ཁོང་ཁྲོམ་གཞུང་དུ་ཡོང་སའི་ལམ་ཆེན་དེའི་མིང་ལ་དེང་སྐབས་བོད་པ་རྣམས་ཀྱིས་དཔའ་བོའི་ལམ་ཞེས་མིང་བཏགས་ཡོད་འདུག
བཀྲ་བྷེ་ནི་ཨ་མདོ་རྔ་པ་ཀིརྟི་དགོན་གྱི་གྲྭ་པ་དཀྱུས་མ་ཞིག་ཡིན་ཞིང༌། ཕྱི་ལོ་ ༢༠༠༩ ཟླ་ ༢ ཚེས་ ༢༧ ཉིན་ཁོང་གིས་རང་ལུས་ལ་མེ་སྦར་ཏེ་ཁྲོམ་གཞུང་༼ཁོང་ཁྲོམ་གཞུང་དུ་ཡོང་སའི་ལམ་ཆེན་དེའི་མིང་ལ་དེང་སྐབས་བོད་པ་རྣམས་ཀྱིས་དཔའ་བོའི་ལམ་ཞེས་མིང་བཏགས་ཡོད་འདུག༽ལ་ཐོན་ནས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་ཤིང༌། སྐབས་དེར་ཁོང་ལ་མེས་ཚིག་སྐྱོན་གྱིས་རྨས་སྐྱོན་ཅུང་ཙམ་བྱུང་ཡོད་པར་མ་ཟད། རྒྱ་གཞུང་གི་དྲག་ཆས་དམག་དཔུང་གིས་མེ་མདའ་བརྒྱབ་སྟེ་རྨས་སྐྱོན་ཚབས་ཆེན་བཟོས་པར་བརྟེན། གནས་སྟངས་ཧ་ཅང་ཛ་དྲག་ཏུ་གྱུར་ཡོད་ལ། ས་གནས་རིམ་པས་སྨན་ཁང་བརྒྱུད་དེ་མཐར་ཁྲིན་ཏུའུའི་སློབ་གྲྭ་ཆེན་པོ་ཞིག་གི་སྨན་ཁང་དུ་སྨན་བཅོས་རྒྱུན་རིང་བྱས་ཡོད་ལ། སྨན་བཅོས་བྱས་པའི་རྒྱུད་རིམ་ནང་ཁོང་གི་རྐང་ལག་གཅོད་དགོས་པའི་འདོད་ཚུལ་བཏོན་མོད། འབྲེལ་ཡོད་རྣམས་ཀྱིས་ངོས་ལེན་མ་བྱས་པར་བརྟེན། དོན་ཐོག་ཏུ་སོང་མེད། ཁོང་ལ་མེ་མདའ་རྒྱབ་པ་དངོས་འབྲེལ་ཡིན་ནའང༌། རྒྱ་ནག་གཞུང་གིས་མེ་མདའ་རྒྱབ་པ་ངོས་ལེན་གཏན་ནས་བྱས་མེད་པར་མ་ཟད། རྔ་པ་ཀིརྟི་དགོན་གྱི་གྲྭ་འཇམ་དབྱངས་ཕུན་ཚོགས་སམ་འཇང་ཁོ་ཞེས་པས་གནས་ཚུལ་རྫུན་བཟོ་བྱས་པ་ངོས་ལེན་བྱས་ཡོད་ཅེས་གཞུང་འབྲེལ་ཤིན་ཧཱ་དྲ་བའི་ནང་དུས་ལྟར་གནས་ཚུལ་རྫུན་བཟོ་བྱས་ཡོད་ལ། མ་ཟད་གྲྭ་འཇང་ཁོ་དོན་དག་དེའི་རྐྱེན་བྱས་ནས་འཛིན་བཟུང་བཀག་ཉར་བྱས་པ་ཡང་གསལ་བོར་བསྟན་ཡོད་མོད། དེ་ནས་བཟུང་ཕྱི་ལོ་ ༢༠༡༠ ཟླ་ ༤ ཚེས་ ༩ བར་འཇང་ཁོ་གར་སོང་ཆ་མེད་དུ་གྱུར། དུས་ཚོད་དེའི་རིང་ནང་མི་ཉེ་འབྲེལ་སོགས་ཀྱིས་བརྩད་གཅོད་མང་པོ་བྱས་ཀྱང་ནུས་པ་གང་ཡང་ཐོན་མེད། ཕྱི་ལོ་ ༢༠༡༠ ཟླ་ ༤ ཚེས་ ༩ ཉིན་ཁོང་ལ་རྒྱལ་ཁབ་ཀྱི་གསང་བ་ཕྱིར་བསྒྲགས་བྱས་པའི་ཉེས་འཛུགས་བྱས་ཏེ་རྔ་པ་ཁུལ་འབྲིང་རིམ་མི་དམངས་ཁྲིམས་ཁང་ཟེར་བས་བཙོན་འཇུག་ཁྲིམས་ཐག་ལོ་ ༦ བཅད་དེ་དེང་སྐབས་ཁོང་བཙོན་ཁང་བརྗེ་སྤོར་གྱིས་སི་ཁྲོན་གྱི་མེན་ཡངས་ཞེས་པར་བཙོན་འཇུག་བྱས་ཡོད་འདུག གོང་ཞུས་ལྟར་བཀྲ་བྷེ་ལ་མེ་མདའ་རྒྱབ་པ་རྒྱ་གཞུང་གིས་ངོས་ལེན་མ་བྱས་པར་མ་ཟད་མེ་མདའ་བརྒྱབས་པའི་དཔང་རྟགས་སུ་ཡོད་པའི་ལུས་ཀྱི་རྨ་ཤུལ་རྣམས་མེད་པར་བཟོ་ཆེད་རྐང་ལག་གཅོད་དགོས་པར་བཤད་ཀྱང་ནང་མི་སོགས་ཀྱིས་ངོས་ལེན་བྱས་མེད་འདུག་མོད། གཞི་རྩའི་རྨས་སྐྱོན་ཅུང་ཙམ་དྲག་ཡོད་ནའང༌། ད་ལྟ་ད་དུང་ཁོང་སི་ཁྲོན་ཁྲིན་ཏུའུ་དང་ས་ཐག་ཉེ་བའི་བཀའ་ཤན་ཞེས་པའི་ས་གནས་སུ་བཀག་སྐྱིལ་བྱས་ཡོད་འདུག་ལ། ཁོང་གི་ལུས་ལ་མེ་མདའ་བརྒྱབ་པའི་རྨ་ཤུལ་རྣམས་མེད་པར་བཟོ་ཆེད་རྒྱུན་དུ་སྨན་བཅོས་བྱེད་མུས་ཡིན་པའི་གནས་ཚུལ་རེ་ཡུལ་མི་ཚོས་གོ་ཐོས་བྱུང་འདུག་ནའང༌། དེ་ལས་ལྷག་པའི་ཁ་གསལ་ཞིག་ད་ལྟ་ཡང་གཏན་ཤེས་རྟོགས་ཡོང་གི་མེད་འདུག་པས་ན། ཁོང་ལ་ནང་མི་ཉེ་འབྲེལ་ཚུན་ཆད་འབྲེལ་གཏུག་བྱེད་རྒྱུ་བཀག་སྡོམ་བྱས་ཡོད་པ་ཧ་ཅང་གསལ་པོ་ཡིན་འདུག་པ་བཅས།
ཀ་ཉག་ཚེ་རིང་གི་ཟིན་བྲིས་ལས་བཤུས།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དཔའ་བོ་ཁོ་གི་མཛད་རྗེས་ལ་རྗེས་སུ་ཡི་རངས་དང། ལམ་ཆེན་དེ་ལ་༼དཔའ་བོའི་ལམ་༽ཞེས་བཏགས་པར་བསྔགས་བརྗོད་ཡོད།
༄༅།།་ དཔའ་བོ་ཁོང་གི་སྡུག་མྱོང་བ་ཚད་མེད་རེད
ད་དུང་སྨན་ཁང་དུ་སྨན་བཅོས་བྱེད་བཞིན་ཡོད་ན་དེའི་འགྲོ་སོང་ཐད་གང་འདྲ་ཡིན་ནམ
ཕར་ཆེར་ཁོང་གི་ནང་མི་ལ་རྩེས་སྡོམས་རྒྱག་རྒྱུ་རེད
རྒྱལ་གཅེས་ལྷག་བསམ་ཅན་གྱི་དཔའ་བོ་འཇམ་དབྱངས་ཕུན་ཚོགས་ལགས་
ཁྱེད་ནི་བོད་མི་རིགས་ཀྱི་སེམས་ནངདུ་བརྗེད་ཐབས་མེད་པའི་རླབས་ཆེན་གྱི་མི་སྣ་ཞིག་ཡིན།།
་་་་བཀྲ་བྷེ་ལ་མེ་མདའ་རྒྱབ་པ་རྒྱ་གཞུང་གིས་ངོས་ལེན་མ་བྱས་པར་མ་ཟད་མེ་མདའ་བརྒྱབས་པའི་དཔང་རྟགས་སུ་ཡོད་པའི་ལུས་ཀྱི་རྨ་ཤུལ་རྣམས་མེད་པར་བཟོ་ཆེད་རྐང་ལག་གཅོད་དགོས་པར་བཤད་ཀྱང་ནང་མི་སོགས་ཀྱིས་ངོས་ལེན་བྱས་མེད་འདུག་་་་། ་་་ ཅེས་པ་འདིས་བོད་མི་རྣམས་གཉིད་སད་རན་མི་འདུག་གེ
དཔའ་བོ་ཁོང་གི་གཟི་བརྗིད་དང་མཚན་སྙན་ང་ཚོའི་སེམས་ནང་གཏན་དུ་གནས་ངེས་ཡིན།
ཨ་ཛི་ དཔའ་བོ་ཁོང་བརྗེད་གྲབས་བྱེད་སོང་། དྲན་གསོ་གནང་བར་ཐུགས་རྗེ་ཆེ་།
དཔའ་བོ་ཁོང་དུས་གཏན་ཏུ་རྒྱལ་གྱུར་ཅིག
དཔའ་བོ་ཁོང་དང་ཁོང་ལྟ་བུ་ནི་དུས་ནམ་ཡང་ང་ཚོའི་མིག་དཔེར་འོས་སོ།།