གཡོན་ཐལ་ཆེ་བའི་ཆབ་སྲིད་ཚོགས་པའི་ལས་འགུལ་སྤེལ་སྟངས།

བཀའ་ཁྲིའི་འོས་དམིགས་རྣམས་མི་མང་གི་མདུན་སར་དོན་ནས་རང་གི་ལྟ་བ་དང་མངོན་འདོད་མ་འོངས་ལས་འཆར་གང་ཡོད་ཤོད་པའི་དུས་ལ་སླེབ་ཡོད་སྙམ། ཚོགས་པ་ཁག་གི་བཀའ་ཁྲིའི་འོས་མི་དམིགས་སྟོན་པ་གཞི་བཟུང་རང་གི་བཀའ་ཁྲིའི་འོས་དམིགས་ཀྱི་ཤེས་ཡོན་དང་ལོ་རྒྱུས་བྱས་རྗེས་དང་ཉམ་མྱོངས་ཀྱི་ཡིག་ཆ་བཀའ་སློབ་གོ་བསྒྲིགས་སོགས་མི་མང་མདུན་སར་གཤམ་སྟོན་གྱིས་ལས་འགུལ་སྤེལ་དགོས་པ་དང་འོས་དམིགས་བྱེ་བྲག་པར་འགག་རྒྱག་ཐེར་འདོན་གྱི་བགྲོ་གླེང་གནང་ནས་བདེན་འཛིན་དབྱེ་འབྱེད་ཞིག་བྱས་པ་ཡིན་ན་བཀའ་ཁྲི་ཚད་ལྡན་ཞིག་ཐོབ་རྒྱུར་ཐེ་ཚོམ་མེད།

བོད་ཀྱི་མཛེས་མ་ལགས།
ངས་ང་རང་མཛེས་མ་ཞིག་བསམ་ཀྱང་མཛེས་མའི་མིང་ཁྱེད་རང་ཁུར་ནས་ཤོར་སོང་།
ཁྱེད་ཀྱིས་བཀའ་ཁྲིའི་འོས་མི་ནང་དུ་མིང་བཏོན་པ་རྣམས་ཀྱི་ནང་དུ་རྒྱ་རི་བློ་གྲོས་དང་རྒྱ་རི་སྒྲོལ་མ་གཉིས་མ་གཏོགས་བཏོན་མི་འདུག

ད་དུང་རྒྱ་རི་བུ་ཕྲུག་དང་རྒྱ་རི་པདྨ་རྒྱལ་པོ་གཉིས་ལུས་འདུག ཁོང་རྣམ་པ་གཉིས་ཀྱང་ཡག་པོ་ཡོད་པར་སྔོན་མ་ནས་གོ་མྱོང་ཡོད། ཐས་ཝན་ཕོག་ཟ་དགོས་ན་བླ་མ་ཀུན་བཟང་ལས་ཀྱང་འཇོན་པ་ཡོད་པར་གོ་མྱོང་ཡོད་པས་ཁོང་རྣམ་པ་གཉིས་ཀྱང་བཀའ་ཁྲིའི་འོས་མི་ནང་དུ་བཞག་རོགས་ཞུ་རྒྱུ་ཡིན་ལགས།

ཀླད་ནད་པ་ལགས།
མའོ་ལ་སློབ་སྦྱོང་བྱེད་དགོས་མིན་ད་ལྟའི་ཆ་མའོ་ཁོ་རང་སྐྱེས་ཡུལ་གྱི་ཞིང་པ་མི་སེར་ཚོའི་འཚོ་བའི་བདེ་སྡུག་ལས་རྟོགས་ཐུབ།
ཁ་བཤད་བཟང་ཡང་ལག་ལེན་སྡུག་པ་འདི་ནི་དམར་པོ་སྲིད་གཞུང་གི་ཆོས་ཉིད་ཤིག་རེད། དང་པོ་མའོ་ཁོ་རང་སྐྱེས་ཡུལ་གྱི་ཞིང་པ་མི་སེར་རྣམས་ལ་བདེ་སྐྱིད་དང་རང་དབང་མང་གཙོ་ལྡན་པའི་འཚོ་བ་ཞིག་བསྐྲུན་དང་། དེ་ནས་བོད་དང་སོག་པོའི་མི་རིགས་གཞི་ནས་ཁ་ག་པ་འཁོར་དགོས་མིན་གསལ་ཡོང་གི་རེད།

མའོ་དང་པོ་རྒྱ་ནག་ནང་དུ་ཡར་ལངས་བྱས་སྐབས་སུ་འགོ་སྲིད་འཛིན་ནས་མཐའ་མི་སེར་བར་དུ་ཐོབ་ཐང་འདྲ་མཉམ་ཡིན་གསུངས་མྱོང་ཡོད་པ་དེར་ལག་ལེན་འདུག་གམ།་་་་ཧ་ཧཧཧ

ཅོ་རི་ཉི་མ་ལགས། བཙན་བྱོལ་བོད་གཞུང་གི་བཀའ་ཁྲིའི་ལས་ཐོག་ཏུ་སླེབས་ཚེ་སྒེར་གྱི་ལྟ་བ་ཅི་ཞིག་ཡིན་མིན་ལ་མ་ལྟོས་པར་༸ གོང་ས་མཆོག་དང་བོད་གཞུང་གི་གཉིས་ཕན་དབུ་མའི་སྲིད་ཇུས་གཞི་རྩར་བཟུང་རྒྱུ་ལས་དེ་ལས་གཞན་པའི་ཆབ་སྲིད་ཀྱི་འགྲོ་ལམ་གང་ཡང་ཡོད་པ་མ་རེད།

གཉིས་ཕན་དབུ་མའི་སྲིད་ཇུས་ཀྱི་གཞི་རྩའི་འབྱུང་ཁུངས་ནི་མཁྱེན་རླབས་མཚུངས་མེད་༸ གོང་ས་སྐྱབས་མགོན་ཏྰ་ལའི་བླ་མཆོག་གི་མཁྱེན་དཔྱོད་འགྲན་ཟླ་དང་བྲལ་བ་ལས་བྱུང་ཞིང་། དེར་བཙན་བྱོལ་བོད་གཞུང་གི་གྲོས་ཚོགས་དང་། བོད་གཞི་བྱེས་གཉིས་ཀྱི་མི་དམངས་ཡོངས་ཀྱི་བརྒྱབ་སྐྱོར་ཐོབ་ཡོད་པ་རེད།

འཇིགས་བྲལ་བསྟན་འཛིན་གྱིས་གསུངས་པ་ལྟར་སུན་ཙིའི་དམག་དོན་བསྟན་བཅོས་ཀྱི་ནང་དུ་་་ ལན་བརྒྱར་འཐབ་ཀྱང་ལན་བརྒྱར་བརྒྱལ་བ་མཁས་པའི་ནང་གི་མཁའ་མཆོག་མ་ཡིན་པར་དམག་རྒྱག་མི་དགོས་པར་གཞན་ཕ་རོལ་ཟིལ་གྱིས་གནོན་ཐུབ་ན་མཁས་པའི་ནང་གི་མཁས་མཆོག་ཡིན།་་་་ཞེས་སུན་ཙེས་བཤད་པ་ལྟར་༸ གོང་ས་མཆོག་གི་འཚེ་མེད་ཞི་བདེའི་འོད་སྣང་ལས་རྒྱ་བོད་གཉིས་ཕན་གྱི་ཞི་མོལ་ཁོ་ནར་འབད་བརྩོན་གནང་བཞིན་ཡོད་པ་དེ་ངོ་མཚར་ཆེ་བའི་གནད་ཅིག་རེད།

ཅོ་རིས་བཤད་པ་ལྟར་བོད་རང་དབང་སློབ་ཚོགས་དང་། གཞོན་ནུ་ཚོགས་པ། ཆུ་གཞི་སྒང་དྲུག རང་དབང་འཐབ་རྩོད་མཁན་ཚང་མས་གནམ་ལྕགས་ཀྱིས་བརྗོད་པ་བཞིན་རྒྱ་བོད་གཉིས་ཀའི་གནད་ལུགས་གསལ་པོར་ཤེས་རྟོགས་ཐུབ་པ་བྱེད་དགོས།

གང་ཡིན་ཟེར་ན་མའོ་ཙེ་ཏུང་གིས་སུན་ཙེའི་དམག་དོན་བསྟན་བཅོས་ཐད་རང་གཞན་གཉིས་ཀྱི་ཚུལ་རྟོགས་ན་ལན་བརྒྱར་འཐབ་ཀྱང་ཕམ་མི་འགྱུར་ཞེས་པའི་ཚིག་འདི་ལ་གདེང་འཇོག་ཆེན་པོ་ཞིག་བྱས་འདུག

འདི་ལོའི་བཀའ་ཁྲིའི་འོས་བསྡུའི་ལས་དོན་འདི་ཅོལ་ཆུང་དང་། ཁྱི་ཕག་གི་ལས་ཀ་གང་ཡང་མ་རེད། འདི་ནི་དོན་གྱི་འགྲན་རྩོད་ལྡན་པ་དང་། ལོ་རྒྱུས་ཀྱི་དཀྱོགས་མཚམས་གལ་ཆེན་ཞིག་འཁེལ་བའི་བོད་ཀྱི་ཆབ་སྲིད་དབུ་ཁྲིད་སུ་ཡོང་གི་འོས་བསྡུ་རེད། དེ་བས་སྐད་ཆ་འདི་ལྟར་བཤད་ན་དྲ་གྲོགས་གནམ་ལྕགས་ཁྱོད་རང་གང་དུ་སླེབས་ཀྱི་འདུག དེ་ཡང་བསམ་བློ་གཏོང་དགོས་པ་འདུག བོད་ཀྱི་འཐབ་རྩོད་ཀྱི་རྨང་གཞི་གཅིག་མང་ཚོགས་ཀྱིས་འགན་ཁུར་ཏེ་མང་ཚོགས་ཀྱི་རང་བཞིན་ལྡན་པའི་འཐབ་རྩོད་བྱེད་དགོས་ཀྱི་རེད། དེ་ཡོང་བ་ལ་མང་གཙོ་ནི་དེའི་སྲོག་ཤིང་རེད་ལ། འོས་བསྡུ་ནི་དེའི་ཆ་ཤས་གལ་ཆེ་ཤོས་ཤིག་ཡིན་པའདི་ནི་རྒྱུན་ཤེས་རེད།

དེ་ནས་ཁྱོད་རང་གིས་གསུངས་པ་བཞིན་རྒྱ་དཔོན་མའོ་དང་། ཁྲིན་ཡིས། ཏིང་། ཅང་། དེ་བཞིན་སུན་ཙིའི་དམག་དོན་བསྟན་བཅོས་སོགས་ལ་སློབ་སྤྱོང་ངེས་པར་བྱེད་དགོས་པ་རེད། འདི་ལ་རྒྱབ་སྐྱོར་ཡོད་ལ། སློབ་སྦྱོང་གང་ཐུབ་བྱེད་ཀྱི་ཡོད། ཡིན་ནའང་འདི་སྐོར་དེ་རིང་གི་བརྗོད་གཞི་མ་རེད་སྙམ།

རེད་ཡ་མང་གཙོ་ཡི་རང་དབང་རེད། བོད་རྒྱལ་ཡོངས་མང་གཙོ་ཚོགས་པ་ཞེས་པའི་མིང་གཞུང་ཁྱབ་ཆེན་པོ་འདིའི་འོག་ནས་བཀའ་ཁྲིའི་འོང་མི་གཉིས་མ་གཏོགས་མ་བཏོན་པ་དེར་ཡག་པོ་མ་རེད་སྙམ།
བོད་རྒྱལ་ཡོངས་མང་གཙོ་ཚོགས་པས་ངོས་ནས་བཀའ་ཁྲིའི་འོང་མི་ཡོངས་རྫོགས་མི་དམངས་ལ་ངོ་སྤྲོད་བྱེད་དགོས་པ་དང་འོས་མི་ཡོངས་ཀྱི་ཤེས་འཇོན་དང་གནས་ཚུལ་ངོ་སྤྲོད་ཀྱི་མང་གཙོ་གོ་རྟོགས་སྤེལ་བ་གནང་བ་ཡིན་ན་དོན་དང་ལྡན་རེད།

དེ་མིན་བཀའ་ཁྲིའི་འོང་མི་མི་གཉིས་གཅིག་པོར་ངོ་སྤྲད་བྱས་ནས་དངོས་བསྟན་ཁོང་གཉིས་ཡག་རབས་དང་ཤེས་འཇོན་ཡོད་རབས་ཀྱི་གཏམ་བཤད་སྤེལ་བ་ཡིན་ན་འོས་མི་གཞན་པ་རྣམས་ལ་ཤེས་འཇོན་དེ་ཙམ་མེད་པར་ཤུགས་བསྟན་བྱས་པ་རེད་སྙམ།

དྲི་བ།
1.བོད་རྒྱལ་ཡོངས་མང་གཙོ་ཚོགས་པས་ངོས་ནས་རྣམ་པ་ཚོས་བཏོན་པའི་བཀའ་ཁྲིའི་འོས་མི་གཉིས་ཀྱི་ཆབ་སྲིད་ཀྱི་ལྟ་བ་དང་མ་འོང་བཙན་བྱོལ་གཞུང་འཛིན་སྐྱོང་བྱ་ཕྱོགས་སྐོར་གྱི་ཆ་གཞི་འདི་དང་འདིར་རེད་ཞེས་གསལ་པོ་ཤེས་སོང་ངམ།

2.གལ་སྲིད་ཤེས་ན་ཁོང་རྣམ་པ་གཉིས་ཀྱི་ལམ་ཕྱོགས་རང་བཙན་གཙང་མ་རེད་དམ་ལམ་དབུ་མ་རེད། ཡང་ན་དེ་ལས་གཞན་པ་ཞིག་རེད་དམ།

3.བཙན་བྱོལ་བོད་མི་ལས་ཀ་མེད་ནས་བསྡད་ཡོད་པ་རྣམས་ཀྱི་མ་འོང་འཚོ་བའི་ལམ་ཕྱོགས་ཀྱི་ཆ་གཞི་ཅི་ཡོད་ཤེས་སོང་ངམ།

ཐུགས་རྗེ་གཟིགས།

ཨོ་བཤད་རྒྱུ་ཞིག་ལ། རང་རེའི་དྲ་ཐོག་གི་སེམས་ལྡན་རྣམས་ཀྱིས་ངེས་པར་དུ་འདི་འདྲའི་སྐབས་སུ་དགྱ་ནག་གི་དཔའ་བོ་ཀྲུའུ་ཏེ་དང་ཏིང་ཞོ་ཕིང་སོགས་ཀྱི་རྩོམ་བཏུས་ཀློག་དགོས་ཀྱི་འདུག ཁོང་ཚོའི་རྩོམ་བཏུས་ལས་ཤེས་དགོས་རྒྱུ་ཞིག་ལ། དགྱ་ནག་ཐོག་མར་གྲུབ་དུས་ཀྱི་མང་ཚོགས་དང་དེའི་ཆིག་སྒྲིལ་གྱི་བསམ་བློ་ཇི་ལྟར་གོང་འཕེལ་དུ་བཏང་མིན། ད་དུང་རང་གི་རྒྱལ་ཁབ་ཀྱི་དོན་དུ་བློས་གཏོང་ཇི་ལྟར་བྱས་མིན་གྱི་རྒྱལ་གཅེས་བསམ་བློ་སོགས་རེད། ག་འདྲ་བྱས་ནས་ཅང་ཅ་ཧྲིའི་ཁྲི་དམག་བརྒྱད་བརྒྱ་ཕམ་ཚུལ། དེ་བས་ཀྱང་ཤེས་དགོས་རྒྱུ་ཞིག་ལ་རང་རེ་གཙོས་མཐའ་འཁོར་གྱི་རྒྱལ་ཕྲན་དག་དབང་དུ་བསྡུས་ཚུལ་ལ་ལྟོས་དང་། ད་གཟོད་རང་རེའི་ཁྱི་ཕག་གི་རྩོད་པ་ལྟ་བུའི་ཅོལ་ཆུང་གི་ལས་ཀ་འདི་ཅི་ཞིག་ཡིན་མིན་ཤེས་ནུས། དྲ་གྲོགས་ཚོ།

གནམ་ལྕགས་མགོ་འཐོམ་པ་དེ་གཞུང་འབྲེལ་མིན་པའི་ཚོགས་པ་དང་། ཆབ་སྲིད་ཚོགས་པ་གཉིས་གཞི་གཅིག་ཏུ་ངོས་འཛིན་བྱས་པའི་བསམ་ཚུལ་ཙམ་པོ་བ་འདི་འདྲ་ཡང་བཤད་མཁན་འདུག་བསམས་ནས་མགོ་ཁུལ་གྱིས་ཁྲེལ་དགོས་བྱས་པ་མིན་ནམ། དེ་མིན་ང་ཚོའི་དྲ་གྲོགས་གནམ་ལྕགས་དེ་འདྲའི་ལས་སླ་པོ་བྱས་ནས་མགོ་འཐོམ་མཁན་ཞིག་མིན་པ་ང་ཚོ་ཚང་མས་ཤེས་པ་དེ་ག་མ་རེད་དམ།

གཡོན་ཐལ་ཆེ་བའི་ཆབ་སྲིད་ཚོགས་པའི་ལས་འགུལ་སྤེལ་སྟངས། ཟེར་བའི་བསམ་ཚུལ་ཙམ་པོ་བ་དེ་ལ་ཅི་དགར་ཟློ་བ།

བཀའ་བློན་ཁྲི་བའི་འོས་མི་གཞུང་འཛིན་དང་ཁ་གཏད་ཀྱི་ཚོགས་ཁོངས་ནས་འདེམས་ས་མེད་ལ་སོ་སོའི་འོས་མི་ཡིན་ཞེས་ཕྱིར་བསྒྲགས་ཀྱང་བྱེད་རྒྱུ་མེད། བཀའ་ཁྲིའི་འོས་མི་ཁྱབ་བསྒྲགས་ཚུད་པའི་འོས་བསྡུའི་ལས་ཀ་ཚང་མ་འོས་བསྡུ་ལས་ཁུངས་ནས་བྱེད་ཀྱི་ཡོད། ཅེས་བཤད་པ་བཞིན་འོས་བསྡུ་ལས་ཁུངས་ནས་སྔོན་འགྲོའི་འོས་མི་སུ་འདོན་གྱི་རེད། གལ་སྲིད་སྔོན་འགྲོའི་འོས་མི་འོས་བསྡུ་ལས་ཁུངས་ནས་མ་བཏོན་ན་སྔོན་འགྲོའི་འོས་མི་མེད་པའི་འོས་བསྡུ་མཚན་ཉིད་མ་ཚང་བ་ཞིག་བྱེད་དགོས་ཀྱི་རེད་དམ།

དེ་ནས་ཁྱོད་རང་གིས། ད་ལོར་ཆབ་སྲིད་ཚོགས་པ་ཁ་ཤས་ཀྱིས་འོས་མི་ཁྱབ་བསྒྲགས་མཉམ་དུ་མི་མང་གི་ཁྲོད་ནས་འོས་བསྡུའི་ཤུགས་རྐྱེན་འཚོལ་བཞིན་པ་ནི་གཡོན་ཐལ་ཆེ་བའི་བྱ་སྤྱོད་རེད། དཔེར་ན། བོད་རྒྱལ་ཡོངས་མང་གཙོ་ཚོགས་པ་ལྟ་བུ། ཟེར། འོ་ན་མང་གཙོའི་སྤྱི་ཚོགས་སུ་ཆབ་སྲིད་ཚོགས་པའི་ལས་ཀ་གང་རེད་དམ། ཁྱོད་ཀྱི་རྒྱལ་ཡོངས་མང་གཙོ་ཚོགས་པ་ཟེར་བའི་མིང་ཚིག་ཁོ་རང་གིས་བསྟན་དོན་དང་། ཚོགས་པ་འདིའི་བྱུང་རིམ་ཙམ་ཡང་ཤེས་མི་འདུག ཅི་ཡང་མི་ཤེས་པར་འོལ་གཏམ་སྨྲ་བ་འདི་འདྲ་བ་བསམ་བློ་སྨྲ་བའི་གདན་གྲལ་དུ་ཇི་ལྟར་བྱས་ནས་བཞག་པ་ཡིན་ནམ། འདི་ཡང་དྲི་བ་ཞིག་ཆགས་ཡོད།
ཡང་ཁྱོད་ཀྱིས། གཞུང་འབྲེལ་མ་ཡིན་པའི་ཚོགས་པ་ཁག་གི་ལས་འགན་ནི་། མི་མང་ལ་མང་གཙོའི་གོ་རྟོགས་བསྐྲུན་པ་དང་འོས་བསྡུའི་ཆ་ཤས་ལེན་རྒྱུའི་འབོད་སྐུལ་ཞུ་རྒྱུ་དེ་ཡིན། མི་མང་ལ་འོས་མི་ངོ་སྤྲོད་དང་འོས་མི་དེར་འོས་བླུགས་དགོས་བའི་ལས་འགུལ་སྤེལ་བ་ནི་གཞུང་འབྲེལ་མ་ཡིན་པའི་ཚོགས་པ་ཁག་གི་ལས་འགན་མིན། ཅེས་ཤེས་མདོག་ཁ་པོས་བཤད་འདུག་མོད། ཡིན་ནའང་གཞུང་འབྲེལ་མིན་པའི་ཚོགས་པ་དང་། ཆབ་སྲིད་པ་ཚོགས་པ་གཉིས་ཀྱི་དབྱེ་བ་ཙམ་ཡང་མི་ཤེས་པར་ལོང་གཏམ་ཅི་དགར་སྨྲ་བཞིན་ཡོད་པ་སོ་སོས་ཤེས་དུས་སོ་སོ་ངོ་ཚ་བའི་རྒྱུ་ཉིད་དོ།
ཡང་ཁྱོད་ཀྱིས། མང་གཙོ་དང་རང་དབང་གི་ཆེད། གལ་ཆེའི་འོས་ཤོག་གི་ཐོབ་ཐང་ལེན་དགོས་ཞེས་ཁ་གཡང་རྫུན་མ་ཞིག་བསྒྲགས། ཟེར་ནས་ཧ་ཅང་མི་འདོད་པ་ཆེན་པོ་བྱས་འདུག དྲི་བ་གཅིག་ཞུ་རྒྱུ་ཡོད་པ་ནི་མང་གཙོ་དང་རང་དབང་གི་ཆེད་དུ་གལ་ཆེའི་འོས་བསྡུའི་ཐོབ་ཐང་ལེན་མི་དགོས་སམ། གལ་ཆེའི་འོས་ཤོག་གི་ཐོབ་ཐང་ལེན་པ་དེ་རང་དབང་མང་གཙོའི་གཞུང་ལམ་ཡིན་པ་ད་དུང་ཤེས་ཀྱི་མེད་པ་རེད་དམ།
འདིར་བཤད་པ་དུས་ཚོད་ཀྱི་བར་གསེང་ཞིག་ཏུ་ཁྱོད་ལ་རོལ་རྩེད་དུ་སྤྲོས་པའོ།

འདིར་རྩོམ་ཡིག་̒འབྲི་མཁན་དང་མཆན་བུ་འདེབས་མཁན་ཚང་མས་བོད་རྒྱལ་ཡོངས་མང་གཙོ་ཚོགས་པས་བཀའ་ཁྲི་དང་སྤྱི་འཐུས་ཀྱི་འོས་མིག་གསལ་བསྒྲགས་སྐོར་བསྐྱོད་བྱེད་ཀྱི་ཡོད་པའི་གནས་ཚུལ་ཚོར་བ་ཙམ་ལས། གཏམ་བཤད་ག་འདྲ་བྱེད་ཀྱི་ཡོད་མེད་ཤེས་མི་འདུག་སྙམ། ལས་འགུལ་དེར་དངོས་སུ་སླེབས་མྱོང་བའི་མི་ཞིག་གིས་གོང་གི་རྩོམ་དང་མཆན་བུ་་དག་མཐོང་ན་མགོ་མ་ཚོས་པའི་སྐད་ཆ་རང་རེད་འདུག་ཟེར་ཡང་མི་ཆོག་པ་མི་འདུག གང་ཡིན་ཟེར་ན། བོད་རྒྱལ་ཡོངས་མང་གཙོ་ཚོགས་པས་ཟླ་འདིའི་ཚེས་ ༣༠ ཉིན་སྦེལ་ཀོབ་བདེ་སླར་ཚོགས་ཁང་དུ་གཏམ་བཤད་སྤེལ་སྐབས་ང་ཡང་ཉན་མཁན་གྱི་གྲས་སུ་ཡོད། སྐབས་དེར་ཁོང་ཚོས་བཏོན་པའི་བཀའ་ཁྲིའི་འོས་མིག་གཉིས་ལ་ཤེས་འཇོན་སོགས་ཀྱི་ཐད་ནས་བཀའ་ཁྲི་བྱེད་པར་ཆ་རྐྱེན་འདུག་ཅེས་བརྗོད་སོང་མོད། ཁོང་གཉིས་ལ་འོས་སྡུག་དགོས་ཟེར་ནས་རྩ་བ་ནས་བརྗོད་མ་སོང་། མ་ཟད་ཁོང་གཉིས་མ་ཡིན་པའི་འོས་མི་གཞན་པ་སུ་ཡོད་རང་ཉིད་ཀྱིས་འཚོལ་དགོས་པ་དང་། དེ་བཞིན་ད་ལྟ་བཀའ་ཁྲི་དང་སྤྱི་འཐུས་ཀྱི་འོས་མིག་མང་པོ་ཐོན་བཞིན་ཡོད་པ་ཚོར་ཡང་ཁྱེད་རང་ཚོས་ལྟ་དགོས་ཀྱི་རེད་ཅེས་ནན་བཤད་བྱས་སོང་། ལྷག་པར་རྗེས་སུ་ཁོང་གཉིས་ཀྱིས་བཀའ་ཁྲི་བྱས་ཀྱང་ཁུངས་འཁྱོལ་བ་དང་ལས་དོན་ཡག་པོ་བྱེད་ཀྱི་རེད་ཅེས་̒བརྗོད་རྒྱུའི་འགན་ཁུར་མེད། ཡིན་ནའང་ད་བར་ཁོང་རྣམ་པས་སྤྱི་དོན་གྱི་ལས་ཀ་བྱས་ཡོད་པར་ངོས་འཛིན་ཡོད་ཅེས་ནན་པོ་བཤད་སོང་།

དེ་འདྲ་སོང་ཙང་། སྐད་ཆ་གང་ཡིན་ཡང་མགོ་ཚོས། ཧ་གོ་ནས། དོན་མཐོང་ནས་བཤད་ན་ཚང་མར་ཕན་ཐོག་གི་རེད།

མི་འདི་ཚོས་ཅི་ཞིག་བཤད་ཀྱིན་པ་རེད་དམ། བོད་ཀྱི་རྒྱལ་ཡོངས་མང་གཙོ་ཚོགས་པས་འདི་ལྟར་གནང་བར་ཐ་གཅིག་ཏུ་རྒྱབ་སྐྱོར་ཡོད། འདི་ནི་ཚད་ལྡན་མང་གཙོའི་ལམ་སྲོལ་ཞིག་ཡིན་པ་ལས། བོད་ཀྱི་རྒྱལ་ཡོངས་མང་གཙོ་ཚོགས་པས་སྔོན་མེད་གསར་དུ་གཏོད་པ་ཞིག་ཀྱང་མ་རེད། མིག་ཕྱི་རོལ་དུ་ལྟ་དགོས་པ་ལས་ནང་གཅིག་པུར་བལྟས་ནས་མ་འདུག་རོགས། ང་ཚོས་དེ་རིང་བར་ཕམ་ཁ་མྱོང་དགོས་དོན་ཡང་། བྱེད་སྟངས་འདི་འདྲ་ལས་བྱུང་བའི་འབྲས་བུ་རེད།

འདི་ལོ་ནས་བཟུང་གཙན་བྱོལ་ནང་བོད་ཀྱི་རྒྱལ་ཡོངས་མང་གཙོ་ཚོགས་པས་རྒྱལ་སྤྱིའི་འགྲོ་སྟངས་ཀྱི་ལམ་ལུགས་ཤིག་གཏོད་འདུག་སྙམ། འདི་ཡང་མདུན་དུ་ཁ་ཕྱོགས་བཞིན་པའི་བཙན་བྱོལ་ནང་གི་དམངས་གཙོའི་འབྲས་བུ་ཞིག་རེད།

གང་ལྟར་ཡང་གུ་དོགས་དང་དུས་རབས་སྔོན་མའི་རྙིང་ཞེན་གྱི་བསམ་བློ་དེ་དག་བསྐྱུར་ནས། དེང་རབས་ཀྱི་བརྗེད་ཆོད་པའི་རྣམ་འགྱུར་འདིར་དགའ་བསུ་ཞུ་དགོས་པ་ལོས་ཡིན།

འབུར་འཇོམས་དང་རྙིང་ཞེན། གུ་དོགས་དང་མང་དམེ། ཞེས་པ་འདི་དག་ལས་གཞན་ཅི་ཞིག་ཡོད། བསམ་བློ་མ་སྨིན་པའི་དྭ་ཕྲུག་ཚོ་ངོ་མ་སྙིང་རེ་རྗེ།

འདི་ཡང་ཆབ་སྲིད་”འཁྲབ་སྟངས་”ཤིག་རེད། ང་ཚོའི་ཆབ་སྲིད་པ་ཚོར་ནང་ཁུལ་དུ་འདི་འདྲའི་བློ་རིག་བཀྲ་བ་མ་གཏོགས་ཁ་ཕྱི་ཕྱོགས་སུ་བསྐོར་ན་རིག་ལྡིབ་རྐྱང་ཡིན་པ་རེད། མི་བདེན་ན་རྒྱལ་ཡོངས་དམངས་གཙོའི་ཚོགས་གཙོ་ལ། རྒྱ་ནག་གི་སྐོར་ནས་དྲི་བ་འགའ་ཕྲིས་དང་། ཚར་བརྒྱ་སྟོང་ལ་བཤད་ཟིན་པ་དག་ཡང་བསྐྱར་བཤད་རྒྱུ་ལས། གཞན་གང་ཡང་ཡོད་པ་མ་རེད།

ང་མགོ་འཐོམས་སོང་།