ཀུན་སྤྱོད་ཀྱི་མགོ་རྙོག རྩོམ་སྒྲིག་པས།

བོད་ཀྱི་སྐད་ཡིག་རྒྱུན་འཛིན་ཚོགས་པ་ལ།
བདག་གིས་སྙིང་ཐག་པ་ནས་བཀའ་དྲིན་ཆེ་ཞུ་ཞུ་ཞུ།

བོད་ཀྱི་ཆོས་རིག་གཞུང་སྲུང་སྐྱོབ་ཀྱི་འབོད་ཚིག་གལ་ཆེན་རྣམས།
ང་ཚོས་ཕྱོགས་དུས་ཀུན་ཏུ་དྲིལ་བསྒྲགས་རྒྱ་ཆེར་བྱེད་དགོས་སོ།

བོད་ཀྱི་སྐད་ཡིག་བེད་སྤྱོད་མ་བྱས་ན།
བོད་ཀྱི་ཆོས་དང་རིག་གཞུང་ཉམས་པར་འགྱུར། །

བོད་ཀྱི་སྐད་ཡིག་དར་སྤེལ་བཏང་ན།
བོད་ཀྱི་ཆོས་དང་རིག་གཞུང་དར་རྒྱས་ཡོང་བར་འགྱུར། །

བོད་རིགས་རྣམས་ཀྱིས།
བོད་སྐད་དག་མ་ཤེས་དགོས་པ་ནི།
མི་རིགས་ཀྱི་ཁྱད་ཆོས་ཡིན།

བོད་རིགས་རྣམས་ཀྱིས།
བོད་སྐད་དག་མ་རྒྱུན་དུ་བེད་སྤྱོད་བྱེད་རྒྱུ་ནི།
དུས་རབས་ཀྱི་ལས་འགན་ཡིན།

བོད་རིགས་རྣམས་ཀྱིས།
བོད་ཡིག་འབྲི་ཀློག་སྦྱོང་རྒྱུ་ནི།
བོད་ཀྱི་རིག་གཞུང་གི་རྩ་བ་ཡིན།

བོད་རིགས་རྣམས་ཀྱིས།
སུམ་རྟགས་སྙན་ངག་སྦྱོང་རྒྱུ་ནི།
བོད་ཀྱི་ཆོས་རིག་གི་ལྡེ་མིག་ཡིན།

བོད་རིགས་རྣམས་ཀྱིས།
དེང་དུས་ཤེས་ཡོན་བཟོ་རིག་སྦྱོང་རྒྱུ་ནི།
བོད་འབངས་ཡར་རྒྱས་ཀྱི་འགྲོ་ལམ་ཡིན།

བོད་རིགས་རྣམས་ཀྱིས།
སངས་རྒྱས་ཆོས་ལ་ཐོས་བསམ་སྒོམ་པ་བྱེད་རྒྱུ་ནི།
གངས་ཅན་མི་དམངས་ཀྱི་བླ་སྲོག་ཡིན།

བོད་ཀྱི་སྐད་ཡིག་མེད་ན། བོད་ཀྱི་རིག་གཞུང་མེད། །
བོད་ཀྱི་རིག་གཞུང་ཡོད་ན། བོད་ཀྱི་མི་རིགས་ཡོད། །

བོད་ཀྱི་རིག་གཞུང་ཡང་དག་པ་ཞིག་ཤེས་དགོས་ན།

བོད་རང་གི་ཐུན་མོང་མིན་པའི་སློབ་གསོའི་སྒྲོམ་གཞི་ལ་ངེས་པར་བསྟེན་དགོས།

གོང་དུ་བོད་ཀྱི་ཆོས་རིག་གཞུང་སྲུང་སྐྱོབ་ཀྱི་འབོད་ཚིག་འགའ་ཞིག་དཔེ་མཚོན་དང་དཔྱད་གཞིའི་ཆེད་ཁོ་ནར་ཕུལ་བ་ཡིན། མ་འོངས་པར་བོད་ཀྱི་སྐད་ཡིག་རྒྱུན་འཛིན་ཚོགས་པས་གཙོ་བོར་བྱས་པའི་བོད་གཞུང་དམངས་ཡོངས་ཀྱིས། མི་སེམས་འགུལ་ཐུབ་པའི་བོད་ཀྱི་ཆོས་རིག་གཞུང་སྲུང་སྐྱོབ་ཀྱི་འབོད་ཚིག་ལེགས་ཤོས་འགའ་ཞིག་བརྒྱུད་ལམ་སྣ་ཚོགས་ནས་དྲིལ་བསྒྲགས་བྱེད་ཐུབ་ན། བོད་པའི་སྤྱི་ཚོགས་རྨོངས་གཉིད་ལས་སད་པའི་ཕན་ནུས་རླབས་ཆེན་འབྱུང་ངེས་སོ།

དགོངས་འགལ་མེད་པ་ཞུ། མཆན་བུ་འོག་མ་ནང་དུ་ཆོད་ལྷག་ཤོར་སོང་བས་བཅོས་པ་ཡིན།

བློན་ཆེན་མགར་ལགས་བདེ་མོ་ཡིན་། དེ་རིང་སེམས་པ་ལྷོད་ལ་བབ་ཡོད་པ་འདྲ།་ཧ་ཧ་

ཅོ་རི་

རེད་ཡ་དུས་བབ་རྩོམ་སྒྲིག་པ་ལགས།ང་རང་ཚོའི་སྤྱི་ཚོགས་ནང་དུ་བསམ་ཚུལ་མི་འདྲ་བ་ཁ་ཕྱོགས་གཉིས་དང་ལག་ལེན་མི་འདྲ་བ་ལྡོག་ཕྱོགས་གཉིས་ཡོད་པར་བདེན་པ་རེད།

1.༢༠༠༨ལོར་གཞི་ལུས་བོད་མི་ཚོས་རང་སྲོག་བློའི་གཏོང་གི་ཐོག་ཏུ་ཞི་རྒོལ་བྱས་དུས་བཙན་བྱོལ་བོད་གཞུང་གིས་གཞུང་འཛིན་སྒྲིག་འཛུགས་ཀྱིས་ཐོག་ནས་ཁ་གཏད་ཀྱི་དགྲ་བོ་ལ་བློ་ཐག་ཆོད་པའི་སྒོ་ནས་ངོ་རྒོལ་བྱས་མེད་པ་མ་ཟད་དེ་ལས་ལྡོག་སྟེ་དགྲ་བོའི་ངོ་སྲུང་ཅི་ཐུབ་བྱས་ཡོད་པར་ཚང་མས་མཁྱེན་གསལ་རེད།

2.དེ་ཙམ་མ་ཟད་བལ་ཡུལ་ལྟ་བུར་མཚོན་ན་རྒྱ་ནག་གཞུང་ལ་ངོ་རྒོལ་མང་ཤོས་བྱས་ཡོད། ཡིན་ནའང་དེ་ཚོ་ཚང་མ་བོད་མི་ཉམ་ཐག་ཚོས་རང་གི་འགན་ཁུར་རང་གིས་ལེན་ནས་ངོ་རྒོལ་བྱས་པ་རེད་མ་གཏོགས་གཞུང་འཛིན་སྒྲུག་འཛུགས་ཀྱིས་ཐོག་ནས་གཞི་ལུས་བོད་མི་རྣམས་དང་གདོང་སེམས་མཉམ་བསྐྱེད་བྱས་ནས་ངོ་རྒོལ་བྱས་པ་མ་རེད་སྙམ།

3.མདོ་ན་བོད་རྒྱ་ཆེན་མི་དམངས་དང་བཙན་བྱོལ་བོད་གཞུང་གི་ལས་འགུལ་བར་འགལ་ཟླ་ཡོད་པར་གསལ་པོ་རེད། གཞི་ལུས་རྒྱ་ཆེན་མི་དམངས་ཀྱིས་རྡོག་རྩ་གཅིག་སྒྲིལ་གྱི་ཐོག་ནས་བོད་རང་དབང་རང་བཙན་དང་རྒྱལ་བ་ཆེན་ཁྲི་ལ་འཁོར་དགོས་ཞེས་འབོད་ནས་ཞི་རྒོལ་བྱས་ཡོད་ལ་བཙན་བྱོལ་བོད་མི་རྣམས་ཀྱིས་བོད་ཀྱི་རྒྱལ་དར་གནམ་ལ་ཕྱར་ནས་free tibetསྐད་འབོད་བྱས་ཡོད།

4.གཞུང་འབྲེལ་སྒྲིག་འཛུགས་ཀྱིས་ཐོག་ནས་དགྲ་བོའི་ངོ་སྲུང་ཐོག་ཏུ་ང་ཚོང་རྒྱ་མི་བྱས་ཀྱི་ཡིན་དང་ང་ཚོང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོལ་གཞིའི་འོག་ཏུ་བསྡད་ཀྱི་ཡིན་ཟེར་ཞོར་རུ་ཚོགས་ཁང་ནང་དུ་མ་ཎི་འདོན་ནས་བསྡད་པར་རེད། འདིས་རྐྱེན་གྱིས་བོད་རྒྱ་ཆེ་མི་མང་གི་སེམས་ཤུགས་ཆག་ཡོད་ལ་གཞུང་གི་ལམ་ཕྱོགས་དང་མི་སེར་གྱི་ཁ་ཕྱོགས་གཉིས་སོ་སོར་ཕྱིན་ཡོད།

5.གཞུང་གི་ལམ་ཕྱོགས་དང་མི་སེར་གྱི་ལས་འགུལ་གཉིས་སོ་སོར་ཆག་པས་རྐྱེན་གྱིས་༢༠༠༨་ཞི་རྒོལ་ཆེན་མོས་ནུས་པ་ཅི་ཙམ་ཐོན་ཡོད་མེད་ད་ལྟའི་ཆ་ཤེས་ནུས།

6.ཞོགས་དུང་ལྟ་བུ་ལ་མཚོན་ན་དགྲ་བོའི་ལག་འོག་ཏུ་མ་སོང་བར་དུ་མཐོང་ཆུང་དང་ཁྱད་གསོད་བྱས་མཁན་བྱུང་ཡོད་ལ་དགྲ་བོའི་ལག་འོག་ཏུ་ལྷུང་ནས་སྲོག་ཁྲིམས་དང་བཙན་ཁྲིམས་མ་གཅད་པའི་སྔོན་དུ་ཞོགས་དུང་ཡག་པོ་ཡོད་རབས་དང་ཞོགས་དུང་རྒྱལ་ཞེན་པ་ཡིན་རབས་བཙན་བྱོལ་ནང་གི་ཚོགས་པ་སྒྲིག་འཛུགས་ཁག་དང་བཀའ་བློན་སྤྱི་འཐུས་རྣམས་ཀྱིས་གསུངས་པ་ཡིན་ན་རྒྱ་ནག་གཞུང་གིས་སྲོག་ཁྲིམས་གཅད་ཡོང་བསམ་པས་བློ་ཚོམ་མི་འདུག་གམ།འདིར་ཡང་གནས་ཚུལ་གཅིག་རེད།

གོང་གི་རྩོམ་ཡིག་དེའི་ནང་དོན་ནི་བོད་ཕྱི་ངན་གཉིས་ཀྱི་ཁ་ཕྱོགས་མི་མཐུན་པའི་རྒྱུ་མཚན་འདྲ་བོ་འདུག་དེ་དངོས་གནས་མ་རེད་ང་ཚོས་རྒྱབ་ལ་བོད་རྒྱ་ཆེན་མི་མང་ཡོད་པ་དང་བོད་རྒྱ་ཆེན་མི་མང་གི་མདུན་དུ་ང་ཚོ་ཡོད་པ་གཅིག་མཚོན་རེད་དེ་ངས་རང་འདོད་ཀྱི་བཤད་མིན་དངོས་ཡོད་གནས་ཚུལ་རེད་ང་ཚོས་རྒྱ་ཆེན་མི་མང་སྐད་ཆ་དྲི་དགོས་དོན་མི་འདུག་ཁོང་རྣམས་ཀྱི་ངུ་སྒྲ་རེ་རེས་ནང་ལ་མཉམ་འཛོམས་ཀྱི་རེ་སྒུག་དེ་རེད།དེ་ལ་སྐད་ཆ་དྲི་དགོས་ཟེར་བ་ཡིད་ཆེས་མེད་པ་དང་རང་འདོད་ཀྱི་བློ་སྔོན་དུ་གྱུར་བ་མ་ཡིན་ནམ་

མི་ཆུང་གི་བཤད་པ་དེ་བདེན་པ་རེད། རྒྱ་དམར་གྱི་ནག་ཉེ་འདི་རེད་མ་ལབ་གོང་།
ཁྱོད་ཚོས་ནག་ཉེ་འདི་ཡོད་ཞེས་ཁྱབ་བསྒྲགས་བྱེད་ཐུབ་སོང་། གསར་འགྱུར་མཁོ་སྤྲོད་བྱེས་མཁན་ཡང་ཁྱབ་བསྒྲགས་བྱེད་ཐུབ་སོང་། ཁྱོད་ཚོ་ཧ་ཅང་འཇོན་པོ་འདུག
ཁྱོད་ཚོ་འདི་འདྲའི་འཇོན་པོ་ཞིག་ཡིན་པ་ད་ལོ་གཞི་ནས་ཧ་གོ་བ་ཡིན།
མུ་མཐུན་ནས་ཡིན་ད། མཁྱེན་རྒྱ་ཅན་གྱི་གསར་འགོད་པ་རྣམས་ཀྱི་དྲུང་དུ།

མགོ་རུལ་སྣ་བས་མ་ཚོར། ཞེས་པའི་དཔེ་འདི་ང་ཚོ་དང་ཅུང་ཁ་ཐག་ཉེ་པོ་ཡོད། ལས་འགུལ་གང་ཞིག་སྤེལ་ཡང་དུས་བབ་དང་ཁེ་གྱོང༌། ང་ཚོའི་ནུས་པར་ལྟ་དགོས།

ནུས་པ་ཅི་ཡང་མེད་བཞིན་དུ་ཡོད་མདོག་གིས་འུར་སྒྲོག་བྱས་ན། ཁེ་ལས་གྱོང་ཆེ། ནུས་པ་ཡོད་ཀྱང་འགུལ་སྐྱོད་མ་བྱས་ན། དུས་བབ་ཤོར་བ་རེད། ད་ལྟ་ང་ཚོར་ཆབ་སྲིད་སོགས་ཀྱི་ནུས་པ་ཇིཙམ་འདུག་ང་ཚོ་རང་ངོས་ནས་ཤེས་གསལ་རེད། གཞིས་ལུས་བོད་མི་ཚོར་སེམས་ཤུགས་དང་ལ་ཞེན་ཡོད། འོན་ཀྱང་དེ་མིན་གྱི་ནུས་པ་གང་ཡང་མེད་ཅེས་བརྗོད་ན། འཐད་པར་འདོད།

བཙན་བྱོལ་ནང་ནུས་པ་གང་ཞིག་ཡོད་པ་ས་རིས་ཐང་གསལ་རེད། གནས་ཚུལ་འདི་ཚོར་གཞིག་སྟེ་ལས་འགུལ་གྱི་ཁ་ཕྱོགས་ལྟ་དགོས། རྨོངས་གཉིད་ལས་མ་སད་པར་རྣ་ལུང་རེ་བརྒྱབས་ཏེ་གང་བྱུང་དུ་ཁྲིད་ན། སྡིག་ཉེས་ཅི་ཞིག་བྱུང་ཡང་ཁུར་དགོས།

བཙན་བྱོལ་གྱི་བོད་མི་ཚོར་ལྷག་བསམ་གྱིས་མ་འདང་བ་མིན་པར། ཀུན་སྤྱོད་ཀྱི་ཐད་ནས་མགོ་རྙོག་ཅིག་འཕྲད་བཞིན་ཡོད་པར་མཐོང་གི་འདུག

དེས་ན་ང་ཚོས་ཕྱི་ཕྱོགས་ནས་ཁྱབ་བསྒྲགས་དང་སྐད་འབོད་བྱེད་མི་བྱེད་ཀྱི་ཚད་དེ་གང་ཞིག་ནས་འཛིན་དགོས་པ་རེད་དམ།