བོད་མི་ངག་དབང་ཆོས་འཕེལ་ལགས་རྒྱལ་སྤྱིའི་ནང་ངོས་འཛིན་མ་ཐོབ་པའི་རྒྱལ་ཁབ་དང་མི་མང་གི་ཚོགས་པའི་ཚོགས་གཙོར་བསྐོ་གཞག་གནང་ཡོད་འདུག
གསར་ལམ་དུ་གནས་ཚུལ་སྤེལ་བ་ལྟར་ན། སྐབས་བཅུ་བའི་རྒྱལ་སྤྱིའི་ངོས་འཛིན་མེད་པའི་རྒྱལ་ཁབ་དང་མི་མང་གི་ཚོགས་པ་ UNPO ཡི་ལོ་འཁོར་ཚོགས་ཆེན་དེ་ཟླ་སྔོན་མའི་ཕྱི་ཚེས་ ༢༧ ནས་ ༣༠ བར་ཨི་ཊ་ལིའི་རྒྱལ་ས་རོམ་ནང་སྐོང་འཚོགས་གནང་ཡོད་འདུག་ལ། ཚོགས་འདུའི་མཇུག་སྡོམ་སྟེང་བོད་མི་ངག་དབང་ཆོས་འཕེལ་ལགས་ཚོགས་པ་འདི་ཉིད་ཀྱི་ཚོགས་གཙོར་བསྐོ་གཞག་དང་། ཨབ་ཀཱ་ཛའི་ Abkhazia ཡི་ལྕམ་ལཱ་ན་ཨ་གྷར་བྷ་ལགས་ཚོགས་གཞོན་དུ་བསྐོ་གཞག་གནང་ཡོད་པ་རེད། ཐེངས་འདིའི་ལོ་འཁོར་ཚོགས་ཆེན་དང་སྟབས་བསྟུན་ཚོགས་པ་འདིས་མ་འོངས་པར་བོད་དོན་རྒྱབ་སྐྱོར་གྱི་སྐོར་ལ་གྲོས་ཆོད་ཁག་ཅིག་བཞག་ཡོད་པ་དང་། དེའི་ནང་བོད་དང་སོག་པོ། ཡུ་གུར་མི་རིགས་བཅས་ཀྱི་རང་དབང་འཐབ་རྩོད་ལ་མཐའ་གཅིག་ཏུ་རྒྱབ་སྐྱོར་ཞུ་རྒྱུ་དང་། དེ་བཞིན་གོང་གསལ་གྱི་ཡུལ་གྲུ་དེ་དག་ནང་རྒྱ་རིགས་མང་པོ་གནས་སྤོར་གྱི་སྲིད་བྱུས་ལག་བསྟར་བྱས་རྐྱེན། ཆོས་དང་རིག་གཞུང༌། མི་རིགས་ཀྱི་ངོ་བོ་བཅས་པ་རྩ་བརླག་ཏུ་འགྲོ་རྒྱུའི་ཉེན་ཁ་ཡོད་པའི་སྐོར་ཡང་བརྗོད་ཡོད་པ་རེད།
རྒྱལ་སྤྱིའི་ངོས་འཛིན་མ་ཐོབ་པའི་རྒྱལ་ཁབ་དང་མི་མང་གི་ཚོགས་པ་དེ་ནི། ཕྱི་ལོ་ ༡༩༩༡ ལོར་གསར་འཛུགས་གནང་བའི་ཚོགས་པ་ཞིག་ཡིན་ཞིང་། ད་སྐབས་རྒྱལ་སྤྱིའི་ནང་གི་ཚོགས་པ་ཆེན་པོ་ཞིག་ཏུ་གྲུབ་ཡོད་ཀྱང་། མཉམ་འབྲེལ་རྒྱལ་ཚོགས་ལྟ་བུ་རྒྱལ་སྤྱིའི་གླེང་སྟེགས་ནང་ངོས་འཛིན་ཐོབ་ཐུབ་ཀྱི་མེད་པ་རེད། ད་ལྟའི་ཆར་ཚོགས་པ་དེའི་ནང་རྒྱལ་ཁབ་དང་མི་མང་གི་ཚོགས་མི་ ༦༠ ཙམ་ཡོད་འདུག་ལ། ཚོགས་མི་དེ་དག་ཀྱང་གདོད་མའི་མི་རིགས་དང་གྲངས་ཉུང་མི་རིགས། རྒྱལ་སྤྱིའི་ངོས་འཛིན་མ་ཐོབ་པའམ་བཙན་འཛུལ་བྱས་པའི་ཡུལ་གྲུ་ཁག་གི་ཚོགས་མི་ཤ་སྟག་ཡིན་འདུག ཚོགས་མི་རྣམས་ཀྱིས་སོ་སོའི་རྒྱལ་ཁབ་དང་ས་ཆའི་ནང་འགྲོ་བ་མིའི་ཐོབ་ཐང་དང་རིག་གཞུང༌། ཁོར་ཡུག་སྲུང་སྐྱོབ་དང་རྩོད་རྙོག་སོགས་འཚེ་བ་མེད་པའི་ལམ་ནས་སེལ་ཐབས་ལ་འབད་བརྩོན་བྱེད་ཀྱིན་ཡོད་པ་རེད། ཐེངས་འདིར་ཚོགས་གཙོ་བསྐོ་བཞག་གནང་བའི་བོད་མི་ངག་དབང་ཆོས་འཕེལ་ལགས་ནི། སྔོན་མ་བཙན་བྱོལ་བོད་གཞུང་ཕྱི་དྲིལ་ལས་ཁུངས་ཀྱི་དྲུང་ལས་ཀྱི་གནས་རིམ་ཐོག་ཕྱག་ལས་གནང་མྱོང་བ་དང་། ཕྱིས་སུ་ ༢༠༠༥ ལོར་སུད་སི་རྒྱལ་ས་ཇི་ནི་ཝའི་ནང་རྟེན་གཞི་བྱས་པའི་བོད་ཀྱི་དོན་གཅོད་ཁང་དུའང་ལོ་ངོ་དུ་མའི་རིང་ཕྱག་ལས་གནང་མྱོང་བར་མ་ཟད། བོད་དོན་དང་འབྲེལ་བའི་གནས་ཚུལ་གང་མང་ཞིག་རྒྱལ་ཁབ་གཞན་གྱི་སྐུ་ཚབ་བརྒྱུད་མཉམ་འབྲེལ་རྒྱལ་ཚོགས་ཀྱི་སྡིངས་ཆའི་སྟེང་ཕུལ་བར་འབད་བརྩོན་གནང་མྱོང་མཁན་གྱི་མི་སྣ་ཞིག་ཡིན་འདུག
གསར་འགོད་པ་དོན་གོ།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
ཚོགས་པ་འདི་དང་འདི་འདྲ་བས་མི་རིགས་མཐུན་འབྲེལ་དང་དེས་ཟམ་པ་བྱས་ནས་བོད་རྒྱ་མི་རིགས་གཉིས་ཀྱི་གནད་དོན་སེལ་དགོས་ཀྱི་ཡོད་པ་ཡིན་དུས། ཚོགས་པ་དེར་འཚམས་འདྲི་བཀྲ་ཤིས་བདེ་ལེགས་ངང་གིས་ཞུ་དགོས་བྱུང་ལ་དགའ་བཞིན་སྤྲོ་བཞིན་དུ་ཞུ་ཡི་ཡིན།
ངག་དབང་ཆོས་འཕེལ་ལགས་ལ་འཚམ་འདྲིའི་བཀྲ་ཤིས་བདེ་ལེགས་ཞུ།
དགའ་བསུ་ཞུ།
ཨ་མའི་བུ།
ཤུ་རེ་བྱོས།
རེ་བ་ཡོད།
བོད་མི་ཞིག་ལ་རྒྱལ་སྤྱིའི་ཚོགས་པ་དེ་འདྲ་ཞིག་གི་ཚོགས་གཙོ་རེག་པ་དགའ་བསུ་དང་སེམས་ཏིང་ནས་བཀྲིས་བདེ་ལེགས་ཞུ་བཞིན་ཡོད་ལའང་ལས་དོན་ནུས་པ་སྒྲུབ་ཐུབ་པའི་སྨོན་འདུན་བཞུ༎
སྐུ་ཉིད་རྒྱལ་སྤྱི་ནང་ངོས་འཛིན་མ་ཐོབ་པའི་རྒྱལ་ཁབ་དང་མི་མང་གི་ཚོགས་པའི་ཚོགས་གཙོ་བསྐོས་གཞག་བྱུང་བ་དེ་ལ་འཚམས་འདྲི་ཞུ་བ་དང་ཆབ་ཅིག་མ་འོངས་བོད་ཀྱི་ལས་དོན་ལ་གྲུབ་འབྲས་ཐོན་པའི་ལས་ཀ་ཞིག་བྱེད་ཐུབ་པའི་རེ་བ་ཡོད།།
ངག་དབང་ཆོས་འཕེལ་ལགས་ལ་སྙིང་ནས་རྟེན་འབྲེལ་དང་ལས་དོན་རྣམས་རེ་བ་བཞིན་འགྲུབ་པའི་སྨོན་ལམ་ཞུ།
ང་ཚོ་བོད་མི་རིགས་ཀྱི་ནང་ལ་འདི་འདྲའི་མི་འཇོན་ཐང་ཅན་ཡོད་ན། བོད་འགྱེལ་ས་ནས་ལངས་ཐུབ་པའི་རེ་བ་མི་དམན་པ་ཡོད་ཀི ཁོང་གི་བྱ་བ་ལམ་འགྲོ་ཡོང་བའི་བཀྲ་ཤིས་སྨོན་འདུན་ཞུ།
གཏམ་བཟང་ཐོས་པས་སེམས་པ་དགའ། དོན་བཟང་འགྲུབ་པའི་སྔ་ལྟས་འདི། བོད་ཀྱི་ལས་དབང་འདེགས་པ་ཡི། ཀ་བ་ཞིག་ཏུ་འགྱུར་བར་སྨོན།
ངས་འདི་གསལ་བོ་ཞིག་མགོ་འཚོས་མ་སོང་། བོད་འདི་ངོས་འཛིན་མ་ཐོབ་པའི་རྒྱལ་ཁོངས་་་་་་་་་་་་་་