སྐུའི་སྲུང་སྐྱོབ་དང་དེ་འབྲེལ་གྱི་གནད་དོན། བློ་བརྟན།

ལགས་རེད་ བཀའ་ཟུར་བཀྲིས་དབང་དུས་ཁོང་བྷེལ་ཇམ་དང་ཕྷ་རན་སི་དོན་གཅོད་གཅིག་ལྕོགས་རེད་ལགས་ སྐོ་བཞག་གི་ ལོ་དང་པོ་དེར་ཕྷ་རན་སིར་ཡང་སེ་ཕེབས་ནས་བོད་རིགས་ཚོ་དང་རྒྱུས་ལོན་གནང་ཡ་དང་ བཀའ་སློབ་སོགས་མང་པོ་གནང་སོང་ འོན་ཀྱང་འདི་ལོ་ནས་བཟུང་སྐུ་ངོ་མཇལ་ཡ་མི་འདུག་། ས་གནས་བོད་རིག་དང་འབྲེལ་ཐག་དེ་རིང་དུ་ཕྱིན་སོང་། དེ་མིན་༧གོང་ས་མཆོག་སྒེར་གྱིས་བསྐོས་པ་དང་ བོད་མི་མང་གིས་བསྐོས་པ་གང་ཡིན་ལ་ཁྱད་པར་མི་འདུག་།
མ་ཚད་ཕྱག་ལས་མང་པོ་ལུས་ཡོད་དེ་ཡང་སེ་བསྐོར་ར་རྒྱག་དགོས་རེད་དྲན་བགྱི་འདུག་། མ་གཞི་ཕྱི་རྒྱལ་ཁག་གི་དོན་གཅོད་ཚོ་ས་གནས་བོད་མི་མང་གི་དོན་དུ་མིན་པའི་ཚོར་སྣང་ཞིག་དང་སྔར་ས་ནས་ཡོད་།
འོན་ཀྱང་ཁོང་ནི་བོད་སྤྱི་པའི་དོན་དུ་ལོ་མང་དཀའ་ལས་རྒྱག་མཁན་ཞིག་ལ་ངོས་འཛིན་ཡོད་ལ་གུས་བཀུར་ཞུ་བགྱི་ཡོད་།
ཁྱེད་རང་གི་གསུངས་པ་དེ་བདེན་ཐག་ཆོད་རེད་ཁོང་ནི་ཡུལ་རོབ་མཉམ་འབྲེལ་ལ་འབྲེལ་འཐུད་བྱེད་མཁན་དོན་གཅོད་གལ་ཆེ་ཤོས་དེ་ཆགས་ཀྱི་ཡོད་རེད་།
ཁོང་ངོ་མ་གལ་ཆེན་པོ་རེད་། དེ་ཚོ་སྤྱི་དོན་རེད་ །
སྒེར་ངོས་ནས་བཤད་ན་གུས་པས་ཁོང་གི་ལྷག་བསམ་དང་ གཤིས་ཀ་ ཤེས་ཡོན་བཅས་ལ་གུས་བརྩི་ཞུ་མཁན་ཞིག་ཡིན་ ཉེ་ཆར་རང་ཁོང་་བཀའ་བློན་ཁྲི་པའི་འོས་གཞི་ལ་ལང་གི་མིན་ མི་གཞན་ལ་གོ་སྐབས་འབུལ་བགྱི་ཡིན་གསུངས་འདུག་པ་དེ་ཡག་པོ་ཞིག་མཐོང་སོང་། བཀའ་བློན་གནང་མྱོང་མཁན་ཚོར་ཡང་བསྐྱར་བསྐོ་ན་བྲོ་བ་ཅང་མི་འདུག་། བཀའ་ཟུར་ཚོ་ཁོང་ནང་བཞིན་གནང་ན་ཡག་པོ་འདུག་། ཞོར་འཕྲོས་ཙམ་ཡིན།

ངོ་མ་ཐུགས་རྗེ།ཁ་སང་དེ་རིང་ལ་འུ་ཚང་གིས་རང་ཉིད་ཀྱིས་རང་ཉིད་ཀྱི་ནོར་བུ་དགོས་འབྱུང་དེ་ཤོག་སྒོར་ཁ་ཤས་ཀྱི་སླད་དུ་བློས་གཏོང་བའི་གནས་ཚུལ་ནི་ངོ་མ་ཡིད་སྐྱོ་བའི་དོན་དག་ཞིག་མ་རེད་དམ།
འུ་ཚང་གི་ཨ་གསར་དང་བཅོས་མའི་རང་བཞིན་རེ་རེ་དུས་ཚོད་ཀྱི་འགྲོས་དང་བསྟུན་ནས་ལྷང་ལ་བུད་པ་མ་ཡིན་ནམ།
འུ་ཚོས་དད་པ་དང་དམ་ཚིག་ཁ་རུ་ཁྱེར་ནས་༧གོང་ས་མཆོག་བེད་སྤྱད་དེ་ཨ་སྒོར་སོགས་འཚོལ་བའི་ངོ་ཚ་མེད་པའི་ཐབས་ལམ་དེ་ནི་ཆེས་ཐབས་སྡུག་གི་ཐབས་ཤིག་རེད།

དོན་གཅོད་སྐོར་མང་གླིང་ན་སྐུ་སྒེར་ཡིག་ཚང་དང་འབྲེལ་བ་ཡོད་རེད། དོན་གཅོད་སྐུ་བསྐོ་བཞག་ཚང་མ་༸གོང་ས་དང་བཀའ་འབྲེལ་ཡིན་པ་ཤེས་ཀྱི་མེད་པ་འདྲ། གལ་སྲིད་སྐུ་ངོ་བཀྲིས་དབང་དུས་ལ་འབྱོན་ཐང་ཡོད་ན་ཡུལ་རོམ་མཉམ་འབྲེལ་ལ་འབྲེལ་འཐུད་བྱེད་མཁན་དོན་གཅོད་གལ་ཆེ་ཤོས་དེ་ཆ གས་ཀྱི་ཡོད་རེད། ཁོང་རང་ལ་འཇོན་ཐང་ཡོད་ན་དེ་ལས་ལྷག་པའི་གོ་སྐབས་རག་རི་མ་རེད། དོན་གཅོད་གནས་ཡུལ་དེ་བྷེལ་ཇམ་གྱི་རྒྱལ་བྷ་སེལ་ཡོད་རེད།

རེད་རེད་བློ་གཏན་ལགས་ཀྱི་སྐད་ཆ་མང་ཆེ་བར་རྒྱབ་སྐྱོར་ཡོད་།ཡིན་ནའང་བོད་པའི་སྲོལ་རྒྱུན་གྱི་ལུགས་སྲོལ་བཀྲིས་ཞོ་པ་གཡུག་དགོས་ཟེར་ན་བཟློས་གར་ཚོགས་པའི་ངོས་ལེན་གནང་མིན་མི་ཤེས་ལ་ད་དུང་དེ་འདྲའི་རིགས་ཅན་དག་གི་དངོས་ལེན་གནང་མདོག་མི་འདུག་

གྲོགས་པོ་བློ་བརྟན་ལགས་ཐུགས་རྗེ་ཆེ་ཁྱོད་གྱིས་བཤད་པ་ལ་རྒྱབ་སྐྱོར་ཡོད། དངོས་གནས་༸གོང་ས་མཆོག་ཕྱོགས་ཕེབས་མང་དྲགས་འདུག། ཉེ་ཆར་༸གོང་ས་མཆོག་གིས་ད་ང་ཉོབ་ཀྱིན་འདུག་གསུངས་པ་གོ་ཐོས་བྱུང་། དེ་སྔ་སྐུ་ཆམ་བཞེས་སྐབས་མ་གཏོགས་དེ་འདྲ་གསུང་གི་མ་རེད་ལ་ཉོབ་སྣང་ཡང་རྩ་བ་ནས་ཡོད་པ་མ་རེད།
དེ་འདྲ་སོང་ཙང། མི་སྒེར་དང་ཚོགས་སྡེ་ཁག་ལ་གང་འདོད་ཀྱིས་ཕེབས་རྒྱུ་ཚོད་འཛིན་གནང་ཐོག་སྐུའི་འཕྲོད་སྟེན་དང་། སྐུ་ངལ་གསོ་རྒྱུ་ཧ་ཅང་གལ་ཆེ།

ལི་ཆུ་དྭངས་མ་ལ་དགག་ལན་ཞིག་དགོས་ཀྱང་ཁོམ་ལོང་མ་བྱུང།
བློ་བཟང་སྙན་གྲགས་ཟེར་བ་ལ་ཆ་རྒྱུས་མེད་དེ། ཁོ་ཟམ་གདོང་བླ་མའི་ཨ་ཕྲུག་ཡིན་རབས་གོ་ཐོས་བྱུང། ཁོ་ལ་བཀའ་བློན་མ་རགས་པར་གངས་སྐྱིད་དུ་བར་དོ་བ་ནང་བཞིན་འཁྱམས་སྐབས་ཟམ་གདོང་བླ་མས་ཕོ་བ་གཅིག་གིས་ཨ་རི་ལ་གཡུག་པ་རེད་ཟེར།
དེ་འདྲ་ཡིན་ན་ཡག་རྟགས་ཡོད་པ་མ་རེད།

གསུང་པ་ལེགས། གནད་དོན་འདི་སྔོན་ནས་མང་པོ་ཞིག་གིས་གླེང་བཞིན་འདུག་ཀྱང་དེ་ཙམ་གྱིས་ནུས་པ་ཐོན་གྱིན་མེད་པ་འདྲ། དེས་ན་ཐབས་ལམ་གཞན་ཞིག་འཚོལ་རྒྱུ་ཤིན་ཏུ་གལ་ཆེ།
གསང་མིང་ཅན་འགའ་རེ་གསང་མིང་གི་ཕག་ཏུ་ཡིབ་བསྡད་པ་དེས་ཁོ་རང་སྡར་མ་ཞིག་ཡིན་པ་ར་སྤྲོད་བྱས་ཡོད་ཅིང་། དེ་དག་གིས་སྐབས་བབས་ཀྱི་བརྗོད་བྱར་བགྲོ་གླེང་མི་བྱེད་པར་རྩོམ་པ་པོར་སྐྱོན་བརྗོད་སྣ་ཚོགས་བྱེད་བཞིན་པ་འདིས་ཀྱང་དོན་དངོས་ལ་གདོང་སྟོན་མི་ཐུབ་པའི་སྡར་མ་ཞིག་ཡིན་པ་ར་སྤྲོད་བྱས་འདུག

གོང་དུ་བརྗོད་པའི་གནད་དོན་དེ་དག་ཁྱེད་རང་གིས་ཁ་ཞེ་གཉིས་མེད་ཐོག་ནས་བཤད་ཡོད་ན་ཡིད་རངས་མངགས་བརྗོད་ཡོད།

ལི་ཆུ་དྭངས་མ། ༧གོང་ས་མཆོག་ལ་ཆེད་དུ་བྱ་བའི་བདུལ་བྱ་གྲངས་ལས་འདས་པ
ཡོད་པ་དང་། དེ་དག་ལ་གསུང་ཆོས་དང་བཀའ་སློབ་སོགས་བསྩལ་དགོས་ཀུན་གྱིས་ཤེས་གསལ་རེད། འོན་ཀྱང་སློབ་མ་རྣམས་ནམ་རྒྱུན་རང་གི་བླ་མ་མཇལ་སར་འགྲོ་དགོས་མ་གཏོགས། བླ་མས་སློབ་མ་འཚོལ་སྡུད་བྱེད་རྒྱུ་འདི་ནི་དེང་སེང་ཕྱི་རྒྱལ་གྱི་ཆོས་ཚོགས་རྣམས་ཀྱི་འགྲོ་སྟངས་ཞིག་རེད། ཕར་ཆེར་ཁྱེད་ཡང་ལ་མཉེས་པོ་ཡོད་པ་འདྲ།
གང་ལྟར་ཡང་༧ གོས་ས་མཆོག་གང་དུ་བཞུག་ནའང་ཐུགས་རྗེ་བྱིན་རླབས་ལ་ཉེ་རིང་མེད་པ་དང་། གང་ཟད་སུ་ལ་དད་པ་ཡོད་ན་དེའི་མདུན་ལ་བཞུགས་ཡོད།
ཁྱེད་བསམ་འདི་ལ་དཔྱད་ན་ནི་༧ གོས་ས་མཆོག་ལ་སྙིང་ནས་དད་པ་མེད་པའམ་ཡང་ན་སྨོངས་པའི་དབང་དུ་སོང་བ་འདྲ། ལི་ཆུ་སྙིགས་མ་རེད་འདུག

གྲོགས་པོ་བློ་བརྟན་ལགས་སུ།
༸གོང་ས་མཆོག་ནི་འཛམ་གླིང་གི་སྟོན་པ་ཡིན་པས་ཆེད་དུ་བྱ་བའི་བདུལ་བྱ་གྲངས་ལས་འདས་པ་ཡོད་པའི་དེ་དག་ལ་བཀའ་སློབ་ལམ་སྟོན་རེ་གནང་རྒྱུ་དང་ལྷག་པར་དུ་ཁོང་གི་རྒྱུན་ལྡན་ནས་འགན་ཁུར་གསུམ་གྱི་ཐོག་ནས་ཐུགས་ཁུར་ཆེད་བཞེད་ཀྱི་འཛམ་གླིང་ཤར་ནུབ་ཀུན་ལ་ཕེབས་ཀྱི་ཡོད་པས་ན་ཁྱེད་ཀྱི་རི་བོང་རྣམ་སྡབ་ཀྱི་སྡུག་བསྔལ་བྱེད་མི་དགོས་པར་འཚལ། གཞན་ཁྱོད་ཀྱི་བཀའ་ཟུར་བཀྲ་ཤིས་དབང་འདུས་དང་བློ་བཟང་སྙན་གྲགས་སོགས་ལ་ཁོན་འཛིན་དང་དམའ་བབས་བྱེད་པ་ལས་༸གོང་ས་མཆོག་གི་སྐུའི་སྲུང་སྐྱོབ་སྐོར་ལ་བོད་མི་ཡོད་དོ་ཅོག་ལ་མགན་ཡོད་པ་མ་ཚད་ཁྱེད་རང་ལའང་ཡོད་རེད།

ང་ཚོའི་སྤྱི་ཚོགས་ལ་འདི་འདྲའི་ན་ཚ་ཞིག་གིས་ཁྱབ་ནས་ཡོད། མི་ཞིག་གིས་གནད་དོན་རེ་གླེང་ནས་འོང་སྐབས། དེའི་རྒྱབ་ལྗོངས་བསྔོག་ནས་འོང་གི་འདུག དྲང་མོར་བཤད་ན། མི་ཞིག་གིས་རང་གི་སྡོད་གནས་བརྗེ་བོ་བརྒྱབ་པ་ལ་ཧ་ལས་རྒྱུ་ཅི་ཡོད། ཁོང་ཨ་རི་ལ་སོང་བ་གསར་འགོད་མཐུན་ཚོགས་ནས་བཏང་བ་བདེན་ཡང་། ཁོང་ཚུར་མ་ཡོང་བ་དེ་མ་འགྲིག་པ་ཅི་ཡོད། འདི་འདྲ་ཙམ་གྱིས་མི་ཞིག་ནག་པོ་ནག་རྐྱང་བཟོས་ནས་ཐ་ན་སྐད་ཆ་ཙམ་ཡང་བཤད་ས་མེད་པར་བཟོ་རྒྱུ་ཡིན་ན། ང་ཚོའི་བཙན་བྱོལ་སྤྱི་ཚོགས་ཁྲོད་མི་དཀར་བོ་གཅིག་ཀྱང་མེད་ཅེས་ཁ་ཚོན་གཅོད་ཐུབ།

ངས་བལྟས་ན་བློ་བརྟན་ཨ་རིར་འགྲོ་སྟངས་འདི་མི་སྐྱོ་བོ་ཞིག་ཨ་རིར་འགྲོ་སྟངས་རེད། གངས་ཅན་སྐྱིད་གཤོང་གི་སྐུ་ངོ་དག་གིས་ནང་ཚུན་ཆད་ཟླ་སྒྲིལ་བཏང་ནས་ཨ་རིར་འགྲོ་བཞིན་ཡོད་པ་དག་ལ་ཅི་ཟེར་དགོས། གསང་མིང་བ་དག་གིས་མི་ལ་ཁ་གཏོང་བ་འདི་དངོས་གནས་ཐབས་སྐྱོ་བོ་རང་རེད། འདི་འདྲ་རྐྱང་བྱས་ནས་ང་ཚོའི་སྤྱི་ཚོགས་ལ་ཆིག་སྒྲིལ་གྱི་གོང་བུ་མེད་སོང་བ་རེད། འདི་ནི་ང་གནམ་ལྕགས་ཀྱི་ལྷག་བསམ་རྣམ་དག་གི་སྐད་ཆ་ཡིན། སུ་ལ་ཕོག་ན་དེ་ལ་གཟས་པ་ཡིན།

བློ་བརྟན་ལགས་ཀྱི་ཧ་ཅང་གལ་གནད་ཆེ་བའི་བཀའ་མོལ་མང་དག་ཅིག་མདུན་དུ་ཐོན་ནས་ཤོད་བཞིན་འདུག ཁོང་གིས་བཤད་པ་ལྟར་ྋགོང་ས་མཆོག་སྐུ་ཚེ་བརྟན་རྒྱུ་ལས་ལྷག་པ་ཅིག་ང་ཚོ་བོད་ཚང་ལ་མེད་པ་བཤད། དེ་དངོས་གནས་བདེན་པ་རེད། ྋགོང་ས་སྐྱབས་མགོན་ཆེན་པོ་མཆོག་ནི་ང་ཚོ་གངས་ཅན་ཡོངས་ཀྱི་ཁོག་པའི་སྙིང་དང་དཔྲལ་བའི་མིག་རང་ཡིན། ཁོག་པའི་སྙིང་དང་དཔྲལ་བའི་མིག་མེད་པའི་མི་ནི་ནམ་ཡང་འཚོ་གནས་མི་ཐུབ་པ་འཇིག་རྟེན་འདི་ནས་ཁ་བྲལ་རྒྱུ་རང་རེད། རྗེས་སོར་ྋགོང་ས་མཆོག་ལ་སྐུ་ངལ་གསོ་བའི་དུས་ཚོད་མང་ཙམ་དགོས་པ་དང༌། ཕྱོགས་དང་ཕྱོགས་མཚམས་གང་དུ་ཕེབས་ཀྱང་སྐུ་ཡི་ཉེན་སྲུང་སྐོར་དམ་དྲག་དང་གྲྭ་སྒྲིག་འཐུས་ཚང་དགོས་པ་ཧ་ཅང་གལ་ཆེ།