བདག་གིས་སྔོན་མར་བཤད་པ་བཞིན། ཆུང་སྲིད་རིན་པོ་ཆེའི་སྐོར་ལ་སྐད་འབོད་བྱས་ཏེ་ལས་འགུལ་སྤེལ་སྟངས་འདི་དག་ནི་གཉིད་མ་སད་ཀྱི་ངང་ཚུལ་ཞིག་རེད། ང་ཚོའི་ངོས་ནས་འདི་ལྟར་འགྲོ་སྟངས་ཤིག་གི་ཚུལ་དང༌། ཡང་ན་རིམ་གྲོ་ཞིག་གི་ཚུལ་དུ་གསེར་ལྟ་བུའི་དུས་ཚོད་འདི་འཕྲོ་ལྷག་ཏུ་བཏང་ན་ཡོང་གི་མ་རེད། དེ་མི་ཡོང་བའི་ཐད་ནས་བདག་ལ་རྨོངས་འཆར་འགའ་ཞུ་རྒྱུ་ཡོད།
བདག་གིས་ཞུར་འདོད་པའི་གྲོས་གླེང་འདི་ཡུན་རིང་ལ་བསམ་བློ་བཏང་ཞིང༌། ཡུན་རིང་ལ་བརྟག་ཞིབ་བྱས་པ་ཞིག་ཡིན།
ང་ཚོའི་ངོས་ནས་ཆུང་སྲིད་རིན་པོ་ཆེ་གློད་གྲོལ་གཏོང་དགོས་པའི་སྐད་འབོད་བྱས་མ་བྱས་གང་ཡང་མེད། རྒྱལ་སྤྱིའི་ངོས་ནས་ཀྱང་གནོན་ཤུགས་སྤྲད་མ་སྤྲད་མེད། དགྱ་ནག་གི་ངོས་ནས་དུས་ནམ་ཡང་གློད་མི་སྲིད། དེ་བས་ང་ཚོའི་ངོས་ནས་སམ། རྒྱལ་བ་རིན་པོ་ཆེའི་ངོས་ནས་པཎ་ཆེན་བཅུ་གཉིས་པའི་ཡང་སྲིད་འཚོལ་རྒྱུ་དེ་རེད། བཅུ་གཉིས་པའི་ཡང་སྲིད་བྱོན་སྟངས་ནི། རང་རེའི་སྤྲུལ་སྐུའི་ལམ་ལུགས་ལ་ཡོད་བཞིན་པའི་སྐུ་གསུང་ཐུགས་ཀྱི་སྤྲུལ་སྐུའི་ལམ་ལུགས་ཀྱི་སྟེང་ནས་བྱོན་པའམ། ཡང་ན་མ་འདས་སྤྲུལ་སྐུའི་ལམ་ནས་བྱོན་ན་འགྲིག་གི་རེད། དགེ་འདུན་ཆོས་ཀྱི་ཉི་མ་མཆོག་འཇིག་རྟེན་དུ་ཡོད་དང་མེད་ལ་རྩོད་པ་རྒྱག་དགོས་དོན་ཡང་མེད། ང་ཚོའི་ངོས་ནས་དེ་ལྟའི་སྤྲུལ་སྐུ་ཞིག་བཙལ་བ་ཡིན་ན། དེ་དུས་དགྱ་ནག་གི་ངོས་ནས་ཀྱང་དགེ་འདུན་ཆོས་ཀྱི་ཉི་མ་སྐུ་འཚོ་བཞུགས་ཡོད་མེད་ཀྱི་གནད་དོན་དེ་ལྷང་ལ་བུད་ཡོང་གི་རེད། གལ་སྲིད་བཞུགས་ཡོད་ནའང་རྒྱལ་བ་སྐུ་ཕྲེང་དྲུག་པ་དང་བདུན་པའི་བར་གྱི་པད་དཀར་འཛིན་པ་ལྟར་འགྱུར་བ་ལས་ཆབ་སྲིད་ཀྱི་དཀའ་རྙོག་ཆེན་པོར་འགྱུར་མི་སྲིད། གནད་དོན་འདི་གྲོས་གླེང་ཙམ་ཡིན།
འདི་འདྲའི་གནད་དོན་གྱི་སྐོར་ལ་གྲོས་གླེང་བྱེད་དགོས་དོན་ནི། རྒྱལ་བ་རིན་པོ་ཆེའི་དགུང་གྲངས་ཇེ་མཐོར་འགྲོ་བ་དང་བསྟུན་ནས་མི་མང་ལ་རང་བཞིན་གྱིས་བློ་འཚབ་ཅིག་ཡོང་གིན་པ་དང༌། ལྷག་དོན་དུ་མ་འོངས་པའི་དུས་ངན་གྱི་ལོ་ཟླ་རང་མགོར་བབ་དུས། རེ་བ་རྒྱག་ས་དང་རང་འགན་འཁུར་མཁན་ཞིག་མེད་ཚེ། རང་རེའི་སྐྱབས་བཅོལ་སྤྱི་ཚོགས་ཀྱི་ཁ་ཕྱོགས་གང་དུ་འགྱུར་མིན་བཤད་དཀའ། དེའི་སྟབས་ཀྱིས་ད་ལྟ་ནས་ངས་གོང་དུ་ཞུས་པ་བཞིན་༧གོང་ས་མཆོག་གི་ངོས་ནས་བཅུ་གཉིས་པའི་ཡང་སྲིད་དེ་བཙལ་བ་ཡིན་ན། བོད་མི་སྤྱི་བོ་གནམ་བསྟན་ཚང་མས་གཅིག་གྱུར་གྱིས་ཁས་ལེན་བྱེད་པ་དང་དད་གུས་བྱེད་ངེས་ལ། ད་དུང་མ་མཐའ་ཡང་ལོ་ངོ་ཉི་ཤུ་ནས་སུམ་ཅུ་ཙམ་ལ་༧གོང་ས་མཆོག་གི་གསོ་སྐྱོང་ཡང་ཐོབ་འགྲོ་བ་རེད། དེ་ལྟ་བུའི་པཎ་ཆེན་རིན་པོ་ཆེའི་ཡང་སྲིད་དེ་བོད་གཞིས་བྱེས་གཉིས་ཀྱི་ཁོག་གི་སྙིང་དང་དཔྲལ་བའི་མིག་ཆགས་པའི་རེ་བ་ཤུགས་ཆེན་པོ་ཡོད། དེ་ནི་བདག་གིས་གྲོས་གླེང་བྱེད་དགོས་པའི་ཉིང་ཁུ་ཡིན།
ངས་འདི་ལྟར་བརྗོད་སྐབས། མི་ཁ་ཤས་ལ་ཆོས་ཀྱི་སྙིང་བོ་མ་ཤེས་པར་དྲིལ་བུས་སྙིང་རླུང་བསླངས་པའི་ཉེན་ཁ་ཡོད། ཡིན་ནའང་དགྱ་ནག་གི་ངོས་ནས་འདི་འདྲའི་ངོ་ཚ་ཁྲེལ་མེད་དང་ང་ཚོའི་སྙིང་ལ་གཟན་པ་ག་རེ་བྱེད་རྒྱུ་ཡོད་པ་དེ་ལྟར་བྱེད་ཚུལ་ལ་ལྟོས་དང༌། ང་ཚོས་ང་ཚོ་ནི་ཕྱི་གསལ་ནང་གསལ་ཡིན་པར་ཁོ་ན་སྒྲོག་ནས་ཕར་ཕྱོགས་ཀྱི་དྲ་བ་དྲ་ཕྱེད་ཀྱི་སྦུགས་ལ་འཐིམ་ནས་བསྡད་ན་སྙིང་བོ་ཞིག་ཨེ་ཡོད་འདོད། དེ་བས་ང་ཚོའི་ངོས་ནས་ཀྱང་ཕར་ཕྱོགས་ནས་རྔ་བོ་ཇི་ལྟར་བརྡུང་ན་ཚུར་ཕྱོགས་ནས་འཆམ་དེ་ལྟར་འཁྲབ་པའི་དུས་ལ་བབ་ཡོད་པར་སྙམ། ཆང་དུག་ཆང་གིས་གསོད་པའི་བྱ་སྤྱོད་སྤེལ་དགོས་པ་ལས་ཁེ་བཟང་ཕར་ལ་བྱིན་ནས་གྱོང་ཚུར་ལ་ལེན་པའི་དུས་ཚོད་ནི་གཏན་ནས་མིན། དེ་བས་ཀྱང་བོད་ཀྱི་གཏམ་དཔེར་བག་མ་བླངས་ཀྱང་བུ་མི་སྐྱེས་པའི་དཔེ་ལྟ་བུའི་ལས་འགུལ་རེ་སྤེལ་ནས་དུས་ཚོད་གདའ་བ་འདི་ནི་རང་མགོ་རང་གིས་གཡོགས་པའི་བྱ་སྤྱོད་ཁོ་ན་རུ་མཐོང་ངོ༌།།
སྔོན་མའི་དོགས་སློང་གི་ནང་དུ་བརྗོད་པའི་སྐད་ཆ་ཞིག་ཡང་བསྐྱར་བཤད་ན། ང་ཚོས་བཙོན་འོག་ན་ཡོད་པའི་ཆུང་སྲིད་རིན་པོ་ཆེ་གཅིག་པུར་རེ་བ་རྒྱབ་ནས་བསྡད་ན། ལོ་ངོ་སུམ་ཅུའི་རྗེས་ནས་བོད་སྐད་མི་ཤེས་པ་དང་བོད་ཡིག་མི་ཤེས་པ། ཐ་ན་བོད་པའི་རང་གཤིས་ཀྱང་མེད་པའི་མི་ཞིག་ཕྱིར་སྤྲད་ན། དེ་དུས་ལེན་དགོས་ན་ལག་པ་བསྲེགས། དོར་དགོས་ན་སླ་ང་ཆག་པའི་དཔེ་རུ་མི་འགྱུར་བའི་ངེས་པ་མི་འདུག བརྒྱ་བཤད་ཚིག་གི་རྩ་བ། སྟོང་དཀྲོགས་འོ་མའི་མར་ལོ་གང་ཡིན་ཞེ་ན། ང་ཚོའི་ངོས་ནས་ཆུང་སྲིད་རིན་པོ་ཆེའི་སྐོར་གྱི་གནད་དོན་འདི་མྱུར་ནས་མྱུར་དུ་ཐག་གཅོད་ཅིག་གནང་དགོས་པ་དེ་ཡིན། འདི་ལ་ཡང་རང་རེའི་མེས་པོའི་གཏམ་དཔེར། དཀའ་དུས་ལྷོད་མི་ཉན། སྐྱིད་དུས་གཡེང་མི་ཉན་ཞེས་པ་ལྟར་ཡིན།
དེ་མིན་ཉི་མ་གང་འཁྱོལ་གྱི་ལས་འགུལ་ཙག་ཙིག་ཙམ་ལ་བརྟེན་ན་མཇུག་མཐའི་ཡོང་རྒྱུ་དེ་ངས་བཤད་མི་དགོས་པར་ཚང་མར་གསལ་བ་ལྟར་རོ།།
བསམ་ཚུལ་གསར་པ་དང་རྨི་ལམ་གསར་པ་རེ་གཏོང་ཆོག་པ་ནི་ང་རང་ཚོའི་འདོད་པ་རེད། ཡིན་ནའང་དོན་གྱི་ཕན་ཐོག་ཡོང་མིན་ནི་ཁ་ཚོན་གཅད་དཀའ་བ་ཞིག་རེད་སྙམ།
བོད་པའི་སྤྱི་ཚོགས་ནང་དུ་རྨོངས་དད་ཅན་རྣམས་མཇུག་སྒྲིལ་བའི་དུས་ནི་ཧ་ཅང་རིང་པོ་ཡོད་པས་དེ་བརྟེན་རྨོངས་དད་ཅན་རྣམས་ཁ་ལོ་འགྱུར་མཁན་སྐྱེས་ཆེན་དམ་རེ་དགོས་ངེས་རེད་སྙམ།
སྤྲུལ་སྐུ་ཡོད་ནས་བདེ་སྐྱིད་ཐོབ་ཀྱི་ཡོད་ན་བོད་མི་རིགས་འདི་ལས་སྐྱིད་པ་འཛམ་གླིང་ཐོག་ཏུ་མེད་ངེས་ཡིན།
གནམ་ལྕགས་ལགས་ཀྱིས་སྐད་ཆ་ཐོན་གསར་ཞིག་བཤད་འདུག
གནམ་ལྕགས་ལགས། བསམ་ཚུལ་གསར་པ་ཞིག་བཏོན་འདུག ཐུགས་རྗེ་ཆེ།
འདིའི་སྐོར་ལ་བསམ་ཚུལ་བཏོན་ཏེ་བཞག་པ་མིན་པར་མུ་འཐུད་ནས་བགྲོ་གླེང་དང་གོ་བསྡུར་གྱིས་ལག་ལེན་ལ་འཁེལ་བ་ཞིག་ག་རེ་ཡོང་མིན་སྐོར་ལ་སྐུ་ཉིད་ཀྱིས་འགོ་ཁྲིད་དེ་ལས་འགུལ་ཞིག་རྩོམ་ཐུབ་པའི་རེ་བ་ཡོད།
གཞན་ཡང་ཆུང་སྲིད་དགེ་འདུན་ཆོས་ཀྱི་ཉི་མ་མཆོག་གི་གནས་བབ་དང་། རྒྱལ་མཚན་ནོར་བུར་ང་ཚོས་ལྟ་སྟངས་སོགས་ཀྱི་སྐོར་ལའང་བགྲོ་གླེང་ཞིག་
འཚོག་ཐུབ་ན་དེ་ཡང་རྒྱ་ཚང་གིས་དོ་སྣང་བྱེད་ཡུལ་ཞིག་མིན་ནམ་སྙམ་གྱིན་འདུག སྐུ་ཉིད་ཀྱིས་དགོངས་བཞེས་རེ་གནང་ཐུབ་ན་ང་ཚོས་ངོས་ནས་ཀྱང་ཕྱར་གྲུ་མཉམ་འདེགས་གང་ཡོང་ཞུ་ངེས་ཡིན།
གོ་བསྡུར་ཙམ་ཡིན།
ད་ང་ཚོས་ཐབས་ལམ་ཅི་ཞིག་སྤྱད་ནས་ཁོང་གློད་ཐབས་བྱེད་དགོས་པ་རེད། འདི་ལྟར་ཁྲིམས་ཁང་ནས་སྐུ་ཚེ་རྫོགས་པར་བྱེད་རྒྱུ་ཨེ་རེད། རྒྱ་རྒན་འདི་ཚོར་ལས་རྒྱུ་འབྲས་ཤིག་མི་འདུག་ཡ་་་་
རྒྱ་རྡེའུ་དགེ་འདུན་ལགས། གསུང་པ་དངོས་གནས་བདེན། སྤྲུལ་སྐུའི་ལམ་ལུགས་འདི། ཆབ་སྲིད་ལག་ཆར་གྱུར། རང་ཚོད་མ་བཟུང་ན། སྤྲུལ་སྐུ་ཐང་ཆད་ནས། རྒྱལ་བའི་ཞིང་ཁམས་སུ། གཏན་དུ་གཟིམས་ནའང་ཐང་།
ཆང་དུག་ཆང་གིས་གསོད་དགོས་པ་ཤེས་ནའང་གསོད་ལུགས་འདིའོ་ཞེས་བཤད་དགོས་ཤིང་། ཕ་རོལ་པོས་རྔ་རྡུང་སྟངས་ང་ཚོས་སྔར་ནས་ཤེས་ཡོད་རུང་དེ་ལ་བསྟུན་པའི་འཆམ་འདི་འདྲ་ཞིག་རྒྱག་དགོས་ཞེས་བཤད་མི་འདུག ཐབས་ལམ་ཞིག་སྟོན་ཐུབ་ན་ཅི་མ་རུང་།
༄༅། ཐབས་ཟད་ན་མ་གཏོགས་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
སྐུ་གསུང་ཐུགས་ཀྱི་ཡང་སྲིད་ལས་དང་པོ་གཉིས་སྐུ་འཚོ་བཞིན་པ་རེད། ་ད་སྐྱབས་བཅོལ་ངོས་ནས་ཐུགས་སྤྲུལ་ཞིག་ཚོལ་ན་རིན་པོ་ཆེ་ཁོང་་་་་་་་་་་་་་་་་་་་་་་་་་
ཆབ་སྲིད་ཀྱི་མདེའུ་གསུམ་དུ་སྤྲུལ་དགོས་ན་དཀའ་རྒྱུ་རེད་ཡ
རྒྱ་ཡི་རྒྱལ་མཚན་ནོར་བུ་རྫུན་མ་དེ། པཎ་ཆེན་དངོས་གནས་༧དགེ་འདུན་བསྟན་འཛིན་གྱི་ཚབ་ལ་རེ་བ་ནི། རྒྱ་ཁོག་བཞུགས་བྱུང་བ་དང་མཚུངས་སོ། རྒྱ་གཞུང་གི་དུག་རྩུབ་གཡོ་བྱུས་ཡོད་པ་ཙམ་མ་ཟད། ཆུང་སྲིད་དགུང་ལོ་༡༨ནས་བོད་ནང་གི་གཞི་ལུས་ཉེ་འཁོར་གྱི་བློ་རྩལ་མ་གདང་བ་དང་། བྱེ་འབྱོར་བོད་རིགས་ཀྱིས་རྩད་ཞིབ་འཛུལ་བཞུགས་མ་ཐུབ་པ་གཉིས་ལའང་རག་ལས་མེད་དམ། ༸པཎ་ཆེན་༧བསྟན་འཛིན་དགེ་འདུན་རྒྱལ་འགྱུར་ཅིག །
རང་རང་གི་བསམ་ཚུལ་རེད་མ་གཏོགས་ཤེས་བྱེད་ཅང་མེད་གི དེ་ལས་མཇུག་མཐར་བབས་ས་ནི་བཀའ་དྲིན་བླ་ན་མེད་པའི་ཀུན་གཟིགས་བཅུ་པ་མཆོག་གི་ལོ་རྒྱུས་ལ་རྗེས་དྲན་ཞིག་གནང་ན་ཆོག་ཡ། ངའི་ཆུ་བུར་གྱི་མིག་འདིས་ད་ལྟ་ནས་དེ་འདྲ་ཞིག་མཐོང་འོང་། མཐའ་འཇུག་གི་ལམ་བུ་དེ་རང་རེད།
ང་ཚོའི་ཆབ་སྲིད་ཀྱི་ཁ་ཕྱོགས་ལ་བསམ་ནས། ཕྱོགས་གཉིས་ཀྱི་ནུས་ཤུགས་ལ་དཔགས་ནས། གཡས་ལྟ་གཡོན་ལྟ་ཇི་ལྟར་བྱས་ཀྱང་རུང་འདི་ལས་ལྷག་མེད།
རྒྱལ་མཚན་ནོར་བུའི་མི་རིགས་ཀྱི་རིགས་ཞེན་དང་བློ་སྤོབས། ཕྱོགས་གང་སྤྱི་ནས་ཀུན་གཟིགས་བཅུ་པ་མཆོག་ལྟར་འོང་མི་སྲིད་པ་ཡང་མ་རེད། སྐད་འདི་ཡང་ཐབས་མེད་ཀྱི་སྐད་ཅིག་རེད།
དགོངས་དག བཅོས་ཡོད་ལགས།
རྩོམ་སྒྲིག་པ་ལགས། ཆུང་སྲིད་ཅེས་པའི་ཆུང་ཆད་འདུག