རི་མགོའི་ཅོང་བརྡ་ལ་ཉན་རྗེས། རྩོམ་སྒྲིག་པས།

གྲོགས་པོ་དགོངས་དག་ཞུ་རྒྱུ་དང་ངས་འདི་སེར་བྱེས་བྱ་བྲལ་ཁང་ཚན་གྲྭ་ངག་དབང་ཕུན་ཚོགས་གི་བསམ་ཚུལ་བགོད་པ་ལས་ང་རང་ཉིད་ཀྱི་བྲིས་བ་མིན།འོན་ཀྱང་འདིའི་ཐོག་བསམ་ཚུལ་རེ་ཡོད་ན་གསུང་རོགས།ཁོང་གི་བྲིས་བ་ལྟར་བགོད་ཡོད།༄༅།།མཁྱེན་བརྩེ་ནུས་གསུམ་གྱི་རབ་ཏུ་ཕྱུགས་པས་འཛམ་གླིང་གོ་ལ་ཧྲིར་པོར་ཞི་བདེ་ཐུགས་བཅང་སློད་མེད་ཀྱི་མཆོག་དུ་བཀུར་འོས་པའི་སྐྱེ་ཆེན་དམ་པའི་དབུ་ཁྲིད་དང་ལམ་བསྟོན་འོག་འཚོལ་བའི་རིགས་གཅིག་རྐང་འཛིན་ཐོག་ཆེད་འཛུགས་བྱས་པའི་དབུ་ལས་ལྷན་རྒྱས་ཀྱི་དྲུང་དུ།
གུས་སེར་བྱེས་གྲོས་ཚོགས་འཐུས་མི་བྱ་བྲལ་ངག་དབང་ཕུན་ཚོགས་ནས
ཆེད་ཞུ།
བཙན་བྱོན་བོད་གཞུང་གི་ཁྱབ་ཁུང་ན་གནས་པའི་བོད་རིགས་སྦུན་ཟླ་ཡོངས་དང་འགྲོ་བ་སྤྱི་ལ་བསམ་ཤེས་བྱས་ཏེ་མཐར་ཕྱིན་སློབ་མ་རྣམས་གནས་གཅིག་དུ་བསྡུ་བསྐོང་གྱིས་ཆེ་ལས་སློབ་གྲྭ་འཛུགས་རྒྱུ་དང་ལྷག་པར་
བོད་ཀྱི་ཡིག་རིགས་གཙོ་པོར་ཐོག་འཁོར་ཡིག་བསྐྲུན་རྒྱུ་དང་མཐར་ཕྱིན་སྐབས་ཕྱི་ཕྱོགས་སུ་ཆེ་ལས་སློབ་གྲྭ་
ཁག་ལ་གཏོང་ཐུབ་བྱེད་རྒྱུ།
སེར་མོའི་བའི་ནང་དགེ་ལུགས་པ་ལ་མཚོན་ན་དགེ་ལུགས་མ་དགོན་རྒྱ་བསྐྱེད་བྱས་ཏེ་དགེ་ལུགས་ནང་བསྟན་མཐོ་རིམ་སློབ་གྲྭ་ཆེན་མོ་བཙུགས་ཏེ་འཁོར་ཡིག་བསྐྲུན་རྒྱུ་དང་སློབ་མ་གདན་ས་ཁག་ནས་ལོ་ལྟར་དགེ་ལུགས་རྒྱུགས་སྤྲོད་པ་རྣམས་སློབ་གྲྭའི་སློབ་མ་བསྡུ་རྒྱུ་བྱེད་ཐུབ་པ་ཡིན་དགེ་མཚན་ཤུན་ཏུ་ཆེན་པོར་མཐོང། ལོ་ངོ་དྲུག་ལ་འཛིན་རིམ་དྲུག་བྱས་ནས་གཞུང་བཀའ་བོད་ལྔ་དང་སྔགས་བོད་ཀྱི་རིགས་གནས་རྩིས་དང་རྒྱ་རབ་ལོ་རྒྱས་དབྱིན་ཡིག་ཚན་རིགས་བཅས་སློབ་ཚན་འཛུགས་རྒྱུ་དང་གསར་ཞུགས་རྣམས་ལོ་རེ་ལྟར་གདན་ས་ཁག་ནས་བཏང་བའི་དགེ་ལུགས་རྒྱུགས་སྤྲོད་པ་རྣམས་བྱས་ནས་བཞུགས་ས་དང་ཁ་ལག་ཡང་སློབ་
གྲྭའི་འཛིན་སྐྱོང་རང་ནས་གོ་སྒྲིགས་བྱེད་ཐུབ་ཞིག་ཡོང་བའི་རེ་བ་དང་། མཐར་ཕྱིན་སློབ་ཐོན་པ་རྣམས་ཕྱི་
ཕྱོགས་ཁག་ལ་ཆེ་ལས་སློབ་སྤྱོང་ལ་གཏོང་ཐུབ་བྱེད་རྒྱུ་ཞིག་བྱུང་ན་མའོང་འཛམ་གླིང་ཞི་བདེ་བསྐྲུན་ཐུབ་ལ་
ཕན་པ་གལ་ཆེན་པོར་མཐོང་ཡོད། ཆོས་སྡེ་ཁག་གཞན་ལ་ཡང་གཅིག་མཚུངས་བྱས་ཏེེ་འཁོར་ཡིག་བསྐྲུན་
རྒྱུ་གལ། དེ་ལྟར་བསམ་ལོ་གཏོང་དགོས་པའི་རྒྱུ་མཚན་ཡང་། བོད་ནི་ཆོས་ལྡན་གྱི་རྒྱལ་ཁབ་ཞིག་
ཡིན་པ་དང་ཆོས་དེ་ཡང་འགྲོ་བ་ཡོངས་ལ་བདེ་སྐྱིད་བསྐྲུན་ཐུབ་པས་གལ་ཆེ་བའི་རིག་གཞུང་ཞིག་ཆགས་ཡོད་གང་ཡིན་ཟེར་ན་ད་ལྟ་འཛམ་གླིང་ནང་ཚན་རིག་གི་འགྲོ་བས་རེ་བ་བསྐོང་པ་ཞིག་སྣང་གི་ཡོད། དེ་ཡང་
ཕྱིའི་དཀའ་ངལ་སེལ་བ་ལྟ་བུ་ཞིག་ཆགས་ཡོད་ཀྱང་ནང་གི་དཀའ་ངལ་ད་དུང་ཆེ་རུ་སོང་ཡོད་པས་དེ་སེལ་
ཐུབ་ལ་ང་ཚོའི་ཆོས་དེ་གལ་ཆེན་པོར་ཆགས་ཡོད།ཚན་རིག་པའི་དོན་སྣང་བྱེད་བཞིན་པའི་སྐབས་དང་སྟབས་བསྟུན་ང་ཚོའི་ངོས་ནས་ཀྱང་འཛུགས་བསྐྲུན་བྱེད་དགོས་པར་མཐོང་། དེ་བསྒྲུབ་པ་ལ་འོས་འགན་དེ་སེར་
མོ་བ་ཚོ་ལ་ཡོད་པ་དང་བསྒྲུབ་ཐུབ་པ་དང་བསྒྲུབ་དགོས་པ་ཞིག་ཡིན་པར་འདུག་ལགས་ན།

གོང་གི་རེ་འབྲས་རྣམས་དེ་བཞིན་དུ་འགྲུབ་པས་རེ་བ་དང་བཅས
ཕྱིལོ༢༠༡༠ ཟླ༠༦ ཚེས་༡༣ ལ
།

དྲ་གྲོགས་ཚོས་བསམ་ཚུལ་བཏོན་པར་ཐུགས་རྗེ་ཆེ།

ངས་བོད་རིགས་གཞོན་སྐྱེས་ཚོས་ཧིན་རྡི་ཤེས་དགོས་པའི་ཐད་བསམ་ཚུལ་འདི་འདྲ་ཞིག་གཏོང་གི་ཡོད།

༡། བོད་མི་ཚོར་མཚོན་ན་ཧིན་རྡིའི་སྐད་ཡིག་ནི་ཡུལ་བབ་སྲིད་བྱུས་ཀྱི་སྒོ་ནས་སྦྱོང་དགོས་པ་ཞིག་ཆགས་འདུག བོད་ཀྱི་འཐབ་རྩོད་འདིར་བདེན་མཐའ་མ་གསལ་བར་དུ་མི་རབས་ནས་མི་རབས་བར་རྩོད་དགོས་ཤིང་། བོད་དོན་འཐབ་རྩོད་ཀྱི་བཙན་རྫོང་གལ་ཆེན་ཞིག་ནི་ཧི་མ་ལ་ཡའི་རི་རྒྱུད་དང་། རྒྱལ་ཁབ་ཀུན་གྱི་ནང་ནས་རྒྱ་གར་ལ་ངེས་པར་དུ་བརྟེན་དགོས་པར་འདོད། དེས་ན་བོད་མི་ཚོས་རྒྱ་གར་གྱི་སྐད་ཡིག་ཤེས་རྒྱུ་ཡང་གལ་ཆེན་པོ་རེད།

༢། སྤྱི་ཚོགས་དང་མི་སྒེར་གྱི་རིམ་པ་ནས་གླེང་ན། རྒྱ་གར་གཞུང་གི་སྲིད་བྱུས་ལྟར། སྤྱིར་བཏང་རྒྱ་གར་དུ་དབྱིན་སྐད་ཀྱི་ཚད་གཞི་ཇེ་ཞན་དུ་འགྲོ་བཞིན་ཡོད་ལ། བོད་པ་ཚོ་ཡང་དབྱིན་སྐད་ལ་བྱང་ཆ་ཡོད་མཁན་དཀོན་པོ་ཆགས་ཡོད་སྟབས། ཧིན་རྡི་ནི་བོད་པ་དང་རྒྱ་གར་ཡུལ་མིའི་བར་གྱི་ཟམ་པ་གཙོ་བོ་དེ་ཆགས་ཡོད་ལ། སྐད་ཡིག་གི་བཀག་རྒྱ་སེལ་བ་ཡིན་ན་འགལ་རྐྱེན་མང་པོ་ཞིག་བསལ་ནས་མཐུན་རྐྱེན་མང་པོ་ཞིག་འཛོམས་ཏེ། འཆམ་མཐུན་དང་འབྲེལ་འདྲིས་ཇེ་ཆེར་འགྲོ་གི་རེད།

༣། བོད་ཡིག་དང་དབྱིན་ཡིག་གཉིས་མ་གླེང་བར། བོད་རིགས་གཞོན་སྐྱེས་ཚོས་རྒྱ་ཡིག་གི་སྟེང་ལ་ཧིན་རྡི་ཡང་ཤེས་པ་ཡིན་ན་འཛམ་གླིང་གི་མི་དུང་ཕྱུར་ ༢༡ ལྷག་ལ་སྐད་ཡིག་གི་བཀག་རྒྱ་སེལ་བ་རེད། འཛམ་གླིང་གི་མི་འབོར་གསུམ་ཆའི་གཅིག་ལ་སྐད་ཡིག་གི་བཀག་རྒྱ་སེལ་བ་རེད། དེ་བཞིན་དུ་སྐད་ཡིག་འདི་གཉིས་ཤེས་པའི་རྗེས་ལ་བོད་པ་ཚོས་སྐད་བརྡ་མི་འཕྲོད་པའི་ཨེ་ཤ་ཡའི་མི་རིགས་དང་མི་འབོར་ཅི་ཙམ་ཞིག་ལྷག་ཡོད་དམ།

༤། ཤེས་རབ་དགའ་ཚལ་སློབ་གླིང་དུ་ལོ་ལྔའི་རིང་ལ་གཙོ་བོ་བོད་ཡིག་དང་དབྱིན་ཡིག་སྦྱོང་དགོས་ཀྱང་། བདུན་ཕྲག་རེར་ཧིན་རྡིའི་འཛིན་གྲྭ་འཚོགས་ཐེངས་ ༢ རེ་ཡོད་པ་ཡིན་ནའང་ལོ་ལྔའི་རྗེས་ལ་སྤྱིར་བཏང་གི་འབྲེལ་བའི་སྐོར་གྱི་སྐད་བརྡ་འཕྲོད་ངེས་པར་འདོད།

༥། ལོ་ལྔའི་རྗེས་ལ་ཕྱིར་བོད་དུ་ལོག་ཆོག་ཆོག་དང་ཕྱི་རྒྱལ་ལ་འགྲོ་ཆོག་ཆོག་གི་གྲ་སྒྲིག་ནི་སུ་ལ་ཡང་མེད་སྟབས། མུ་མཐུད་ནས་རྒྱ་གར་མི་དམངས་དང་མཉམ་དུ་གཤིབ་ཅིང་། རྒྱ་གར་གྱི་སྤྱི་ཚོགས་བརྒྱུད་ནས་འགྲོ་དགོས་དུས་ཧིན་རྡི་ཤེས་པ་ཡིན་ན་མི་སྒེར་ལ་ཁེ་ཕན་ཆེ་བའི་ཁར། མི་སྒེར་གྱི་དཀའ་ངལ་ལ་བརྟེན་ནས་བོད་པ་དང་རྒྱ་གར་ཡུལ་མིའི་བར་ལ་འཁྲུག་འཛིང་ཡོང་གཞིའི་རིགས་ཀྱང་སེལ་འགྲོ་བར་འདོད།

གོང་གི་རྒྱུ་མཚན་འདི་དག་ལ་བརྟེན་ནས་ཧིན་རྡི་ནི་གལ་ཆེན་པོ་རེད་བསམ་མོ།།

རྕོམ་སྒྲིག་པས་བཤད་པ་འདི་བདེན་པ་རེད་བསམ་གི་་་རང་ཉིད་ཡུལ་ལུང་གང་དུ་གནས་ཀྱང་དང་པོ་ཡུལ་དེའི་སྐད་ལ་བརྡ་འཕྲོད་པ་ཙམ་ཞིག་བཟོ་དགོས་བར་འདོད།་་གལ་ཏེ་དེ་ལྟར་མ་བྱས་ན་ཡུལ་དེ་ལ་ཕོག་ཐུག་བཏང་བ་ལྟ་བུ་ཞིག་མཐོང་གི་འདུག་་་ལྷག་པར་དུ་གྲ་ས་ཁག་ནས་ཧིན་སྐད་དང་དབྱིན་སྐད་མ་སྦྱང་བའི་དབང་གིས་རང་ཉིད་ཀྱི་འགྲོ་འདུག་སོགས་ལའང་རང་བཞིན་གྱིས་དཀའ་ངལ་མི་ཉུང་བ་ཞིག་འཕྲད་བཞིན་འདུག་་དེས་རྐྱེན་པས་གྲྭ་པ་གང་མིང་ཞིག་གིས་མེ་འཁོར་འཛིན་བྱང་ཉོ་བ་འམ་རྐྱེན་ཅི་ཞིག་དུས་ངེས་མེད་དུ་འཕྲད་ཡོང་དུས་རང་བཞིན་གྱིས་དཀའ་ངལ་འཕར་མ་ཞིག་མྱོང་གི་འདུག

རྩོམ་སྒྲིག་པའི་གཏམ་འདིར་ཚང་མས་རྒྱབ་སྐྱོར་གནང་གི་འདུག ཡིན་ནའང་ངས་ད་དུང་བསམ་བློ་ཞིག་གཏོང་དགོས། གང་ཡིན་ཟེར་ན། མན་ལོར་ནས་རྒྱ་གར་བ་དང་སྐད་བརྡ་མི་འཕྲོད་པའི་དཀའ་ངལ་ལ་བརྟེན་ནས་གསོག་སྒེར་སློབ་མ་ཡོངས་ལ་རྒྱ་གར་སྐད་ཡིག་སློབ་ཚན་དུ་བཞག་ན་དུས་དང་གནས་ཀྱི་ཆ་ནས་དགོས་པ་གང་ཡང་མཐོང་མ་སོང་། གསོག་སྒེར་སློབ་མའི་སློབ་སྦྱོང་གི་དུས་ཡུན་ནི་ལོ་ངོ་ལྔ་ཡིན་ལ། སློབ་མ་བརྒྱ་ཆའི་བདུན་ཅུ་ཡན་སློབ་མཐར་ཕྱིན་རྗེས་རྒྱ་གར་ནང་ཙམ་མ་ཡིན་པར་རྒྱལ་ཁབ་གང་སར་ཁ་ཐོར་ནས་འགྲོ་བཞིན་ཡོད་པ་ལས་གནས་གཅིག་ནས་སྤུངས་ནས་བཞག་མེད། མན་ལོར་རིང་ནས་སྡོད་མཁན་ཉུང་ཤས་ལས་མེད་ཅིང་དེ་དག་ཚོ་ཡང་གཏན་སྡོད་བྱེད་མཁན་མིན། དེར་བརྟེན། མི་ཉུང་ཤས་ཤིག་གི་དཀལ་ངལ་ལ་བསམ་ནས་གསོག་སྒེར་སློབ་མ་ཡོངས་ལ་ལོ་ལྔའི་རིང་ལ་རྒྱ་གར་སྐད་ཡིག་སློབ་དགོས་པའི་དཀལ་ངལ་འཕར་མ་ཞིག་བསྣོན་མི་དགོས་པར་འདོད།

ལུང་རིགས་ཀྱིས་བཤད་པ་བདེན་གི ཁ་སང་སེར་བྱེས་གྲྭ་ཚང་ལ་ཤེས་རིག་ལས་ཁུངས་ནས་བཀའ་བཏང་བ་ལྟར་ཧིན་སྐད་ཤེས་མཁན་གྱི་གྲྭ་བ་ལྔ་དགོས་ཀྱིན་འདུག དེ་ཚོ་ལ་ཕར་ཕྱིན་རབ་འབྱམས་པའི་ལག་ཁྱེར་དང་ཡང་ན་རྩོད་རྒྱུགས་ཨང་རིམ་གཉིས་པ་དང་དང་པོ་གང་རུང་། ཧིན་སྐད་མ་གཏོགས་གཞན་ཚོ་དག་དག་ཡོད་ཀྱང་ཧིན་སྐད་ཤེས་ཀྱིན་མེད་པས་ཐོ་རྒྱག་མཁན་དཀོན་འདུག དེ་ཚོ་རྒྱ་གར་ཚོགས་པ་ཞིག་གི་དགེ་རྒན་དུ་གདན་འདྲེན་ཞུ་གིན་ཡོད་རབས་ཤིག་བཤད་སོང་། དཀའ་ངལ་དེའི་རིགས་བྱུང་རབས་ཐད་ནས་དགོད་བྲོ་མང་བོ་ཡོད་ཀྱང་དྲ་ཐོག་ཏུ་བྲིས་ནས་ཅི་ཕན།

ཐེ་ཚོམ་མེད་པར་རྒྱབ་སྐྱོར་ཞུ་རྒྱུ་ཡིན།

བོན་རྒྱས་བཤད་པ་ལ་རྒྱབ་སྐྱོར་ཡོད།

རེད་་་བོན་རྒྱ་བསྟན་འཛིན་གྱིས་བཤད་པ་ལ་རྒྱབ་སྐྱོར་ཡོད།

ཆེས་བཀུར་བར་འོས་པའི་རྩོམ་སྒྲིག་པ་ལགས། བླ་མའི་གསུངས་ཤིག་རེད། དངོས་གནས་ཧིན་སྐད་མ་གོ་བའི་དབང་གིས་དཀའ་ངལ་མང་པོ་ཞིག་འཕྲད་ཀྱིན་་པ་དངོས་གནས་བདེན་པ་རེད། སོག་སྒར་སློབ་གྲྭ་ཙམ་མིན་ད་དུང་གྲྭ་ས་ཁག་ལའང་ཧིན་སྐད་སློབ་དགོས། ཧིན་སྐད་མི་གོ་བའི་བཙན་བྱོལ་བའི་འབྱུང་ཁུངས་ཆེ་ཤོས་དེ་སོག་སྒར་དང་གྲྭ་ས་ཡིན།