བོད་བཙན་བྱོལ་གཞུང་གི་སྒྲིག་འཛུགས་འདི་གཙོ་ཆེར་གཞིས་ཆགས་དང༌། སློབ་གྲྭ ཚོགས་སྡེ་ཁག་དང༌། གྲྭ་ཚང་ཁག་བཅས་སྡེ་ཁག་གསུམ་གྱི་ཕྱོགས་ནས་འཚོ་གནས་ཐུབ་ཡོད།
ཞན་ཆ་གཙོ་བོར་འཛིན་པའི་ཆ་ནས་བཤད་ན། དང་པོ་གཞིས་ཆགས་ཁག་ནི་སྤྱི་ལོ་༡༩༩༡ ཙམ་ནས་དེ་རིང་བར་ལོ་རེ་ནས་ལོ་རེར་དངངས་འཚབ་དང་བྲེལ་འཚུབ་ཀྱི་རྣམ་པ་ཇེ་ཆེར་འགྲོ་གིན་ཡོད། དེ་ནི་གཡས་གཡོན་གང་སར་འཕུར་མཁན་མང་བས་གཞིས་ཆགས་སུ་འདུག་མཁན་མེད་པ་དེ་རེད། ནུབ་ཕྱོགས་དང་རྒྱ་གར་གྲོང་ཁྱེར་ཁག་ཏུ་གནས་བཅའ་བ་རྣམས་ལོ་རེའི་གུང་སེང་ཙམ་མ་གཏོགས་ཕལ་ཆེར་གཞིས་ཆགས་སུ་སླེབས་ཀྱིན་མེད། སློབ་གྲྭ་བ་རྣམས་ཀྱང་དེ་ལྟར་རེད། ཞེན་ཆགས་བྱེད་ཡུལ་དང་ཡོང་དགོས་པའི་རྒྱུ་མཚན་མེད་དེ། ས་ཆའི་གནས་བབ་ཞན་པ་དང་འཚོ་བའི་རྟེན་གཞི་མེད་པས་ཡིན། ད་ལྟ་གཞིས་ཆགས་ཁག་ཏུ་ལུས་ཡོད་པ་ནི། ཁང་པ་སྲུང་མཁན་གྱི་རྒན་རྒོན་ཚོ་དང་བྱིས་པ། དེ་མིན་སློབ་གྲྭའི་གོ་སྐབས་ཤོར་སོང་བ་རེ་འགའ་མ་གཏོགས་མེད།
སློབ་གྲྭ་ཁག་ནས་མ་སུ་རི་སློབ་གྲྭ་དང་བོད་ཁྱིམ་སློབ་གྲྭ་ནི་གཞི་རྒྱ་ཆེ་ཤོས་རེད། མ་སུ་རི་སློབ་གྲྭར་བརྒྱ་ཆ་བརྒྱད་ཅུ་ཙམ་བོད་ནས་སླེབས་པ་དང་བོད་ཁྱིམ་དུ་ཡང་ཅུང་འདྲ་མཚུངས་རེད། དེང་བོད་ནས་སླེབས་མཁན་ཉུང་སྟབས་གཞིས་ཆགས་ཁག་དང་ཧི་མ་ལའི་རི་རྒྱུད་ཀྱི་ཕྲུ་གུ་མང་དུ་ཕྱིན་ཡོད་སྐད། སྤྱི་ཡོངས་ནས་བོད་པ་ནུབ་ཕྱོགས་སུ་སྡོད་པ་དང་དཔལ་འབྱོར་དཀའ་ངལ་མེད་པའི་རྒྱ་གར་གྲོང་ཁྱེར་ཁག་ཏུ་སྡོད་མཁན་རྣམས། སློབ་ཕྲུག་ས་གནས་སོ་སོའི་སློབ་གྲྭར་གཏོང་བ་ལས་བོད་པའི་སློབ་གྲྭར་གཏོང་གི་མེད། དེར་བརྟེན་བོད་པའི་སློབ་གྲྭ་ཁག་ཏུ་སློབ་ཕྲུག་ཇེ་ཉུང་རེད། དཔེར་ན་སློབ་གྲྭ་རྙིང་གྲས་དང་ལེགས་གྲས་ཌལ་ཧོར་སློབ་གྲྭ་ལྟ་བུ་ད་ལྟ་སྒོ་རྒྱག་ལ་ཉེ་བར་ཐུག་ཡོད།
ཚོགས་སྡེ་ཁག་ནི། གཞུང་འབྲེལ་མ་ཡིན་པའི་སྡེ་ཁག་རྣམས་ཡིན། ཚོགས་མི་ཡོད་པ་ཙམ་ལས་ཚོགས་མིའི་འགན་ཁུར་ལེན་མཁན་དང་ཚོགས་མིར་གསར་ཞུགས་བྱེད་མཁན་ཉིན་རེར་ཇེ་ཉུང་རེད། ཚོགས་པ་ལ་ལས་ད་དུང་ཞལ་འདེབས་སློང་བ་བཞིན་སྒོ་ཐེམ་རེ་རེར་ཚོགས་མི་བསྡུ་བར་འགྲོ་གི་ཡོད་ཀྱང་འཛུལ་མཁན་མེད། དེ་ལྟར་ཡིན་གཤིས་ཚོགས་པ་ཁག་གི་ཡན་ལག་རྣམས་རིམ་པར་མིང་ཙམ་མ་གཏོགས་ནུས་མེད་རང་ཡིན། དཔེར་ན་ཨོ་རི་ས་གཞིས་ཆགས་ཀྱི་ས་གནས་གཞོན་ནུ་ལྟ་བུ་ད་ལྟ་སྒོ་བརྒྱབ་ཡོད་སྐད་འདུག དེ་ནི་རྒྱུ་མཚན་གཅིག་ཚོགས་པ་ཁག་གིས་རང་གཞན་གཉིས་ཀར་ཕན་གྱི་མེད་པའི་འབྲས་རྟགས་རེད།
གྲྭ་ཚང་ཁག་ནང་སྤྱི་ཡོངས་ནས་གྲྭ་བཙུན་ཇེ་ཉུང་དང༌། ལྷག་དོན་བོད་པ་ཇེ་ཉུང༌། ཧི་མ་ལ་ཡ་རི་རྒྱུད་ཀྱི་མི་ཅུང་ཇེ་མང་ཡིན་པ་ནི་ས་རིས་ཐང་གསལ་རེད། ལོ་རབས་དགུ་བཅུའི་ནང་གྲྭ་ཚང་ཁག་གི་བསྟན་པ་རྫོགས་ལྡན་རེད། ད་ནི་གཞིས་ཆགས་ནས་འཛུལ་མཁན་མེད་ལ་བོད་ནས་ཡོང་མཁན་ཇེ་ཉུང་ལ་སོང་། ལོ་རེར་སྐྱ་ཆད་སྔོ་སྡུག་ཏུ་འགྱུར་གྱིན་ཡོད། བོད་ནང་ཡོང་མཁན་ཇེ་ཉུང་ནི། ཕྱོགས་གཅིག་ནས་དགོས་པ་མེད་པ་དང་གཉིས་ནས་རྒྱ་གཞུང་གི་དམ་དྲགས་ཆེ་བས་ཡིན།
ད་ལྟ་གཉན་འཕྲང་ཅན་གྱི་དུས་བབ་འདིར། འབྱུང་འགྱུར་གྱི་བཀའ་སྤྱི་སུ་ཞིག་གིས་སྒྲིག་འཛུགས་འདི་དག་སྲུང་སྐྱོབ་ཇི་ལྟར་བྱེད་ཐུབ་བམ། སུ་ཞིག་ལ་འཇོན་ནུས་ཡོད། འཆར་གཞི་གང་ཞིག་ཡོད། ལོ་ཇི་ཙམ་ནང་འགྱུར་བ་གཏོང་ཐུབ་བམ། བཀའ་སྤྱི་གཉིས་སུ་འོས་པའི་མི་དེ་སུ་རེད་སུ་འདུག བསམ་གཞིག་གྱིས་བགྲོ་གླེང་བྱོས།།
༼རྩོམ་སྒྲིག་པའི་མཆན། རྩོམ་པ་པོའི་རེ་སྐུལ་ལྟར་སྨྱུག་མིང་བཀོལ་བ་ཡིན།༽
ཟ྄ླ་བ་ལ྄ྷ་མོའི་བསམ་ཚུལ་ཡང་དག་རེད།།
ཟ྄ླ་བ་ལ྄ྷ་མོར་བོད་ཞེན་ཆེ་ན་འང་།།
ཟ྄ླ་བའི་འོད་ཟེར་ར྄ྣལ་མ་ཇི་ལ྄ྟར་འཕ྄ྲོས།།
ཟ྄ླ་བ་ལ྄ྷ་མོ་ཁ྄ྱེད་གསུང་ར྄ྒ྄ྱབ་ས྄ྐ྄ྱོར་ཡོད།།
ང་ནི་བལ་ཡུལ་ཕ྄ྱོགས་ཀ྄ྱི་བོད་མི་ཞིག།
བོད་ཀ྄ྱི་བཀའ་ཁ྄ྲི་གདམ་པར་དེ་བས་དགའ།།
འོན་ཀ྄ྱང་ང་ཚོའི་བསམ་ཇི་བཞིན་དུ་།།
ཡོང་མིན་བོད་མི་ཀུན་ག྄ྱི་འོས་འགན་ཡིན།༎
ཕ྄ྲན་ག྄ྱི་ཡང་ས྄ྐ྄ྱར་ནན་ག྄ྱིས་ཞུ་ར྄ྒ྄ྱུ་ནི།།
བོད་མི་ར྄ྒན་གཞོན་ཀུན་ག྄ྱི་བསམ་གཞིགས་ཀ྄ྱིས།།
ཀ྄ླད་པའི་ས྄ྒོ་མོ་ཡངས་པོར་ཕ྄ྱེ་བཞིན་དུ།།
བཀའ་ཁ྄ྲིར་འོས་པ་བ྄ློ་བཟང་སངས་ར྄ྒ྄ྱས་ཡིན།།
ཚོད་ལ྄ྟའི་འོས་བས྄ྡུའི་ནང་གི་མི་ས྄ྣ་གཞན།།
བཀའ་ཁ྄ྲིའི་ས་མིག་དེ་རུ་མི་འོས་པ།།
ངས་ཀ྄ྱང་མ་བཤད་ན་འང་གསལ་ཀུན་ག྄ྱིས་ཤེས།།
དེ་ལ྄ྟར་བོད་མི་ར྄ྒན་གཞོན་ཐམས་ཅད་ཀ྄ྱིས།།
བ྄ློ་སེམས་གཅིག་ཏུ་ས྄ྒ྄ྲིལ་ནས་བཀའ་ཁ྄ྲི་གདམ།།
དམངས་གཙོ་ཀ་བ་གསུམ་ཞེས་བརྗོད་པ་གྲགས།།
གདམ་བྱའི་ཀ་ཁྲི་མི་དམངས་སྤྱི་འཐུས་སོགས།།
དྲང་ལྡན་གཙུག་ཏུ་བཟུང་ནས་གདམ་པ་ལས།།
ཕྱོགས་རིས་ཡུལ་ཕྱོགས་བསམ་ནས་གདམ་པ་ན།།
དམངས་གཙོ་མ་ཡིན་རྨོངས་གཙོ་ལམ་དུ་ལྷུང་།།
དོན་འདི་ཚང་མའི་ཡིད་ལ་འཇགས་པར་འཚལ།།
བོད་ནས་གསར་དུ་ཕེབས་མཁན་མེད་པས་གྲྭ་ས་དང་སློབ་གྲྭ་ཁག་སྟོང་ལ་མྱུར་བ་འགྱུར་གྱི་འདུག་ཟེར་ནས་སེམས་འཁྲུལ་བྱེད་དགོས་དོན་གང་ཡོད་དམ།
བཙན་བྱོལ་བོད་གཞུང་གིས་བོད་ནས་ཕེབས་མཁན་མི་དགོས་ཟེར་ནས་ཕྱིར་བོད་ཏུ་ལོག་བཏང་བའི་ལས་འགུལ་སྦེལ་ནས་རྒྱུན་རིང་པོ་མ་ཡིན་ནམ། དགོས་ན་བོད་ཏུ་ཕྱིར་ལོག་བཏང་གི་མ་རེད་པྭ།
མི་དགོས་ནས་མ་སུ་རིའི་སློབ་ཕྲུག་ཚོ་ཡང་བལ་ཡུལ་མ་གཏོགས་བསྐྱལ་བ་མ་ཡིན་ནམ།
གཉིས་ནས་བོད་གཞུང་གི་སློབ་གྲྭ་ཁག་གི་ཤེས་ཡོན་སློབ་སྟངས་ཡག་པོ་མེད་པས་བོད་ཕྲུག་མང་པོའི་བོད་ཡིག་བོད་ཡིག་ཡག་པོ་ཞིག་མ་ཤེས་ཨིན་ཡིག་ཨིན་ཡིག་གཏོང་ཡིག་ཙམ་ཡང་ཡག་པོ་ཞིག་འབྲི་མི་ཐུབ་པ་ཆགས་པས་བཀའ་ཁྲི་ཡིས་བོད་རྒྱ་ཆེ་མི་མང་ལ་དགོངས་དག་ཞུས་པ་མ་རེད་པས།
གསུམ་ནས་ཧ་མ་ལ་ཡའི་རི་རྒྱུད་ཀྱི་མི་རིགས་འདི་ནི་བོད་མི་རང་རེད། འདི་ཚོ་ལ་བོད་མི་མ་རེད་ཕྱི་མི་ཞིག་རེད་བསམ་མཁན་ཚོའི་གཅིག་ནས་བོད་ཀྱི་ལོ་རྒྱུས་མ་རྟོགས་པ་དང་གཉིས་ནས་བློ་རྒྱ་ཆུང་དྲགས་པར་རེད་སྙམ།
ཧ་མ་ལ་ཡའི་རི་རྒྱུད་ཀྱི་བོད་རིགས་སྤུན་ཟླ་ཚོ་བོད་པ་མིན་པས་རྒྱུ་མཚན་འདྲ་ཡོད་དམ། ངས་ལྟས་ན་འདི་ཚོ་ནི་བོད་རིགས་རེད་ལ་བོད་པ་ཡང་རེད། ང་ཚོང་དང་ཁ་བྲལ་ཐབས་མེད་པའི་ཆོས་དང་སྐད་ཡིག་རིག་གཞུང་བཅས་ཀྱིས་འདྲེས་ནས་བསྡད་ཡོད་དོ།
བཀའ་བློན་ཁྲི་བ་ནི་ད་ལྟ་གདམ་ཀ་དང་བགྲོ་གླེང་གནང་བཞིན་པའི་སྐབས་རེད།
ང་རང་གི་བཀའ་བློན་ཁྲི་བའི་འོས་མི་དེ་གསལ་འདོན་མི་བྱེད་པར་ལྷན་ཁང་ཁག་གི་བཀའ་བློན་ལ་འོས་པའི་མཐོང་སྣང་ཞིག་འབྲི་རྒྱུ་ཡིན།
དཔལ་འབྱོར་བཀའ་བློན་སྤྱི་འཐུས་ཚོགས་གཙོ་སྤེན་པ་ཚེ་རིང་ལགས།
ནང་སྲིད་བཀའ་བློན་ནང་སྲིད་དྲུང་ཆེ་དངོས་གྲུབ་རྡོ་རྗེ་ལགས།
བདེ་སྲུང་བཀའ་བློན་འབྲོང་ཆུང་དངོས་གྲུབ་ལགས་རང་འཇགས།
ཕྱི་དྲིལ་དང་དྲིལ་བསྒྲགས་བཀའ་བློན་བློ་བཟང་སེང་གེ་ལགས།
འཕྲོད་བསྟེན་བཀའ་བློན་རྒྱ་རི་སྒྲོལ་མ་ལགས།
ཤེས་རིག་བཀའ་བློན་ཨ་མ་རྗེ་བཙུན་པདྨ་ལགས།
ཆོས་རིག་བཀའ་བློན་ཨཅརྱ་ཡེ་ཤེས་ཕུན་ཚོགས་ལགས།
གོང་གི་བཀའ་བློན་གྱི་འོས་མིའི་ནང་གི་ཁག་ཅིག་བཀའ་བློན་ཁྲི་བའི་འོས་མིར་གཞེངས་བཞིན་ཡོད་མོད། གལ་སྲིད་བཀའ་བློན་ཁྲི་བར་མ་འཁེལ་བའི་དབང་དུ་བཏང་ན་འདི་ལྟར་འོས་བབ་ཞིག་མཐོང་བཞིན་ཡོད།
lR.- 0:A- 3J- tJ- $8R3- .$R?,
སོ་སོའི་སེམས་ལ་གང་ཤར་བ་དེ་ནི་ཕ་རོལ་མིག་གི་ཁ་ཟས་ཀྱི་མཆོད་པའི་སྡེར་ཀར་བཤམས་ན།ང་ཚོས་སྔོན་མ་ནས་བཤད་ཀྱིན་པའི་རང་ཚུགས་ཅན་གྱི་མི་བུའིི་རིན་ཐང་དང་རྒྱང་ཐག་ཆོད་འགོ་བརྩམས་པ་རེད།-ངས་འདི་ལྟར་བཤད་ན་ཁག་ཅིག་གིས་རང་ཚུགས་ཅན་ནི་ཨུ་ཚུགས་ཀྱི་ལྟ་བ་ལ་གོ་སྲིད་མོད། དེ་ནི་ཨུ་ཚུགས་མ་ཡིན་པར་མི་བུའི་འབད་བརྩོན་གྱི་ནུས་ཤུགས་ལ་བརྟེན་ནས་འཇོན་ཐང་གི་གཟི་འོད་ཅིག་ལ་གོ་དགོས།དེ་འདྲ་བའི་འཇོན་ཐང་གི་གཟི་འོད་དེ་ནི་དཀའ་སྤྱད་འབད་བརྩོན་མེད་པར་བདེ་པའི་མལ་དུ་གཟིམ་ནས་བསྡད་པ་ཡིན་ན། ཟག་ལུས་ཀྱི་ཕུང་པོ་ལ་རྣམ་ཤེས་ཀྱི་སྲོག་དབུག་ཞུགས་པའི་དགོས་པ་གང་། དེ་ལྟར་ལེ་ལོ་དང་སྒྱུད་ལུག་གི་འདམ་རྙོག་ནས་ནམ་གཡེང་གི་ལྕོགས་སྒྲོག་ཏུ་ཚུད་ན། རིན་ཐང་ལྡན་པའི་ལུས་ཕོང་དེ་གཟི་འོད་འབར་པའི་འཇོན་ཐང་གི་འོད་ཟེར་ག་ལ་འཕྲོས། རང་ཚུགས་ཅན་ཟེར་ན་མི་བུ་རང་འགའ་བའི་ཁྱད་ཆོས་ཀྱི་མ་ལག་ཅིག་ལ་ཟེར། དཀར་ངོགས་ཀྱི་འཇིག་རྟེན་འདི་ལ་ཐེངས་གཅིག་འགྲིམས་པའི་དོན་སྙིང་ཡང་ཡིན། དེ་འདྲ་ཡིན་དུས་བརྗོད་པར་དཀའ་པའི་རིན་ཐང་གི་མ་ལག་དེ་ཚོ་སྲུང་སྐྱོབ་བྱེད་པའི་ཆེད་དུ་ངེས་པར་དུ་གང་བྱུང་ཁ་ནས་བཤད་ན་རྙོག་དྲའི་གཞི།ཞེས་པའི་དོན་སྙིང་ཁ་ཚ་དགོས་གཏུགས་དེ་ཡིད་ལ་བརྟན་པོར་འཛིན་དགོས་པ་མི་བུའི་ལང་ཚོའི་རིན་ཐང་ཉག་ཅིག་ཡིན།
སྒྲུབ་གཉིས་སྤོང་བའི་ཤཀྱྰ་སེང་གེ་ཡིས༎
སྲིད་པའི་འཁོར་བ་དུག་སྦྲུལ་ཚང་རེད་གསུངས༎
དེར་གནས་སྐྱེ་བུའི་མ་རིག་རྨོངས་པ་ཡིས༎
ཁ་བདེ་བཤད་ཀྱང་རང་དོན་ཁོ་ནའི་ཆེད༎
དོན་ཚན་གསུམ་ཡོད།
༡། ང་ཚོས་བཀའ་ཁྲི་འཚོལ། བཀའ་ཁྲི་དེ་ཡང་ཁོང་གི་ཕྱག་རོགས་བཀའ་བློན་འཚོལ་ཤེས་མཁན་ཞིག་འཚོལ། དཔེར་ན། དབུས་ཕྲུག་ཚེ་རིང་གིས་བཤད་པ་ཇི་བཞིན། ང་ཚོར་ཐད་ཀའི་དཀའ་ངལ་འཕྲད་ས་དེར་ལས་ཀ་བྱེད་མཁན་གྱི་ནང་སྲིད་བཀའ་བློན་དང་། ཆོས་དོན་བཀའ་བློན། ཤེས་རིག་བཀའ་བློན་བཅས་མི་ཤེས་འཇོན་ཡོད་མཁན་དག་དགོས་ཀྱི་འདུག
ངའི་བསམ་ཚུལ་ཡིན་ན། དེ་ལས་ལྷག་པ་ཞིག་ལ་ཕྱི་དྲིལ་བཀའ་བློན་རྩེ་གྲས་ཤིག་དགོས་ཀྱི་འདུག
ད་ལྟའི་བཅའ་ཁྲིམས་ཀྱི་འོག་ཏུ། ང་ཚོས་བཀའ་ཁྲི་གཅིག་པུ་མ་གཏོགས་བཀའ་བློན་ལས་རོགས་ཚོ་འཚོལ་མི་ཐུབ། དེ་ང་ཚོས་བཙལ་བའི་བཀའ་ཁྲི་ཁོ་རང་གིས་འཚོལ་དགོས་པ་རེད།
༢། གྲོས་ཚོགས་ཀྱི་ནང་ནས་ང་ཚོར་ད་དུང་འགྱོད་པ་མང་པོ་སྐྱེས་རྒྱུ་ཡིན་པ་གཏན་འཁེལ་འདྲ་བོ་རེད། ང་ཚོས་ཆོ་ངེ་མང་པོ་འདོན་བཞིན་དུ་སྔར་གྱི་མི་དེ་དག་མ་གཏོགས་རྙེད་གི་མེད། དེ་དག་གི་དབང་དང་ཤུགས་རྐྱེན་འོག་ནས་ང་ཚོ་ཐར་ཐབས་མི་འདུག ཡིད་མི་ཆེས་ད་ཕན་ཆོལ་ཁ་དང་ཚོགས་སྐྱིད་བཅས་ནས་བཏོན་པའི་འོས་ལ་གཟིགས་རོགས།
༣། དབུས་ཕྲུག་ལགས། བོད་པ་ཚོས་ནུབ་ཕྱོགས་ནས་རྒྱུ་བཙལ་ཏེ། ཕྱུག་པོ་ཆགས་ཚར་རྗེས་ཕྱིར་འཁོར་ནས་མི་ཚེ་སྐྱེལ་ས་དེ་བོད་དང་རྒྱ་བལ་འབྲུག་གསུམ་ལྟ་བུ་ཞིག་ལ་རྨི་ལམ་གཏོང་གི་ཡོད་རབས་འདུག
བོད་པ་ཚོ་ནུབ་ཕྱོགས་ལ་དངོས་སུ་འགྲོ་མགོ་བརྩམས་ནས་ད་དུང་ལོ་ ༢༠ ལས་ཕྱིན་མེད། མ་མཐར་ཡང་ལོ་ ༤༠ ནས་ ༥༠ བར་དུ་ཁོང་ཚོ་ཕྱིར་འཁོར་ཐུབ་གི་མ་རེད། དེའི་རྗེས་ནས་བོད་པ་མང་པོ་ཞིག་གི་ཀླད་པ་དང་གློ་ཁུག་གཉིས་ཆ་ཁ་གང་ནས་ཕྱིར་ལོག་ཡོང་བའི་རེ་བ་ཡོད། ཁོང་ཚོ་ཕྱིར་བསླེབ་བར་དུ་ང་ཚོས་ས་བཟུང་ནས་འདུག་དགོས་པ་རེད།
དེ་ཡིན་སྟབས་ང་ཚོས་ད་དུང་ལོ་ ༢༠ ནས་ ༣༠ ལ་སྒུག་དགོས་ཀྱི་འདུག དེའི་བར་དུ་འར་བསྟེན་ས་རེད་དམ།
ད་ཡིན་ན་བཀའ་སྤྱི་སུ་སླེབས་ཀྱང་བྱ་བ་བསྒྲུབ་རྒྱུ་ཧ་ཅང་མང་གི། ལས་འགན་འདི་དག་རྒྱབ་ཏུ་ཁུར་ནུས་མཁན་གྱི་བཀའ་བློན་དེ་གང་ན་ཡོད་དམ།
དབུས་ཕྲུག་ཚེ་རིང་གི་བརྗོད་ཚུལ་འདིའི་ཐད་བོད་མིའི་གཤིས་རྒྱུད་དང་རིག་གཞུང་གཅེས་ཉར་མ་ཐུབ་པའི་སྐྱེ་བོ་ག་ཚོད་ཙམ་ང་ཚོའི་གཞིས་ཆགས་ཁག་ནང་ཡུན་རིང་གནས་སྡོད་བྱས་ཚེ་གནས་ཆོག་པ་ཞིག་རྒྱ་གར་གཞུང་གིས་བཞག་གི་རེད་དམ། སྐྱེ་རྒ་ན་འཆི་ནི་མིའི་ཆོས་ཉིད་ཡིན་པ་དང༌། 1991་ལོ་ཙམ་ནས་བོད་མི་ཕྱིར་ཐོན་བྱེད་པའི་འགོ་བཙུགས་པ་རེད། བོད་མི་ས་ཆ་ཐང་ཡངས་པོ་ཞིག་ཏུ་རང་དབང་སྤྱོད་འདོད་ཡོད་ལ། གཤོག་རྩལ་ངོམས་ཏེ་འཛམ་གླིང་གི་རྒྱས་སྤྲོས་ཆེ་བའི་སྤྱི་ཚོགས་ནང་དུའང་མགོ་བོ་བཅུག་འདོད་བྱ་གི་ཡོད། དེ་ནི་ཡག་རྟགས་ཤིག་རེད། དགོས་མེད་ཀྱི་གཞིས་ཆགས་གྲངས་མང་ཞིག་གྲངས་ཀ་བརྩི་རྒྱུ་ཙམ་དུ་བསྡད་དེ་ག་རེ་ཡོད་པ་རེད་དམ། དེ་ལས་ཁོང་ཚོ་ཐོན་ཕྱིན་ན་དགའ་བ་ཡོད་པ་དེ་རེད། གཞིས་ཆགས་དགོས་མེད་དང་སློབ་གྲྭ་དགོས་མེད་སྒོ་བརྒྱབ་སྟེ་དེ་དག་གི་ས་བོན་དུ་ཨ་རི་སོགས་སུ་བོད་མིའི་གྲོང་ཚོ་གསར་རྒྱག་བྱ་རྒྱུའི་འཆར་གཞི་འགྲོ་བཞིན་པ་རེད། རྒྱ་གར་ལུང་པའི་ནང་ང་ཚོ་ལོ་ལྔ་བཅུ་བསྡད་དེ་གང་སར་ཉམས་མྱོང་ལེན་ཡོད་པ་རེད། ད་ལྟ་ང་ཚོས་དེ་ནས་ཐོན་ཏེ་ས་གནས་གཞན་ཞིག་ཏུ་སླར་ཡང་ལོ་ལྔ་བཅུ་བསྡད་དགོས་བྱུང་ཡང་ང་ཚོར་སྒྲིག་འཛུགས་དང་སྤྱི་ཚགོས་ཀྱི་གྲུབ་ཆ་བཙན་བྱོལ་བ་གཞན་དང་བསྡུར་ཐབས་མེད་པ་ཞིག་ཡོད་པ་དེ་རྒྱ་གར་གཅིག་པུའི་ནང་རྒྱ་སྐྱེད་བྱ་རྒྱུ་མ་ཡིན་པར་འཛམ་གླིང་ཡུལ་གྲུ་ཁག་ནང་ང་ཚོའི་གཞིས་ཆགས་ལྔ་བཅུ་ལྷག་ཙམ་ཁ་གཏོར་ཏེ་འཛམ་གླིང་ལ་ཁྱབ་ཐུབ་པའི་སྒྲིག་འཛུགས་གསར་པ་ཞིག་བཙུགས་ཐུབ་མཁན་གྱི་བཀའ་ཁྲི་དང་སྤྱི་འཐུས་ཚོ་འདེམས་དགོས་པ་རེད་ཅེས་བཤད་ན་མཚམས་པོ་འདུག གང་ལྟར་རྒྱ་གར་ང་ཚོ་བཀའ་དྲིན་ཆེན་པོ་རེད། ཡིན་ནའང་རྒྱ་གར་ལ་མི་འབོར་མང་བ་དང་ཡར་རྒྱས་འགྲོ་བའི་དུས་ཚོད་ནང་ང་ཚོས་ས་ཆ་ཟིན་པ་དང་ཐོབ་ ཐང་དགོས་མདོག་མ་བྱས་པར་ལོ་ལྔ་བཅུ་ཙམ་གནས་ཚང་གཡར་བ་དེར་ཐུགས་རྗེ་ལེགས་འབུལ་ཞུས་ཏེ་བོད་མི་རྣམས་འཛམ་གླིང་དུ་འགྲམ་སྟེ་ཨ་རི་གཙོས་པའི་ནུབ་ཕྱོགས་རྒྱལ་ཁབ་ཞིག་ནང་རྟེན་གཞི་ཆེ་ཙམ་བཙུགས་ཐབས་བྱ་དགོས། དེ་ལྟར་མ་བྱས་ཚེ་མུ་མཐུད་ལོ་ལྔ་ཅུ་ད་དུང་རྒྱ་གར་དུ་གཞིས་ཆགས་རྒྱ་ཆེ་རུ་གཏོང་རྒྱུ་དང་སློབ་གྲྭ་མང་དུ་གཏོང་དགོས་པ་མ་རེད་ལ། ཡོད་པ་དེ་དག་ཀྱང་རིམ་པས་མཁོ་བསྡུ་བྱས་ན་འགྲིག་པ་རེད། གནས་ས་སྤོ་རན་ཡོད། རྒྱ་མིས་བལ་པོ་བསྣན་ཟིན་ཏེ་ཉོས་ཟིན་པ་དང༌། རྒྱ་གར་དང་མཐུན་ཕྱོགས་ཀྱི་ཕྱོགས་སུ་བསྒྲིལ་ཐབས་བྱེད་པར་པ་ཀི་སི་ཐན་དུ་མེ་འཁོར་ལྕགས་ལམ་བཙུགས་ཏེ་མི་འབོར་སྤོ་བཤུད་ཀྱི་ཐོག་ནས་རྒྱ་གར་ནང་རྒྱ་མིའི་ཤུགས་རྐྱེན་གང་མཚམས་སླེབས་སྐབས་འདྲིས་གཤིབས་བདེ་བའི་ང་ཚོའི་བོད་མི་རྣམས་སླར་ཡང་རྒྱ་མིའི་བཅོས་མའི་འཁྲབ་ཚན་ལ་མགོ་འཁོར་ནས་སྲ་བརྟན་གྱི་སྤྱི་ཚོགས་ཤིག་གནས་ཐབས་མེད་པར་རྒྱ་མིས་བཟོ་འཆར་ཡོད་སྟབས་ངེས་པར་ང་ཚོའི་རྟེན་གཞི་གཙོ་བོ་དེ་ནུབ་ཕྱོགས་ཡུལ་གྲུ་ཞིག་ཏུ་སྤོས་ཏེ་བཙན་བྱོལ་བོད་མི་རྣམས་གནས་ཚང་ལས་ཐོན་ཏེ་རང་ཚུགས་ལྡན་པའི་ཐོག་ནས་ནུབ་ཕྱོགས་ཡུལ་གྲུ་ཞིག་ནང་ཉམས་མྱོང་བསགས་ན་ལེགས་པ་མཐོང་ཞིང༌། དེར་གཞོགས་འདེགས་བྱ་མཁན་བཀའ་ཁྲི་དང་སྤྱི་འཐུས་དེ་དག་ཀྱང་དེ་ལྟའི་ལམ་སྟོན་ཐུབ་པ་ཞིག་དགོས་པ་ལས། རྒྱ་གར་གཅིག་པུའི་ནང་ཉམ་ཆགས་འགྲོ་བཞིན་པའི་སྐྱོ་གླུ་བཤའ་མ་ལེན་ཏེ་བཙན་བྱོལ་གྱི་སྒྲིག་འཛུགས་ཉིན་ཤས་ནང་འགྱེལ་གྲབས་ཡོད་པའི་འར་གཏམ་དེ་མ་ཤོད་རོགས།