ཟླ་ ༧ ཚེས་ ༦ རེས་གཟའ་མིག་དམར་༧གོང་ས་མཆོག་གི་སྐུའི་འཁྲུངས་སྐར་གྱི་ཉིན་འདིར་ས་གནས་ཁག་བཞི་བཅུ་ཙམ་གྱི་ནང་། བོད་ཀྱི་བུད་མེད་ལྷན་ཚོགས་ཀྱིས་གོ་སྒྲིག་འོག མང་ཚོགས་ཀྱིས་ ༢༠༡༡ ལོའི་བཀའ་ཁྲིའི་ཚོད་ལྟའི་འོས་བླུགས་ཡོད།
དེ་རིང་ནི་༧གོང་ས་མཆོག་དགུང་གྲངས་ ༧༥ ཕེབས་པའི་སྐུའི་འཁྲུངས་སྐར་གྱི་ཉིན་མོ་ཡིན་ལ། ཉིན་འདིར་བོད་ཀྱི་བུད་མེད་ལྷན་ཚོགས་ཀྱིས་གོ་སྒྲིག་འོག བྱང་ཕྱོགས་ངྷ་ས་གཙོས་ཧི་མ་ཅལ་མངའ་སྡེ་དང་ཨོ་རི་ས། ཀར་ན་ཊ་ཀ ཨ་རུ་ན་ཅལ་སོགས་མངའ་སྡེ་ ༡༢ ཀྱི་བོད་མི་འདུས་སྡོད་ཀྱི་ས་ཁུལ་ཁག་དང་། བལ་ཡུལ་དང་ཨ་རི། ཁེ་ན་ཌ། ཡུ་རོབ་སོགས་ཀྱི་བོད་མི་འདུས་སྡོད་ཀྱི་ས་གནས་ཁག་ཅིག་བཅས་ཁྱོན་ས་གནས་ཁག་ ༤༠ ཙམ་དུ། མང་ཚོགས་ཚོས་ཕྱི་ལོ་ ༢༠༡༡ ལོའི་བཀའ་བློན་ཁྲི་པའི་ཚོད་ལྟའི་འོས་བླུགས་ཡོད།
བོད་ཀྱི་བུད་མེད་ལྷན་ཚོགས་ཀྱི་ཚོགས་གཞོན་བསམ་གཏན་ཆོས་སྒྲོན་ལགས་ཀྱིས། བཀའ་བློན་ཁྲི་པའི་སྐབས་སྔོན་མ་གཉིས་ཀྱི་བཀའ་ཁྲིའི་འོས་འདེམས་སྐབས་འོས་འཕེན་པའི་ཆ་ཤས་ནི་ཧ་ཅང་ཞན་སྟབས། བོད་ཀྱི་བུད་མེད་ལྷན་ཚོགས་ཀྱིས་ཕྱི་ལོ་ ༢༠༡༡ ལོའི་བཀའ་ཁྲིའི་འོས་བསྡུ་དེ་ལམ་ལྷོང་ཡོང་བ་དང་། ལྷག་པར་དུ་རྒྱ་ཆེའི་མང་ཚོགས་ནས་འོས་བསྡུའི་ལས་རིམ་ནང་སྔར་ལྷག་ཆ་ཤས་ལེན་རྒྱུར་གལ་འགངས་ཆེན་པོར་བརྩིས་ཏེ། འགན་འཁུར་རྐང་ལེན་བྱེད་ཀྱིན་ཡོད་ལ། ཐེངས་འདིའི་ཚོད་ལྟའི་འོས་བསྡུ་འདི་ནི་ ༢༠༡༡ ལོའི་གཞུང་འབྲེལ་གྱི་བཀའ་བློན་ཁྲི་པའི་སྔོན་འགྲོ་དང་དངོས་གཞི་གཉིས་ཀྱི་གྲ་སྒྲིག་སྦྱོང་བརྡར་ཆེད་དུ་ཡིན་ཞེས་བརྗོད།
ཐེངས་འདིའི་ཚོད་ལྟའི་འོས་བསྡུའི་གྲུབ་འབྲས་དེ་འདི་ལོའི་ཟླ་ ༩ ཚེས་ ༡༠ ཉིན་བོད་ཀྱི་བུད་མེད་ལྷན་ཚོགས་སླར་གསོ་བྱུང་སྟེ་མི་ལོ་ ༢༦ འཁོར་བའི་དུས་དྲན་སྲུང་གཙི་ཞུ་བའི་ཉིན་མོར་དབུ་འབྱེད་བྱ་རྒྱུ་ཡིན་པ་དང་། ངྷ་ས་ས་གནས་ཚོགས་གཙོ་ཀརྨ་ཡོངས་སྒྲོན་གྱིས་བཀའ་ཁྲིའི་ཚོད་ལྟའི་འོས་བསྡུའི་གྲངས་བཤེར་དེ་དག་དྲང་བདེན་དང་ཕྱི་གསལ་ནང་གསལ་ཡོང་སླད་ཚོགས་པ་གཞན་ཁག་གི་འཐུས་མི་ཡང་ཟུར་དཔང་དུ་གདན་ཞུ་བྱ་རྒྱུ་ཡིན་ཞེས་བརྗོད།
གང་ལྟར་བོད་ཀྱི་བུད་མེད་ལྷན་ཚོགས་ཀྱིས་ཚོད་ལྟའི་འོས་བསྡུ་འདིའི་མཇུག་མཐའི་སྔོན་འགྲོའི་འོས་དམིགས་ཕྱིར་བསྒྲགས་གནང་རྗེས། སྔོན་འགྲོའི་ངོས་གཞིར་འོས་ཐོན་བྱུང་བ་རྣམས་ལ་བགྲོ་གླེང་ཞིག་གོ་སྒྲིག་བྱ་འཆར་ཡོད་པ་དང་། དེ་ནི་ཐེངས་འདིའི་འོས་བསྡུ་འདི་ནི་ཚོད་ལྟ་ཙམ་མིན་པར། དེ་གྲུབ་རྗེས་དེ་འབྲེལ་གྱི་ལས་འགན་ཞིག་ཀྱང་མཉམ་འཁུར་གནང་རྒྱུའི་ཆེད་དུ་ཡིན་འདུག
གསར་འགོད་པ། ཨ་རིག་འགྱུར་མེད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ངས་ང་རང་བཀའ་བློན་ཁྲི་པར་འོས་བླུག་པ་ཡིན་ད་་་་་་་་
སྦེལ་ཀོབ་༸རྒྱལ་བའི་ཕོ་བྲང་དུ་འོས་བླུག་ཏུ་ཕྱིན་པ་ཡིན་མོད་རང་དབང་ལག་དེབ་ད་འཁྱེར་ཡག་བརྗེད་སོང་བས་འོས་བླུག་ས་མ་རག་ཐལ།
གསར་འགྱུར་དང་གསལ་སྒྲགས་གང་ཞིག་ཡིན་ཀྱང་དྲངས་བདེན་ཞིག་སྤེལ་རྒྱུ་ནི་ཧ་ཅང་གི་གལ་ཆེན་པོ་ཡིན་སྙམ། བུད་མེད་ཚོགས་པའི་གོ་སྒྲིགས་འོག་བཀའ་ཁྲིའི་འོས་ཚོད་ལྟའི་འོས་བསྡུ་ཞེས་པའི་ནང་《དེ་རིང་ནི་༧གོང་ས་མཆོག་དགུང་གྲངས་ ༧༥ ཕེབས་པའི་སྐུའི་འཁྲུངས་སྐར་གྱི་ཉིན་མོ་ཡིན་ལ། ཉིན་འདིར་བོད་ཀྱི་བུད་མེད་ལྷན་ཚོགས་ཀྱིས་གོ་སྒྲིག་འོག བྱང་ཕྱོགས་ངྷ་ས་གཙོས་ཧི་མ་ཅལ་མངའ་སྡེ་དང་ཨོ་རི་ས། ཀར་ན་ཊ་ཀ ཨ་རུ་ན་ཅལ་སོགས་མངའ་སྡེ་ ༡༢ ཀྱི་བོད་མི་འདུས་སྡོད་ཀྱི་ས་ཁུལ་ཁག་དང་། བལ་ཡུལ་དང་ཨ་རི། ཁེ་ན་ཌ། ཡུ་རོབ་སོགས་ཀྱི་བོད་མི་འདུས་སྡོད་ཀྱི་ས་གནས་ཁག་ཅིག་བཅས་ཁྱོན་ས་གནས་ཁག་ ༤༠ ཙམ་དུ། མང་ཚོགས་ཚོས་ཕྱི་ལོ་ ༢༠༡༡ ལོའི་བཀའ་བློན་ཁྲི་པའི་ཚོད་ལྟའི་འོས་བླུགས་ཡོད།》བོད་མི་འདུས་སྡོད་ཀྱི་ས་གནས་ཁག་ཅིག་བཅས་ཁྱོན་ས་གནས་ཁག་ ༤༠ ཙམ་དུ། མང་ཚོགས་ཚོས་ཕྱི་ལོ་ ༢༠༡༡ ལོའི་བཀའ་བློན་ཁྲི་པའི་ཚོད་ལྟའི་འོས་བླུགས་ཡོད་པའི་གནས་ཚུལ་ཞིག་འཁོད་འདུག་ས་གནས་གཞན་དུ་བཀའ་ཁྲིའི་ཚོད་ལྟའི་འོས་བླུགས་ཡོད་སྲིད་ཀྱང་འདི་ག་བལ་ཡུལ་ནང་བཀའ་ཁྲིའི་ཚོད་ལྟའི་འོས་བསྡུ་ནི་ཕྱི་ཚེས་ ༣ ཉིན་ས་གནས་བུད་མེད་ཚོགས་པའི་ཚོགས་གཙོ་ནས་ཕྱི་ཚེས་ ༨ བུད་མེད་ཚོགས་པའི་གོ་སྒྲིགས་འོག་བཀའ་ཁྲིའི་ཚོད་ལྟའི་འོས་བླུགས་ཀྱི་ཡིན་གསུང་པ་ཇི་བཞིན་སྐུའི་འཁྲུངས་སྐར་ཉིན་འོས་བསྡུ་གནང་མེད་ཀྱང་དྲྭ་ཐོག་འདིར་འོས་བསྡུ་གྲུབ་ཚར་བའི་གནས་ཚུལ་བཀོད་པ་ནི་དྲངས་བདེན་མིན། དེ་ནི་གསར་འགོད་པའི་ཧོར་རྒྱུགས་ཞིག་ཡིན་པར་སེམས་པས་སླད་ནས་གསར་འགོད་པ་དག་ནས་ཅུང་ཐུགས་སྣང་རེ་གནང་དགོས་སྙམ་རེ་དོན་ཙམ་ལས་ཀླན་ཀ་རྩལ་བ་རྩ་བས་ནས་མིན་པས་དེ་ལུགས་དགོངས་ཞེས་ཚལ།
ཚོས་ལྟའི་འོད་བསྡུ་དེ་ལ་དགོས་པ་ཆེར་མི་མཐོང་། ངོས་ཀྱི་བསམ་པར་དོན་དངོས་ལ་ཁོང་གཉིས་བོད་མི་གནས་སྡོད་གང་སར་ཕེབས་ཏེ་མི་དམངས་མདུན་དུ་ལངས་ནས་སོ་སོའི་ལངས་ཕྱོགས་དང་བོད་དོན་ལ་འཛིན་པའི་སྲིད་འཇུས་སོགས་མི་དམངས་ལ་ཁ་གསལ་འགྲེལ་བཤད་བྱེད་དགོས་པ་ཞིག་མཐོང་།
སྐུ་ངོ་ཨ་ཚོགས་ཀླུ་གར་བྱམས་འོས་བསྡུའི་ཆ་ཤས་བཞེས་གནང་བར་ཕེབས་པ་འདི་ཧ་ཅང་ཡག་མོ་རེད། ཁོང་སྐབས་ ༡༥ པའི་སྤྱི་འཐུས་སུ་ཕེབས་པར་རྒྱབ་སྐྱོར་བྱེད་རྒྱུ་ཡིན།
དུས་བབ་ངོས་སུ་སླེབས་པའི་དྲ་གྲོགས་དག་གིས་མི་སྒེར་དང་ཚོགས་སྡེ་གང་གིས་ལས་འགུལ་ཞིག་བརྩམས་ནའང་དེ་ལ་ལྡོག་ཕྱོགས་ནས་འགྲེལ་བརྗོད་དང་། སྐྱོན་འཛུགས་ལས་མེད་པའི་རང་གཤིས་དེ་དུས་ནམ་ཞིག་ལ་ཡར་རྒྱས་སུ་འགྲོ་ཐུབ་བམ་་་་་་་་་་་་་་་་་་་་་་་་་
ད་རེས་ཀྱི་འོས་དེ་མཆོག་ལྷུངས་སུ་མ་སོང་བར་བླུག་གལ་ཆེན་པོ་རེད་འོས་བླུག་པ་ཙམ་གྱི་མེ་འགྲིག་ང་ཚོས་དོ་ནན་བྱེད་དགོས་
གང་ལྟར་ད་རེད་ཀྱི་བཀའ་ཁྲིའི་འོས་དེ་བླུག་པ་ཙམ་མིན་པར་མཆོག་ལྷུང་མེད་པ་ཞིག་དགོས་པ་གལ་ཆེན་པོ་རེད་་་་་་་་་་་
ཡག་པོ་ཡོང་བའི་སྨོན་ལམ་ཡོད་
བུད་མེད་ཚོགས་པའི་ཚོད་ལྟའི་འོས་བསྡུ་ཟེར་བ་འདི་ལ་དགོས་པ་ཆེར་མ་མཐོང་། བཀའ་ཁྲིའི་འོས་གཞིར་ཞུགས་ཐག་མ་ཆོད་བ་འགའ་རེ་ཡི་ཆབ་སྲིད་གྱི་འཕྲུལ་ཡིན་པ་འདྲ།
ང་ཚོད་ལྟའི་འིས་ཤོག་བླུག་སར་འགྲོ་སྐབས་དིས་ཚོད་དག་དག་ཞིག་མ་ཁེལ་བ་ཡིན་ནམ་གང་ལྟར་མི་མང་གི་འཚངས་ཀ་ཞེ་གྲགས་མི་འདུག་
ངའི་བསམ་པར་མི་དམངས་གི་འོས་བླུག་སར་འཚང་ཁ་ཤིག་ཤིག་བྱེད་རྒྱུ་རེད་བསམ་སོང་།
གང་ལྟར་བྱ་བ་ལམ་ལྷོང་ཡོང་ཡོད་པར་ཤོག
ཚོད་ལྟ་བྱས་ན་ན་འདྲ་མ་བྱས་ན་གང་ལྟར་ང་ཚོའི་བཀའ་བློན་ཁྲི་བ་དེ་མ་ནོར་བ་ཞིག་ངེས་པ་ཅན་དུ་གདམས་དགོས་པ་ལས་བྱས་བྱས་མང་པོའི་ཕན་ཐོགས་ཞིག་མེད་ངེས།
གསར་འགྱུར་རང་རེད།
ཅིག་མགྱོགས་ནོ་ད་གཞི་བདག་རེད།
སྤྱི་ཟླ་༣་པའི་བོད་ཀྱི་བང་ཆེན་དུ་བཀོད་པའི་བློ་བཟང་སེང་གེ་ལགས་ཀྱིས་མ་འོངས་བཀའ་ཁྲི་ཕེབས་ཕྱོགས་དང་འདས་པའི་བཀའ་ཁྲིའི་བརྒྱུད་རིམ་ངོ་སྤྲོད་ཅིག་ངས་མཐོང་སོང་། དེ་ནི་ང་ཚོ་མང་གཙོའི་བསྒྲིགས་ཁས་འཆེ་བ་ཞིག་གི་ངོས་ནས་དོ་སྣང་གནང་དགོས་པ་ཞིག་ངེས་པར་རེད་བསམ། འོན་ཀྱང་གཞུང་དང་གཞུང་འབྲེལ་མིན་པ་ཁག་དག་གིས་ད་དུང་གྲགས་འགུལ་གང་ཡང་ཡོད་པ་ངས་མཐོང་ཐོས་མ་བྱུང་། བུ་མེད་ཚོགས་པས་སྔོན་འགྲོ་དང་དངོས་གཞིའི་འོས་བསྡུ་གང་ཡང་མིན་པའི་ཚོད་བལྟ་འདི་སུ་ཞིག་གི་ཆེད་དུ་ཡིན་དང་དེའི་ནུས་པ་ཇི་ཞིག་ཐོན་གསལ་བཤད་ཅིག་མ་གནང་ན་ལས་དོན་འདི་ལ་སུན་སྣང་ལས་གཞན་ཚོར་བ་སྟེར་མི་ཐུབ། མ་འོངས་བཀའ་ཁྲིའི་འོས་བསྡུས་སྐབས་སུ་མ་མཐའང་བརྒྱ་༦༠་ཆ་ཤས་ལེན་ཐུབ་ཐབས་ཅིག་ལ་ཇི་འདྲ་བྱས་ན་དྲགས་དྲྭ་གྲོགས་ཚོས་ཐུགས་བསམ་རེ་ཞེས་རོགས།