དགའ་མཁན་ཞིག་ཀྱང་ཡིན། མ་མཐའ་ཡང་། རྩོམ་གྱི་སྤྱི་ཁོག་གི་ནང་དོན་དེ་གསལ་བོར་སྟོན་མི་ཐུབ་མཁན་ཞིག་མིན་པ་ཚང་མས་ཤེས་གི་རེད།
དེས་ན། ཚིགས་བཅད་དུ་བྲིས་པའི་རྩོམ་འདིས་དོན་ངོ་མར་སུ་ཞིག་ལ་ཤགས་རྒྱག་གི་ཡོད་པ་རེད་དམ།
བློ་བཟང་རྒྱལ་ཀུན་གྱི་ཡབ་གཅིག་བུ།།
མཁས་གྲུབ་དམ་པ་ཡོངས་ཀྱི་སྙན་བརྒྱུད་ཅན།།
རྒྱ་མཚོ་ལྟ་བུའི་ཟབ་ཡངས་ཐུགས་མངའ་བ།།
ལྰ་མོ་ཡོངས་འཛིན་ཀུན་གྱི་གཙུག་གི་རྒྱན།།
གོང་གི་ཚིགས་བཅད་འདི་ང་རང་ལོ་བཅོ་ལྔ་བཅུ་དྲུག་ཙམ་ལ་རང་གི་རྩ་བའི་བླ་མ་ལྰ་མོ་ཡོངས་འཛིན་མཆོག་ལ་བསྟོད་པ་ཞིག་འབྲི་འདོད་ཀྱིས་ཀུན་ནས་བསླངས་ཏེ་བྲིས་པ་ཡིན། རང་གི་ཚིགས་བཅད་ཐེངས་དང་པོ་དེ་ཡིན་སྟབས་ད་དུང་དྲན་ལམ་ན་གསལ་བོ་འདུག ངས་བསྟོད་ཚིག་འདི་འབྲི་སྐབས་ཞལ་འདོན་དང་བསྟོན་ཚོགས་ལས་མིང་ཚིག་གང་ཡག་དང་གང་སྙན་དག་བཙལ་ནས་ཡོང་བ་ཡིན། བྲིས་ནས་བསུབ། བསུབ་ནས་ཡང་བསྐྱར་བྲིས། ཐ་མ་དེར་རང་གི་བརྩོན་པ་ལྟར་ཁོང་གི་མཚན་བློ་བཟང་མཁས་གྲུབ་རྒྱ་མཚོ་ཞེས་པ་དེ་ཚིགས་བཅད་འདིའི་ནང་ཡོངས་སུ་སླེབས་པ་ཞིག་བཟོ་ཐུབ་སོང་། སྐབས་དུ་དུས་ཡིན་ན་འདྲ། དུས་ད་ལྟ་ཡིན་ནའང་འདྲ། ཚིགས་བཅད་འདིའི་ནང་ངས་གཞན་ལ་གོ་བ་ལོན་པའི་དོན་དག་གང་རུང་བཤད་མེད་པ་དེ་གསལ་བོ་ཡིན། གོང་གི་ཀ་རྩོམ་འདི་ཡང་དེ་ལས་གཞན་དུ་འདའ་མེད་པ་དྲ་གྲོགས་ཚོའི་དགོངས་ཚུལ་ལས་ཤེས་ཐུབ།
དོར་ཞི་རྒྱ་མཚོའི་༼ བོད་ཀྱི་རིག་གཞུང་གི་ཕྱུག་ཚད། ༽ནོར་གླིང་ནས་ཁྱིའི་རྔ་མར་བཏགས་པ་རེད། ད་བྱས་དུས་ང་ཚོས་དོ་སྣང་མ་བྱུང་བ་རེད་མ་གཏོགས་བཙན་བྱོལ་ནང་ཁྱིའི་རྔ་མ་ལ་འདོགས་འོས་པའི་རྩོམ་ཡིག་དང་བརྩམས་ཆོས་གང་མང་ཞིག་ཡོད་ས་རེད། དེ་དག་རེ་རེ་བཞིན་ཁྱི་རྔ་ལ་འདོགས་དགོས་མེད་ནའང་རླབས་ཆེན་ལྟ་བུར་བརྩི་ནས་མཐོ་སར་འཇོག་དོན་མི་འདུག་སྙམ།
གོ་དོན་གང་ཡང་མེད་པའི་ཀ་རྩོམ་འདི་སྤྱི་ཚོགས་མེ་ལོང་སྟེང་བཀོད་པ་རེད། འདི་འགོད་དགོས་པའི་རྒྱུ་མཚན་ངས་ཤེས་མ་སོང་། སྤྱི་ཚོགས་མེ་ལོང་ཡར་རྒྱས་ལ་འགྲོ་མི་ཐུབ་ནའང་འདི་ལྟར་དམའ་འབེབ་དོན་མི་འདུག་འདོད། རྩོམ་སྒྲིག་པ་ཚོས་རྒྱ་ཆེའི་རྩོམ་པ་པོ་རྣམས་ཀྱི་མཚན་མཐོང་ལ་འགན་ཞིག་མི་འཁུར་ནའང་། མཐུན་ཚོགས་དང་ཚགས་ཤོག་གི་མཚན་མཐོང་ལ་འགན་ཞིག་འཁུར་དགོས་པར་འདོད་ལ། ནང་དགོས་སུ་རང་གི་ལས་གནས་ལའང་དོན་དམ་གྱི་འགན་ཞིག་འཁུར་དགོས་པར་འདོད། འདི་ངས་རྩོམ་ཐུང་འདི་འབྲི་སྐབས་བསམ་བློ་གཏོང་ཚོད་མི་ཐུག་པའི་ཚོར་བ་ཡོང་གཞི་དེ་ཡིན།
སྤྱི་ཚོགས་ཀྱི་སྣང་ཚུལ་སྐྱོ་བོ་ཟེར་ན་འདི་འདྲ་ཞིག་ལ་གོ་དགོས་པ་མིན་འགྲོ།
མ་གཞི་《བོད་ཀྱི་རིག་གཞུང་གི་ཕྱུག་ཚད》འབྲི་མཁན་དོར་ཤུལ་རྒྱ་མཚོ་ཞུ་བ་དེ་ཡང་ནོར་གླིང་ནས་འཚར་ལོངས་བྱུང་བ་ཞིག་མ་རེད་དམ་ཨ། དངོས་ཟླ་བ་ཚེ་རིང་ལ་ཁག་མི་འདུག ཧྤ་རན་སི་ན་འདྲི་སའི་མཁས་དབང་དང་བལྟ་སའི་ཚིག་མཛོད་སོགས་མེད་པར་གོ་བ་མི་ལོན་པར་ཆ་ཞོགས། ངས་རྡ་ས་ནས་ཀྱང་མཁས་དབང་ཚོར་དྲིས། ཚིག་མཛོད་དག་བཀླགས། གཞོན་པ་དག་དང་གླེང་ཡང་ད་དུང་གོ་དོན་རྙེད་ཁག་པོ་འདུག
༼ཨ་ཙི་ཀུ་རེ་ཞུས་པར་ཨ་དོན་དབེན།།
གང་དག་བཤད་གད་ཤོར་ལ་གང་དགའ་མཛོད།།༽ཅེས་པ་འདིས་ཀ་རྩོམ་འདི་ཡོངས་སུ་འགྲེལ་ཟིན་འདུག ནམ་རྒྱུན་ང་ཚོའི་མཁས་དབང་ཚོས་༼དོན་དབེན་༽དང་༼བཞད་གད་ཀྱི་རྒྱུར་འགྱུར་སྲིད༽ཅེས་པ་སོགས་ཁེངས་སྐྱུང་གི་ཚུལ་དུ་གསུང་སྲོལ་ཡོད་ཀྱང་། ཀ་རྩོམ་འདིས་རྩོམ་པ་པོས་དེ་ལྟར་མིན་པར་དངོས་སུ་གསུངས་པ་ཡིན་ས་རེད། ཀུ་རེ་ཡིན།
མྱི་ལྡང་། ཀ་རྩོམ་འདི་ནི་ཆེས་གནའ་བོའི་བོད་ཀྱི་གཏེར་ཡིག་དེ་དག་གི་གྲས་ཀྱི་གཅིག་རེད། ངས་འདི་གཞི་ལ་བཞག་ནས་བོད་ཀྱི་འདས་མ་ད་གསུམ་གྱི་སྐོར་ལ་པོད་རྒན་འཇིགས་སུ་རུང་བ་ཞིག་འབྲི་ཐུབ་ན་ཡང་ལོ་ཤས་རིང་མི་ཁོམ་གི་ཡ། ཀ་རྩོམ་འདི་ནི་ཤོག་སེར་བཞིན། །བརྗོད་དོན་ཁྲི་ཕྲག་ཁོག་ཏུ་ཉར། །ཀ་རྩོམ་གཏེར་གྱི་ཤོག་སེར་མཁན། །གཏེར་སྟོན་སྐལ་བཟང་གླིང་པའོ།།
ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་ཉེ་འཁོར་འདི་བོད་ཀྱི་རིག་གཞུང་གི་ཕྱོགས་ནས་དོན་དག་མང་པོ་འབུད་ས་ཞིག་རེད་འདུག